Կոճակ

365news
  • 0.0 (0)
  • Arts
  • Updated Biweekly

«Կոճակ» վոդքասթ. երիտասարդական փոդքաստ, որն ունի նաև վիդեո տարբերակ: Վոդքաստի հաջորդ հյուրը կարող եք լինել դուք, եթե ուզում եք ձեր սիրելի անիմեն, սերիալը, գիրքը կամ ինչ ասես քննարկել։ Առայժմ, մեր վոդքաստը թողարկվում է երկու շաբաթը մեկ անգամ: Քննարկման ընթացքում կլսեք կարծիքներ, փաստեր ու լիքը ծիծաղ։ Եվ, ուրեմն, կոճկեք ձեր կոճակները ու սեղմեք լսելու կոճակը, մենք սկսում ենք․․. Փնտրեք, գտեք, դիտեք և լսեք մեր վոդքասթը Anchor, Soundcloud, Spotify, Google Podcast և Apple Podcast հարթակներում:

  1. 01/22/2023

    «Ավատար. Ջրի ուղին» Կոճակ փոդքաստ

    13 տարի դադարից հետո Ջեյս Քեմերոնը հանդիսատեսին հանձնես «Ավատար, Ջրի ուղին» ֆիլմը, որը լի էր վիզուալ էֆեկտներով, հույզերով և շատերի կողմից խոսվող բացերով: Այսօր «Կոճակ»-ի տաղավարում խոսել ենք՝ արդյոք 2023 թվականին նման էֆֆեկտները ակտուալ են, ինչու՞ կային այդքան սցենարական բացեր և ինչու էին ամեն դեպքում մեկ այլ մալորակի վրա մարդիկ խոսում անգլերեն, եթե առաջին Ավատարում լեզվի մեծ խոչընդոտ կար: Այս և այլ հարցերի պատասխանները կարող եք գտնել՝ լսելով մեր այսօրվա էպիզդը:

  2. 11/13/2022

    House of the Dragon. «Կոճակ» վոդքաստ 2

    Երեք տարի դադարից հետո Game of Thrones սերիալի երկրպագուները շունչները պահած սպասում էին House of the Dragon սերիալին, որը նրանց նորից կտաներ Ջորջ Մարտինի աշխարհ։ Քանի որ ավարտվել է «Վիշապի տան» առաջին սեզոնը, Արծվիկը՝ Ատա Կլեկչյանի, Մարիամ Մալաքյանի և Հայկազ Մկրտչյանի հետ քննարկել է Սևերի ու Կանաչների պայքարի, հերոսների, սյուժեի ու գրքի հետ տարբերությունների մասին։ «Կոճակ» փոդքաստի այս էպիզոդում դուք կլսեք վերլուծություն հերոսների քայլերի ճիշտ կամ սխալ լինելու, երկրպագուների սպասումների արդարացման ու դերասանական խաղի մասին։ Մասնակիցները, որոնք կարդացել էին գրքերն ու շատ լավ ծանոթ էին Մարտինի աշխարհին, խոսեցին սերիալում ներառված աբսուրդ փոփոխությունների, հերոսներին որոշ հատկանիշներ տալու և սերիալի հաջողության մասին։ Ձեզանից մնում է միայն միացնել լսելու կոճակը և ևս մեկ անգամ մտնել Ջորջ Մարտինի զարմանահրաշ աշխարհի մեջ։

  3. 10/30/2022

    Остров проклятых. «Կոճակ» վոդքաստ

    Անիծվածների կղզում խելագարությունը կարծես վարակովի լինի։ Остров проклятых ֆիլմը մեկ անգամ դիտելու համար չէ. առաջին անգամ դու նայում ես այն հենց հորոսի աչքերով՝ առանց ուշադրություն դարձնելու շատ փաստերի, երկրորդ ու մյուս անգամները դու արդեն դիտող ես, ով ոչ միայն տեսնում այլ նաև նկատում է այն ամենը, ինչը ռեժիսորը փորձել է փոխանցել։ «Կոճակ» վոդքաստի այս էպիզոդում խոսում ենք ֆիլմի հոջողությունից, շատերի աչքից վրիպած դետալներից ու փորձում հասկանալ՝ արդյոք խելագարությունն իսկապես վարակովի էր, թե՝ ոչ։

