baDA!bil

GUAU | EITB Audio
  • 0.0 (0)
  • Society & Culture

Kulturgintzaren unibertsoan jasotako bizipenak eta irakaspenak, asko dira. Batzuengatik hartzen dugu, hurrengo belaunaldiei emateko. Durangoko Azoka honen guztiaren bilgune izanik, ekarpen asko dugu sortzaileen artean solastu eta partekatzeko. 15 kulturgile berriren topaleku izateko prest. Eta lehenengoz, gai bakoitzerako propio hautatutako gidari batekin.EITB Audiok DA!rekin elkarlanean sortutako edukia da. Hirudamatxo izan da ekoiztetxea.

  1. 1d ago

    1. Kantatzeko idazteaz

    Kantatutako hitzek bide zuzenagoa egiten dute guganaino. Nolabait, musika eta doinua autopista emozional moduko bat bihurtzen zaizkio hitzari. Kantuek hitzak erregalatzen dizkigute, norbere intimitatea kolektibizatu egiten da. eta boz goran sekula esango ez genituzkeen hitzak oihukatzeko aukera paregabea ere badira kantak.“baDA!bil” podcastaren 4. denboraldia abiatzeko atalean, kantari eta kantugile hirukotea bildu dugu horri erreparatzeko. Musikaria, abeslaria eta artista da Ana Arsuaga. Verde Prato du bakarkako proiektua. Nahia Zubeldia Lumi taldeko kide da. Ahotsa jartzen dio. Eta baita hitzak ere. Makina bat musika proiektutan aritua da Gartxot Unsain: taldean, nahiz bakarka. Kantuetako hitzak ditu afizio eta obsesio. Eta hiruren hitzei doinua eta neurria emanez, Ane Garcia idazlea eta musikaria.

    1. Kantatzeko idazteaz

  2. 3d ago

    0. BaDA!bil: badator laugarren denboraldia

    Azaroaren 12tik aurrera, bueltan da “BaDA!bil”. Euskal kulturgintzaren korapiloak hitzez arakatzeko plaza.Ohiko osagaiekin dator, baina 15 kulturgile berriren topaleku izateko prest. Eta lehenengoz, gai bakoitzerako propio hautatutako gidari batekin.“BaDA!bil” podcasta esku berrietan. Nora eramango ote gaituzte?

    0. BaDA!bil: badator laugarren denboraldia

  3. 12/09/2025

    6. Nostalgiaren garaia, garaiaren nostalgia

    Badirudi nostalgiak gurutzatzen duela garaia: remake, remixa eta itzulera. Euskal Herrian ere Hertzainak edo Fermin Muguruzak hamaika areto bete zituzten, Chill Mafiak Gontzal Mendibil bertsionatu eta Olaia Inziartek bere azken diskoan Nacho de Felipe elkarrekin abestera gonbidatu du. Durangoko Azokaren 60. edizioarekin bat etorriz, gaia aztergai izan dugu Berbagailuan zuzenean egindako “baDA!bil” podcastaren hirugarren denboraldiko azken atalean. Horretarako Mirua taldeko Mattin Zeberio, Lukiek eta Belako taldeetako Josu Ximun Billelabeitia eta hamaika proiektutan aritutako Amets Aznarez izan ditugu lagun. Eta anabasa honetan gidari, Amets Aranguren.

    6. Nostalgiaren garaia, garaiaren nostalgia

  4. 12/02/2025

    5. Disidentziak oholtzara

    “Arauan ez dauden gorputz guztiei gertatzen zaien bezala, gainkonpentsaziora jo dut nire musikan, nire presentzia justifikatzeko”. Labar proiektuko Iñi Etxezarretaren hitzak dira, eta “baDA!dabil” podcastaren atal honetako hainbat eztabaidagai biltzen ditu. Zein gorputzek hartzen dituzte oholtzak? Egiten da lekurik arautik kanpo daudenentzat? Eta egiten denean, zeren truke? Gai honen alfonbrapean arakatzeko hiru lagun bildu ditugu atal honetan. Ane Zubeldia hondarribitarrak ibilbide oparoa du musikan eta bere lehen poema-liburua kaleratu du oraintsu: “Kontra”. Eider Adeletxerekin batera poesiari molde punkago bat eman diote oholtzaz oholtza Mejillon Tigre izenpean. Bertsolaritzari lotuta egin du bere ibilbidea Amaia Agirre villabonarrak: bertsolari gisa oso gaztetatik, eta azken urteotan, gai-jartzaile moduan, nagusiki. Kaiet Lapeyrade Brust ebanista da ofizioa, baita Altxalili kabaretako kide ere. Eta anabasa honetan gidari eta bidelagun Amets Aranguren.

