Lehen urratsak

GUAU | EITB Audio

Kirolari ezagunek egun egiten duten kirolean eman zituzten lehen urratsak eta horren zergatiak azaltzen dizkigute aurrez aurreko elkarrizketa lasaian.

  1. 08/23/2021

    21. Juan M. Erasun: 'Behartuta, baserria aurrera ateratzeko, hasi nintzen segan'

    Juan Manuel Erasun (Aia, Gipuzkoa, 1963) herri kirolari aski ezaguna da, segan eta aizkoran hogei urte luzez aritutakoa. Bederatzi urte zituela, aita gaixotu eta baserrian laguntzeko beharrak bultzatu zuen sega hartzera. Hamahiru urte beranduago egin zuen lehen sega apustua, auzoko lagun batzuen arteko lehiak bultzatuta. Aizkoran beranduago hasi zen, kirol horrekiko grina betidanik izan bazuen ere.Erasunek podcastean aitortu digu, "laguntzaile on asko" izan dituela bidean eta "horri esker" egin ahal izan duela bere kirol ibilbidea. 2005ean hartu zuen behin betiko erretiroa.

    21. Juan M. Erasun: 'Behartuta, baserria aurrera ateratzeko, hasi nintzen segan'

  2. 07/06/2021

    20. Oihana Azkorbebeitia: ''Beti izan dut mendirako joera''

    Mendi lasterkaria da Oihana Azkorbebeitia (Abadiño, 1981) eta Euskal selekzioko kidea 2006tik. Gurasoak Anbotopekoak dira eta beti egon da mendiarekin eta naturarekin harremanetan. Haur zela atletismoan hasi zen eta bazuen korrika ibiltzeko joera, baina koinatu batek xaxatuta hasi zen mendian lasterka.Bere burua ondo ezagutzen du eta bere kasa egiten ditu entrenamenduak "sentsazioen arabera". Albaitari gisara ateratzen du bizimodua eta zaletasun gisara hartzen du mendi lasterketa. Helmugara "irribarra ezpainetan iristea" jartzen du helburu gisara. Irabazi edo galdu "beti irabazten da" esan dio podcastean Naiara Olaizolari.

    20. Oihana Azkorbebeitia: ''Beti izan dut mendirako joera''

  3. 07/06/2021

    19. Bixente Oiartzabal: Txikitako lagunik onenak, baloia eta elizako pareta

    Bixente Oiartzabal (Urrestilla, 1964) "kasualitatez" izan zen futbolaria. Gazte mailan Lagun Onak taldetik kanpo geratu ostean hutsuneak betetzeko deitu zioten eta han aldatu zen bere kirol ibilbidea. Herriko taldean nabarmendu ostean Anaitasunan jokatu zuen eta handik Eibarrera egin zuen salto.Guztira hamaika denboralditan defendatu zuen armaginen elastikoa. Hamaika urte "zoragarri" izan ziren. "Arlo ekonomikoan ez nuen asko irabazi baina beste gauza asko eman dizkit futbolak" aitortu dio "Lehen urratsak" podcastean Haritz Gallastegiri.

    19. Bixente Oiartzabal: Txikitako lagunik onenak, baloia eta elizako pareta

  4. 07/06/2021

    18. Karmele Gisasola: ''Txikitan ez nuen gura herri kirola; emakumerik ez zen''

    Karmele Gisasolak herri kirola barru-barruan darama. Txikitatik zuen gustukoa, baina ez zuen plazan ikusten kirol horretan emakumezkorik eta horrek egiten zion atzera aurreneko unean. Nolanahi, harri jasotzen hasi zen baina egun beste hainbat herri kiroletan aritzen da. "Hamazazpi urterekin egin nuen lehen plaza, baina umetatik aritu naiz".Haritz Gallastegiri esan dio argi daukala zeintzuk izan beharko luketen herri kiroletan emakumeek epe laburrera izan behar dituzten erronka nagusiak: "Herri kirola ez da genero edo adin kontua. Denok egin ditzakegun kirolak osatzen dute herri kirola" garbi utzi dio.

