港聲你聽

港聲你聽
  • 5.0 (2)
  • Comedy
  • Updated Monthly

我哋希望保育香港嘅語言，香港嘅文化，同埋去連繫包括香港本地同埋世界各地嘅香港人。 香港文化亦唔係一成不變，而係會隨著我哋身處嘅環境，我哋嘅生活而轉變。所以，與其話要保育香港嘅文化，香港嘅語言，不如話，我哋要繼續孕育佢，等我哋嘅語言同文化，繼續有佢嘅生命。 我哋唔要一個固定某個時空之下嘅語言或者心境，我哋要嘅係一個有生命力，會繼續發展嘅文化。 所以，我哋就係用香港人嘅聲音，講香港人嘅故事，連繫世界各地嘅香港人。 #港聲你聽 #廣播劇 #香港人

  1. 01/14/2025

    【港聲你聽廣播劇．心仍是近】將來的事留給將來｜人嘅距離唔係最重要，只要心繫之處相同，那麼彼此｜水嘅緣份 💦

    編劇大師兄的話： 「緣」偶爾然會送你一個邂逅。能否把握呢一次邂逅，再變返一段緣，就睇你嘅本事。 一般人遇到 long distance relationship 都會卻步，但其實 long D冇咩可怕，因為只要心繫之處相同，縱隔千里心仍是近。將來？ 將來嘅嘢，就交畀將來啦。 聲演演員： 施嘉露 （Alice） 程路 （大師兄） 編劇：大師兄 後期製作：大師兄 字幕：Alice 主題曲《心仍是近》 主唱：Suno 作曲：Suno 作詞：大師兄

    16 min

  2. 01/13/2025

    【港聲你聽廣播劇．心仍是近】你係咪揸我？港男邂逅講林明禎bb話嘅馬拉女子，揸出連場笑料！係唔係好似明禎bb嘅迷人魅力咁？ 誰會揸住感情，誰又揸住命運？

    #廣播劇 #林明禎 #廣東話 #馬來西亞 #香港 #語言 #中馬文化交流 #浪漫邂逅 #人氣熱話 #揸字有玄機 #馬來西亞廣東話 #未打羽毛球 #了解中 編劇Ryan Sir 的話: 寫於出街之前- Gogo嘅後製係好有心機同心思，而佳少嘅後製就真有創意，由上次陪着你走揀嘅不協和音配樂，到今次嘅自製，真係畀到驚喜我，完全夾到成個故事同我嘅諗法，高興加入港聲你聽同身處世界各地嘅香港人合作，多謝Simon製造呢個機會。近期林明禎成為熱搜，其實最初邀請監製演出都係因為監製講嘅廣東話有時都好有趣聯想到林明禎嘅BB語，唯一可以挑剔係監製嘅演出仲係未完全做到馬來西亞廣東話嘅效果，講到明係挑剔，我個人非常多謝監製嘅努力演繹馬來西亞嘅廣東話。 寫於創作劇本之時- 當開會聽到最新嘅廣播劇會寫有關旅遊，心仍是近系列，不期然諗起最喜歡嘅Facebook旅遊專頁—— Ling is travelling。喜歡Ling幽默嘅筆觸，每次完結時啜核抵死嘅Punchline，好多時當有機會寫1分鐘劇場嘅時候，我相信我係有模仿Ling嘅寫法。今次既然有機會寫旅遊故事，當然要向Ling致敬。問題係既然係向Ling致敬，一定要順便寫埋甜古，不過監製認為港聲你聽呢個台除咗要聯繫香港人同保育廣東話之外，仲係一個要提升社會風氣，提高年青人內涵，有使命感嘅YouTube Channel。甜古？唔好諗喇。不過經我一番討價還價之後，就好似國興咁第341次成功爭取到可以寫甜古，條件係只可以兩句起三句止。所以大家聽到嘅故事，已經係淨化版，大家如果想聽比較到肉、每六秒一蚊嗰款，記得同監製反映，想要Ryan Sir唔好寫啲咁不痛不癢、冇料到嘅故事😜 一直好喜歡大馬華人嘅廣東話，每次傾偈真係感覺到嗰一種南洋風情，而香港同吉隆坡同樣係廣東話，個意思真係可以差天共地，有部份廣播劇中廣東話鬧出嘅笑話，其實真係多年前嘅親身經歷。 多謝好友J義務作為馬拉話、馬拉廣東話顧問及校對稿件，更加多謝每一個支持港聲你聽嘅聽眾。 聲演演員： 佳少 （佳仔） Steven （Steven） Alice （Alice） 後期製作：佳仔 字幕：佳仔 插圖：Alice 音樂/聲音特效：佳仔 特別嗚謝： 馬來西亞顧問-Ryan Sir 好友 J

