Riche - ريش

Eyad Essam

0.0 (0)
Society & Culture
Monthly

صديق مفضل للزهقانين، منوم مثالي للسهرانين ومساحة مفتوحة من الكلام في كل شيء ولا شيء.

10/17/2023

12| لاجئ في بلادي: التطهير العرقي في أرض البرتقال الحزين

رحلة جديدة بين الماضي والحاضر والمستقبل.. ولأن الغزاة بيخافوا من الذكريات، هنرجع بالزمن مع بعض ونستخرج أحداث وأحلام وجراح مشتركة من ذاكرة أجيال القرن اللي فات كلهم. هنحكي القصة الأبشع والأجمل في تاريخ العرب. محتوى الحلقة: 00:00 الفصل الأول (الذاكرة) : إياد. 05:05 الفصل الثاني (الماضي): منكم دبابة أخرى.. ومنا حجر! 21:20 الفصل الثالث (الحاضر): لا تصالح! 30:28 الفصل الرابع (المستقبل): كل سنبلة تموت؛ ستملأ الوادي سنابل! الأغاني الواردة في الحلقة: يما مويل الهوا - ناي البرغوثي يا ظريف الطول يا طالعين الجبل - رولا ميلاد عازر عن إنسان - ناي البرغوثي مولود في فلسطين - أمل مثلوثي يا بيّ مريم القصائد الواردة في الحلقة: لا تصالح - أمل دنقل أيها المارون - محمود درويش
08/15/2023

11| هيروشيما: كيف تصنع قنبلة ذرية في دقائق؟

بداية من ثلاجة أينشتاين مرورًا بفيلم أوبنهايمر وانتهاءَ بيوم قيامة على الأرض! هنسافر بآلة الزمن للقرن اللي فات.. الوقت اللي عمل للبشر صدمة نفسية مستمرة معاهم لحد دلوقتي! والزمن اللي العلم فيه اتحول من أداة لتقدم البشر، لأداة تدمير شامل وإبادة. رحلة لأكبر مخاوف البشر في عمق غابات المشروم! محتوى الحلقة بالدقائق: أسطورة سرقة النار 00:00 مقدمة 02:20 من ثلاجة أينشتاين بدأ كل شيء 04:17 الجندي المجهول وراء السباق النووي 05:39 أوبنهايمر: بطل/مجرم حرب! 10:35 أفضل واقي للبشرة تستخدمه في حالة تفجير نووي 14:55 انتحار اليابان 21:00 خطأ في ترجمة كلمة كان السبب في الكارثة 23:49 يوم القيامة على أرض يابانية 25:52 المبنى الوحيد الذي قاوم للنهاية 30:49 الطبيعة تنظف نفسها من أوساخنا 34:13 الانقراض السادس - ختام الحلقة 36:27 Hosted by: Eyad Follow us on other platforms: cosoc.com/riche_podcast
07/23/2023

10| توأمك الزومبي: هل يمكن استبدالك بتوأم غير حي؟

حلقة عن حاجات كتيرة جدا، الرابط بينها حاجة واحدة بس، والحاجة دي كلنا عارفينها وجربناها وبنعيشها كل يوم، ورغم كدا ولا واحد فينا فاهمها! الحاجة دي هي الرابط الوحيد بين الزومبيز، الآلهة في الأديان القديمة، مسلسلات زي Black Mirror و West World، حرية الإرادة، وأمراض زي الفصام أو الحبس في الجسم، والذكاء الاصطناعي! تم الاعتماد بشكل رئيسي على كتاب الوعي - آناكا هاريس.. متاح على موقع مؤسسة هنداوي نسخة إلكترونية مجانية للتحميل والقراءة. محتوى الحلقة بالدقائق: 00:00 مقدمة 02:50 أن تكون قطة 07:05 إنسان يكلم الله مباشرة 09:02 شخصين مختلفين في جسد واحد 13:05 هل النباتات واعية؟ 17:10 مريض يؤلف رواية كاملة برمش عينه اليسرى 20:52 ماذا تفعل لو استيقظت أثناء عملية جراحية؟ 22:57 الزومبي الفلسفي في مسلسل ويست وورلد 29:33 هل اكتسب أحد مشاريع جوجل وعيًا خاصًا به؟ 30:33 الموتى الأحياء في مسلسل بلاك ميرور 34:40 هل يمكن نسخ وعي كائن حي؟ 37:00 غرور الإنسان وختام الحلقة Hosted by: Eyad Follow on other platforms: cosoc.com/riche_podcast
07/08/2023

09| يا مسافر وحدك: تحياتنا للأصدقاء في النجوم!

"تحياتنا للأصدقاء في النجوم.. يا ليت يجمعنا الزمان!" حلقة عن بحث البشر الدائم عن شريك في الكون، يشاركنا وحدتنا وسط الفراغ المهول اللي احنا فيه. وصلنا تقريبًا لنهاية الكون الملحوظ ولحد دلوقتي مفيش غيرنا، هل ممكن نوصل أبعد في الفضاء؟ “إن الله خلق النجوم الجميلة ليحفزنا إلى النظر إلى أعلى. وإن المأساة أنها ستطل يوما من عليائها فلا تجد لنا من أثر. ولا يتحقق معنى لوجودنا إلا بالعرق والدم.” Hosted by: Eyad
06/29/2023

08| ثلث التسعة كام؟: خيبتي وخيبتك وخيبة التعليم المصري!

