Mise agus an Eoraip

Europe and Me
  • 0.0 (0)
  • Politics

Leis an bpodchraoladh seo, féadfaidh tú tú féin a choinneáil ar an eolas faoin scéal is déanaí maidir le duaiseanna mór le rá amhail Duais Sakharov um Shaoirse Smaointeoireachta, Duais Eorpach Charlemagne don Óige, Gradam Lucht Féachana LUX agus Duais Daphne Caruana Galizia don Iriseoireacht. Bí linn do thuairisciú cuimsitheach ar na tionscnaimh atá ag Parlaimint na hEorpa chun tacú leis an daonlathas agus le cearta an duine. Is féidir éisteacht le tuilleadh podchraoltaí ar Europarl Radio, raidió gréasáin Pharlaimint na hEorpa.

  1. Lá Domhanda an Raidió

    Feb 11

    Lá Domhanda an Raidió

    Mise agus an Eoraip

    3 min
  2. Interrail: An Eoraip idir na línte

    Feb 4

    Interrail: An Eoraip idir na línte

    Is mó ná ticéad traenach é pas Interrail. Ó bunaíodh é in 1972 go dtí DiscoverEU inniu, tá Interrail tar éis eispéireas comhroinnte Eorpach a dhéanamh den taisteal.

    7 min
  3. Príomhchathracha Cultúir na hEorpa: an tslí a gcuireann an cultúr cruth nua ar chathair

    Jan 26

    Príomhchathracha Cultúir na hEorpa: an tslí a gcuireann an cultúr cruth nua ar chathair

    Cad a tharlaíonn nuair a dhéantar Príomhchathair Chultúir na hEorpa de chathair?San eagrán seo, féachfaimid ar an tslí a gcuireann an teideal sin cruth nua ar chathracha agus ar bheatha na ndaoine a bhfuil cónaí orthu iontu. Caithfimid súil chomh maith ar an tslí a dtugann an cultúr comharsanachtaí le chéile, a meallann sé na milliúin cuairteoirí agus a bhfuil a lorg le brath i bhfad tar éis dheireadh an cheiliúrtha.

    7 min
  4. Duais Daphne Caruana Galizia don Iriseoireacht 2025

    10/30/2025

    Duais Daphne Caruana Galizia don Iriseoireacht 2025

    Tá Duais Daphne Caruana Galizia don Iriseoireacht 2025 buaite ag ‘Follow the Money’, ardán Ollannach a dhéanann iriseoireacht iniúchach. Rinne an t-imscrúdú, faoi stiúir an ardáin, agus i gcomhar le 13 sheomra nuachta ón mBeilg, ón Danmhairg, ón nGearmáin, ón nGréig, ón Iodáil, ón Iorua, agus ón Ríocht Aontaithe, léiriú ar an tslí ar thuill longúinéirí an Iarthair os cionn 6 bhilliún dollar as 230 tancaer atá ag dul in aois a dhíol le scáthfhlít na Rúise. Déanann an gradam prionsabail agus luachanna an Aontais atá cumhdaithe i gCairt um Chearta Bunúsacha an Aontais Eorpaigh a chur chun cinn. Ainmníodh é in onóir Daphne Caruana Galizia, iriseoir agus blagálaí as Málta, a bhíodh ag gníomhú i gcoinne na caimiléireachta agus a feallmharaíodh in 2017.

    3 min
  5. Duais Sakharov um Shaoirse Smaointeoireachta 2025

    10/23/2025

    Duais Sakharov um Shaoirse Smaointeoireachta 2025

    Is iad na hiriseoirí Andrzej Poczobut ón mBealarúis agus Mzia Amaglobeli ón tSeoirsia atá i bpríosún buaiteoirí Dhuais Sakharov um Shaoirse Smaointeoireachta de Pharlaimint na hEorpa 2025. Cuireadh Duais Sakharov um Shaoirse Smaointeoireachta ar bun in 1988 chun ómós a léiriú do dhaoine aonair agus d’eagraíochtaí a chosnaíonn cearta an duine agus saoirsí bunúsacha.

    3 min
  6. Eoraip na Cruthaitheachta - deiseanna do dhaoine óga san Aontas Eorpach

    10/22/2025

    Eoraip na Cruthaitheachta - deiseanna do dhaoine óga san Aontas Eorpach

    Is é Eoraip na Cruthaitheachta clár an Aontais chun an chruthaitheacht a chothú. Tá sé mar aidhm leis éagsúlacht chultúrtha agus oidhreacht chultúrtha na hEorpa a fhorbairt agus a chur chun cinn. Tacaíonn sé le hearnálacha an chultúir agus na healaíne, go háirithe an earnáil closamhairc, chun an Eoraip a dhéanamh níos cuimsithí, níos digití agus níos inbhuanaithe ó thaobh an chomhshaoil de. Más gairmí óg thú nó má tá tú páirteach in eagraíocht atá ag obair in earnálacha an chultúir agus na healaíne, faigh amach conas is féidir leis an Aontas cabhrú leat do thionscadal cruthaitheach a chur i gcrích.

    10 min
  7. An Lá Idirnáisiúnta don Teanga Shoiléir

    10/10/2025

    An Lá Idirnáisiúnta don Teanga Shoiléir

    Gach bliain ó 2011 i leith, is é an 13 Deireadh Fómhair an Lá Idirnáisiúnta don Teanga Shoiléir. Cad é atá i gceist leis?

    2 min
  8. LUX - Gradam Scannánaíochta Lucht Féachana na hEorpa 2026

    10/07/2025

    LUX - Gradam Scannánaíochta Lucht Féachana na hEorpa 2026

    Is iad seo na cúig scannán a bheidh san iomaíocht do Ghradam Lucht Féachana LUX 2026: Christy, Deaf, It Was Just an Accident, Love Me Tender agus Sentimental Value. Is é atá i gceist le ‘Gradam LUX ná aird a tharraingt ar scannáin a dhéileálann le téamaí sóisialta agus polaitiúla. Tá sé mar aidhm leis plé agus machnamh a spreagadh agus scannáin a úsáid chun féiniúlacht Eorpach níos láidre a chothú.

    7 min
See All (27)

About

Leis an bpodchraoladh seo, féadfaidh tú tú féin a choinneáil ar an eolas faoin scéal is déanaí maidir le duaiseanna mór le rá amhail Duais Sakharov um Shaoirse Smaointeoireachta, Duais Eorpach Charlemagne don Óige, Gradam Lucht Féachana LUX agus Duais Daphne Caruana Galizia don Iriseoireacht. Bí linn do thuairisciú cuimsitheach ar na tionscnaimh atá ag Parlaimint na hEorpa chun tacú leis an daonlathas agus le cearta an duine. Is féidir éisteacht le tuilleadh podchraoltaí ar Europarl Radio, raidió gréasáin Pharlaimint na hEorpa.

Information

  • Channel
    Europe and Me
  • Creator
    Parlaimint na hEorpa
  • Years Active
    2024 - 2026
  • Episodes
    27
  • Rating
    Clean
  • Copyright
    © Copyright European Parliament Gaelic
  • Show Website
    Mise agus an Eoraip

More From Europe and Me