Todos os podcast | Pasarse da raia

AGalegaAudio

Despois de cinco anos informando para a CRTVG desde Portugal, Alberto Mancebo cruza a fronteira dos podcast en "Pasarse da raia". En cada capítulo navegará polo Miño e paseará pola raia seca para contar as historias das que non sempre tivo tempo de falar nos programas informativos. Historias persoais dos arraianos, as conexións máis singulares entre Galicia e Portugal, desmontar mitos e estereotipos... Falar claro do que une e separa aos irmáns da eurorrexión sempre a punto de pasarse da raia.

  1. 03/12/2024

    A honra do contrabandista

    Non sería acertado dar un paseo polas relacións de Galicia e Portugal sen deterse con certa curiosidade nunha das actividades máis intensas que se viviron na fronteira: O contrabando. Neste episodio descubrimos con sorpresa como unha das vilas con máis actividade do estraperlo do pasado, Feces de Abaixo en Verín, lembra aquela etapa con esplendor e con certa melancolía. Noné para menos, grazas a esa actividade ilegal evitaron que varias xeracións tivesen que emigrar. Os subornos a axentes da autoridade, os perigos da noite no monte e mesmo o tráfico de persoas abren neste episodio do podcast "Pasarse da raia" unha fiestra a esta "mafia branca" anterior á eurorrexión.

  2. 03/12/2024

    A outra fronteira

    No capítulo 6 de "Pasarse da raia" exploramos brevemente como na literatura ibérica se fala da distancia que hai entre os dous países a pesar de compartiren a fronteira máis extensa da Unión Europea. Outro paradoxo tamén será protagonista neste capítulo: intentaremos saber as razóns de por que noné Galicia a comunidade en que se estuda máis portugués e iso que temos, por moito, a fronteira máis transitada de Europa.

  3. 03/12/2024

    Deixar Portugal

    Moi poucos galegos que viven no norte de Portugal se rexistran no país veciño para que consten como habitantes propiamente. Ten isto algo que ver con sentir que están practicamente na mesma terra? Neste capítulo abordamos o que significa para un galego vivir en Portugal, tanto as sensacións á chegada como a famosa saudade que se ten antes incluso de marchar.

  4. 03/12/2024

    Mesa para dous

    A pesar de sermos veciños de fronteira, galegos e portugueses compórtanse de xeito diferente á mesa e o uso de expresións e frases feitas á hora de entrar nun restauraente tamén o demostra. No segundo episodio de Pasarse da raia entramos na cociña portuense e explicaremos queé un "tripeiro". Tamén resolvemos o misterio do nome da capital do norte: Porto, Oporto ou O Porto? É todo unha cuestión de perspectiva!

  5. 03/12/2024

    Nin as galiñas poñían ovos

    Daquela, cando Galicia e Portugal non compartían rúas e o troco era unha moeda tan forte coma escudo, as realidades das que agora son eurocidades eran moi diferentes entre elas. Unha das diferenzas radica no xeito tan desigual que tiñan de vivir o contrabando. Despois de escoitar falar do orgullo do contrabandista de Feces, Marcial Gayoso e Antonio Fonterosa, de 86 anos os dous, acompáñannos da man cruzando o Miño para achegarnos como se vivía en Amorín, concello de Tomiño, nunha época na que, como din eles, nin as galiñas poñían ovos.

  6. 03/12/2024

    O berce dos tugas

    Portugal converteuse nos últimos anos nun dos destinos turísticos preferidos dos viaxeiros. A cidade de Lisboa e do Porto viviron durante este verán unha verdadeira avalancha de visitantes que veu a confirmar que Portugal está de moda aínda despois do peor da pandemia. Neste episodio de Pasarse da Raia dedicado ao turismo queremos darlle aínda máis razóns aos nosos seguidores galegos para que visiten outros puntos do país como Guimarães, a cidade que construíu un mosteiro para adorar a Deus, un castelo para protexer os monxes e un pazo para controlalo todo

  7. 03/12/2024

    O galo que canta aos solpores das praias

    Neste episodio de "Pasarse da raia" collemos toalla, cortaventos e fanequeiras para explorar as mellores praias do distrito de Viana do Castelo, limítrofe con Galicia. Este taméné o episodio dedicado a Barcelos, a cidade do galo insignia de Portugal que ten moito que ver co no noso país e especialmente co Camiño de Santiago.

  8. 03/12/2024

    O mercado da xente e a ponte de todos

    Neste episodio especial gravamos en tempo real a nosa chegada ao mercado do Bolhão do Porto na semana da súa reapertura despois de catro anos e medio de obras. Nunha viaxe de sons e a través das voces das praceiras comprobamos que lles parece a renovación da queé a súa "casa" dende hai décadas. No mesmo episodio, unha obra tan importante para os portuenses lévanos á outra infraestrutura que está por facer que unirá aínda máis aos galegos e portugueses da Raia: a ponte peonil do futuro Parque da Amizade da eurocidade Tomiño - Cerveira. Queres saber os detalles deste proxecto que o cambiará todo á beira do Miño? Dálle ao play!

See All (13)

About

Despois de cinco anos informando para a CRTVG desde Portugal, Alberto Mancebo cruza a fronteira dos podcast en "Pasarse da raia". En cada capítulo navegará polo Miño e paseará pola raia seca para contar as historias das que non sempre tivo tempo de falar nos programas informativos. Historias persoais dos arraianos, as conexións máis singulares entre Galicia e Portugal, desmontar mitos e estereotipos... Falar claro do que une e separa aos irmáns da eurorrexión sempre a punto de pasarse da raia.

Information