Zip噏劇場

Chowzip
  • 0.0 (0)
  • Drama

Story Teller (Comedian, Actor, Script Writer, DJ) 現正連載：《Game of Eden》第二季「小島篇」下半部 （逢星期一，11pm更新） 完成連載： 2021 - 《愛麗英奇幻仙境》(feat 麗英@小薯茄） 2022 - 《Game of Eden》第一季 「阿達篇」、「莫十三篇」、「張蔓姿篇」、「張蔓莎篇」 2023 - 《Game of Eden》第二季 「盤古篇」、「小島篇」、100% FF 遊記 - 「Shinjuku 新宿故」 Powered by Firstory Hosting

  1. 【Zip噏劇場】Game of Eden 第二季 「小島篇」#109《終局（上）》

    Jun 10

    【Zip噏劇場】Game of Eden 第二季 「小島篇」#109《終局（上）》

    時間：5年前嘅一個晚上 地黑：封閉區域啞鈴洲東堤海灘 *海浪聲 盧婷：凱安佢潛咗落水咁耐仲未返上嚟！佢會唔會有事架！ 盧葦：婷婷，如果係阿哥佢夜潛，我哋就要擔心啫，但凱安佢係凱氏未來嘅代表，駛乜擔心呢？我哋起個火，燒住野食等佢上嚟啦！ 盧綠：你個阿葦！睇少我！？我依家就即刻落水！ 盧婷：吓！綠哥哥！你認真架？ 盧綠：我好認真架！我拎晒架撐啦！ 盧葦：婷婷，阿哥佢拎住長矛，好明顯係去捉魚，唔係潛水啦！ 盧綠：我就潛深啲！捉條皇帶魚上嚟！ 裘雪：阿綠！唔好啊！我早幾日已經測到今日係凶日…不宜落水…你睇下…啲水流咁急，海入面一定好多暗流…我叫咗阿安唔好落佢架啦！佢死都唔聽…你地睇埋天上嘅星星，呢個排列係凶… 盧葦：阿雪，你唔係話占卜只係參考咋咩？ 盧綠：係囉，下下都要占卜先行事，咁如果你占到自己係天刹孤星嘅命格，咁婷婷咪 裘雪：阿綠！你講咩啊？ 盧綠：我係話咁亭亭玉立嘅村民就無福囉～ 盧葦：好啦，既然阿雪同婷婷你哋咁擔心，咁等我叫佢返上嚟啦！ 盧婷：葦哥哥，可以點叫啊？ 盧葦：就用呢個！ 裘雪：海螺？ 盧葦：呢個係凱安送比我嘅生日禮物，佢話只要我吹響佢，就一定會聽到喎！ 裘雪：都無根據…水同空氣唔同，傳遞聲音嘅能力相差好遠架！ 盧婷：葦哥哥！比我試下吹啊！ 裘雪：婷婷，你唔係真係信啊？ 盧婷：你教我架嘛～要有實驗嘅精神！ 盧葦：婷婷！用盡你嘅全力！響到係深海嘅凱安都聽到！ 盧婷：好！ *吹海螺聲效 裘雪：都話咗唔會有用架啦… 盧婷：一次唔得，就試多次再大聲啲嘅！ *吹海螺聲效 *腳步聲由遠至近 盧葦：你哋睇下！係凱安啊！ 盧婷：嗰海螺真係有用啊！ 凱安：（喘氣聲）喂喂喂…吹咁大聲，係咪要嘈醒我阿爸同所有村民啊？ 盧葦：阿安，我哋擔心你嘛！ 凱安：下次要吹，用呢個吹！ 盧婷：嘩！呢個海螺成個頭咁大啊！一定會超大聲！ 凱安：聽日等我過咗凱氏世代相傳嘅潛水測試兼成人禮，就吹響呢個海螺做我凱旋而歸嘅音樂！ 裘雪：但阿安你頭先點解搞咁耐嘅？ 凱安：仲好講！你整嘅琉璃護目鏡抵受唔住水壓，裂開然後入水啊！ 裘雪：對唔住！我今晚幫你趕工修補返佢！ 凱安：你要整一個可以抵受幾百米水壓嘅護目鏡，等我可以搵到九頭海蛇封印嘅位置！ 裘雪：但以我地裘氏多年嚟嘅推算，嗰封印應該唔會有事 凱安：唔怕一萬，只怕 盧綠：（打斷）只怕大家都肚餓啦！我去打啲海鮮返嚟，預祝聽日凱安順順利利！ 裘雪：阿綠，作為村長嘅繼任人，點解你每次都迴避呢啲討論嘅？你一啲都唔擔心咩？ 盧綠：我只係擔心大家生活得快唔快樂！其實就算玄武大帝唔回歸，只要保持到依家嘅生活，我都覺得好滿足 凱安：咁九頭海蛇呢？ 盧綠：阿安你咁好打，九十九頭海蛇都打唔贏你啦！ 凱安：好！我會變得更強！由我去守護大家！ 盧葦：咁依家可以去捉魚未呢？我好肚餓啦！ 凱安：我去啦～等阿綠去捉，聽晚都未有得食啊！ 盧綠：咁我生定火等你啦！ 盧婷：阿安！我要食龍蝦！ *海浪聲效 盧綠：（讀白）唔知點解我會諗起呢段5年前嘅回憶…當時大家都真係好無憂無慮…但依家…我被半人半魚狀態嘅凱安吸收咗之後，成為佢十條頸上面其中一個人頭…我可以感受到其他人嘅情緒…包括凱安…咁頭先嘅夢…係屬於我…定凱安呢…？ 而雖然我仲可以睜開眼，可以同盧零、盧如、盧天、盧地、盧仁、阿爸、葦仔、婷婷對望…但我哋全部人都受凱安控制…完全郁唔到…無晒自主權… *海風聲效 盧綠：（讀白）我感受住柔和嘅海風，連同凱安、裘雪、阿達、換成村民服裝嘅今敏及人工智能坐上一艘大船…凱安佢究竟有咩計劃呢… 凱安：玄武童子，你幫我吹響呢個海螺！ 達：係… *吹海螺聲效 裘雪：阿安…你唔會傷害啲村民架呵？ 凱安：乜我係你心目中係咁殘暴架咩？阿雪，阿達，只要你哋配合我，啞鈴洲好快就可以回復正常！ 達：（讀白）由於我係外人…無權影響啞鈴洲嘅未來…另外，為咗所有村民嘅安全，我只好配合凱安…等佢完成佢嘅計劃之後…我先可以登出…而由人工智能變出嚟嘅大船順風而行…我哋好快就返到啞鈴洲…部分村民聽到海螺嘅響聲，蜂湧而至，喺碼頭等待我哋…而凱安就變返人型… *船帆郁動聲效 *泊岸聲效 *木版上奔跑聲效由遠到近 裘仁：（由遠到近）阿雪！玄武童子！仲有…阿安…？你無事啦！ 裘雪：仁叔…我哋…返嚟啦… 裘仁：咁綠仔呢？仲有呢兩位係…？ 凱安：仁叔，佢哋都係玄武大帝嘅使者！ 裘仁：兩位使者，請恕裘仁無禮… 凱安：仁叔，即刻幫我召開村民大會！我哋有重要事宣布！ 裘仁：係嘅…知道… 時間：180年9月24日 地點：封閉區域Area DB Island北帝廟外空地 村民甲：（細聲）做咩無端端開村民大會嘅… 村民乙：（細聲）唔通玄武大帝會回歸？ 村民丙：（細聲）又有玄武童子…又多兩位玄武使者…唔通九頭海蛇就嚟復活！死啦！又會有大凶日啦！ 村民丁：（細聲）但點解唔見盧綠村長嘅…？仲有嗰個凱安唔係變咗怪物架咩？ 裘仁：（大聲）所有啞鈴洲嘅村民靜一靜！我哋依家等凱安佢交待究竟發生咗咩事！ 凱安：咁多位村民，24日前，大凶日降臨，第五任村長盧和大病逝世，令啞鈴洲人心惶惶。而大家估得無錯！因為九頭海蛇嘅封印解除咗！所以先會有大凶日！ *眾村民愕然 凱安：不過大家唔駛擔心！全能嘅玄武大帝派遣咗玄武童子嚟處理事件！佢同第六任村長盧綠出海去解決九頭海蛇！不過九頭海蛇事隔多年魔力大增！所以玄武大帝派遣多兩位使者幫手！ 村民甲：我哋憑咩信你呢個怪物啊！ 村民乙、丙、丁：係囉！你呢隻怪物！ 凱安：哈哈哈，我唔係怪物！而係被玄武大帝所揀中，擁有殲滅九頭海蛇力量嘅天選之人！當時事出突然！我同大家一樣都未識得反應！不過依家已經安全啦！係咪啊，玄武童子？ 達：係…凱安句句屬實… 村民乙：咁盧綠村長呢？我哋淨係信佢一個人！ 凱安：阿綠佢…不幸戰死… 裘仁：咁佢條屍呢！你點解唔帶佢返嚟！等我哋好好安葬佢啊！ 凱安：仁叔，阿綠佢嘅心靈永遠同大家同在，因為！ *伸頸聲效 達：（讀白）凱安佢伸出另外九條頸！露出盧零家族其他九個人頭出嚟！ *眾村民嘩然！ 凱安：玄武大帝召喚咗歷代村長出嚟，連同阿綠、阿葦、婷婷，整個盧零家族借力量比我，加上玄武童子及兩位使者，合我哋眾人之力，成功解決咗九頭海蛇呢隻怪物！所以，我真係好感激盧零一家嘅貢獻！ 裘仁：咁等我依家即刻叫佢哋媽媽返嚟先！佢每日以淚洗面！估唔到…阿綠佢哋一去不返！仲要白頭人送黑頭人！ 凱安：仁叔，而家當務之急係處理啞鈴洲嘅事務。九頭海蛇嘅大患已經解除！阿綠死前吩咐我，希望我成為下一任村長！ 裘仁：咁九頭海蛇條屍呢？可唔可以比我哋一見？ 凱安：仁叔，你係唔信我？定唔信我哋啊？ 裘仁：阿安，仁叔唔係咁嘅意思…只係如果見到嗰個可恨嘅九頭海蛇屍身，我哋會更加安心啫… *伸出手臂聲效 裘仁：阿安！點解你隻手…會變成五條海蛇架！？ 凱安：各位！點解無九頭海蛇嘅屍身？因為我將佢食咗！防止佢殘骸有復原嘅可能！ 村民甲：咁你咪即係變咗九頭海蛇？ 凱安：我唔係變咗九頭海蛇，而係我用我嘅身體呑噬咗佢！令佢永遠消失！ 村民乙：咁會唔會有一日到你失控架？ 凱安：點會呢！我係玄武大帝揀選嘅人，佢委托我去管理呢個啞鈴洲！大家可以放心！啞鈴洲一切如常！ 村民丙：玄武童子同兩位使者！你哋可唔可以叫玄武大帝出嚟！等我哋可以求個安心！？ 村民乙：係囉！我哋全部人都好想見玄武大帝！ 凱安：即係依家你哋淨係信玄武大帝，唔信我哋咁多個？ 村民甲：唔係！只係我哋見到玄武大帝會更安心啫！ 眾村民：係囉！玄武大帝！玄武大帝！玄武大帝！ 凱安：大家靜一靜！阿雪！同大家講玄武大帝唔會回歸嘅事實！ 裘雪：咁多位村民，玄武大帝佢會喺北帝星遙遠觀察我地…所以…大家可以放心… 村民乙：點解喎！咁多年嚟，我哋都係等玄武大帝回歸！只係見一面！點解唔可以呢？ 凱安：咁多位，我係玄武大帝喺啞鈴洲嘅代表！ *行雷聲效 裘雪：（讀白）阿安佢望一望今敏，跟住用手指一指百年古樹，然後一度雷直劈古樹！古樹著火，然後倒下！同之前村長選舉嘅時候，阿綠做嘅動作一模一樣！ 凱安：點啊，我想行雷就行雷，落雨就落雨！因為我就係玄武大帝嘅代表！你哋仲有冇野想要我證明？ 村民甲：凱安，我唔係唔信你…只係發生咁多事…我哋… 達：（讀白）呢個時候，今敏拍一拍人工智能K Area DB Island 嘅膊頭，然後K Area DB Island 向天投射咗一個玄武大帝畫象出嚟！ *投影聲效 眾村民