    9 min

  3. 01/12/2025

    【港聲你聽廣播劇．心仍是近】四不一沒有｜一段有結局無結果嘅愛情故事，睇睇最後點樣四不一沒有？

    編劇Ryan Sir 的話： 港聲你聽開台都已經超過一年，一直感激多位忠實嘅支持者，尤其係Anna，喺開台開始一直都支持，留言打氣。喺一次有嘢就講現場嘅時候，Anna留言問會唔會寫酒色男女嘅續集，仲提議寫Ryan呢個渣男嘅故事，因為一開始就將Ryan呢個角色寫死，變咗冇乜空間去發揮，而Ryan同Gogo之前發生嘅事，一早已經有設定，所以由始至終Gogo都係好討厭Ryan。不過我想報答長期忠實支持者Anna，就開始構思Simon同Gogo嘅結局。算係對長期支持港聲你聽Anna嘅小小心意❤️。喺近來港聲你聽亦都多咗好多好有趣嘅組員加入，尤其係我哋劇本創作比賽嘅得獎者Angel ，佢喺旅遊筆記-泰國篇嘅節目我覺得好好笑，特此借用🙏如果大家未聽過，記得順便click入去聽吓 https://youtu.be/NfX7oUVrIDc 真係好好笑。 至於眉筆，記憶中聽過Agnes 某個訪問提到被拉之前唔記得帶眉筆，非常後悔，可能眉筆對女人真係好重要。我諗男同女對某啲事情處理方式真係幾唔一樣。最後，多謝支持港聲你聽嘅你哋。如果發覺呢個故事無頭無尾，不妨去聽吓酒色男女呢個系列。https://www.youtube.com/playlist?list=PLqiNnRz2IP_2nWSd-OTBMxUgxRp4fT7tR 寫於後製之後： 聽完製成品之後，感覺Simon 就好似一大塊𥔵石，凝聚吸引咗好多有心有力又認真嘅人。感謝Gogo咁用心有心思又認真嘅後製，由thumbnail 嘅數學題目，到主題曲完結後嗰句風行一時嘅廣告用語彩蛋，搞到我呢啲傾向寫後不理嘅懶人都好認真咁整咗首主題曲，不過仲未係好識用Suno做廣東歌, 出嚟效果唔係好滿意。再由廣東話開始轉做國語，大大話話做咗三四十首先楝出呢首主題曲，點知監製聽完之後只係問究竟唱緊乜，普通話定係廣東話？要出字幕！可能Ryan sir普通話比較普通，我聽落發音幾好呀😅始終Suno出嘅廣東歌，香港人聽上去會覺得怪怪地。另外亦都想講講四不嘅不糾纏，我哋係好認真內部開會討論究竟應該用正確讀法「九」定係約定俗成嘅「豆」，有考慮到用「九」會怕聽眾聽到「不久前」，結果選擇咗用「豆」，不如你哋又留言俾我哋知道依家選擇咗用「豆」會唔會覺得哽耳？最後多謝聽完呢個故事嘅你哋，我哋其實真係一個製作好認真嘅團隊。 （**呢張設計圖係一個數學題，睇唔睇得出啲圖嘅size 係用咗邊個數學計算？） 聲演演員： Simon（Simon） Gogo（Gogo） 後期製作/字幕/插圖/聲音特效：Gogo 歌曲：也許從開始已是錯誤 填詞：Ryan Sir 作曲/主唱：Suno

    18 min

  4. 01/11/2025

    【港聲你聽廣播劇．心仍是近】離不開．留不低｜各奔前程，卻殊途同歸。究竟係離開嘅不捨，還是留下嘅不甘？

    編劇Mon姐的話： 三個校友，Pam，Lise 和 May，各有生活取態，有人早年移民，在世界的另一角，尋求長遠發展，多年後，定期回到出生地, 定點旅行，嘗試尋回昔日的光景；另外，有人選擇在土生土長的地方，安身立命，透過旅行，認識不同的國度；又有人投入社區，更因應發達的資訊網絡，踏上數碼牧民之路，以旅居方式, 探索地球，體驗不同的人文風景；歸根究底，無論那種取態，只有適合與否，沒有所謂對錯，你又會如何選擇？ 聲演演員： Lise（Angel） May（Gogo） Pam（Flora） 後期製作：佳仔 插圖：大師兄

    14 min

  5. 01/10/2025

    【港聲你聽廣播劇．心仍是近】我們的第三眼｜第三隻眼被認為係通往深層內在意識嘅門路，可以睇到真理

    編者Angel的話： 這一篇「我們的第三眼」，裡面並沒有很多故事情節，反而平舖直敘把一些意念說出來。我相信每一個生命都有其能量，互相牽引，互相影響，甚至乎某程度上是一個整體而不自知，又或者你會否想到正正就是這某一種能量，令到今天的你，看到這一篇編者的話。 聲演演員： 方生（大師兄） 方太（Angel） 趙醫生（阿龍） 插圖：大師兄 後期製作：Alan

