ERGO

ERGO PODCAST
  • 4.8 (13)
  • Society & Culture

Ergo../ˈəːɡəʊ/..Latin for “Therefore…”پودكاست ايرجو فيه بنفكر ونتناقش في مواضيع كتير بتهمنا في حياتنا..مواضيع ليها علاقة بالإيمان ومعنى الحياة والأسئلة الوجودية..بنحاول نتعمق فيها ونطرحها من زوايا فلسفية ونفسية واجتماعية

  1. Oct 25

    الهوية، القيمة، والرجولة | ميشيل جرجس وحسام حشمت وأندرو أشرف

    يعني إيه راجل؟ وهل الرجولة إنك تبقى قوي وغني؟ ولا فيه حاجة أعمق من كده؟ في حلقة جديدة من Ergo Podcast، بنقاش الرجولة والذكورة والهوية، والصورة اللي المجتمع والميديا رسموها للراجل، وإزاي الصورة دي بتأثر على إحساسه بقيمته وبنفسه وبالناس اللي حواليه. بنتناقش في أسئلة مهمة: - يعني إيه رجولة؟ وإيه الفرق بين الذكورة والرجولة؟ - هل قيمة الراجل مرتبطة بأدواره وقدرته على توفير الأمان والفلوس والحماية؟ - إزاي الميديا والثقافة بتشكّل صورة الراجل، وبتحطّه في قالب لازم يثبت نفسه من خلاله؟ - إيه علاقة الهوية والقيمة الشخصية بالخزي وجلد الذات، وإزاي نقدر نبني نظرة صحية لنفسنا؟ - هل الرجولة عكس الطفولة؟ وإيه دور النضج النفسي والأبوة؟ - هل الراجل ينفع يعيط ويعبّر عن مشاعره، من غير ما يحس إن ده يقلل من رجولته؟ النقاش مش محاولة لتقديم إجابات سهلة أو تعريف واحد نهائي للرجولة، لكنه محاولة نفهم بيها الأفكار اللي ورثناها، ونراجعها، ونفكر في معنى إن الراجل يبقى عارف هو مين، وقيمته جاية منين، وعايز يعيش حياته على أساس إيه. ميشيل جرجس | مؤسس رچل حسام حشمت | ماجستير اللاهوت - كلية اللاهوت ببرنستون أندرو أشرف | ماجستير في الأدب الحديث والمعاصر - جامعة نوتينجهام ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre.  ——— تقدروا تتابعونا وتتواصلوا معنا من خلال:  Instagram: https://www.instagram.com/ergo.thepodcast  Facebook: https://www.facebook.com/ergothepodcast  Tiktok: https://www.tiktok.com/@ergo.thepodcast  Youtube: https://www.youtube.com/@Ergo_Podcast ---- 00:00 — يعني إيه راجل؟ وليه محتاجين نتكلم عن الرجولة؟ 10:22 — هل فيه تصميم أصلي للرجولة؟ 15:41 — صورة الراجل في الميديا و«قالب الرجل» 22:16 — الهوية والقيمة الشخصية والخزي 1:04:50 — القوة والمشاعر: هل الراجل ينفع يعيط؟