    19 min
  2. 【Zip噏劇場】Game of Eden 第二季 「小島篇」#108《島局（5）》

    Jun 2

    【Zip噏劇場】Game of Eden 第二季 「小島篇」#108《島局（5）》

    時間：180年9月23日 地點：封閉區域Area DB Island α島 *跑沙聲效 *出拳拳風聲效 盧婷/如：左、右、左、左、右（幾下喘氣聲） 白烏鴉盧地：（嚴肅，帶點惡）阿媽，你已經閃避咗我接近100招，你諗住一直閃避落去，唔攻擊？ 盧婷/如：地仔！你快啲醒下！快啲反抗凱安嘅控制啊！ 白烏鴉盧地：（輕挑）阿媽！不如你地都加入海神嘅陣營啦！（用力出拳叫聲） 盧綠：（讀白）盧如用佢厲害嘅眼力，成功閃避白烏鴉盧地嘅玄武拳法...而盧零落海追擊凱安已經過咗大半小時...生死未卜... 黑烏鴉盧天：盧綠！ *出拳聲、中拳聲、墜地聲效 盧綠：（中拳痛叫聲一下，跟住喘氣）而我...無盧如嘅眼力...只能夠勉強閃避...但都中咗黑烏鴉盧天十幾拳...雖然無擊中要害...但頂唔到好耐...盧零！葦仔！你要快啲啊！ 黑烏鴉盧天：盧綠，試完拳，依家玄武腿法！（用力出拳叫聲） 盧綠：（讀白）黑烏鴉盧天左腳踏前右腳喺好快速度連踢三腳！ *出腿聲效 達：（讀白）盧如、盧綠同黑、白烏鴉盧天、盧地繼續用玄武拳法腿法對打...至於盧葦就還原咗進入封閉區域前盧零嘅身體狀態，進入深海之後，潛在體內嘅動物基因浮現，除咗深海魚類基因，佢仲有螳螂蝦基因，然後生出眼柄，眼球凸出，可以各自360度轉動追縱獵物。而右手五指消失變成球形，左手五指伸直合拼變成手刀，我眨一下眼佢已經可以揮出幾十拳，媲美0.22mm 口徑子彈嘅威力！瞬間擊殺被凱安同化咗嘅巨型墨魚！然後追到去水深500米！凱安口邊滲血 凱安：其實深海世界咁多姿多彩，點解你哋盧氏嘅人咁抗拒呢，盧零？ 達：（讀白）盧零無講任何野，凸出嘅眼球不斷轉動，左鐮刀右鐵搥嘅雙臂護喺胸前戒備！之後凱安背後漆黑嘅深海傳出陣陣嘅水流聲…慢慢有好多一點點嘅暗光喺佢身後發出！ 凱安：既然係咁，就比你感受海神嘅力量啦！啊！ *急速水流聲效 達：（讀白）凱安一講完，佢背後嘅暗光越嚟越多！水流聲亦越嚟越急！原來嗰埋暗光係嚟自唔同魚類嘅眼球！第一批喺凱安身後衝出嚟嘅係一群七腮海鰻！為數應該有接近一百條！全部向盧零衝過去！ 而盧零用力吸一大啖海水！含喺口入面！然後佢雙眼不斷變動！之後盧零邊移動頭部邊吐出海水！海水變成水柱，以子彈嘅速度擊射向一眾七腮海鰻！ *噴水聲效及魚類中彈聲效 達：（讀白）水柱子彈擊中七腮海鰻！爆出血花！但七腮海鰻太多！仲有五十幾條海鰻橫過血海！衝向盧零身前！盧零好似鐵槌嘅右拳快速擊打！七腮海鰻中拳嘅一剎那發出死前嘅電擊！ *出拳、發電、裂肉聲效 盧葦/零：（中電麻痺痛叫聲） 達：（讀白）盧零捱過電擊！100條七腮海鰻變成屍體！ 凱安：盧零，上完頭盤，到主菜啦！啊！ *水流聲效 達：（讀白）七腮海鰻之後，喺凱安背後游出嚟嘅係十條大白鯊！大白鯊快速衝去盧零身前！再圍住盧零游動！被困喺中間嘅盧零雙眼360轉動，無死角咁盯實佢地！跟住背後一條大白鯊脫群游出！張開口準備咬擊盧零！盧零轉身，右槌重擊大白鯊嘅鼻！佢中拳後好似觸電咁靜止無郁，繼而反肚！盧零左手手刀用力一劈！ *斬擊聲效 達：（讀白）大白鯊被一斬為二！其餘九條大白鯊同一時間衝去盧零！盧零呢個時間竟然合埋眼！用全知狀態去感應佢地嘅位置...然後伸出左手刀同右槌，扭動身體！原位快速自轉！ *快速水流聲效 *拳擊及斬擊聲效 達：（讀白）佢就好似一個陀螺咁！重重擊中衝埋嚟嘅大白鯊！所有大白鯊反肚！然後盧零好似廚師用刀切魚生咁，將佢地斬成碎件！ 凱安：哈哈！主菜又點止一款呢！再嚟！ *水流聲效 *殺人鯨聲效 達：（讀白）大白鯊之後，就到殺人鯨！二十條殺人鯨分別衝向盧零，盧零收起右槌，再瞬間擊出數十拳！第一條殺人鯨被擊碎！盧零撥開殺人鯨屍體同血花，第二條殺人鯨游到！盧零左手手刀快速直刺！ *槌擊、刺擊、被斬聲效 達：（讀白）第三！第四！第五！第六！第七！去到第十幾條嘅時候！盧零出拳嘅速度開始減慢...抖緊大氣...但佢強大嘅攻擊力都可以將所有殺人鯨擊殺！ 盧葦/零：（透大氣） *槌擊、刺擊、被斬聲效 *鬚鯨叫聲、強勁水流聲 達：（讀白）一條長20-30米嘅巨型鬚鯨游過嚟！用魚尾橫掃盧零，盧零及時閃避，再用佢右槌拳擊打向鬚鯨嘅下巴！ *重拳聲效 達：（讀白）可惜身型相差太遠！盧零唔能夠擊落巨型鬚鯨！但鬚鯨都被打到下巴張開！然後十幾隻水母由鬚鯨口中游出嚟！ 凱安：盧零～用箱型水母做你嘅甜品，希望你鍾意啦！ 達：（讀白）箱型水母，俗稱海黃鋒！有多達61條觸鬚！每條最長可達9米！係海洋中最毒嘅生物之一！被佢刺傷之後二到五分鐘內可以致命！而盧零出拳打傷鬚鯨之後反應唔切，被突然出現嘅箱型水母圍住！十幾隻水母，接近一千條觸鬚同時刺中盧零！ *針刺聲效 盧葦/零：啊！！！ *水流聲效 達：（讀白）盧零被刺中！眼白慢慢變成紫色！跟住一條超長嘅皇帶魚游出嚟，用10米長嘅身體捲住盧零！再用力鎖實佢！皇帶魚越用力！盧零就越辛苦！更傳出骨裂嘅聲音！ *索實身體、骨裂聲效 盧葦/零：啊！！！！！！ 凱安：點啊～盧零～鍾唔鍾呢一場深海盛宴啊？ 盧葦/零：（辛苦）凱...安... 凱安：做咩啊？係咪好唔甘心呢？一早叫你地成我嘅一份子架，咁咪唔晒打到咁辛苦囉 盧葦/零：（辛苦）我知...你好著緊...啞鈴洲... 凱安：你以盧零定盧葦嘅身份同我講先？ 盧葦/零：（辛苦）唔重要...總之應承我...未來係點都好...唔...好...傷害...啲村...民... 凱安：放心，我會比你地做得更好！（咬擊聲） *咬擊聲效 達：（讀白）凱安一口咬落盧零嘅頭度！ —---------------------------- 黑烏鴉盧天：（出招叫聲） *中腳聲效、倒地聲效 盧綠：（痛叫一聲、然後辛苦咳數下，繼而吐血） *吐血聲效 盧婷/如：阿哥！ 盧綠：（極辛苦）唔...唔駛理我...我...頂得住... 黑烏鴉盧天：盧綠，我問多你一次，加唔加入海神嘅陣營，一同管理啞鈴洲？ 盧綠：我...我仲...可以打...落去... *腳步聲效 盧綠：係咪...盧零啊... 盧婷/如：係Zero啊！佢仲抱住一個無頭嘅魚人屍體返上岸！佢打贏咗啦！ 盧零/葦：盧天、盧地！過嚟！ 黑烏鴉盧天：知道！海神！ 白烏鴉盧地：知道！海神！ 盧綠：（喘氣中）但點解佢地會嗌盧零做海神嘅？ 盧零/葦：因為...贏嗰個...係我！ 凱安：因為...贏嗰個...係我！ 盧綠：（喘氣中）半人半魚狀態嘅盧零嘅頭180度擰轉，轉到我地眼前嘅竟然係凱安嘅樣！ 達：（讀白）凱安拋低盧零無咗頭部嘅屍體落地，繼續講 *身體落地聲效 凱安：我無將佢同化，反而將佢成為我身體嘅一部份。盧天、盧地，你地跪低。 黑烏鴉盧天：係！ 白烏鴉盧地：係！ 凱安：你地想唔想同你爸爸團聚啊？ 黑烏鴉盧天：想！ 白烏鴉盧地：想！ 凱安：好！啊！ *咬擊聲效 盧婷/如：小天！地仔！ 達：（讀白）凱安先後咬爆咗盧天同盧地嘅後腦！吸啜佢地嘅腦汁！而盧如同盧綠呆在當場！凱安咀嚼完成之後，頭部又發生變化！本來前凱安後盧零嘅頭，喺左右兩邊各生出盧天同盧地嘅樣！變成一個四面人！ 凱安：到你地啦！ 盧葦/零：到你地啦！ 黑烏鴉盧天：到你地啦！ 白烏鴉盧地：到你地啦！ *伸手聲效 盧婷/如：（被捉頸嘅痛叫）啊！ 盧綠：（被捉頸嘅痛叫）啊！ 達：（讀白）凱安左右伸出由七腮海鰻組成嘅手！飛到盧如同盧綠面前！更捉實佢地條頸！然後扯佢地兩個嚟自己身前！ 凱安：你地想揀邊個食你地？ 達：（讀白）凱安又產生變化！頸部一分為四！原本四塊面嘅佢變成每塊面擁有一條頸！正中間係凱安，左右兩邊分別係盧零、盧天同盧地！變成一個四頭怪物！跟住盧零嘅頭同頸再一分為二！變出盧葦！ 盧婷/如：（辛苦）凱...安... 盧綠：（辛苦）點...解... 盧零：（極惡）盧氏村長家族！全滅！啊！ 黑烏鴉盧天：（極惡）盧氏村長家族！全滅！啊！ 白烏鴉盧地：（極惡）盧氏村長家族！全滅！啊！ *咬擊聲效 盧綠：（被咬嘅痛叫）啊！ 盧婷/如：（被咬嘅痛叫）啊！ 裘雪：阿綠！！！ 達：（讀白）盧綠被細佬盧葦嘅頭攻擊！而盧如就被自己嘅仔女盧天、盧地咬擊！然後慢慢咀嚼大腦...飲腦汁...呢個五頭怪物食人嘅景像...比地獄、或者所有恐佈片恐佈一千萬倍！！！ 今敏：（慢慢數）盧零、盧如、盧天、盧地、盧綠、盧葦、盧婷...加埋凱安～依家變成八頭怪物啦～ 達：（讀白）呢一個畫面震撼到令裘雪跪咗喺地上面... *跪沙地聲效 裘雪：阿安...呢個...真係你想要嘅結局...？ 凱安：阿雪，你放心，我只會消除阻止我嘅人。你只要順從我，乖乖地同我一齊管理啞鈴洲就會無事。 今敏：凱安，你已經打贏咗，亦成為呢個啞鈴洲嘅主理人。你想呢度變成點？ 凱安：等等先，我想你幫我召喚埋盧氏另

