ELEFANTI NË DHOMË

A2 CNN

Një program bashkëkohor ku eksplorohet thelbi shpesh i padukshëm i realitetit përmes një drite të re. Nga Ervin Qafmolla, A2 CNN

  1. Apr 19

    ELEFANTI NË DHOMË #97 Besnik Sinani: Kalorësit e Apokalipsit – Ekstremizmi fetar i Perëndimit zyrtar

    Besnik Sinani, studiues i Islamit, diskuton ringjalljen e ekstremizmit të dhunshëm fetar në Perëndim, duke theksuar se formimi rreth çështjeve të religjionit është bërë parakusht për kuptimin e përplasjeve gjeopolitike në botën e sotme. Sinani vë theksin te kolapsi i edukimit fetar ndër praktikisht të gjitha religjionet, diçka që e turbullon edhe më shumë situatën. Gjithashtu, ai shpjegon se përse terma si “Islamofobia” – si huazime nga retorika liberale – mund ta kenë humbur domethënien dhe validitetin në shthurjen e ballafaqimeve verbale të ditëve tona. Episodi #97 i ELEFANTI NË DHOMË shpërndahet i plotë ditën e diel, ora 19:00 në Youtube, Spotify dhe Apple Podcasts.

  2. Apr 18

    ELEFANTI NË DHOMË #96 Gilda Hoxha: Mobilizimi qytetar në Shqipëri mes frymëzimit dhe sabotimit

    Gilda Hoxha,studiuese e lëvizjeve sociale dhe pedagoge e shkencave politike, analizonmobilizimin shoqëror në botë, duke e kundërpeshuar me aktivizimin qytetar nëShqipëri; me fokus te protestat civile dhe te kushtet që i mundësojnë osepengojnë ato.   Episodi #96 iELEFANTI NË DHOMË shpërndahet i plotë (uncut) të dielën, ora 19:00  në Youtube, Spotify dhe Apple Podcasts.

  3. Apr 5

    ELEFANTI NË DHOMË #95 Dritan Egro: Historia e vërtetë e Tiranës

    Dritan Egro, historian dhe pedagog i specializuar në periudhën osmane dhe autor i librave “Historia dhe Ideologjia” dhe “Tirana: Tri jetët e një qyteti”, argumenton se historia e Tiranës është shkruar gabim, ose jo plotësisht. Egro sjell prova të pranisë urbane në Tiranë shumë para vitit 1614, duke kundërshtuar narrativën tradicionale. Ai shpjegon konceptin e "tri jetëve" të qytetit, diskuton vijimësinë e popullsisë brenda rrethit të Tiranës përgjatë shekujve,dhe heton lidhjet historike dhe simbiotike të saj me qytetet fqinje. Po ashtu, Egro analizon se si ideologjitë komuniste dhe nacionaliste kanë ndikuar në historiografinë shqiptare dhe në mënyrën si është trajtuar periudha osmane eTiranës. Biseda prek edhe zgjedhjen e Tiranës si kryeqytet në 1920-1925 dhe nëse kjo ka qenë e pashmangshme nga perspektiva historike, si dhe rreziqet që paraqet zhvillimi i shpejtë urban për shtresat e kujtesës historike tëqytetit". Episodi #95 i ELEFANTI NË DHOMË shpërndahet i plotë (uncut) të dielën, ora 19:00 në Youtube, Spotify dhe Apple Podcasts.

  4. Mar 29

    ELEFANTI NË DHOMË #94 Artan Gjergji: Shtrëngata ekonomike mes fantazmave të Luftës III Botërore

    Artan Gjergji, ekspert i tregjeve financiare dhe të kapitalit, zbulon efektet domino që materializohen si pasojë e luftës në Iran, nga ekonomia globale deri në tregjet shqiptare. Përmes një analize shumëdimensionale, Gjergji paralajmëron se zinxhiri i gjatë i shkak-pasojave të kësaj krize gjeopolitike rrezikon të përplaset mbi ekonominë e prapambetur shqiptare, duke shkaktuar dëme që e prekin shoqërinë dhe zhvillimin e vendit deri në nivel themelor. Episodi #94 i ELEFANTI NË DHOMË hidhet i plotë (uncut) të dielën, ora 19:00 në Youtube, Spotify dhe Apple Podcasts.