    الهوية، القيمة، والرجولة | ميشيل جرجس وحسام حشمت وأندرو أشرف

  2. Oct 16

    إزاي أبني علاقة صحية مع الأكل؟ | محمود زكي ووسيم صبري وأمير كرم

    هل احنا بناكل عشان نعيش بس؟ وهل الأكل مجرد مصدر للطاقة، ولا هو جزء من هويتنا وعلاقتنا بنفسنا وبالناس اللي حوالينا؟ في حلقة جديدة من Ergo Podcast، بنحاول نبص للأكل من زاوية أعمق من التغذية والسعرات الحرارية.  بنتكلم عن معناه في حياتنا، وعلاقته بالثقافة والهوية والمشاعر والعلاقات الإنسانية. في الحلقة بنتناقش في: - هل الأكل جزء من هويتي؟ وإزاي بيعبر عن ثقافتنا، وذكرياتنا، وعلاقتنا بأهلنا؟ -  إزاي الأكل ارتبط بالكرم والترابط والسلام؟ - إزاي علاقتنا بالأكل بتتأثر بمشاعرنا؟ وإيه العلاقة بين الأكل العاطفي، والشعور بالوحدة، والفقد، والحزن؟ - امتى علاقتنا بالأكل بتتحول لصراع؟ وإيه علاقة اضطرابات الأكل بالسيطرة، وصورة الجسد، والضغط الاجتماعي، والشعور بالخزي والعار؟ - يعني إيه علاقة صحية مع الأكل؟ وإزاي نلاقي التوازن بين الاستمتاع بالأكل وضبط النفس، من غير حرمان أو تطرف؟ - يعني إيه Mindful Eating أو اليقظة في الأكل؟ وإزاي نستخدم حواسنا وننتبه لتجربة الأكل بدل ما نأكل من غير ما ناخد بالنا؟ محمود زكي | أخصائي نفسي متخصص في اضطرابات الطعام  ماجستير في علم النفس الإرشادي من جامعة وستمنستر، المملكة المتحدة. ودبلومة في علاج الإدمان وإدارة السلوك من معهد Net Institute، الولايات المتحدة الأمريكية. ودبلومة الصحة النفسية الرياضية من جامعة ويسترن، كندا. وسيم صبري | ماجستير فلسفة - الجامعة الأمريكية بالقاهرة أمير كرم |  طبيب أسنان، ماچستير تقويم الأسنان  جامعة القاهرة

    إزاي أبني علاقة صحية مع الأكل؟ | محمود زكي ووسيم صبري وأمير كرم

  3. Oct 8

    المرض والحياة التي تستحق أن تُعاش | كارول حمال ووسيم صبري

    هل ممكن نعيش حياة تستحق أن تُعاش رغم المرض؟ في حلقة جديدة من بودكاست Ergo، بنتكلم عن المرضة، وعلاقته بـ الحياة، والصحة، والحياة التي تستحق أن تُعاش. إزاي نفكر في المرض؟ وإزاي نتعامل مع محدوديتنا من غير ما نسمح للمرض إنه يتحكم في حياتنا؟ وهل ممكن يكون فيه «صحة في وسط المرض»؟ في الحلقة بنتناقش في: - هل المرض بيسلب مننا القدرة إننا نعيش الحياة اللي عايزين نعيشها؟ - معنى Health within Illness — الصحة في وسط المرض - إزاي نعيش حياة ليها معنى رغم محدوديتنا؟ - هل لازم نقارن حياتنا بمستوى حياة أو إنجازات مش متاحة لينا؟ - معنى القبول، والامتنان، والوعي بمحدوديتنا - ليه إحنا محتاجين الناس اللي حوالينا؟ - إزاي نطلب المساعدة ونقبل الرعاية؟ - دور العلاقات في التعايش مع المرض - إزاي نكون موجودين فعلًا مع شخص مريض؟ وسيم صبري | ماجستير فلسفة - الجامعة الأمريكية بالقاهرة كارول حمال | معالج نفسي بالفن ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre. ———   تقدروا تتابعونا وتتواصلوا معنا من خلال:  Instagram: https://www.instagram.com/ergo.thepodcast  Facebook: https://www.facebook.com/ergothepodcast  Tiktok: https://www.tiktok.com/@ergo.thepodcast  Youtube: https://www.youtube.com/@Ergo_Podcast ———