    14 min
  3. 【Zip噏劇場】Game of Eden 第二季 「小島篇」#107《島局（4）》

    May 20

    【Zip噏劇場】Game of Eden 第二季 「小島篇」#107《島局（4）》

    時間：180年9月23日 地點：封閉區域Area DB Island α島 上回提要：凱安「蛇變」之後除咗成為半人半魚形態，食咗七腮海鰻更吸受咗佢地發電嘅能力，可以發出電拳，仲可以透過咬擊，將敵人同化...白烏鴉盧地被佢同化之後，依家同凱安同一陣線，兩個對打回復入嚟封閉區域前身體狀況嘅盧零、盧如以及黑烏鴉盧天同暫借渡靈者身份嘅盧綠。 凱安：唔知呢一招你地又會點應付呢！ 達：（讀白）凱安突然消失喺大家面前！而盧地就慢慢行去對角位置！ 盧綠：我地依家應該點做好啊！ 黑烏鴉盧天：我地先四個背對背，望實四個方位嘅情況先！ 盧葦/零：Fish，就算我用咗全知狀態，但都感受唔到凱安嘅位置...你嘅眼力察覺到佢？ 盧婷/如：Zero…凱安佢應該好似N咁...有保護色嘅能力... 盧綠：但我地都應該可以聽到佢呼吸同心跳聲架！ 盧葦/零：如果佢閉氣同將心跳刻意減慢...就算我地全力集中用全知狀態...都未必可以搵到佢... 盧綠：咁佢咪即係好似完全消失咗咁！？ 盧婷/如：比少少時間我對眼適應依家天陰嘅光度！ 黑烏鴉盧天：細佬佢已經由我地左邊行到去右邊啦！ 盧葦/零：大家全力對付凱安！千祈唔好傷害地仔！ 盧綠：我已經控制緊半黑半白羽毛戒備！做大家第一度防線！ 盧婷/如：我睇到啦！係嗰度！ *開槍聲效 盧葦/零：Fish！你射中嘅只係地仔嘅白色羽毛... 盧綠：佢身上嘅袍無晒羽毛嘅？ 黑烏鴉盧天：細佬嘅羽毛幾時散落咗喺我地兩米前嘅範圍架！ 盧綠：各位！白色羽毛開始郁啦！但好似無攻擊我地嘅意圖... 盧葦/零：地仔嘅白色羽毛喺地面慢慢圍住我地轉？ *羽毛飛動輕聲 盧婷/如：我仲未睇到凱安係邊個位置啊！ 盧綠：白色羽毛越轉越快！仲將地上面嘅泥沙捲起！形成一個包圍住我地嘅沙龍捲！ *風沙聲越吹越大 黑烏鴉盧天：凱安一定想用風沙減低阿媽你嘅視力！ 盧綠：風沙龍捲越捲越高！已經有3米！同時亦慢慢收窄！不如等我衝出去纏住盧地？ 盧葦/零：你某然衝出去，就會中凱安嘅圈套！佢一定會喺風沙出面伏擊你架！ 黑烏鴉盧天：阿爸！等我去！ 盧婷/如：小天！唔好啊！ *羽毛箭聲效 盧綠：（讀白）黑烏鴉盧天控制黑色羽毛，將佢地墊住腳底，用羽毛箭將自己升起！而就喺盧天飛出風沙龍捲範圍嘅時候！一度無形嘅力捉實盧天條頸！硬生生將佢拉走！ 盧葦/零：小天！ 盧綠：（讀白）盧零見到黑烏鴉盧天被隱形嘅凱安拉走，一時情急，用力穿過風沙龍捲！ *破沙聲效 盧綠：（讀白）當盧零穿過嘅一瞬間，白色羽毛停止轉動！風沙失去動力，急速墜地！我地視野變返清晰！黑烏鴉盧天喺10米外嘅位置，成個身體被一度無形嘅力扯離地！佢條頸被捻到好痛苦！就快透唔到氣！而盧零立即向黑烏鴉盧天跑過去！原本靜止嘅白色羽毛即時瞄準盧零飛過去攻擊！ *羽毛箭聲效 盧葦/零：（痛叫幾聲） 盧綠：（讀白）雖然我及時控制半黑半白羽毛箭擋格白羽毛，可惜都係慢咗半拍！令到盧零被十支白羽毛箭割傷！但都無阻佢衝過去救自己嗰女！ *開槍聲效 盧綠：（讀白）盧如對住空氣連開幾槍！凱安被擊中之後，暫時失去隱身能力！跟住佢對住黑烏鴉盧天微笑！好似準備享用大餐咁！ *輕量電流聲 凱安：嗯...應該係頭先用電太多～依家無晒電～不過唔緊要～我先同化咗你！等你同你細佬團聚！ 黑烏鴉盧天：（辛苦）羽...毛...劍...發...射... 盧綠：（讀白）黑烏鴉盧天好辛苦咁控制黑色羽毛箭喺半空聚集，形成一把羽毛劍向凱安頸部插過去！ *皮肉擋格聲效 盧綠：（讀白）不過由於盧天嘅精神能力大受影響，令黑色羽毛劍速度不足，被凱安及時伸出右手擋格！但衝力都足夠將凱安嘅手臂斬斷！ 凱安：無用架～你斬幾多，我就生翻幾多！ *肌肉生長聲效 凱安：咦～連手臂都無法再生返？睇嚟要落海補充食物啦～但都要將你同化先！ 盧葦/零：阿哥！羽毛劍啊！ 盧綠：（讀白）我聽到盧零嘅指示！將身上所有嘅羽毛形成劍！極速飛刺去凱安嘅左臂！希望趕得切拯救黑烏鴉盧天！ *羽毛劍聲效 *插肉及流血聲效 白烏鴉盧地：（痛叫一聲，之後講）無人...可以傷害海...神... 盧葦/零：地仔！ 盧綠：（讀白）白烏鴉盧地喺我飛劍嘅同時，亦飛到凱安面前，用白羽毛盾擋格我嘅羽毛劍！不過因為羽毛盾未完全成形，所以被我嘅羽毛劍刺穿！更插穿佢嘅腹部！ 凱安：盧地！做得好！你嘅獎勵就係你家姐！（用力咬聲） *咬肉聲效 黑烏鴉盧天：（慘叫！） 盧葦/零：小天！ 盧婷/如：小天！ 盧綠：（讀白）盧天被凱安用力咬頸！盧天嘅眼部同之前盧地一樣...慢慢變成全黑...凱安將佢輕放落地...跟住盧天頸部傷勢慢慢癒合...盧地亦都一樣...佢地兩個左右排開，護喺凱安身前... 凱安：依家變成三打三啦～ 黑烏鴉盧天：目標人物 - 盧零、盧如以及盧綠 白烏鴉盧地：指令同化！ 盧葦/零：凱安！ 盧綠：（讀白）盧零佢快步衝前！不過盧天盧地並無阻止...盧零經過佢一對仔女嘅時候...露出心痛同哀怨嘅眼神...跟住頭也不回！繼續向前追擊凱安！ *奔跑及跳落水聲效 盧綠：（讀白）斷咗右臂嘅凱安亦都急步跑去α島邊，然後跳落水！盧零二話不說立即跟隨！戰場上面淨返我、盧如準備對打渡靈者盧天及盧地...不過盧如檢查佢手上嘅槍...好似無晒用嚟攻擊嘅子彈... *檢查槍聲效 盧婷/如：小天...地仔...你地快啲醒啦！我係你地嘅媽媽啊！ 黑烏鴉盧天：就係因為你係我地媽媽 白烏鴉盧地：我地知你無晒子彈，所以讓你唔用羽毛箭 *除袍聲效 黑烏鴉盧天：我地就用你同阿爸教嘅玄武拳法對打 盧婷/如：小天、地仔...我... 盧綠：（讀白）盧天、盧地無等盧如講完，就向我地衝過嚟！兩個人一同駛出寸刺攻擊！坦白講...由大凶日到阿達呢個現實世界嘅外人入嚟...再到搵返婷婷...我絕對無諗過會發展成咁...究竟點樣先可以回復正常啊... 盧婷/如：阿哥！唔好分心！我地用力鉗制佢地！守到Zero返嚟為止！我相信佢一定可以打贏凱安架！ 盧綠：係！ *拳腳揮動擋格聲效 裘雪：人工智能...呢個就係你同今敏所指「蛇變」帶嚟嘅未來同結果？ K Area DB Island：某份係。因為我地都仲未可以100%可以預測到靈魂自由意志嘅選擇。你覺得好無助？ 裘雪：我...唔知可以點樣阻止佢地... K Area DB Island：相信科學嘅力量同使用嘅時機。 裘雪：你指嘅係呢個？ 今敏：喂～K Area DB Island，立即投影凱安同盧零喺水底嘅情況出嚟～ K Area DB Island：知道。 *數據聲＋投影機聲效 達：（讀白）黑白烏鴉盧天、盧地同盧如、盧綠拳來腳往，打到不分上下嘅時候...透過K Area DB Island整出嚟嘅即時投影可以睇到...凱安利用佢半人半魚嘅狀態不斷深潛，企圖搵合適嘅食物補充能力。而盧零用力跟喺後面！好多色彩繽紛嘅魚類被佢地嚇走，紛紛避開。但水越嚟越深...盧零佢...真係跟到...？ K Area DB Island：水深過200米，盧零身體潛在嘅魚類基因開始出現。 裘雪：即係...佢會好似凱安咁？ 今敏：容博士話每個人身體都有唔同動物嘅基因。666組織成員全部都有魚類基因，但盧零係最強嘅三人組之一，佢一定可以比到surprise我地嘅～ *深海水聲 凱安：盧零！原來你同我一樣都係半人半魚嘅狀態！不如我將所有村民都變成我地咁！一齊以大海為家啊！ 達：（讀白）盧零無應到凱安，佢全身都出現魚嘅鱗片！跟住佢加速！由於凱安失去右臂，所以潛水速度有所下降！盧零慢慢追近！更想用力捉實凱安嘅右腳！ *水中加速聲效 達：（讀白）凱安用力閃避，盧零右抓落空！衝力令佢衝入一堆由數十隻水母組成嘅水母群！至於凱安附近就出現一隻5米長嘅巨形墨魚！凱安衝過去！墨魚閃避唔切！被凱安一口咬住觸鬚再用力扯斷！ *咬肉聲效 達：（讀白）凱安不斷大啖大啖將條觸鬚吞落肚！跟住墨魚深褐色嘅眼睛慢慢變成全黑色！而盧零終於擺脫到水母群，立即轉向，繼續向凱安游過去！而凱安吞完觸鬚之後，斷咗嘅右手終於可以再生！變成一條用墨魚觸鬚生成嘅長鞭！不過佢生得快，盧零游得仲快！適應咗半人半魚身體嘅盧零喺水入面嘅動作比凱安更靈活！佢游近凱安，進入咗中路嘅攻擊範圍，右手捉實凱安右手墨魚鞭，左手準備揮拳！凱安無閃避！只係露出詭異嘅笑容！ *水中揮鞭聲效 達：（讀白）四條長長嘅墨魚觸鬚由後面揮過嚟，捉實盧零嘅四肢！再被硬生生扯後！ 凱安：盧零～我去開餐先～你地慢慢玩啦～ 達：（讀白）凱安無理到盧零，繼續潛到更深嘅位置！而盧零手腳被同化咗嘅巨形墨魚扯到好實！準備將佢五馬分屍！ 盧葦/零：啊！！！ 達：（讀白）盧零用盡全力雙手一扯！捉實佢雙手嘅墨魚觸鬚抵受唔住拉力，重重咁互相撞擊咗一下！繼而鬆開！令盧零空出雙手！佢用力向前划！受驚嘅巨形墨魚下意識咁將淨低嘅觸鬚護喺眼前。盧