    5. Disidentziak oholtzara

  5. 11/25/2025

    4. Euskal zinemaren loraldia?

    Euskal zinemak momentu gozoa bizi du, zenbakiei begira bederen. Wikipediaren arabera 1993tik 2005era bitartean ez zen fikziozko euskarazko film luze bakar bat egin. 2025ean, aldiz, sei zenba daitezke gutxienez: “Jone, batzuetan”, “Aro Berria”, “Maspalomas”, “Gaua”, “Faisaien Irla” eta “Karmele”. Azken honetako zuzendaria da Asier Altuna bergararra. “Aupa Etxebeste” zuzendu zuen 2005ean Telmo Esnalekin batera eta mugarria izan zen euskal zinemaren historia laburrean. Hainbat lan egin ditu geroztik eta Txintxua Films ekoiztetxeko kide ere bada. Ander Sagardoy durangarra zinema ekoizlea da, filmak egin ahal izateko sosak lortzea da, besteak beste, bere eginkizuna. Irusoinen eta Eneko anaiarekin batera sortu zuen SumendiFilms-en ari da gaur egun. Ez-fikzioaren eremuko hiru labur zuzendu ostean fikziozko lehen lana aurkeztu du aurten Lur Olaizola zinegileak, “Bariazioak”. Tabakalerako zinea eta ikus-entzunezko sailaren arduraduna ere bada. Haiekin eztabaidatuko dugu ea lur emankorrik baden euskal zinemaren loraldiaren azpian. Eta anabasa honetan gidari eta bidelagun Amets Aranguren.

    4. Euskal zinemaren loraldia?

  6. 11/18/2025

    3. Gure kantuak noren esku?

    Kantu baten sorreratik hau oholtzara edo entzuleen belarrietara eramateko bidean asko dira artistak egin beharreko hautuak: Norentzat egiten ditu kantuak? Nola ekoizten ditu, eta nola banatu? Zein oholtza okupatu nahi du eta non ez du egon nahi? 50 urteko ibilbideak hauetako asko erantzun behar izan ditu Anje Duhalde arrangoiztarrak. Errobi eta Akelarre talde mitikoetako kide izan da eta bere izenpean ere atera ditu dozena bat disko. J Martina musika taldeko kide da Kattalin Barcena larrabetzuarra. Konpromiso politikoa eta sorkuntza artistikoa elkar uztartuta garatzen ditu bertan. Beñat Bidegain musikari ondarrutarra Dena taldeko kide da eta Mahl Kobat izenpean abiatu zuen 2024an bakarkako ibilbidea. Ondarruko "Betepaeta" kolektiboan ere badabil burubelarri. Eta anabasa honetan gidari eta bidelagun, Amets Aranguren.

    3. Gure kantuak noren esku?

  7. 11/11/2025

    2. Lehiaren kultura, kulturaren lehia

    Lehiak edozein ikuskizun egin du hobe, kitzikagarri. Ion Celestinoren aitonak esaten omen zuen: “Beti izanen da ederragoa 21na doan pilota partidua 21-4 doana baino”. Baina balio al du kirolean pizgarri den horrek kultur jardunean? Nola eragiten du sortzaileengan lehiaketa, txapelketa eta dirulaguntza deialdietan lehiatzeak? Zeintzuk izan daitezke alternatibak? Galdera hauek erantzuten saiatuko da atal honetako hirukotea.Bertsolaritza izango da agian lehia modu esplizituenean bizi duen disziplina, ondo daki Oihana Arana bertsolari eta idazle eskoriatzarrak. Baina azken urteetan gaiari itzuli bat ematen saiatu dira Señora sariketan. Idazlea eta itzultzailea da Danele Sarriugarte elgoibartarra. “Beste zerbait” izeneko eleberri mutantea argitaratu berri du, haren ibilbideko hirugarrena. Mikel Ayllon laudiotarra ere idazle eta itzultzailea da. Besteak beste, Urruzuno literatur-lehiaketako egonaldien koordinatzailea ere bada. Eta anabasa honetan gidari eta bidelagun Amets Aranguren.

    2. Lehiaren kultura, kulturaren lehia

  8. 11/04/2025

    1. Guneak egin du

    "Nor" eta "zer" guztiek behar dute "non" bat; espazio bat, gune bat. Euskarazko kulturak ere ezinbesteko ditu topalekuak, baina ditugun apurrak korrontearen kontra ari dira, logika ekonomikoak guztia irensten duen garai honetan.“BaDA!bil” podcastaren hirugarren denboraldia hasteko eskaintza kulturala izaera komunitariotik lantzen duten hiru espazio ezagutuko ditugu atal honetan. Iñaki Sagardoy iruindarra Laba proiektua hezur-mamitzen aritu da burubelarri. Irakaslea eta musikaria da, besteak beste. Bilboko Bira Kulturguneko kide da, berriz, Oihana Bartra bertsolaria eta irakaslea. Diru publikoaren iturria itxi badiete ere, Bilboko euskaldunen topaleku izaten jarraitzeko borrokan ari dira. Hirukotea ixteko Izar Mendiguren kazetari eta bertsolari laudioarra. Aiaraldea ekintzen faktorian ari da, haien leloak dioenez, eraldaketa soziala euskaratik eta euskaraz egiten. Eta anabasaren gidari eta bidelaguna Amets Aranguren.

    1. Guneak egin du
See All (22)

About

Kulturgintzaren unibertsoan jasotako bizipenak eta irakaspenak, asko dira. Batzuengatik hartzen dugu, hurrengo belaunaldiei emateko. Durangoko Azoka honen guztiaren bilgune izanik, ekarpen asko dugu sortzaileen artean solastu eta partekatzeko. 15 kulturgile berriren topaleku izateko prest. Eta lehenengoz, gai bakoitzerako propio hautatutako gidari batekin.EITB Audiok DA!rekin elkarlanean sortutako edukia da. Hirudamatxo izan da ekoiztetxea.

Information

  • Creator
    GUAU | EITB Audio
  • Years Active
    2023 - 2026
  • Episodes
    22
  • Rating
    Clean
  • Copyright
    © 2026 EITB Media
  • Show Website
    baDA!bil