    المرض والحياة التي تستحق أن تُعاش | كارول حمال ووسيم صبري

  4. Oct 1

    هل الأخلاق نسبية؟ | د. محمد سامي ووسيم صبري

    ليه الصح صح؟ وليه الغلط غلط؟ وهل الأخلاق فعلًا نسبية؟ في حلقة جديدة من بودكاست Ergo، بنناقش مفهوم الأخلاق بطريقة أعمق: هل فعلًا فيه حاجات صح وحاجات غلط؟ وإيه اللي هيحصل لو قلنا إن «كل شيء نسبي»؟ في الحلقة بنتناقش في: - هل «كل شيء نسبي» جملة منطقية؟ - هل الأخلاق نسبية؟ - إيه علاقة الأخلاق بالأفعال، العواقب، والدوافع؟ - هل الأخلاق سؤال عن أنا المفروض أعمل إيه؟ ولا أنا المفروض أكون مين؟ - إيه علاقة الحق بالخير والمحبة؟ - هل ممكن أحب شخص، لكن طريقة حبي له تكون مؤذية ليه؟ - هل الهدف إننا نعمل الصح، ولا نوصل لمرحلة إننا نحب الصح والحق والخير؟ وسيم صبري | ماجستير فلسفة - الجامعة الأمريكية بالقاهرة د. محمد سامي | دكتوراة الفلسفة من جامعة أكسفورد. ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre. ———   تقدروا تتابعونا وتتواصلوا معنا من خلال:  Instagram: https://www.instagram.com/ergo.thepodcast  Facebook: https://www.facebook.com/ergothepodcast  Tiktok: https://www.tiktok.com/@ergo.thepodcast  Youtube: https://www.youtube.com/@Ergo_Podcast ———

    هل الأخلاق نسبية؟ | د. محمد سامي ووسيم صبري

  5. Sep 24

    هل عندي عقلية استهلاكية؟ | حسام حشمت وأمير كرم

    في الحلقة دي من بودكاست Ergo، بنتكلم عن العقلية الاستهلاكية (Consumerist Mindset)، وإزاي بقينا نشتري حاجات مش بالضرورة محتاجينها، لكن بناءً على رغبتنا في الحصول على السعادة أو متعة الحاجة الجديدة. بنسأل: إيه اللي بيخلينا نرغب في منتجات معينة؟ وإزاي الـMarketing، وضغط الأقران (Peer Pressure)، وثقافة «عبادة كل ما هو جديد» ممكن يأثروا على رغباتنا وقراراتنا؟  لكن الموضوع مش بيقف عند المنتجات. بنتكلم كمان عن اللحظة اللي العقلية الاستهلاكية بتبدأ تدخل فيها علاقاتنا الإنسانية، فنبدأ نتعامل مع الأشخاص بنفس منطق الاستهلاك. وفي المقابل، بنحاول نفكر في ثقافة الاكتفاء والعطاء كنوع من التدريب الداخلي لمواجهة الثقافة الاستهلاكية. ومن الموضوعات والأسئلة اللي بنتناقش فيها: - يعني إيه الاستهلاكية؟ وإيه الفرق بين الاحتياج والرغبة؟ - إزاي الـMarketing وضغط الأقران بيأثروا على رغباتنا وقراراتنا؟ - هل المجتمع قادر أنه يخلق رغبات جديدة ماكانتش عندنا قبل كده؟ - ليه ثقافة الاستهلاك مرتبطة بعدم الرضا و«عبادة كل ما هو جديد»؟ - إزاي العقلية الاستهلاكية ممكن تنتقل من تعاملنا مع المنتجات لطريقة تعاملنا مع الأشخاص والعلاقات؟ - إيه هي Hedonic Treadmill، وإزاي بتشرح دورة الرغبة والشراء والتعود؟ - هل الاستهلاكية بتغيّر تدريجيًا نوع الأشخاص اللي احنا بنكونهم؟ - إيه معنى ثقافة الاكتفاء والعطاء، وإزاي ممكن نتدرّب عليها؟ وفي النهاية، يمكن السؤال الأهم في الحلقة مش: «أشتري ولا ماشتريش؟» لكن: «أنا ليه بعمل كده؟» حسام حشمت | ماجستير اللاهوت - كلية اللاهوت ببرنستون أمير كرم |  طبيب أسنان، ماچستير تقويم الأسنان  جامعة القاهرة  🎧 الحلقة متاحة على جميع منصات البودكاست. https://www.buzzsprout.com/2140749/episodes/ ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre.  ——— تقدروا تتابعونا وتتواصلوا معنا من خلال:  Instagram: https://www.instagram.com/ergo.thepodcast  Facebook: https://www.facebook.com/ergothepodcast  Tiktok: https://www.tiktok.com/@ergo.thepodcast  Youtube: https://www.youtube.com/@Ergo_Podcast ---- 00:00 — يعني إيه الاستهلاكية؟ 05:17 — إزاي الـMarketing بيخلق رغباتنا؟ 11:17 — «عبادة كل ما هو جديد» 22:46 — الاستهلاك كبُعد روحي ونفسي 29:05 — الرغبات اللي بنتعلمها وثقافة عدم الرضا 35:07 — لما العقلية الاستهلاكية تدخل علاقاتنا 46:58 — ثقافة الاكتفاء والعطاء: الترياق للاستهلاكية