    9 min

  6. 01/09/2025

    【港聲你聽廣播劇．心仍是近 】桃花全非｜萬物有時，已經不存在的東西，有冇可能再重現眼前？

    編劇 Gogo 的話： 「桃花依舊，人面全非」形容景色依舊，而人事已非的感傷。大膽地調轉嚟寫，用 「桃花全非，人面依舊」來形容景色已不再的傷感，而人依舊，要面對「景色」的失去，因而這個故事題名為 「桃花全非」。無論如何，大家要珍惜眼前仍然存在的人和物啊！ 亦希望這個劇會為聽眾帶來小小嘅回憶和歡笑。 聲演演員： 老豆（南哥） 阿媽（Barbara） 方丈（Ryan Sir） 飛機廣播（Alice） 後期製作：Gogo 字幕：Barbara 插圖：Gogo、大師兄 音樂/聲音特效：Gogo

    12 min

  7. 01/08/2025

    【港聲你聽廣播劇．心仍是近 】千里做書僮｜今次由唐僧護送鐵扇公主去取經，途上有咩事發生呢？

    （特別演出- podcast 一百種人主播 Candy） 編者南哥的話： 今次寫關於旅行。我諗送仔女去外國留學都算係人生中嘅大事。送仔女讀書順便親子遊應該係個幾美好嘅回憶。但世代矛盾好多時會喺呢度出現。究竟點可以化解？事實上都冇話分對錯。終歸大家都有為對方着想。有乜事坐低冷靜慢慢傾。上一輩人有時諗法都好開通。唔好畀固有印象鎖住而唔講出口。 你愛要出聲至得㗎！ （入面有周星馳彩蛋，睇大家發唔發現到喇） 聲演演員： 爸爸 Jack （Ryan Sir） 媽媽 Queen （Mon 姐） 囡囡 Michelle （Candy ．一百種人 播主） Chris（佳仔） 後期製作：佳仔 字幕：佳仔 播圖：大師兄，Alice

    14 min

  8. 01/07/2025

    【港聲你聽廣播劇．心仍是近】唔要句號 ｜一個你討厭嘅人可唔可以幾日之內變成你心愛嘅人？

    編劇 Alice 的話： 因為 填詞L 呢套戲令我覺得可以堅持做自己鍾意嘅嘢真係一件好幸福嘅事。我一直都好想用廣東話寫歌詞，但係研究過可能因為押韻嘅關係，其實書面語會比較容易寫出一首動人嘅歌曲，但係今次因為 Simon 係到玩咗一星期作曲好有趣嘅 software，引起我哋對寫歌重新引起信心同興趣。我覺得好開心可以用自己鍾意嘅廣東話歌詞製作一首愛情嘅歌。 所以其實呢個劇本我係用呢首自己作歌詞嘅歌，再倒返過嚟寫返個劇本配合首歌😆，係先有歌曲再有劇本。跟住我同大師兄了解過大家想寫嘅劇本，好似旅行中如果喺機場度有一個浪漫嘅偶遇，應該係幾甜蜜夢幻嘅情節，所以就構思呢個 「唔要句號」 ，一個並肩同行嘅故事，希望大家鍾意呢個故事同埋呢首歌。 聲演演員： Ken（大師兄） Kate（Alice） 編劇：Alice 後期製作：大師兄 字幕：Alice 片尾曲《唔要句號》 主唱：Suno 填詞：Alice 作曲：Suno

    11 min
See All (82)

Ratings & Reviews

5
out of 5
2 Ratings

About

我哋希望保育香港嘅語言，香港嘅文化，同埋去連繫包括香港本地同埋世界各地嘅香港人。 香港文化亦唔係一成不變，而係會隨著我哋身處嘅環境，我哋嘅生活而轉變。所以，與其話要保育香港嘅文化，香港嘅語言，不如話，我哋要繼續孕育佢，等我哋嘅語言同文化，繼續有佢嘅生命。 我哋唔要一個固定某個時空之下嘅語言或者心境，我哋要嘅係一個有生命力，會繼續發展嘅文化。 所以，我哋就係用香港人嘅聲音，講香港人嘅故事，連繫世界各地嘅香港人。 #港聲你聽 #廣播劇 #香港人

Information

  • Creator
    港聲你聽
  • Years Active
    2023 - 2025
  • Episodes
    82
  • Rating
    Clean
  • Copyright
    © 港聲你聽
  • Show Website
    港聲你聽