  5. Mar 15

    ELEFANTI NË DHOMË #93 Entela Koja-Spahivogli: Sulmi ndaj trashëgimisë së qendrës së Durrësit

    Entela Koja-Spahivogli, urbaniste dhe aktiviste për mbrojtjen e trashëgimisë, kritikon projektin TID për transformimin e qendrës historike të Durrësit nga AADF, qeveria shqiptare dhe bashkia e qytetit. Ajo ngre shqetësime mbi mungesën eligjshmërisë në proces, keqkuptimet rreth arkitekturës dhe urbanistikës, si dhe një qasje që është e verbër ndaj vetë trashëgiminë që pretendohet të mbrohet.   Episodi #93 i ELEFANTI NË DHOMË ndahet i plotë të dielën, ora 19:00 në Youtube, Spotify dhe Apple Podcasts.

  6. Mar 8

    ELEFANTI NË DHOMË #92 Ani Bajrami: Kultura bimore dhe rreziku ndaj identitetit shqiptar

    Ani Bajrami,antropologe me fokus te mjedisi dhe biologjia, diskuton mbi kulturën bimore sinjë element që kontribuon në formësimin e identitetit kombëtar të një populli,duke marrë shkas nga studimet e saj mbi komunitetet arvanitase dhe arbëreshe. Episodi 92 i ELEFANTINË DHOMË publikohet i plotë [uncut] të dielën, ora 19:00, në YouTube, Spotifydhe Apple Podcasts.

  7. Mar 1

    ELEFANTI NË DHOMË #91 Alfred Aga: Krijimtaria në luftën kundër tumoreve (& agjërimi si parandalim)

    Alfred Aga, mjek kirurg ORL dhe autor i punimeve shkencore në këtë fushë, flet për shkaqet dhe pasojat e sëmundjeve tumorale më të përhapura zonën e kokës dhe qafës, si dhe për zhvillimet e fundit në trajtimin e tyre.   Ai ndalet te faktorët e rrezikut, duke shpjeguar mënyrën se si këta ndikojnë në transformimin qelizor dhe progresionin e sëmundjes. Po ashtu, Aga diskuton rëndësinë e diagnostikimit të hershëm, rolin e kirurgjisë moderne minimale invazive, terapive të targetuara dhe të tjera, në rritjen e mbijetesës dhecilësisë së jetës së pacientëve. Në një segment tëveçantë, ai trajton edhe efektet e studiuara të agjërimit mbi metabolizmin qelizor, proceset inflamatore dhe mekanizmat e autofagjisë, duke analizuar në ç’masë literatura shkencore sugjeron një rol të mundshëm në parandalimin e proliferimit të qelizave tumorale. Episodi #91 i ELEFANTI NË DHOMË shpërndahet i plotë (uncut) në të dielën, ora 19:00 në Youtube, Spotify dhe Apple Podcasts.

  8. Feb 22

    ELEFANTI NË DHOMË #90 Avenir Peka: Rrjeti sekret i Epstein dhe pervertimi i Perëndimit

    Eksperti i sigurisë Avenir Peka diskuton mbi nivelin e implikimit të sferave të pushtetit dhe të aktorëve të sigurisë globale në orgjitë dhe shthurjet kriminale të Jeffrey Epstein. Gjithashtu, ai e vrojton këtë zhvillim edhe në kontekstin më të gjerë të një bjerrjeje morale në shoqëritë Perëndimore. Episodi #90 i ELEFANTI NË DHOMË shpërndahet i plotë (uncut) në të dielën, ora 19:00 në Youtube, Spotify dhe Apple Podcasts.

See All (100)

About

Një program bashkëkohor ku eksplorohet thelbi shpesh i padukshëm i realitetit përmes një drite të re. Nga Ervin Qafmolla, A2 CNN

Information

  • Creator
    A2 CNN
  • Years Active
    2024 - 2026
  • Episodes
    100
  • Rating
    Clean
  • Copyright
    © A2 CNN
  • Show Website
    ELEFANTI NË DHOMË