أغرب محاولة انتحار في الفيوم! حلقة عن التعليم المصري الثانوي والجامعي تحت ضوء نظرية الذكاءات المتعددة - هاوارد جاردنر.. ايه السؤال الغريب اللي كان في امتحان اللغة العربية للثانوية العامة 2023؟ قصتي مع سؤال مماثل في 2017، وطريقة عمل نظام تعليم جديد في المنزل في 4 خطوات! عن خيبتي وخيبتك وخيبة التعليم المصري. Hosted by Eyad
06/18/2023

07| حضرة المش محترم (الجزء الأول)

الجزء الأول من قصة الوحدة والألم والسعي اللي مابينتهيش.. حكاية عن معنى الحياة والموت والحب.. حكاية بتبدأ باستقبال مش سهل، وهتنتهي بتوديع مش جميل.. إعادة حكي رواية حضرة المحترم - نجيب محفوظ باللغة العامية، ومحاولة لتبسيط وتقريب الكتب المظلومة لأصدقائي القراء أو غير القراء اللي بيستمتعوا بقصة حلوة! ماتنسوش تسيبولنا رأيكم في سؤال الحلقة على سبوتيفاي: هل عثمان هيتجوز سيدة؟! Hosted by Eyad
06/12/2023

06| مابقتش حمل الطب (مع أحمد شحاتة)

الكلام اللي مش هيقولوهولك عن كلية الطب.. 11 سبب ممكن يمنعوك تدخل الكلية!.. قصص وأفكار وتفاصيل بيحكيهالكم إياد هوست البودكاست مع ضيف الحلقة أحمد شحاتة، طالب الطب ومحلل البيانات.. مع بعض النهارده هنعرف علاقة المصيف وطيارات الحرب العالمية التانية بالكارير شيفت، آخر تطورات سعر ماسك الأكسجين في السوق، وهل تتجوز فيميل طب ولا لأ! حلقة مناسبة لأي حد في الكلية أو مش في الكلية أو نفسه يكون في الكلية. Hosted by Eyad
05/30/2023

05| أمرّ عذاب وأحلى عذاب! (مع يوسف محسن)

حلقة على أنغام كوكب الشرق (ودارت الأيام) وحكايات الحب .. رحلة الحب من الطفولة للمراهقة ولحد دلوقتي، بين التقل والخفة، بين الفراغ العاطفي و "انتي مش نوعي المفضل من البنات"، والمراحل الأهم في العلاقة بين البنت والولد.. سؤالنا المرادي مهم جدا: الحب راحة ولا عذاب؟! شدوا الأحزمة وجهزوا الشاي عشان حلقتنا طويلة النهارده.. Geust: Youssef Mohsen Hosted by Eyad
05/22/2023

04| الحلقة النرجسية الجميلة: ريش وأنتم

حلقة فيها أسماء ناس كتير منكم! شدوا الأحزمة وتعالوا معايا نقرا مع بعض رسايلكم وتعليقاتكم ونعرف مع بعض نتيجة سؤال الحلقة اللي فاتت.. ماتنسوش كمان تشاركوا برأيكم في سؤال الحلقة دي الموجود مع الحلقة على سبوتيفاي. Hosted by Eyad
05/14/2023

03| إياك تشتري كتاب بـ 7 جنيه

تكملة قصة محمد وحسام، في نهاية الحلقة مستنيك 3 بدائل للكتاب المزور ومجموعة من النصايح اللي تعتبر عصارة أكتر من خمس سنين من الشغل المتقطع في مجال الكتب، وسنين كتيرة ماعرفش اد ايه من الخدمة في عالم القراءة، تفاصيل أكتر وقصص جديدة عن صندوق، يعني من الآخر حلقة ينصح بها الأطباء للقراء وأصحاب المشاريع أو اللي نفسهم يكونوا أصحاب مشاريع أو اللي مالهمش دعوة ب دا كله وعايزين يسمعوا حاجة يقضوا بيها الثلث ساعة الجاية! Hosted by Eyad
05/10/2023

02| ازاي تشتري كتاب بـ 7 جنيه؟

حلقة دسمة حاولت فيها ألخصلكم مغامراتي مع الكتب وبياعين الكتب، عن أول مرة أسافر فيها ومعارض الكتب على الرصيف، عن شريف ربنا يفك سجنه (لو مسجون) ونصائح مهمة لأي حد حابب يشترك في ماراثون من نادي المحافظة لحد فندق المعلمين! Hosted by Eyad
05/01/2023

01| بياع، دكتور، مدرس، خدمة عملاء..؟

حلقة قصيرة فيها موجز تاريخ الإياد، خطط مالهاش علاقة ببعض، والمواضيع المختلفة العشوائية والمتنوعة اللي أخطط إني أقدمها لكم، في البودكاست اللي أتمنى يكون صديق مفضل للزهقانين ومنوم مثالي للسهرانين ومساحة مفتوحة من الكلام في كل شيء ولا شيء. Facebook: Riche Podcast - بودكاست ريش Host: Eyad Essam

12 Episodes

صديق مفضل للزهقانين، منوم مثالي للسهرانين ومساحة مفتوحة من الكلام في كل شيء ولا شيء.

Creator

Eyad Essam
Years Active

2023
Episodes

12
Rating

Clean
Copyright

© Eyad Essam
Show Website

Riche - ريش