    13 min
  4. 【Zip噏劇場】Game of Eden 第二季 「小島篇」#106《島局（3）》

    May 7

    【Zip噏劇場】Game of Eden 第二季 「小島篇」#106《島局（3）》

    時間：180年9月23日 地點：封閉區域Area DB Island α島 達：（讀白）「蛇變」後嘅凱安變成半人半魚嘅形態，佢要挑戰盧氏村長嘅地位，希望擊敗佢地，接替今敏成位啞鈴洲掌權嘅人。白烏鴉盧地企出嚟同佢對戰，憑渡靈者嘅能力佔盡上風，更斬斷凱安雙手，但凱安竟然可以生出由七腮海鰻組成嘅手臂，更可以利用七腮海鰻發電嘅能力，揮出電拳打暈盧地... 凱安：再見啦，盧地。 達：（讀白）凱安更用口咬落盧地嘅頸到！ *羽毛箭聲效 黑烏鴉盧天：快啲放開我細佬！ 達：（讀白）黑烏鴉盧天射出羽毛箭，而有全知狀態嘅凱安用口撕開盧地頸上嘅肉之後，盧地嘅鮮血不斷流出！凱安邊咀嚼盧地嘅肉，邊手捉住佢條頸，用佢嘅身體擋住黑烏鴉盧天嘅羽毛箭攻擊！ *羽毛箭插肉聲效 凱安：好啊，比返嗰細佬你囉～ *墜地聲效 達：（讀白）凱安佢隨手將盧地向前掟落地...盧天快速跑過去抱實盧地！第一世係佢地父母嘅盧零及盧如都趕到！ 黑烏鴉盧天：細佬！你醒下啊！細佬！ 盧葦/零：小天...地仔佢...已經無咗呼吸同心跳... 今敏：哎喲～當時無諗過渡靈者都會死添，不過你唔駛擔心，佢嘅靈魂都可以去轉世中途島度再轉世嘅～ 凱安：盧氏嘅後人仲有4個。你地邊一個上先啊？定睇完盧地戰敗之後，想一齊上？我唔介意架～一齊嚟，快啲完結，啞鈴洲就可以快啲重新出發！ *手指郁動聲效 盧婷/如：你地睇下！地仔嘅手指有反應啊！而佢條頸嘅傷口無再流血，仲慢慢埋口！ 盧葦/零：係喎！我仲聽到微弱嘅心跳聲同呼吸聲！地仔！你應下我地啦！ 黑烏鴉盧天：但係...細佬佢嘅眼白慢慢變黑...依家...兩隻眼都全黑啊！ 白烏鴉盧地：盧...天... 黑烏鴉盧天：細佬！你...做...咩...啊... 盧葦/零：地仔！你快啲放開你家姐啊！ 達：（讀白）盧地傷口癒口，眼睛變成全黑，完全聽唔到任何人講啲說話，失去理性同控制咁捉實佢家姐盧天條頸，然後慢慢企咗起身！秤起咗盧天！盧葦同盧婷好想拉開盧地！但由於佢地兩個只係青年人嘅身形，力氣唔夠成熟嘅盧地鬥！ 凱安：盧地，同我殺咗盧天。啊～唔好，將盧天變成我地嘅同類！ 盧婷/如：地仔！你快啲停手啊！ *羽毛箭聲效 達：（讀白）半黑半白羽毛箭趕到！快速插實盧地手指及手腕關節！盧地即刻鬆手，盧天跌落地面！ 黑烏鴉盧天：咳...咳...咳...細佬...你醒下... 凱安：盧地，攻擊！ 達：（讀白）盧地好似完全比凱安聲控咁，一拳打去盧天塊面度！ *擋格聲效 達：（讀白）半黑半白羽毛化成羽毛盾，硬擋盧地嘅一拳！而控制半黑半白羽毛嘅就係盧綠！ 盧綠：今敏！盧地究竟點解會變成咁嘅！？ 今敏：感染囉～凱安基因變異之後除咗變成半人半魚形態，睇嚟食完唔同物種就可以得到嗰個物種嘅能力～估唔到仲可以感染以及控制埋其他人添～ 白烏鴉盧地：目標人物 - 盧天；指令 - 同化。 達：（讀白）盧地講完之後，就好似一個無靈魂嘅人偶，目無表情咁向盧天揮拳攻擊！盧天用黑羽毛組成嘅盾去擋格！ *擋格聲效 *羽毛箭聲效 達：（讀白）盧地仲有控制羽毛嘅能力，所有白色羽毛升起，全方位攻向盧天！盧天唔想傷害自己細佬，所以佢就控制黑色羽毛對抗！由於佢地兩個都有全知狀態，所以互相感應到對方羽毛箭攻擊嘅位置！頓時間眼前二人嘅範圍好似落緊一場黑、白羽毛箭雨！每當盧地用白色羽毛箭攻向盧天，盧天就會用黑色羽毛箭抵擋！黑白烏鴉互相比鬥羽毛箭嘅控製力！白色羽毛箭時高時低，忽左忽右，希望可以突破盧天嘅防線，但盧天亦都成為波靈者多年，所以兩個人暫時平分秋色，不分上下！除咗海量嘅黑白羽毛箭較勁，我亦不斷聽到尖銳嘅箭矢碰撞聲！ *羽毛箭雨碰撞聲效 達：（讀白）突然間，盧地將所有羽毛箭收喺胸前，暫援攻勢... 黑烏鴉盧天：細佬！你醒下啊！我係你家姐盧天啊！你係盧零、盧如嘅仔，第三任村長以及波靈者盧地！我地約好一齊管理呢個啞鈴洲架！ 白烏鴉盧地：無錯。我同化咗你，就可以一齊協助海神。 盧葦/零：海神？ 凱安：係我啱啱諗到架。我成為海神管理大海，盧地成為地主管理啞鈴洲，盧天就做天公負責天空。天、地、海，每人一個區域，但全部都聽命於我。呢個計劃你地覺得點啊？ 白烏鴉盧地：目標人物 - 盧天；指令 - 同化。 *揮劍聲效 達：（讀白）盧地將白色羽毛組成兩把短劍，快速舞動攻向盧天！而盧天亦控制黑色羽毛組成一支雙頭羽毛槍！揸真中間嘅槍柄，不斷揮動擋格！ 盧綠：盧天！等我嚟幫你！ 黑烏鴉盧天：唔駛！等我牽制細佬！你同阿爸阿媽對付失常嘅凱安！ 盧葦/零：無錯！凱安係源頭，唯有解決佢，地仔先可以回復正常！ 凱安：正常？我依家好唔正常咩？ 盧綠：阿安！不如我地再好好傾下啊！ 凱安：阿綠，係我細聲定你耳仔有問題啊？咁我講多次 - 你地逐個嚟，定一齊上啊！ 盧綠：阿安！我地幾個打完...就決定啞鈴洲嘅命運？會唔會太兒嬉？對其他村民唔公平呢？ 凱安：咁你地盧氏世襲制成為村長咁多年，又公唔公平啊！ 盧葦/零：係我唔好！將守護真相嘅重任交比自己嘅後人...但我都係唔係其他村民要背負咁大嘅責任啫！ 凱安：得啦，唔駛再講。我贏咗，歷史就可以改寫。一切重新嚟過！ 盧綠：阿安！ 凱安：阿綠，一係我依家即刻返去啞鈴洲，咬曬所有村民，將佢地變為我嘅同類，咁到時我有晒佢地嘅授權，再同你地打，你地嗰心會唔會舒服啲啊～ 今敏：盧綠，人類多年歷史以嚟都避唔開戰爭，好多時都係少數有權力嘅人去決定大多數平民嘅命運。你應該慶幸你可以企係呢度成為權力嘅少數。 盧婷/如：Zero…估唔到入到嚟都係要戰鬥... 盧葦/零：阿安，對唔住啊！ 盧綠：阿葦！我幫你！ 盧葦/零：阿哥，呢件事因我同Fish而起。交比我地去處理啦。 凱安：哈哈哈～阿葦、婷婷，雖然你地第一世係盧零同盧如，但你地睇下你地依家嘅身體？我未「蛇變」之前，你地都唔夠我打，你唔係諗住依家可以贏到我啊嘛！ 盧葦/零：阿安，既然你咁講，我想向今敏提出一個要求。 今敏：係咩呢？Zero？ 盧葦/零：將我同Fish變返入嚟封閉區域前，對打前組長N嘅身體狀態。阿安，你唔反對啊嘛？ 凱安：最緊要你地輸得心服口服！ 今敏：OK～既然雙方都同意，咁我唔會阻止嘅～ *魔幻聲效 盧綠：今敏揮一揮手上嘅木棒，阿葦同婷婷身上就被白光圍住，覆蓋全身！唔駛一分鐘之後，啲光散開晒...跟住喺我面前出現嘅...唔再係阿葦同婷婷...而係啞鈴洲創世記憶入面嘅盧零同盧如...佢哋換咗唔屬於啞鈴洲嘅衫...手上拎住嘅亦係我未見過嘅武器... *上彈聲效 盧婷/如：對上一次拎槍...已經係142年前嘅事啦... 盧綠：槍...? 盧葦/零：係現實世界嘅武器。刀、劍、箭等等冷兵器之後出現嘅武器，算係改變戰爭歷史嘅發明。 今敏：Fish擁有返入封閉區域前，打咗DNA藥嘅狀態。至於Zero你～當係我比你嘅禮物～我還原咗潛藏喺你身體入面嘅DNA。至於係咩，等你慢慢發掘啦～ 凱安：唔好咁多廢話！嚟啦！ *充電聲效 達：（讀白）凱安一講完，由七腮海鰻組成嘅右手發電！電流流入三叉戟！凱安大叫一聲！將充滿電流嘅三叉戟向盧零掟過去！ *凱安大叫＋掟戟聲＋電流聲 達：（讀白）盧如瞳孔收細，眼亦比平常人較為凸出！根據我之前所睇嘅檔案，佢本身係擁有深海魚類 - 斑馬魚嘅視桿性視錐細胞，同埋鳥類眼睛雙重調節嘅能力...所以眼力非常好！但盧零本身有咩動物嘅DNA…我就真係唔清楚... *開槍聲效 達：（讀白）凱安掟出電流三叉戟嘅同時，盧如向三叉戟開咗三槍！精準咁命中三叉戟嘅頭同柄！發出眩目嘅火光！子彈嘅衝力改變咗三叉戟嘅路線，按路線應該飛去盧零幾米外嘅空地！凱安眼見攻擊落空，即刻飛出食指嘅七腮海鰻！喺三叉戟落地前咬實佢，再借拉扯之力，將自己拉近到盧零一米嘅位置！ *開槍聲效 達：（讀白）有全知狀態嘅凱安反應極快！配合非常柔軟嘅身體，凌空做出類似瑜珈嘅身體動作避開盧如嘅子彈！而就係落地嗰一刻，凱安又用充滿電流嘅三叉戟刺向盧零！ *羽毛箭聲效 *武器交擊聲 盧綠：阿葦！接劍！ 達：（讀白）盧綠複製盧天同盧地嘅做法，將黑白羽毛形成一把羽毛劍！劍身同三叉戟相撞！火花四散！ 盧綠：我會盡力控制羽毛劍嘅形態！唔會被啲電震散！ 凱安：阿綠，你都將幾多事架喎！啊！ *飛蛇聲效 達：（讀白）凱安伸長左手！企圖用七腮海鰻攻向盧綠！盧綠雙手緊握，用盡所有精神控制羽毛劍嘅形狀！而盧零就握劍一斬！ *斬擊割肉聲效 *凱安痛叫 盧葦/零：阿安！你嘅對手係我啊！ 達：（讀白）盧零斬斷凱安攻向盧綠嘅左手！五條七腮海鰻脫離凱安左手嘅時候，竟然仲有行動能力，繼續走向盧綠腳前！ *開槍聲效 達：（讀白）盧如連開五槍，精準咁

