FischVerruckt

Oli Bassotti und Nicco Kurmann
  • 0.0 (0)
  • Hobbies
  • Biweekly

Willkommen beim ersten Schweizer Fischerpodcast mit Oli und Nicco! Als passionierte Raubfischangler teilen wir unser umfassendes Tackle-Wissen und halten euch stets über die neuesten Entwicklungen in der Schweizer Angelszene auf dem Laufenden. Unser Podcast bietet Einblicke in verschiedene Fischarten, Tipps und Tricks für Anfänger und Profis sowie aktuelle Themen rund ums Angeln. Eure Kommentare sind uns wichtig – teilt uns eure Themenwünsche mit und helft uns, den Podcast nach euren Vorstellungen zu gestalten. Danke, dass ihr Teil unserer Angler-Community seid. Tight lines und Petri Heil! 🎣

  1. 1d ago

    #60 Wie viel wissen wir wirklich über den Zander?

    I dere Episode vo Fischverruckt – em erschte Schwiizer Fischerpodcast dreit sich alles um eine vo de faszinierendste Raubfischarte überhaupt: de Zander! De Zander gilt als geheimnisvoll, vorsichtig und mängisch au als ziemlich luunische Raubfisch. Aber was steckt würklich hinder sim Verhalte? Warum isch er so erfolgrich bim Jage i de Dunkelheit? Und was unterscheidet ihn eigentlich vom Hecht, Egli oder Wels? Mir tauched tüüf i d'Wält vom Zander ii und lueged eus sini Biologie, Anatomie, Sinnesorgan und sis Jagdverhalte genauer aa. Debii gönd mer au de einte oder andere Zandermythos uf de Grund!
Warum isch de Zander i de Schwiizer See und Flüss weniger verbreitet als de Hecht oder s Egli? Wo git's gueti Zanderbeständ und was säged wissenschaftlichi Studie und Fangstatistike über sini Verbreitig?
Vom klassische Jigge und Faulenze bis zum pelagische Fische. Mir reded über Gummifisch, Ködergrössi, Köderfüehrig und d'Frag, was bim erfolgriche Zanderfische würklich entscheidend isch.
Natürlich derfed au i dere Episode die aktuellschte Neuigkeite us de Schwiizer und internationale Fischerszene ned fehle. Mir reded über spannendi Entwicklige, News rund ums Fische und alles, was d'Fischercommunity aktuell beschäftigt.
Zum Schluss wird's für de Oli wieder ernst! De Nicco het sich erneut kniffligi Frage usgsuecht und stellt de Oli uf d'Prob. Ob er mit sim Wüsse überzüge chan oder komplett is Schwitze chunnt, erfahred ihr natürlich wie immer im erschte Schwiizer Fischerpodcast!
Also inelose, Fischverruckt uf Spotify abonniere und eus i de Kommentar verrate: Was isch dini Meinig zum Zander? Und was isch dis grösste Zander-Geheimnis?

    #60 Wie viel wissen wir wirklich über den Zander?

  2. Oct 11

    #59 Missgunst statt Petri Heil

    Fangniid, Spotniid und Social Media: I dere Folge vo Fischverruckt, em erschte Schwiizer Fischerpodcast, redet de Nicco und de Oli über Niid i de Angelszene. Wieso fangt de ander und ich ned? Was passiert, wenn en Kolleg din Angelspot wiiterverzellt? Und warum lösed neui Rute, Rolle und Köder, Sponsoreverträg oder viel Follower mängisch Missgunst us? Mir diskutiered, woher Neid bim Fische chunnt, was er mit Anerkennig und em eigene Selbstbild z tue hed und wie Social Media eus zum Vergliiche bringt. Isch Fangniid hüt stärker als früener – oder eifach sichtbarer? Au d Suechi nach YPC-Spots und Infos us YouTube-Videos chunnt zur Sprach. Und mir fröged eus: Wieso macht eus en Schniidertag mängisch erst denn unzfriede, wenn mer gsehnd, dass öpper anders gfange hed? Zum Schluss wartet no es kniffligs Ranking uf de Nicco, wo de Oli für ihn vorbereitet hed. 🎣 En ehrliche Talk über Fischen, Fischerei und d Freud am Wasser – und drüber, wie mer anderne ihre Erfolg besser cha gönne. Hier kannst du deine Fischermaterial verkaufen: https://fischerinserate.ch/