  4. 10/16/2022

    Կոմբինիի մարդը. «Կոճակ» վոդքաստ 2

    «Կոճակ» վոդքաստը վերադառնում է նոր եթերաշրջանով: Երկրորդ եթերաշրջանի առաջին թողարկումը նվիրված է ճապոնացի գրող Սայակա Մուրատայի «Կոմբինիի մարդը» գրքին: Տաղավարում են գրքի թարգմանչուհի Աստղիկ Հովհաննիսյանը, գրող-բանաստեղծ Վարդան Սմբատյանը, գրքասեր Արևիկ Հակոբյանն ու ինչպես միշտ Արծվիկ Դավթյանը: Էպիզոդում գրքի թարգմանիչը կիսվում է իր փորձով, պատմում թարգմանության դժվարություններից և հեղինակի հետ զրույցից : Գիրքը փոքր վեպ է, որտեղ հեղինակը ներառել է բազում հարցեր՝ սկսած սպիտակ ագռավ լինելուց մինչև հասարակության կարծիքները: Այն գրված է պարզ լեզվով. մենք քննարկել ենք՝ ինչո՞ւ է լեզուն պարզ, արդյո՞ք ստեղծագործությունը անտիուտոպիա է, և թե ի՞նչ նմանություններ կան ճապոնական և հայկական մշակույթների միջև։ Ձեզ մնում է միայն կոճկել ձեր շորի կոճակները, սեղմել միացնելու կոճակն ու հայտնվել ճապոնական մշակույթի քննարկման աշխարհում:

  5. 08/20/2022

    Forrest Gump. «Կոճակ» վոդքաստ #20

    «Մայրս ասում էր, որ կախարդական կոշիկներ կան, որոնք կարող են քեզ տանել ուր ցանկանաս»: Ֆորեսթ Գամփը միշտ պատմում էր մայրիկի խոսքերն ու հիշում դրանք ժպիտով: Այս ֆիլմը այն եզակի ֆիլմերից է, որի մասին կարելի է խոսել անդադար՝ ամեն անգամ հիշելով ու մտաբերելով նոր խոսքեր, կադրեր, արարքներ: Այս անգամ «Կոճակի» տաղավարում մանրամասն խոսել ենք կերպարների, նրանց արարքների, խոսքերի, պատմության հետ կապի ու Ֆորեսթի մասին: «Կոճակի» հյուրերն են Հայկ Մխիթարյանը, Էլեն Հովհաննիսյանը և Սոնա Շիրինյանը: Այս էպիզոդում առաջին անգամ հյուրերի հետ դիտել ենք ֆիլմից հատվածներ ու դետալային վերլուծել հատվածները: Փորձել ենք հասկանալ՝ ինչ փիլիսոփայություն է փորձել տալ ռեժիսորն ու ամեն մեկիս մեջ ինչ ձևով է տպավորվել՝ ինչ մասին է ֆիլմը: Իսկ դուք ի՞նչ եք կարծում, ֆիլմը ինչի՞ մասին է:

  6. 08/03/2022

    Stranger Things. «Կոճակ» վոդքաստ #19

    Վերջին շրջանում չկա մեկը, ով գոնե մեկ անգամ լսած չլինի Stranger Things սերիալի մասին։ Նրա հաջողության գաղտնիքները շատ են, որոնց մասին խոսել ենք այս թողարկման ժամանակ։ Այս անգամ «Կոճակի» տաղավարում են Լուսինե Նազարյանը՝ «Filmlog» պոդկաստի համահյուրընկալ, Ներսես Գևորգյանը՝ «Filmlog» պոդկաստի հեղինակ և վարող, կինոքննադատ, Պետիկ Մարկոսյանը և ինչպես միշտ Արծվիկ Դավթյանը։  Այս էպիզոդում խոսել ենք պռոեկտի ստեղծումից, ուժեղ ու թույլ կողմերից,  փորձել ենք նշել՝ նրա հաջողությունը որտեղի՞ց է գալիս, ի՞նչ է մեզ սպասվում հաջորդ սեզոնում։ Խոսել ենք տարբեր թեորյաներից և ինքներս առաջարկել մեր թեորյաները։  Դե իսկ ձեզ մնում է միայն սեղմել միացնելու կոճակը և տարբեր հարցերի շուրջ մտածել մեզ հետ միասին։