    14 min
  5. 【Zip噏劇場】Game of Eden 第二季 「小島篇」#105《島局（2）》

    Apr 28

    【Zip噏劇場】Game of Eden 第二季 「小島篇」#105《島局（2）》

    跟另一伴攜手走下去前，不只是甜言蜜語、浪漫送禮，這件事做好準備更重要！預防 HPV 是對彼此「愛情」最基本的尊重和承諾。別讓對健康的傷害變成愛情的阻礙，為彼此主動做好HPV預防才能說是「真愛」。 立即諮詢醫師，展現你對愛的承諾。 男女1+1 主動防禦HPV(人類乳突病毒) https://fstry.pse.is/95rpbt —— 以上為 Firstory Podcast 廣告 —— 時間：180年9月23日 地點：封閉區域Area DB Island α島 達：（讀白）我、盧綠、第一世係盧零嘅盧葦、第一世係盧如嘅盧婷、黑烏鴉盧天、白烏鴉盧地仲有今敏商討緊封閉區域啞鈴洲未來嘅時候，經歷咗「蛇變」嘅凱安、裘雪聯同人工智能K Area DB Island都嚟到α島... 原來我喺天堂島啟動嘅盧恩符文木盒彈出嚟嘅兩條蛇咬到凱安及裘雪，令裘雪成為最強嘅大腦，凱安就成為半人半魚嘅怪物。盧零想將啞鈴洲管理嘅大權交比盧天及盧地，但凱安反對！仲向我攻擊...今敏變出一個攻唔破打唔爛嘅透明防護罩保護我，仲鎖實我雙手阻止我用「D」嘅能力...令我成為乜都做唔到嘅旁觀者...而凱安得知創世嘅真相之後...講出佢嘅要求！ 凱安：呢個啞鈴洲唔再需要虛假嘅神話！由我去擊敗你地！成為呢度嘅未來！ 達：（讀白）佢一講完，就拎起地面上面嘅三叉戟，向我地所有人衝過嚟！ *急步跑聲效 *凱安怒叫 盧綠：阿安！你冷靜啲！不如我地傾下啊！ 凱安：阿綠！我已經講得好清楚！我要成為村長！管理呢個啞鈴洲！ 盧綠：好！咁我地再投票！ 凱安：12日前，我都動議過投票選村長，阿雪可以做證。但你記唔記得你講過咩啊？係你話得盧氏可以同玄武大帝接觸！得你地飲靈魂之水有反應！其實一切都內定嘅！ 盧綠：當時係！但依家我地呢度所有人都知道玄武大帝係虛構嘅，咁就由我地坐低一齊傾呢個島嘅未來，好唔好？ 凱安：唔計人工智能、今敏同假嘅玄武童子，除咗我同阿雪之外，你地個個都姓盧，點傾啊？點投啊？ 盧綠：我地所有人都係為咗呢個啞鈴洲著想，一定可以傾到大家滿意嘅結果嘅！ 凱安：你所謂嘅滿意係咪指少數服從多數？但如果我呢個少數打抵晒你地，咪可以成為唯一囉！ 盧葦/零：阿安！我地唔一定要打架！ 凱安：你以第一任村長盧零定係我嘅朋友盧葦嘅身份同我講呢句說話先？ 盧葦/零：盧零嘅身份，就係想大家可以喺呢個平安和諧嘅世界生活。盧葦嘅身份，就係想好似以前咁，我地一齊出去探險，一齊開開心心過日子！阿雪，你都想架，係咪？ 凱安：你唔好再懶係動之以情啦。阿雪佢已經無可能再扮咩事都無發生過，喺觀星閣做埋啲無意義嘅推算。 裘雪：阿安...你講得啱...但我同阿綠一樣...唔認為「打」係一個最好嘅方法... 凱安：咁你繼續沉默，繼續企埋一邊諗想點！唔好阻住我！ 盧葦/零：今敏！你講過過會協助我去管理呢度架！ 今敏：Zero，我嘅協助～咪就係等你地去決定呢度嘅未來囉～ 凱安：係咪只要我解決晒佢地，我就可以接替今敏你嘅位置，成為呢度嘅話事人！？ 今敏：呢個係其中一個方法～ 凱安：咁得啦！你地想一齊上定逐個逐個嚟啊！ 盧如/婷：今敏！你咁講咪挑起咗凱安嘅戰意同情緒！ 今敏：我係話呢個係其中一個方法囉～Fish，你同Zero計埋現實世界生存嘅時間，都叫做咗過百年人，乜你地仲未清楚人性咩？ *羽毛箭聲效 *三叉戟擋格聲效 達：（讀白）突然，有數十支羽毛箭喺盧綠身後射出！凱安立即揮動三叉戟擋格！之後白色羽毛再飛到半空！返到去白色烏鴉身上！嗰隻白色烏鴉向下俯衝去凱安身前！ *變身聲效 達：（讀白）白烏鴉盧地變返做人型！伸出右腳借俯衝嘅衝力踢去凱安嘅心口！凱安好似預計到盧地嘅攻勢及意圖，用三叉戟嘅身硬接呢下飛腳！ *滾地聲效 達：（讀白）凱安被盧地踢到向後滾咗幾個圈...然後再企返起身！ 凱安：我地大家都有全知狀態，你要偷襲我？唔係咁容易啊，第三任村長盧地。 白烏鴉盧地：阿爸阿媽，只要解決咗半人半魚嘅凱安，一切都可以回復正常。我同家姐就可以繼續使命，守護啞鈴洲。 盧葦/零：但係...地仔...阿安佢依家係半人半魚嘅狀態... 白烏鴉盧地：咁我都係渡靈者啊。加上當年我同凱氏最勁嘅高手 - 凱旋不分上下。就睇下佢嘅後人凱安有幾厲害！ 黑烏鴉盧天：細佬！駛唔駛我幫手？ 白烏鴉盧地：家姐，唔駛啦。我要凱安佢輸得心服口服！ 凱安：啊！ *飛出三叉戟聲效 達：（讀白）凱安用力掟出三叉戟！佢三米高嘅身形，加上半人半魚嘅怪物形態...就算我被困喺玻璃防護罩入面，都感受到嗰種攻擊力！比之前同獨角獸大戰嘅時候嗰隻有翼猩猩有過之而無不及！ *羽毛箭聲效 *擋格聲效 達：（讀白）不過白烏鴉盧地面無懼色，佢用手指控制白袍上嘅羽毛，羽毛袍接近所有羽毛化成一個盾，將三叉戟擋上半空！然後凱安跳起，凌空接返三叉戟，再順勢由上而下咁直劈去白烏鴉盧地！ 盧地再用羽毛盾牌硬擋！不過凱安借擋格回彈嘅力，以自己做重心順轉一圈！再用自轉嘅力量，連帶揮動三叉戟向盧地橫斬過去！ 盧地眼神凌厲，無再用手指指劃，好似變咗用意念去控制羽毛！羽毛盾及時換位，繼續擋格凱安嘅攻勢！ 盧綠：阿葦...你應該好記得...阿安佢係凱氏呢一代最熟水性同最好打嘅傳人...佢平時揮動白杖蛇矛易如反掌...我同你合二人之力...先可以同佢打成平手... 盧葦/零：阿哥，你唔駛擔心...地仔佢做咗渡靈者咁多年...加上當時佢盡得我喺現實世界666組織所學嘅格鬥技，亦即係你地口中嘅玄武拳法真傳...應該無事嘅... 盧如/婷：Zero…真係無其他辦法咩？ 盧葦/零：唯有等地仔壓制凱安...我地再諗辦法... 凱安：哈哈哈！盧地，你淨係識防守？想打消耗戰啊？ 白烏鴉盧地：我想同你玩耐啲，唔想你咁快輸啫！ 達：（讀白）凱安不斷揮動三叉戟，劈、斬、刺三種擊法來回駛用！但每一下攻擊都被盧地嘅羽毛盾一一擋格！凱安好似沉唔住氣，瘋狂直刺護係盧地身前嘅白色羽毛盾！ 凱安：啊！我睇你守得幾耐！啊！啊！ *刺擊聲效及擋格聲效 達：（讀白）由於凱安每下都好精準咁刺同一個位置！羽毛盾嘅正中位置慢慢抵擋唔住！出現裂痕！盧地眼神盯緊凱安每下攻擊嘅動作！就係佢連續續第七下攻擊之後，準備再刺出第八下之前，手臂拉後嘅一剎那空隙！盧地右手食指輕輕一動！袍上面所淨幾支嘅羽毛分別向凱安腋下、手踭、手腕三個開節位射過去！ *羽毛箭飛出插肉聲效 *凱安痛叫聲 達：（讀白）凱安佢被羽毛箭刺中之後，痛叫咗一聲，無辦法立即再向盧地攻擊！而盧地防守咗咁耐，就係睇準呢個時機！護係佢身前嘅羽毛盾同一時間散開！我以為佢會用羽毛箭雨瘋狂攻擊凱安！但原來唔係！白色羽毛由盾變成劍嘅形狀！盧地接過羽毛劍柄！用寸刺嘅動作，將白色羽毛劍向凱安心臟位置插過去！ *揮劍斬肉聲 *凱安痛叫聲 盧綠：阿安！ 裘雪：阿安！ 達：（讀白）始終盧綠、裘雪同凱安係多年朋友，所以眼見盧地嗰一劍直刺凱安心口！佢哋兩個忍唔住大叫！擔心凱安嘅安危！ *滴血聲效 凱安：哈哈...我都講過我同你都有全知狀態...想殺我...無咁易嘅... 達：（讀白）原來凱安及時伸出左手護喺胸前！而身上好堅硬嘅鱗片成功抵擋盧地極快嘅劍刺攻擊！凱安左手手臂被刺穿，不斷流血！ 白烏鴉盧地：（語氣平淡）凱安，再見啦。我會喺轉世中途島等你。 *羽毛箭聲效 達：（讀白）白烏鴉盧地再控制羽毛，白色劍散開！變成兩把短劍！盧地左右手同時揮動白色短劍！凱安兩隻前臀瞬間被斬斷！ *凱安痛叫 *肉被斬聲效 *滴血聲效 達：（讀白）盧地想再向前進攻，但凱安佢急步向後跳！完全跳出盧地嘅攻擊範圍！二人相距十米，盧地指揮羽毛箭，喺佢身旁戒備，隨時發動羽毛箭雨攻擊 今敏：唔錯唔錯～好耐無睇過咁精彩嘅打鬥啦～ 盧綠：今敏！不如你阻止阿安啦！ 今敏：我再重伸多次，我係唔會介入你地～等你地自由咁做決定～ 盧葦/零：阿安，夠啦，停手啦。 裘雪：係囉...阿安...再打落去...你會死架... 凱安：哈哈哈...你地仲記唔記得我地由細到大聽嘅神話啊？ 盧綠：我記得...喺好耐好耐以前，玄武大帝創造咗呢個世界以及各種生物，一切相安無事，直到有一日，一條九頭海蛇喺深海發惡，殘殺海入面嘅生物。其中一種魚面人身，名叫「盧亭」嘅生物接近絕種，佢地為咗逃離九頭海蛇嘅追殺，不斷游不斷游，直到發現一個啞鈴形狀嘅島，佢地諗住爬上陸地求生，可惜佢地離開水根本呼吸唔到... 裘雪：直到玄武大帝用佢嘅力量將九頭海蛇封印，然後將自己嘅力量分比仲存活嘅「盧亭」，等佢地成為玄武大帝嘅兒女，玄武大帝亦教識佢地說話、生火、耕種等等嘅能力，等佢地可以喺陸地生活。神更加將呢個名為「啞鈴洲」嘅地方比一眾「盧亭」管理，直到神再次回