    #59 Missgunst statt Petri Heil

  3. Sep 27

    #58 Das nervt uns Fischer am meisten! 🤬🎣

    I dere Episode vom FischVerruckt Podcast gahts um all die Sache, wo euch – und natürlich au eus – am Wasser so richtig uf de Sack gönd. Mir händ d’Community gfragt und redet über eui Antworte, Erfahrige und die eine oder andere Situation, wo wohl jede Fischer kennt. Natürlich gits au wieder News und Infos us de Schwiizer Fischerszene. Und am YPC chömer aktuell natürlich au nöd verbi – mir redet drüber, was bisher passiert isch und was eus besonders ufgfalle isch. Zum Schluss darf natürlich s’obligatorische Rating nöd fehle. Diesmal stellt de Nicco de Oli uf d’Prob.

    #58 Das nervt uns Fischer am meisten! 🤬🎣

  4. Sep 20

    #57 Die nächste Generation fischt – FischVerruckt LIVE am Jungfischer Weekend

    Ide 57. Episode vom FischVerruckt Podcast sind mir diesmal live am Jungfischer Weekend gsi! 🎙️🎣 Mir sind vor Ort direkt mit em Podcast-Mikrofon am Start gsi und hend verschiedensti spannende Gäscht zum Gespräch begrüesst. Natürlich hend vor allem d’Jungfischerinne und Jungfischer im Mittelpunkt gstande. 👀 Mir hend mit de nächste Generation vo Fischer über ihri Leidenschaft, ihri Fangerlebnis, Lieblingsfisch, Köder und vieles meh gredt. Aber au anderi bekannte und spannende Gäscht us de Fischerszene sind bi eus am Tisch gsässe und hend ihri Geschichte und Erfahrige mit eus teilt. Es isch e ganz spezielli Episode worde – live vor Ort, mit viel junge Fischer, spannende Gspröch und natürlich jede Menge Fischverrucktheit! 😜🎣 Mir säged Danke a alli, wo am Jungfischer Weekend debii gsi sind und eus so zahlreich am Podcast besucht hend! Viel Spass bim Lose und Petri Heil! 🎙️🐟 Nicco & Oli

    #57 Die nächste Generation fischt – FischVerruckt LIVE am Jungfischer Weekend

  5. Sep 13

    #56 Vom Fischer zum Macher – mit Daniel Ducret

    Ide 56. Episode vom erschte Schwiizer Fischerpodcast Fischverruckt hämmer wieder en bsundere Gast. De Daniel Ducret isch ned nur en leidenschaftliche Fischer und SaNa-Instruktor, sondern au als Gschäftsfüehrer vom Bernisch Kantonale Fischereiverband und als Projektleiter bim Schwiizerische Fischerei-Verband (SFV) tätig. Mir redet mit ihm drüber, wie er überhaupt zude Fischerei cho isch, wie er sis Hobby zum Bruef hed chönne mache und was er eigentlich de ganzi Tag macht. Es grosses Thema isch d Nachwuchsförderig und natürlich au sis Buech, wo er zäme mit wiitere Parteie usebracht het. Näbscht dem gahts um Gwässerschutz, Läbensrüm und d Zuekunft vode Schwiizer Fischerei. E Folg über d Mänsche hinder de Schwiizer Fischerei, über d Arbet und die spezielle Momänt, wo mir als «normali Fischer» gar ned mitbechömed. Also inelose, kommentiere und abonniere! 🎣🎙️ Da sind no die versprochene Links: Netzwerk anglerausbildung  https://www.anglerausbildung.ch/  Svf mitgliedschaften  https://sfv-fsp.ch/de/mitgliedschaft

  6. Aug 16

    #55 Haben die Leute den Respekt vor Lebewesen verloren!?

    🎙️FischVerruckt isch zrugg! Nach de Summerpause sind mir wieder zrugg! In de neuste Folge verzelled mir, was mir i de Ferie erlebt und natürlich au gefischt hend. 🎣 Glichziitig luegemer nach vorne: Weli Theme, Gäste und Idee erwarted eu im nächste halbe Jahr? Und natürlich git’s au dä eint oder ander Blick uf das, was aktuell i de Fischerszene läuft. 👀 Und no öppis Wichtigs: Mir sind immer no uf de Suechi nach ere Frau, wo intressiert wär, bi eus im Podcast mitzrede👀🎙️ Wenn du also öpper kennsch, unbedingt melde! Und ganz wichtig: Losed guet zue – es chönnt wieder öppis z’gwünne geh! 😉🎁 Viel Spass bim Lose und Petri Heil! 🎣 Nicco&Oli

    #55 Haben die Leute den Respekt vor Lebewesen verloren!?