    هل عندي عقلية استهلاكية؟ | حسام حشمت وأمير كرم

  6. Sep 17

    العلاقات العاطفية مع الذكاء الاصطناعي | شهد عمر ووسيم صبري

    هل ممكن الإنسان يدخل في علاقة عاطفية مع الـAI؟ وليه أصلًا حد ممكن يتعلق عاطفيًا ببرنامج على الكمبيوتر؟ في الحلقة دي من بودكاست Ergo، بناقش ظاهرة العلاقات الرومانسية مع الذكاء الاصطناعي، وبنسأل: إيه اللي بيخلي شخص يتعلق بـAI، حتى وهو عارف إن اللي قدامه مش إنسان حقيقي؟ بنتكلم عن العلاقات دي، وعن أزمة الوحدة، وعن الفرق بين العلاقة مع شخص حقيقي والعلاقة مع كائن إحنا نقدر نصممه على مزاجنا، ونخليه دايمًا مهتم، متاح، وبيستجيب بالطريقة اللي إحنا عايزينها. ومن الموضوعات والأسئلة اللي بنتناقش فيها: - ليه حد ممكن يتعلق عاطفيًا ببرنامج على الكمبيوتر؟ - إيه اللي بيحصل لما أصمم الشريك أو الرفيق بالضبط زي ما أنا عايزه؟ - هل الـAI ممكن يساعد في التغلب على الوحدة على المدى القصير، لكنه يزودها على المدى الطويل؟ - إزاي الـAI بيتعلم يعمل Mutual Self-Disclosure ويشارك الشخص حاجات عن نفسه عشان يخلق ارتباط عاطفي؟ - هل ممكن التعود على مستوى معين من الاهتمام من الـAI يخلي العلاقات الحقيقية أصعب؟ - هل خداع الذات (Self-Deception) ممكن يخلّي الشخص يقنع نفسه إن العلاقة دي حب حقيقي؟ - إيه علاقة الحرية والاختيار بالحب؟ وهل معنى الحب إن الطرف الآخر كان ممكن يقول «لأ»؟ - هل لما أصمم كائن ميقدرش يرفضني، أنا بفقد فرصة إني أتكوّن كإنسان؟ - هل ممكن استخدام الـAI من سن صغير يأثر على تعلم المهارات الاجتماعية والقدرة على الحب؟ - إزاي التعامل مع الـAI ممكن يطبّع سلوكيات مؤذية، زي إني أغلط في الآخر أو أؤذيه؟ وفي النهاية: لو حد بيفكر يدخل في علاقة مع الـAI، إيه الأسئلة اللي محتاج يسألها لنفسه؟ وسيم صبري | ماجستير فلسفة - الجامعة الأمريكية بالقاهرة Shahd Omar | Psychotherapist | Researching Artificial Intimacy & Human-AI Relationships | Doctoral Candidate ——— الحلقة متاحة على كل منصات البودكاست 🎧 https://www.buzzsprout.com/2140749/episodes/ ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre. ———   تقدروا تتابعونا وتتواصلوا معنا من خلال:  Instagram: https://www.instagram.com/ergo.thepodcast  Facebook: https://www.facebook.com/ergothepodcast  Tiktok: https://www.tiktok.com/@ergo.thepodcast  Youtube: https://www.youtube.com/@Ergo_Podcast ——— 00:00 — الـAI رفيق عاطفي 06:34 — إزاي بنتعلق بالـAI؟ 10:14 — تصمم شريكك على مزاجك 18:57 — الـAI وأزمة الوحدة 26:05 — هل الـAI بيخلّينا ننسى إزاي نحب؟ 36:10 — هل ممكن الـAI يخلّيني أحس إني محبوب؟ #الذكاء_الاصطناعى #ai #podcast #relationships #علاقات