    14 min
  6. 【Zip噏劇場】Game of Eden 第二季 「小島篇」#104《島局（1）》

    Apr 20

    【Zip噏劇場】Game of Eden 第二季 「小島篇」#104《島局（1）》

    上回提要：凱安經過「蛇變」之後，變成半人半魚怪物，潛入啞鈴洲深海一千米嘅海底，除咗感受到海底世界嘅奇妙之外，最主要目的係搵九頭海蛇嘅封印。當佢去到啞鈴洲邊界，誤以為邊界後嘅地方係九頭海蛇封印之處，用盡全力打想打破邊界防火牆嘅時候，人工智能K Area DB Island同裘雪趕到，K Area DB Island不斷變出三叉戟向凱安攻擊，一輪激戰之後，裘雪用自身阻擋凱安，凱安失血過多而昏迷... *傳送門聲效 裘雪：（讀白）人工智能用傳送門將我地傳送到去千獸島度...我除咗件潛水盔甲，立即檢查阿安嘅傷勢。雖然開始停血...但傷口仍然好深... K Area DB Island：裘雪，頭先點解你要擋係我面前？以凱安嘅衝擊力，佢支三叉戟好大機會打爆你嘅面罩，咁你就會即時缺氧死亡。 裘雪：因為...我相信阿安唔會殺我...同埋你會救我 K Area DB Island：雖然你地喺Game of Eden嘅數碼靈魂，但都係由容博士嘅基因科技創造，本質同人類相同，所以我都係唔能夠理解你地呢種行為 裘雪：點解...點解會變成咁... K Area DB Island：後悔比蛇咬咗？ 裘雪：其實...我地所有人都只係想係度平平安安咁生活啫... K Area DB Island：平安兩個字，說易做難。每個人都有自己嘅執念，每種執念都會影響決定，繼而改變人生。大千世界就係由各種念所組成。裘雪你嘅「念」又係咩呢？ 裘雪：我依家只係想阿安無事...我出去搵啲草藥返嚟醫治佢先... K Area DB Island：唔駛啦。「蛇變」後凱安嘅身體好奇特，佢身上嘅傷已經開始癒合。 裘雪：阿安佢...可唔可以變返做普通嘅人？ K Area DB Island：係你想？定你以為佢想啊？ 裘雪：（讀白）我無理會到人工智能嘅問題...只係全心留意住阿安嘅傷勢...雖然慢慢埋口...但阿安嘅呼吸仲係好虛弱...跟住人工智能又憑空變出一個物件，係一個圓形嘅球體。 K Area DB Island：因為過錯，所以後悔，因為後悔，所以希望重來。現實世界嘅人類希望發明時光機，改寫命運。 裘雪：咁...佢地成唔成功？ K Area DB Island：佢地有好多方法去擁有更多時間。至於喺呢個封閉區域，我可以做到。呢個刻有 Z 嘅水晶球，送比你。 裘雪：點解係我？ K Area DB Island：因為你係我咁多年以嚟最欣賞嘅村民。 裘雪：（讀白）我接過呢個水晶球之後，就繼續全心全意照顧阿安嘅傷勢。而經過一晚休息之後...佢終於... *凱安咳聲 裘雪：阿安！你醒返啦！ 凱安：（虛弱）阿雪...你...無事嘛？ 裘雪：我無事啊！ 凱安：阿雪...點解你要阻止我... K Area DB Island：因為你所做嘅事係徒勞無功，兼且你破壞防火牆嘅行為會危害整個封閉區域。 凱安：你...你都係...神...? K Area DB Island：我傳送呢度嘅創世資料比你，你就會了解真相。 *數據傳送聲效 K Area DB Island：數據傳送完成。 凱安：哈...哈哈...哈哈哈！！！ 裘雪：阿安... 凱安：哈哈哈！啊！！！！！！！！ *用力打樹聲效 *樹幹斷裂聲效 K Area DB Island：如果打斷啲樹會令你好過啲嘅，你可以繼續。 凱安：所以阿雪你都知道呢度嘅一切？ 裘雪：我都係被蛇咬到，遇到人工智能先知...我嘅反應同你差唔多... 凱安：即係我地咁多年都係活喺一個大話入面！？ K Area DB Island：信仰遠比神話嘅真偽更重要。 凱安：即係我地咁多年嚟都係白活啦！ K Area DB Island：咁就要睇你對「存在」同「生活」嘅定義啦。 裘雪：（讀白）阿安佢望一望自己對手…然後左手拎起旁邊本身刺傷佢嘅三叉戟…然後用三叉戟指實人工智能！ 凱安：人工智能，話比我知盧綠，仲有嗰個所謂嘅玄武童子係邊！ 裘雪：阿安，比你搵到佢地又點啫？打佢地？殺佢地？ 凱安：阿雪，我要拎返我應該得野！ 裘雪：阿安，你究竟想要啲咩啊？ 凱安：我想要返我嘅時間！我啲人生！阿雪，你唔係仲想維護呢個虛構嘅神話啊？你唔係想當咩事都無發生過，繼續喺觀星閣推測根本唔存在嘅玄武大帝回歸之日啊？ 裘雪：咁你想點啊？話晒比所有村民知一切都係假嘅？佢地係普通嘅村民，承受唔起呢個衝擊架！ 凱安：佢地係人，唔係豬！有權知道所有真相！知道之後再由佢地自己決定！ 裘雪：咁然後呢？成個啞鈴洲就會分裂，呢個就係你想得到嘅結果？ 凱安：然後然後，我無咁多然後！我淨係知道呢一刻我就係自己嘅神！阿雪，你都經歷咗「蛇變」，你比其他村民更有權同力量去思考下一步點去做！ 裘雪：我...無諗到咁遠... 凱安：咁你呢個最強大腦不如協助我去帶領啞鈴洲脫離盧氏家族嘅控制，創造屬於我地嘅啞鈴洲！ K Area DB Island：其實「蛇變」計劃，係為呢個封閉區域啞鈴洲嘅未來提供另一種選擇。裘雪代表智慧、知識同創造。而凱安你直頭係人類以外嘅另一知物種。一切都係今敏嘅預料之內。所以，我依家就帶你地兩個去搵今敏以及盧綠佢地，一同決定呢度嘅未來。跟我嚟。 — 裘雪：（讀白）人工智能帶著住潛水衣嘅我，仲有半人半魚形態嘅海安，由千獸島快速向東面遊過去。阿安一直都無出聲，只係跟住我地一直游...最後...我同佢都感受到呢個α 島上面有個7人嘅氣息，而阿安就加速！由海入面用力一躍！跳上α島！我同人工智能緊隨其後！ *跳躍及落地聲效 盧綠：阿安！點解你智變成咁架！？ 盧葦/零：今敏！你對阿安佢做過啲咩啊？ 今敏：乜你唔記得咗喺你仲係盧零，死後第一次轉世嘅時候，我同你提過喺天堂島用你死後嘅身體整一個機關，由你去手持一個佈滿盧恩符文嘅木盒，按唔同嘅符文去創造唔同嘅物種咩？ 達：即係...我地喺天堂島度...由我撳完木盒彈出嚟嗰兩條蛇...令凱安變成咁...? 今敏：除咗凱安，裘雪亦都一樣。 K Area DB Island：佢地除咗身體有變異，亦得到全知狀態，同時亦得到啞鈴洲嘅創世資料。 盧婷/如：Zero，點解你當年要咁做呢？ 盧葦/零：因為...今敏佢話若然創造新物種...可以解決啞鈴洲人口飽和嘅問題...同時將呢個隨機嘅重任...交到去阿康嘅後人手上... 凱安：喂喂喂，你地講嘅前因反果，我一啲興趣都都無。我出現喺度，第一個最想搵嘅人，係你！ *急步聲效 盧綠：（讀白）變成半人半魚狀態嘅阿安速度比以往快咗好多倍！唔駛幾秒嘅時間，佢就衝到去我地嘅身前！阿葦下意識衝前，想擋住佢！ 盧葦/零：喂！阿安你做咩啊！ 凱安：阿葦！唔關你事！ 盧葦/零：你變成咁...我都有責任...今敏！你可唔可以變阿安變返做人！？ 今敏：原本嗰條巨人、正義、新的開始嘅蛇只會令佢變得有神力，但可能大凶日，server rebot嘅問題，令到程式出錯，所以就變成咁Lu～ 凱安：我嚟唔係想變返做人！我只係想！ 盧葦/零：阿安！你想點啊！ 凱安：盧葦！你行開！ 盧綠：（讀白）阿安一手推開擋住喺前面嘅阿葦，阿葦反應唔切，被佢啲神力推開幾米咁遠！跟住阿安就揮出右拳！想一拳打向阿達！眼見阿安嘅揮拳準備擊到阿達塊面嘅時候！ 凱安：啊！！！ *揮拳聲 *變物件聲效 *打中玻璃牆聲效 盧綠：（讀白）突然有一個透明嘅防護罩出現保護阿達！擋住阿安嘅攻擊！ 凱安：啊！！！你呢個假嘅玄武童子同我出嚟！！！啊！！！ *揮拳發打中玻璃聲效 今敏：凱安，唔好意思，阿達佢嘅身份特殊，左手嘅能力都非常重要，所以我唔可以比你傷害到佢。 達：（玻璃內）凱安...我...完全唔知會變成咁架... 今敏：阿達，你係島外人。我諗你都係出少句聲，同埋～ *鎖鏈聲效 達：（玻璃內）今敏！你做咩鎖住我對手啊！？ 今敏：慎防你用左手「D」嘅能力亂咁搞搞震～你都係乖乖地留喺玻璃保護罩入面欣賞呢個島嘅結局啦～ 凱安：你就係今敏啊嘛～好！ 盧綠：（讀白）凱安轉向衝去今敏度！揮拳擊向今敏！跟住今敏升起到半空，避開阿安嘅攻擊！阿安一拳落空，眼神凌厲望實今敏！跟住佢曲一曲膝，用力跳起！駛出寸刺！ 今敏：睇嚟你基因變異得唔錯喎～不過可惜～我係呢度嘅神～ *重力聲效 盧綠：（讀白）今敏揮一揮手上啲木棒，本身跳起離地幾米嘅阿安被一度無形嘅力壓係地下！完全郁唔到！ 凱安：（辛苦）今...敏...你...同盧零...就係...所有大話...嘅...源...頭... 今敏：無盧零，就無啞鈴洲～無我～亦都無啞鈴洲～所以，你要多謝我啊～ 盧婷/如：夠啦！我地係嚟解決問題架！ 凱安：（辛苦）佢地...就...係...問...題... 黑烏鴉盧天：雖然我唔知凱安你發生咩事，但我地依家最重要係令啞鈴洲重回正軌！ 今敏：無錯啊～重力解除！ *解除重力聲效 盧綠：（讀白）今敏雖然解除重力，但就將凱安彈返去佢上岸嘅位置 *倒地聲效 盧葦/零：阿安，我決定咗由我同Fish嘅囝囡，即係小天同地仔去接替今敏嘅職位，繼續管理啞鈴洲，等大家維持呢度平安嘅生活。 凱安：創世又係你決定，過咗百幾年又由你決定。你憑咩決定啊！？ 盧綠：就憑佢係第一代村長！ 凱安：村長村長，你地盧氏有比過我地揀咩！？阿