    18. Karmele Gisasola: ''Txikitan ez nuen gura herri kirola; emakumerik ez zen''

  5. 07/02/2021

    17. Maider Unda: ''Ez dakit nola egiten nuen goi mailan egoteko''

    Maider Undak (Gasteiz, 1977) txikitatik izan du gustuko kirola egitea eta gaur egun ere hurbiletik jarraitzen du kirol mundua nahiz ikusmira oso diferentea den "barruan egon edo kanpoan". Borroka librean aritutako kirolariak Londresko Olinpiar Jokoetan brontzezko domina eskuratu zuen, baina 2016an goi mailako kirola utzi zuenetik ez du inbidiarik izan, "oso ziur egon behar da zentratzeko". Eskarmentuak erakutsi baitio zenbat saiatu behar den puntan ibiltzeko.Bederatzi urte zituenean hasi zen borroka askea probatzen. Aitortzen du, neskentzat "aukera gehiago ez zegoen" eta futbola edo borrokaren artean erabaki behar izan zuen. Ez du damurik egindako aukeraz, baina bazekien kirol ibilbidea beste pasio batekin beteko zuela, baserriarekin, Xabier Muruari esan dionez.

    17. Maider Unda: ''Ez dakit nola egiten nuen goi mailan egoteko''

  6. 07/02/2021

    16. Mikel Odriozola: 'Atenastik kanpo geratzea dut kirol ibilbideko arantza''

    Mikel Odriozola (Errenteria, 1973), Euskal Herriak emandako ibilketa probako atletarik handiena izan da. Hiru olinpiar jokoetan parte hartu zuen atleta geldiezinak. Emaitzak handiak izanda ere denok izaten dugu arantzaren bat eta Mikelen kasuan Atenasen lehiatutako olinpiar jokoetatik kanpo geratzea izan zen mingotsa.Lagunak egin zituen ibilketa luzeko atleta garaitik, izan ere goi mailako kirolak sufrimendua eta ahalegina eskatzen dituen arren gauza onak ere badituelako. Eskarmentuak bizitzarako balio izan dio Xabier Muruari azaldu dionez, "naizen pertsona sortu dit".

    16. Mikel Odriozola: 'Atenastik kanpo geratzea dut kirol ibilbideko arantza''

  7. 07/02/2021

    15. Naroa Agirre: '' Pertika jauzia txikitatik gustatu zitzaidan kirola da''

    Naroa Agirrek (Donostia, 1979) txikitatik heldu zion pertikari. Urteak igaro dira baina Olinpiar jokoetan izandako atleta ohi donostiarra Espainiako markaren jabe da oraindik.Dohain berezia zeukan atleta izateko. Hasieran, luzera-jauzian hasi zen baina ikusi zuen trebea zela pertikarekin eta pixkanaka joan zen pertikako bidea egiten. "Amets polita zen atletismoarena" eta ametsa egia bilakatu zitzaion. Gurasoek beti babestu eta lagundu zioten, baina atletismoarekin batera ikasketak egiten jarraitzea ere erabaki zuen.Naroa, "Goenkalen" ezagutu genuen aktore lanak egiten, baina kirolaz galdetu dio Xabier Muruak eta pertika garraiatzeko moduaz.

    15. Naroa Agirre: '' Pertika jauzia txikitatik gustatu zitzaidan kirola da''

  8. 07/02/2021

    14. Hodei Collazo: ''Ikaragarri gozatzen nuen gaztetxotan surfarekin''

    Hodei Collazo (Zarautz, 1984) mundu osoan zehar ibili da olatuak hartzen eta haietan lehiatzen. Surflari profesional izatera iritsi zen naturaltasunez. Olatuak hartzen etxean hasi zen, Zarautzen, eta urte haien oroitzapen bikainak gordetzen ditu: guztiaren gainetik gozatu egiten zuten.Surfa ikaragarri aldatu da ordutik hona, "kaletik taularekin ikusten gintuzten eta begira geratzen ziren" esan digu Zarauzko malekoian bertan egindako elkarrizketan. Gaur egun jendetza dabil olatuetan. Gogoan du surfak nola "harrapatu" zuen, ordutik aurrera bere bizitza itsasaldien eta mareen arabera antolatua dauka Collazok.

    14. Hodei Collazo: ''Ikaragarri gozatzen nuen gaztetxotan surfarekin''
See All (21)

About

Kirolari ezagunek egun egiten duten kirolean eman zituzten lehen urratsak eta horren zergatiak azaltzen dizkigute aurrez aurreko elkarrizketa lasaian.

Information

  • Creator
    GUAU | EITB Audio
  • Years Active
    2021
  • Episodes
    21
  • Rating
    Clean
  • Copyright
    © 2026 EITB Media
  • Show Website
    Lehen urratsak