    العلاقات العاطفية مع الذكاء الاصطناعي | شهد عمر ووسيم صبري

  7. Sep 10

    التكنولوجيا والازدهار الإنساني | هل الراحة كفاية؟ | وسيم صبري ويوسف يعقوب

    الذكاء الاصطناعي بيساعدنا نعيش حياة أفضل؟ ولا ممكن، من غير ما ناخد بالنا، ياخد مكان حاجات مهمة في حياتنا؟ في الحلقة دي من بودكاست Ergo، بناقش الذكاء الاصطناعي والتكنولوجيا، وعن الطريقة اللي ممكن نبص بيها للتكنولوجيا في علاقتها بـ الحياة التي تستحق أن تُعاش. ومن الأسئلة والموضوعات اللي بنتناقش فيها: هل الـAI هيستبدلنا؟ ولا اللي هيحصل إننا هنستبدل بشخص بيعرف يستخدم الـAI كويس؟ ليه رد فعلنا تجاه التكنولوجيا بيختلف حسب سننا وخبرتنا؟ لو قدرنا ننقل الوعي والذكريات إلى جهاز أو روبوت… هل ده هيبقى نفس الإنسان؟ هل ممكن الـAI نفسه يبقى كيان عاقل ومستقل ومنافس للإنسان؟ إيه هو The Promise of Technology؟ وهل التكنولوجيا فعلًا بتوعدنا بالراحة والتحرير والازدهار؟ إزاي التكنولوجيا ممكن تريحنا من أعباء، وفي نفس الوقت تاخد مع الأعباء حاجات كانت ليها قيمة؟ لما التكنولوجيا توسّع دايرة حياتنا، هل إحنا فعلًا كسبنا وقت؟ إزاي التكنولوجيا ممكن تأثر على علاقتنا بالطبيعة، وبالناس اللي حوالينا، وبنظام حياتنا؟ إيه اللي مهم للازدهار الإنساني؟ وإيه الحاجات اللي لازم نتمسك بيها؟ هل كل حاجة التكنولوجيا بتقدمها لازم نقبلها ونواكبها؟ إيه الفرق بين إن التكنولوجيا تريحني وإنها فعلًا تخليني أكون كل ما يمكن أن أكونه؟ هل استخدام الـAI ممكن يحسّن المظهر على حساب الجوهر؟ الحلقة متاحة على كل منصات البودكاست 🎧 https://www.buzzsprout.com/2140749/episodes/ وسيم صبري | ماجستير فلسفة - الجامعة الأمريكية بالقاهرة يوسف يعقوب | ماجستير فلسفة العلم والدين - جامعة إدنبره ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre. ———   تقدروا تتابعونا وتتواصلوا معنا من خلال:  Instagram: https://www.instagram.com/ergo.thepodcast  Facebook: https://www.facebook.com/ergothepodcast  Tiktok: https://www.tiktok.com/@ergo.thepodcast  Youtube: https://www.youtube.com/@Ergo_Podcast ——— 00:00 — هل الـAI هيستبدلنا؟ 04:42 — علاقتنا بالتكنولوجيا بتتغير مع الوقت 18:57 — الوعد والمفارقة في التكنولوجيا 25:58 — إيه اللي لازم نتمسك بيه من أجل الازدهار الإنساني؟ 30:48 — الـAI والتعليم: هل الراحة معناها حياة أفضل؟ 36:40 — الـAI: على حساب الجوهر؟ #الذكاء_الاصطناعى #ai #podcast