  7. 07/17/2022

    Փախուստ Շոուշենկից. «Կոճակ» վոդքաստ #18

    Փախուստ Շոուշենկից ֆիլմը համարվում է բոլոր ժամանակների լավագույն ֆիլմերից մեկը, իսկ Էնդի Դյուֆրեյնի փառահեղ փախուստի մասին գրեթե բոլորն են լսել: «Կոճակի» տաղավարում այսօր քննարկման համար էին հավաքվել Սարգիսը, Հասմիկը, Հայկը և ինչպես միշտ՝ Արծվիկը: Հաղորդման ժամանակ փորձել ենք հասկանալ՝ արդյոք ինչու՞ Էնդին այդքան երկար ժամանակ չէր իրականացնում փախուստը, գուցե նա նույնպե՞ս հաշտվել էր բանտի կյանքի հետ: Քննարկել ենք թե ում քավչության մասին էր ֆիլմը, գուցե Ռեդի, բանտի, կամ գուցե Էնդիի, խոսել ֆիլմի թերությունների մասին և հիշել մեր սիրելի կադրերը: Ձեզանից մնում է միայն սեղմել միացնելու կոճակը և մեզ հետ վերադառնալ Էնդիի աշխարհ:

  8. 07/03/2022

    The truman show. «Կոճակ» վոդքաստ #17

    Ողջույն, եթե ամեն դեպքում չհանդիպենք, նաև բարի օր, բարի երեկո և բարի գիշեր։ Ցանկացածը, ով գոնե մեկ անգամ դիտել է Թրումանի շոու ֆիլմը, ծանոթ է այս արտահայտությանը։ Այսօր «Կոճակ» վոդքաստում բոլորը իրար մի քանի անգամ բարևեցին և քննարկեցին ֆիլմը։ Տաղավարում էին Հովհաննեսը, Սոնան, Վահագնը և ինչպես միշտ՝ Արծվիկը։ Այս ֆիլմը շատերի համար դրամա է, շատերի համար կոմեդիա, շատերը այս ֆիլմը ընկալում են որպես դաժան անտիուտոպիա։ Հաղորդման ընդացքում քննարկել ենք շոուի ռեժիսորի՝ Քրիստօֆի անվան( Քրիստoff), նրա վատ կամ հանճարեղ լինելու, ֆիլմի թերությունների, սոցիալական, ուտոպիստական գաղափարների և մեր իրականության հետ նմանության մասին։ Եվ իսկապես, երբևէ մտածել եք՝ իսկ գուցե՞ այսօր մենք նույնպես ապրում ենք մի շոուի մեջ, իսկ եթե ապրում ենք, ո՞րն է այնտեղից դուրս գալու ճանապարհը։  Դե ինչ, ձեզ մնում է միայն սեղմել միացնելու կոճակը ու խորանալ ևս մի շոուի մեջ։

See All (24)

About

«Կոճակ» վոդքասթ. երիտասարդական փոդքաստ, որն ունի նաև վիդեո տարբերակ: Վոդքաստի հաջորդ հյուրը կարող եք լինել դուք, եթե ուզում եք ձեր սիրելի անիմեն, սերիալը, գիրքը կամ ինչ ասես քննարկել։ Առայժմ, մեր վոդքաստը թողարկվում է երկու շաբաթը մեկ անգամ: Քննարկման ընթացքում կլսեք կարծիքներ, փաստեր ու լիքը ծիծաղ։ Եվ, ուրեմն, կոճկեք ձեր կոճակները ու սեղմեք լսելու կոճակը, մենք սկսում ենք․․. Փնտրեք, գտեք, դիտեք և լսեք մեր վոդքասթը Anchor, Soundcloud, Spotify, Google Podcast և Apple Podcast հարթակներում:

Information

  • Creator
    365news
  • Years Active
    2021 - 2023
  • Episodes
    24
  • Rating
    Explicit
  • Copyright
    © 365news
  • Show Website
    Կոճակ