Alqa literary podcast

Шерхан Талап

"Alqa" әдеби подкасты әдебиеттің өзекті мәселелерін ортаға салып, жаңа тенденцияларды талқылайды және жаңа туындылар мен авторларды насихаттауды мақсат етеді.

Episodes

  1. 12/04/2024

    Тез жазу мен ұзақ жазу, қалалық проза және құндылықтар қақтығысы

    Бұл жолғы подкастта не айттық? Алдыңғы жолы көп жазу мен аз жазу туралы сөйлессек, бұ жолы жылдам жазу, асықпай ұзақ жазу жөнінде сөз қозғадық. Қалалық проза, аграрлық әдебиет, бүгінгі оқырман, қазіргі кейіпкер туралы талқыладық. Ойдан ой туады ғой. Бір қарасам, заң мен тәртіп, құндылықтардың қақтығысы, жазушылардың рөлі туралы сөйлеп отыр екенбіз. Арман Әлменбет пен Есбол Нұрахмет біраз әңгіме айтты. Тағы бір подкаст арнап, кеңірек көсілтсе де болады екен деп ойладым.

  2. 12/01/2024

    Бүгінгі проза: тапсырыспен кітап жазу, әдеби редакторлық дәстүр неге үзілді?

    Бұл жолғы подкасттың қонақтары жазушы Қанат Әбілқайыр мен ақын, жазушы Жақсылық Қазымұратұлы болды. Олар бүгінгі проза, әдеби редакторлық дәстүр, тапсырыспен кітап жазу, кітап сату, аға буынның жастардың шығармасын оқуы секілді тақырыптарда ой қозғады.

  3. 11/30/2024

    Қазақтың кәсіби аударма мектебін қалай қалыптастырамыз?

    «Алқаның» кезекті шығарылымын аударма тақырыбына арнадық. Қонақтарым әдебиеттанушы, сыншы Амангелді Кеңшілікұлы мен ғалым-аудармашы Гүлшат Бақытжан. Подкаста қазақ аударма мектебі, қазіргі аударманың сапасы, ғылыми тұрғыда даму бағдары, өзекті мәселелер мен алдағы мақсат-міндеттер жөнінде сөз қозғалды. Кеше ғана Нобель сыйлығын алған Хан Гаң туралы да айтылды.

  4. 09/26/2024

    Ерлан мен Тоқтарәлінің жаңа романы, ұйқас пен ұйқассыздық, көп жазу мен аз жазу

    Ақын Тоқтарәлі Таңжарық пен Ерлан Жүніс мазмұнды, әсерлі әңгіме айтты. Екі қаламгердің жаңа романы, көп жазу мен аз жазудың артық-кем тұстары, өз буынының бағасы, әдеби байқаулардың бүгінгі форматы, «Екеудің әңгімесі» жайлы естеліктер және тағы басқа да тақырыптар сөз болды.

  5. 07/18/2024

    Балалар әдебиеті: қазіргі заманға сай шығармалар неге жазылмай жатыр?

    Қонақтар: ақын Олжас Қасым, ақын Азамат Әбілқайыр. Бұл жолы не айтылды? Ата-анаңның қадірін балалы болғанда білесің демекші, өзіміз әке болғаннан кейін соңғы кезде балаларға арналған шығармалардың, контенттердің сапасы туралы көп ойланып жүрміз. Балабақшадағы тақпақтардан бастап, шығып жатқан түрлі-түсті кітаптар, ютубтағы контенттер, бәрі солғын тартып тұрғандай көрінеді. Қазір балалардың тіліне жатық, тез жатталатын өлеңдер неге жоқ? Балаларға арналған шығарманы тек байқау үшін ғана жазып жүрген жоқпыз ба? Қазақ комиксі неге тек батырлар туралы? Сұрақ көп.

  6. 07/17/2024

    Креатив индустриядағы әдебиеттің рөлі: өнерді шабытпен байланыстыратын кезең аяқталды ма?

    Жаңа шығарылым. Бүгінгі тақырып: әдебиеттің креативті индустриядағы рөлі. Қонақтарым Мақпал Жұмабай мен Alikhan Tuiebay тақырып төңірегінде жақсы-жақсы ойлар айтты. Одан бөлек бүгінгі әдебиеттің насихаты, өзекті мәселері, әлемнің 6 тіліне аударылған поэзия мен проза антологиясы және жасанды ителлектінің өнерге ықпалы, креатив хабтар туралы сөйлестік.

  7. 06/12/2024

    Детектив: 10 млн жеңген роман, диктофонға жазылмаған әңгіме, өзін соттамаған Бишімбаев

    Бұл жолы детектив тақырыбында жазып жүрген жазушыларды шақырдық. Абай Аймағанбеттің жақында шыққан “Бұрылысқа жарты қадам қалғанда” атты детектив романы, Жадыра Шамұратованың детектив тақырыбындағы әңгімелері талқыланды. Сосын жазушының түрме аралап жүрген кездегі диктофонға айтылмайтын істерге қалай үңілгенін, тақырыпты қалай зертеу керектігі де айтылды. Жалпы біз детективті қалай түсініп жүрміз? Оның табиғаты қандай болуы керек? Жадыра апай “Абайдан қорқу керек” дейді. Расында, Абай қылымыскердің профилін жасаған кезде, өлімді суреттеген кезде аяусыз жазады екен. Оқыған адам айтар.

  8. 05/28/2024

    Ақбереннің алып адамы, Мақсаттың сиам егіздері және Мағауиннің жарияланбаған тізімі

    Подкасттың алғашқы қонақтары – ақын Ақберен Елгезек пен жазушы Мақсат Рамазан. Әңгіме Мұхтар Мағауинмен кездесу төңірегінде басталып, өткен жолы қаламгер айтқан 40 жас жазушының тізіміне жалғасты. Мақсат Мәліктің "Абыл мен Қабылы", әдебиеттегі кәсібилік, бүгінгі тақырыптар сөз болды. Ақберен Елгезектің әлі жарық көрмеген жаңа романы, сын қабылдау, көп мақталудың зияны, тіл мен форма секілді тақырыптар талқыланды.

  • 8 Episodes

About

"Alqa" әдеби подкасты әдебиеттің өзекті мәселелерін ортаға салып, жаңа тенденцияларды талқылайды және жаңа туындылар мен авторларды насихаттауды мақсат етеді.

Information

  • Creator
    Шерхан Талап
  • Years Active
    2024
  • Episodes
    8
  • Rating
    Clean
  • Copyright
    © Шерхан Талап
  • Show Website
    Alqa literary podcast