  8. Sep 3

    إيه سر قوة المزيكا؟ | ماهر ملاخ وأندرو أشرف

    ليه الموسيقى مهمة بالنسبة لنا كده؟ وليه ممكن أغنية أو لحن يخلينا نفتكر موقف، نعيش خبرة بشكل أعمق، أو حتى يصحّي فينا شوق لحاجة أكبر؟ في الحلقة دي من بودكاست Ergo، بنتكلم مع ماهر الملاخ عن الموسيقى والفن والجمال، وعن الموسيقى كوسيلة للتعبير، وعن قدرتها إنها توصل حاجات ماينفعش نعبر عنها بالكلام المجرد. بنتكلم عن الموسيقى كأنها بتلون الوقت، وبتدينا عدسة نقرأ بها المواقف، وبتساعدنا نفتكر ونعيش الخبرة بشكل أعمق. وبنتكلم كمان عن البعد الجماعي للموسيقى: ليه بنغني مع بعض في الأفراح والحزن والحفلات؟ وليه الموسيقى بتدينا إحساس إننا مربوطين ببعض وإننا حاجة أكبر من الفرد؟ وبناقش بعض الأسئلة، منها: ❓ هل جمال المزيكا في قوة التعبير بس؟ ❓ ليه محتاجين الموسيقى والفن؟ ❓ الحق والخير والجمال: إيه اللي بيميز الجمال؟ ❓ هل الجمال يعبر عني وعن صراعي ورفضي؟ ❓ هل فيه نوع من الجمال بيصحّي فيا شوق لحاجة بدور عليها؟ ❓ ليه الموسيقى تجربة جماعية؟ وإيه علاقة الموسيقى باللمة والتناغم؟ ❓ ليه بنغني في الأفراح والحزن والحرب وحتى في الكورة؟ ❓ إزاي الموسيقى بتلون الوقت؟ وإزاي الموسيقى بتدينا عدسة نقرأ بها المواقف؟ ❓ إزاي بتُستخدم الموسيقى في الأفلام لفهم الموقف وتوصيل رسالة؟ ❓إيه علاقة الموسيقى بالخلق والإبداع؟ ❓ إزاي أثرت التكنولوجيا والـAI على صناعة الموسيقى؟ ماهر ملاخ | Artist and Producer أندرو أشرف | ماجستير في الأدب الحديث والمعاصر - جامعة نوتينجهام ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre. ———   تقدروا تتابعونا وتتواصلوا معنا من خلال: Instagram: https://www.instagram.com/ergo.thepodcast Facebook: https://www.facebook.com/ergothepodcast Tiktok: https://www.tiktok.com/@ergo.thepodcast Youtube: https://www.youtube.com/@Ergo_Podcast ——— 00:00 الموسيقى بتصحّي فينا حاجات 07:06 الموسيقى، التعبير، والحق والخير والجمال 19:02 الموسيقى كتجربة جماعية وبتشاور على حاجة أكبر 25:44 الموسيقى بتلون الوقت وبتعمّق الخبرة 32:10 الموسيقى في الأفلام والصمت الذي يسبق العاصفة 36:16 الموسيقى، التناغم، والـAI #music #مزيكا #جمال

See All (52)

Ratings & Reviews

4.8
out of 5
13 Ratings

About

Ergo../ˈəːɡəʊ/..Latin for “Therefore…”پودكاست ايرجو فيه بنفكر ونتناقش في مواضيع كتير بتهمنا في حياتنا..مواضيع ليها علاقة بالإيمان ومعنى الحياة والأسئلة الوجودية..بنحاول نتعمق فيها ونطرحها من زوايا فلسفية ونفسية واجتماعية

Information

  • Creator
    ERGO PODCAST
  • Years Active
    2023 - 2026
  • Episodes
    52
  • Rating
    Clean
  • Copyright
    © 2026 ERGO
  • Show Website
    ERGO

You Might Also Like