  7. Jul 19

    #54 Glitschige Aale zwischen Sargassosee und Kraftwerken - mit Eva Baier

    Ide 54. Episode vom erschte Schwiizer Fischerpodcast FischVerruckt begrüessed mir erneut d'Eva Baier vo de Fischwanderig GmbH. Nachdem sie scho vor öppe eim Jahr bi eus z'Gast gsi isch, tauched mir hüt ines spannends und wichtigs Thema ii: de Aal und sis faszinierends Läbe zwüsche Auf- und Abstieg. Mir reded über s'Aal-Projekt, wo d'Eva aktuell begleitet, und erfahred, vor wellne Useforderige die geheimnisvolli Fischart hüt stönd.Wie wandered Aale überhaupt? Wieso sind Wehr und Chraftwärch es Problem? Und was wird konkret gmacht, zum de Bestand z'unterstütze? Natürlich git's nebst de fachliche Theme au wieder öppis zum Schmunzle: Statt de klassische Entweder-oder-Frage muess d'Eva hüt verschiedeni Themene und Situatione bewerte und es ehrlichs Rating abgäh. E spannendi Episode über Fischschutz, Fischwanderig und eini vo de faszinierendste Fischarte vo Europa.Viel Spass bim Lose! Wenn euch d'Folge gfallt, lönd eus es Abo, e Bewertig oder en Kommentar da. So helft ihr mit, dass FischVerruckt no meh Fischerinne und Fischer erreicht. Petri Heil und bis zur nächschte Episode!LVS Geber vo Garmin: https://www.garmin.com/de-CH/p/1908376/Aalwanderung melden: www.fischwanderung.ch/aalLink zum Video Milliarden Dollar Babys: https://youtu.be/QHntd1H56RQ?si=zf2y7S8z2_BjcWeQ

  8. Jun 14

    #53 Der heimtückische Egli

    Ide hüttige Episode vom erschte Schwiizer Fischerpodcast FischVerruckt widmed mir eus em Europäische Flussbarsch – eini vo de beliebteste und spannendste Fischarte i eusne Gwässer. Mir verzelled euch alles, was mir über de Barsch wüssed: Wie er läbt, was sini Hauptnahrig isch, wie sich sis Verhalte über s’Jahr verändert und wie ihr ihn möglichst erfolgrich fanget. Natürlich gönd mir au druf ii, weli Köder zu wellere Jahresziit am beschte laufed, wo sich d’Barsche ufhalted und was während de Laichziit passiert. Egal ob ihr scho lang uf Barsch fischet oder grad erst demit afanged – die Episode isch vollpackt mit spannendem Wüsse, praktische Tipps und üsere persönliche Erfahrige am Wasser. Mir wünsched euch viel Spass bim Lose! Lönd üs gern es Abo, e Bewertig oder en Kommentar da und vergässed nid, FischVerruckt z’abonniere. Petri Heil!

    #53 Der heimtückische Egli
See All (61)

Trailer

About

Willkommen beim ersten Schweizer Fischerpodcast mit Oli und Nicco! Als passionierte Raubfischangler teilen wir unser umfassendes Tackle-Wissen und halten euch stets über die neuesten Entwicklungen in der Schweizer Angelszene auf dem Laufenden. Unser Podcast bietet Einblicke in verschiedene Fischarten, Tipps und Tricks für Anfänger und Profis sowie aktuelle Themen rund ums Angeln. Eure Kommentare sind uns wichtig – teilt uns eure Themenwünsche mit und helft uns, den Podcast nach euren Vorstellungen zu gestalten. Danke, dass ihr Teil unserer Angler-Community seid. Tight lines und Petri Heil! 🎣

Information

  • Creator
    Oli Bassotti und Nicco Kurmann
  • Years Active
    2024 - 2026
  • Episodes
    61
  • Rating
    Explicit
  • Copyright
    © Oli Bassotti und Nicco Kurmann
  • Show Website
    FischVerruckt

You Might Also Like