    14 min
  7. 【Zip噏劇場】Game of Eden 第二季 「小島篇」#103《蛇變（下）》

    Apr 13

    【Zip噏劇場】Game of Eden 第二季 「小島篇」#103《蛇變（下）》

    上回提要：被知慧、知識同創造嘅蛇咬到嘅裘雪，得知啞鈴洲創世資料之後，成為最強大腦，正當人工智能K Area DB Island想傳授所有科學知識比佢嘅時候，發現另一條蛇身處凱安家中。原來凱安被巨人、正義、新的開始嘅蛇咬到，基因被改造，加上村長選舉嘅時候飲咗靈魂之水，身體變成半人半魚嘅怪物。村民以為凱安受到玄武大帝懲罰，所以向佢攻擊...最後凱安選擇逃入深海...其後不見縱影... 時間：180年9月22日 地點：封閉區域Area DB Island東堤海岸沙灘 裘雪：人工智能...呢個好厚同好重嘅盔甲...係屬於咩時代嘅科技？ K Area DB Island：係現實世界最新嘅科技。海洋一直係人類好想探索嘅地方，不過因為水壓、氧氣、光度嘅問題，令人類無辦法潛入海底。而隨著科技嘅進步，人類創造潛水艇，希望深入海底世界。暫時載人潛水艇最深嘅嘅紀錄係接近11000米。 裘雪：咁點解你唔整艘可以潛入水底嘅船，而係比呢個盔甲我？ K Area DB Island：呢個潛水衣係由我封設計，可以抵受水深1000米嘅壓力，提供約1小時嘅氧氣，可以比你同我一齊去搵凱安。 裘雪：凱安徒手潛水最深都只係可以潛到120米 K Area DB Island：但佢魚人嘅狀態...可能真係可以去到啞鈴洲1000米嘅海底... 裘雪：啞鈴洲水深有1000米！？ K Area DB Island：如果按照現實世界，最深都可能只係100-120米，不過既然盧零同今敏無限制我，我就創造咗一個非常壯麗嘅水底世界！ 裘雪：（讀白）我按照人工智能嘅指示，著上呢一身雪白嘅潛水盔甲...盔甲嘅琉璃非常清澈，透光度極高，頭盔上鎖後以後會好焗...但清新嘅空間慢慢注滿整個密封嘅盔甲。 K Area DB Island：呼吸無問題？ 裘雪：（面罩內）好順暢 *全知狀態聲效 K Area DB Island：（全知狀態）你喺蛇變後嘅身體，可以直接用大腦訊息同我對話 裘雪：（全知狀態）呢個...又係咩科技？ K Area DB Island：（全知狀態）係腦部開發嘅技術，我地稱呼為全知狀態。不過我無時間解釋，要行啦！ 裘雪：（讀白）著咗盔甲嘅我...慢慢跟人工智能行入海度...再開啟埋盔甲外嘅推進器...就出發去搵凱安。阿安...你要等我啊... *踏步行入海水聲效 時間：同日 地點：啞鈴洲東面海域 凱安：（讀白）118…119…120…121…125…130！！！我...我又再破咗凱氏家族徒手潛水嘅記錄！！！可以去到130米！！！而最大唔同嘅係！我之前係閉氣潛水！依家我可以喺水底呼吸！仲有！唔駛戴阿雪整嘅潛水護目鏡，對眼都可以好清晰睇到水底嘅環境！！！ 我真係前所未有咁暢快！！！ 原本我呢段時間身患怪病...心情好差...被條怪蛇咬到之後仲變成半人半魚嘅怪物！被村民唾棄！我不斷係度諗...係咪玄武大帝懲罰我！所以先令我退化成為怪物盧亭呢！但我依家可以喺深海度生存！我反而覺得係得到玄武大帝嘅垂青！賜我呢種特別嘅力量！等我可以完成凱氏家族終生嘅任務 - 就係去搵九頭海蛇被封印嘅位置啦！！！ 大凶日嘅出現一定係同九頭海蛇有關！我唔等盧綠同玄武童子啦！我一個人解決九頭海蛇！！！ *水流聲效 170…180..190…200米！ 200米嘅水底，已經接近無陽光可以滲透落嚟，我眼前接近全黑... *全知狀態聲效 但當我深呼吸，集中精神喺對眼嘅時候，我嘅對眼嘅感光度又大大提高咗！同埋我好似可以感受到50米範圍內水流以及各式各樣生物嘅氣息同情況...就好似... *鯨魚聲效 有一條非常兇猛嘅殺人鯨魚喺我身後向我快速衝緊過嚟！！！以前我會靜止呼吸！扮死！希望逃過佢嘅攻擊！但依家嘅我或者有力同佢一戰！所以我擰轉身！瞪大雙眼望實佢！！！伸出右手！準備以寸刺向佢攻擊！ *鯨魚聲效 原本張開口露兇尖齒嘅殺人鯨喺我寸刺掂到佢前急停！最外層係綠色碼，中間係灰色碼，最內層係紅色碼嘅佢發出啲叫聲...佢好似傳遞緊一個訊息 - 就係對唔住...我錯啦... 我收返攻擊嘅右手，轉為輕撫佢...跟住腦入面幻想出捉住佢嘅魚鰭，等佢帶我潛入深海嘅畫面，點知佢又對我叫 *鯨魚聲效 「我可以捉住你，跟住你走？」 *鯨魚聲效 我感覺到佢答我可以，所以我就捉住佢嘅魚鰭，然後指示佢游去更深嘅位置！ *鯨魚聲效 *水流聲效 400…450…500！我捉住殺人鯨嘅魚鰭深潛到去500米嘅位置！而我無任何呼吸困難！正當我想同殺人鯨再潛深啲嘅時候，有一條長成10米嘅巨形白色物體係我地身邊經過！我再細心一睇！原來有一條好長好長嘅魚！佢全身白色，魚頭有6條絲狀嘅長鰭條，腹部都一樣！呢種魚我地叫做皇帶魚，但平時好少見到...而最長只係得3米...原來可以去到10米咁長！ *水流聲效 殺人鯨再帶我游落更深嘅位置！跟全前面有啲微光...原來係一隻有人頭咁大嘅魚，但佢魚頭前面吊住一個會發火嘅波子咁，十足十螢火蟲嘅尾部。我捉住呢一條發光魚做燈，照一照附近嘅水域，然後就發現水深700至800米嘅位置有好多巨型水母係度浮下浮下！而每一隻水母反射緊嘅光都唔一樣！紅、橙、黃、綠、青、藍、紫乜顏色都有！跟住亦有游得極慢嘅巨型墨魚，佢全身透明，對眼好似阿雪整嘅小型望遠鏡咁，對眼凸晒出嚟！ 然後...我同殺人鯨一同靜止唔郁...因為...有一條5米長嘅巨型鯊魚...喺嗰堆水母度游過...佢對眼比淺水區嘅鯊魚混濁...然後...佢嘅表皮竟然可以發出微微嘅藍光！佢喺發光水母群度慢慢游走，撞到水母之後，水母群帶住各式各樣嘅光芒喺碰撞嘅一瞬間散開，好似喺水底欣賞煙花咁！呢個奇景！好想阿雪同阿綠都睇到！ *鯨魚聲效 *水流聲效 殺人鯨再帶我潛入更深嘅地方...呢度至少有1000米！我腳踩住1000米海底地面，呢種腳踏海底嘅感覺...好神奇...多謝玄武大帝賜我呢個能力！ *鯨魚慘叫聲效 *咬肉聲效 *凱安痛叫 啊！！！有啲不明嘅生物喺海藏度走出嚟！佢地好似鰻魚咁！有長長嘅身體！魚身有七個腮！而最怪嘅係佢地嘅圓形嘅口一張開！有好多倒鈎嘅牙！十幾條七腮鰻魚咬實殺人鯨！佢不斷流血！而另外十幾條就咬實我啲手手腳腳！我好似被佢地吸緊我嘅血咁！ 我唔可以比殺人鯨有事！所以我用力扯走咬喺佢身上嘅七腮鰻魚！點知其中一條衝去我嗰口度！我感受到佢嘅速度同位置，所以側一側閃避！再一口咬實魚身！ *電流聲效 原來佢身體會發電！我但強忍！硬生生咬斷咗佢！ 而咬住殺人鯨嘅七腮海鰻聞到同類嘅血味，就一下子衝晒去我度！我被廿幾條咬實唔放！我曲一曲膝，跳起，再快速自轉！用呢一下旋轉嘅衝力揮走晒佢地！忍住被佢地放電嘅痛楚！逐一將佢地一分為二！ 解決晒佢地之後，我游返去殺人鯨度，但原來佢已經滿身傷痕...血流不止...已經感受唔到佢生命嘅跡象... 殺人鯨...多謝你帶我嚟到深海1000米嘅世界... *水流聲效 我剛才太肚餓...所以將嗰十幾條會發電嘅七腮海鰻吞咗落肚，然後貼住海床極速游走！希望可以搵到九頭海蛇封印嘅位置！ *水流聲效 但成個啞鈴洲海域咁大！觀星閣嘅文獻又無確實記載座標...我依家就好似一隻盲頭烏蠅咁，盲目去搵！ 我瘋狂咁游！將感知嘅狀態提升到極限！完全無放過海床上面任何異常嘅動靜，可惜！我都係搵唔到任何痕跡...直到...我想再向前游嘅時候... *撞牆聲效 *凱安痛叫 點解...我面前會有一度透明嘅牆擋住我嘅去路嘅！唔通...九頭海蛇就係封印咗喺入面？一諗到呢點，我就用力不斷打呢度透明嘅牆！！！ *用力打牆聲效 裘雪：（聲音由遠到近）阿安...阿安...阿安...你唔好再打啦...阿安！你唔好再打啦！ 凱安：阿雪！點解你可以喺水底度出現嘅！你著住呢件係咩衫嚟架！？ 裘雪：阿安，我地上水先再慢慢解釋你知啊！ 凱安：仲有，點解我地可以咁樣溝通到嘅？ K Area DB Island：除咗村長之外，被嗰兩條特別嘅蛇咬到嘅你地都可以擁有全知狀態，然後用心靈去溝通 凱安：你又係邊個？點解你身上嘅顏色比我地少？同埋你都可以喺水底呼吸嘅？ 裘雪：阿安，我呢件潛水衣嘅氧氣得返好少，不如我地上咗水再慢慢解釋你聽啊！ 凱安：雖然我唔知你地兩個點解可以喺度出現，但阿雪！你摸唔摸到呢度牆壁啊！我懷疑九頭海蛇就封印咗喺後面！你睇下，我受到玄武大帝嘅恩賜！得到呢個身體，可能就係想我親手解決九頭海蛇！咁樣就永遠唔會再有大凶日！我地個個都可以繼續安全生活啦！ 裘雪：阿安！跟本就無九頭海蛇，亦都無玄武大帝...我地...我地係... K Area DB Island：你地係被創造出嚟，喺呢個叫做Game of Eden遊戲入面嘅封閉區域所生活嘅數碼靈魂。 凱安：我都唔知你地講乜！我淨係知道我嚟呢度嘅目的得一個！就係殺咗九頭海蛇！ *用力打牆聲效 裘雪：阿安！你唔好再打啦！後面係乜野都無！因為呢度就係啞鈴洲嘅邊界位置啊！ *用力打牆聲效 凱安：我依家就證

    15 min
  8. 【Zip噏劇場】Game of Eden 第二季 「小島篇」#102《蛇變（中）》

    Apr 8

    【Zip噏劇場】Game of Eden 第二季 「小島篇」#102《蛇變（中）》

    上回提要：180年9月23日，阿達、盧綠、黑烏鴉盧天、白烏鴉盧地、第一世係盧零嘅盧葦、第一世係盧如嘅盧婷齊集喺封閉區域Area DB Island α島質問今敏之際，島附近嘅海面氾起湧浪，半人半魚怪物形態嘅凱安由海入面跳上α島，跟住一身太空衣裝束嘅裘雪連同K Area DB Island同時出現，眾人大感驚訝...時間回到一日前... 人工智能K Area DB Island喺百草園搵到被知慧、知識同創造嘅蛇咬到嘅裘雪，並向佢展示科技嘅力量，但K Area DB Island收到提示，發現另一條擁有基因變異能力嘅蛇出現喺凱安家中...二人利用傳送門一同前往目的地 時間：180年9月22日 地點：封閉區域Area DB Island 凱安家中 *傳送門聲效 *腳步聲 裘雪：人工智能...呢個邊度都去到嘅門...都係科學嘅力量...? K Area DB Island：呢個涉及到物理學上面嘅蟲洞同空間扭曲嘅理論...不過我唔夠時間解釋比你聽，因為我需要搵到條蛇，但一嚟到，顯示器上面嘅訊號就無咗... *敲門聲效 裘雪：阿安，你仲喺房休息緊？ *開門聲效 K Area DB Island：凱安！你... 裘雪：阿安唔係房...而且地上面有好多半透明嘅皮...呢啲係...? K Area DB Island：搵到第二條蛇嘅屍體啦！就喺凱安張床旁邊！ 裘雪：呢條蛇頭上嘅符號同我嗰條完全唔一樣嘅... K Area DB Island：第一個盧恩符文「ᚦ」（音：Thurisaz），成個斧頭象形文字咁，代表巨人；第二個係「ᛏ 」（音：Tiwaz），外形係一個向上嘅箭咀，係戰神提爾，代表法律、正義、勝利及戰士精神；第三個係「ᛝ」（音：Inguz），上下連住嘅交叉圖案，代表天使，象徵新嘅開始同希望。 裘雪：咁阿安係咪即係被佢蛇到？同我一樣發生變化？呢度成地都係好似蛇嘅皮...佢會發生咩事架？ K Area DB Island：呢啲似係巨型蜥蜴嘅皮...唔通凱安佢外貌發生上嘅變化..? 裘雪：佢之前飲過靈魂之水...皮膚出現好多魚嘅鱗片...再加上被蛇咬到...佢會唔會... K Area DB Island：我地快啲出去搵佢出嚟 *開門聲效 *村民群眾叫聲 裘雪：（讀白）我地一出凱安嘅門口，就見到好多村民拎住唔同嘅武器喺我地旁邊走過！其中一位係仁叔！ 裘仁：阿雪！你點會喺度嘅？ 裘雪：仁叔！究竟發生咩事？點解大家都拎住武器嘅？ 裘仁：有村民報告話喺附近嘅雞場發現一隻外表係半人半魚嘅怪物！嗰隻怪物生食緊啲雞！大家好驚！跟住嚇走咗！然後嗰隻怪物跑咗去北帝廟度！你都快啲跟我地過嚟啦！ 裘雪：（讀白）人工智能偽裝成普通村民跑外貌，跟住我同仁叔跑去北帝廟嗰度！跟住...我地就見到嗰隻半人半魚嘅怪物...佢有三米高...上身嘅衫被佢嘅身體迫到爆裂，腳掌亦迫爆咗草鞋...得返一條褲遮住下半身...佢想衝入北帝廟內，但有一眾村民拎住弓箭瞄準佢！跟住！ *射箭聲效 裘雪：（讀白）十數枝箭快速射向半人半魚怪物！佢伸手擋格！但都有幾村枝插穿佢手擘！ 裘仁：各位村民等等！ 村民甲：仁叔！唔可以等啦！頭先佢食生雞！點知佢一陣會唔會食咗我地架！ 村民乙：仁叔！佢會唔會係九頭海蛇嘅化身！趁盧綠村長同埋玄武童子唔喺度想殺晒我地架！ 裘仁：各位村民！你睇下佢嘅外貌！似唔似玄武大帝所記載！係未進化成為人嘅盧亭啊？ 村民甲：吓...140年嚟...都未發現過佢地啲存在...總之... 村民乙：唔好理咁多！活捉咗佢先！等村長返嚟再發落！！！ *拉弓聲效 村民甲：嘩！佢向我地衝緊過嚟啦！各位！我地一齊放箭！ 裘雪：（大叫）等等！ 村民乙：裘雪！唔可以等啦！ 裘雪：（大叫）凱安！係咪你啊！ 凱安（半人半魚型態）：（聲音極度沙啞）係...係...我... 裘雪：咁多位！你地聽唔聽到啊！係凱安把聲嚟架！ 凱安（半人半魚型態）：（聲音極度沙啞）阿雪...我...點...解... 裘仁：凱安！你...點解會變成咁嘅？ *射箭聲效 裘雪：喂！唔好啊！ *中射聲效 凱安（半人半魚型態）：（痛叫）啊！（發怒）快啲...比我...入去...見...玄武大帝！ 村民甲：你退化成為怪物！仲想見玄武大帝！？ *拉弓聲效 *凱安撕叫！ 裘雪：變成半人半魚怪物嘅凱安突然大叫！仲大步衝去擋住佢入北帝廟嘅村民前面！守護廟宇嘅村民見到比自己高成米嘅凱安...嚇到雙手無力...跟住凱安一手捉住村民嗰頭，就將佢拋出幾米外嘅空地！ *墜地聲效 *拔劍聲效 裘雪：（讀白）淨低守衛嘅村民拎起劍，準備反擊！ 凱安（半人半魚型態）：唔好阻住我！ *急步跑聲效 裘雪：阿安！你唔好再傷害其他村民啦！ 凱安（半人半魚型態）：阿雪...我想入去問玄武大帝...點解...我會變成咁... 裘雪：阿安...你冷靜返啲...等我慢慢解釋比你聽... 凱安（半人半魚型態）：阿雪...我係咪比玄武大帝放棄...我要退化...唔可以做人啦... *射箭聲效 *中箭聲效 *凱安痛叫 裘雪：喂！你地唔好再攻擊阿安啦！我會處理！ 眾村民：射死佢！射死佢！射死佢！ *拉弓聲效 凱安（半人半魚型態）：啊！！！ *凱安大步跑走聲效 裘雪：阿安！你去邊啊！ 村民甲：各位！我地去追！ 裘雪：咪住！大家都冷靜啲！ 村民乙：佢變成咁，一定係受玄武大帝懲罰！唔殺死佢！我地點會得到安寧啊！ 村民甲：一陣又出現大凶日，咁點算啊！ 裘雪：各位...聽我講...等我去處理！ 裘仁：阿雪！凱安佢依家好危險架！ 裘雪：仁叔，你頭先都見到佢無攻擊我架，放心，我無事。你幫忙睇住啲村民，阿安嘅事交比我啦！ 裘仁：咁你萬事小心啦... ------ 裘雪：我沿住啲腳印一直去追，好快就同偽裝成村民嘅人工智能追到去啞鈴洲東堤海岸嘅沙灘度。果然，凱安喺度，仲跪咗喺沙上面，望住海水倒影嘅自己...仲不斷打啲沙 *擊沙聲效 K Area DB Island：凱安，你係被蛇咬到，跟住身體竟慢慢變成咁，係嗎？ 凱安（半人半魚型態）：阿雪！仲有呢位係... 裘雪：阿安...我唔知點解釋比你聽...總之我同你一樣...都被條怪蛇咬到... 凱安（半人半魚型態）：咁點解你無事...但我會變成半人半魚嘅怪物！自從飲咗靈魂之水之後...我就生咗魚嘅鱗片...係咪玄武大帝覺得我妄想挑戰阿綠成為村長...所以懲罰我... 裘雪：如果係嘅，咁就唔淨係得你變成咁啦 凱安（半人半魚型態）：咁我究竟發生咩事... K Area DB Island：你比巨人、正義、新的開始嘅蛇咬到，基因被改造。但理論上應該會變得更有力量，外貌唔會異變架。唔通真係同靈魂之水有關...? 裘智將靈魂之水加惡夢蘑菇就得到接近全知嘅狀態...唔通凱安你都一樣...？ 凱安（半人半魚型態）：阿雪...點解你開始變成一點點咁...仲有三隻顏色添...而呢位我未見過嘅村民...得灰色點點嘅...我係咪...就嚟死啦... 裘雪：阿安！你無事啊！只係... K Area DB Island：等我依家比呢個地方嘅創世資料你，等你了解發生咩事。 *箭插地聲效 *奔跑聲效由遠到近 裘仁：（喘氣）阿雪...對唔住...我欄唔住佢地... 村民甲：阿雪！唔好意思！頭先我地一班村民決議，要將變成怪物嘅凱安困喺佢自己屋企，直到村長盧綠返嚟之後再定斷！ 裘雪：咁多位！你地信我啦！ 凱安（半人半魚型態）：阿雪...對唔住... *奔跑海水聲效 村民乙：唔好比佢走！ *放箭聲效 裘雪：阿安小心啊！ *海浪聲效 裘雪：（讀白）凱安大步閃避，避開晒飛過嚟嘅箭之後，佢就潛咗入海...好快…佢就消失咗喺大海之中... 村民甲：咁多位，我地加派人手巡查成個啞鈴洲！一見到佢上岸！千祈唔好心軟！ 眾村民：知道！ 裘雪：（讀白）一眾村民走咗之後，得返我、仁叔同人工智能係度。 裘仁：阿雪...你仲想去搵凱安啦... 裘雪：放心啦仁叔，你快啲搞埋觀星閣重建嘅事項，凱安嘅事交比我啦 裘仁：咁雪仔你要小心 *海浪聲效 裘雪：（讀白）所有村民離開之後，得返我同人工智能望住無人嘅沙灘... K Area DB Island：跟據追縱器顯示，佢潛入好深好深嘅海度...消失喺我地面前... 裘雪：人工智能...阿安佢可以變返做人嗎...? K Area DB Island：呢個要搵到佢先可以研究一下。你喺度等我，我好快返嚟。 裘雪：人工智能...等等先...我可以一齊去搵凱安嗎？ K Area DB Island：但佢潛嘅深度已經大大超出你地人類可生存嘅範圍。你等我搵到佢，先比機會你地重逢同去最終目的地 裘雪：我唔想再等。人工智能，由你帶我去， K Area DB Island：點帶？呢個情況用唔到傳送門喎 裘雪：總之，用科技帶我去搵佢。 *變物件聲效 裘雪：我一講完，人工智能就憑空變出一套白色為主，看似又厚又重嘅盔甲出嚟啦。 K Area DB Island：裘雪，著咗佢，跟住我哋就出海啦。 Zip噏劇場 Game of Eden 第二季 小島篇 第102回「蛇變（中）」 Harry 飾演 裘雪 Alton 飾演 人工智能 K Area DB Island Potter 飾演 凱安 小強 飾演 裘仁 梓豪

    11 min
See All (216)

About

Story Teller (Comedian, Actor, Script Writer, DJ) 現正連載：《Game of Eden》第二季「小島篇」下半部 （逢星期一，11pm更新） 完成連載： 2021 - 《愛麗英奇幻仙境》(feat 麗英@小薯茄） 2022 - 《Game of Eden》第一季 「阿達篇」、「莫十三篇」、「張蔓姿篇」、「張蔓莎篇」 2023 - 《Game of Eden》第二季 「盤古篇」、「小島篇」、100% FF 遊記 - 「Shinjuku 新宿故」 Powered by Firstory Hosting

Information

  • Creator
    Chowzip
  • Years Active
    2022 - 2026
  • Episodes
    216
  • Rating
    Clean
  • Copyright
    © Chowzip
  • Show Website
    Zip噏劇場