Storja u Fatti

Parlament Ewropew

0.0 (0)
Politics

Esplora l-iskeda ta’ żmien tal-Unjoni Ewropea Skopri l-mumenti kruċjali, il-figuri influwenti u l-istadji ewlenin li stabbilew il-pedamenti tal-Unjoni Ewropea. Dan il-podcast jiżvela l-istejjer tal-irġiel u n-nisa li l-kuraġġ u l-viżjoni tagħhom wittew it-triq għall-UE kif nafuha llum. Tista’ tisma’ aktar podcasts fuq Europarl Radio, ir-radju online tal-Parlament Ewropew.

12/02/2025

Melina Mercouri – viżjonarja tal-kultura u forza politika

Melina Mercouri kienet ferm aktar minn attriċi jew figura pubblika. Kienet forza mexxejja wara r-rikonoxximent tal-kultura bħala prijorità politika fl-Unjoni Ewropea. F’dan l-episodju, se nesploraw il-ħidma innovattiva tagħha bħala Ministru tal-Kultura tal-Greċja, mit-tnedija tal-inizjattiva tal-Kapitali Ewropej tal-Kultura sal-ħolqien ta’ rabtiet kulturali bejn il-fruntieri matul il-Gwerra Bierda. Se nagħtu wkoll ħarsa lura lejn ir-reżistenza qawwija tagħha kontra l-ġunta militari Griega, li wasslitha biex issir simbolu tal-valuri demokratiċi u l-libertà kulturali, wirt li għadu jitgawda sal-lum.
11/10/2025

Alcide De Gasperi, missier fundatur tal-Unjoni Ewropea

Alcide De Gasperi, li twieled fl-1881 f’żona b’maġġoranza Taljana tal-Imperu Awstro-Ungeriż, kien jopponi l-Faxxiżmu bil-qawwa. Fl-1943, huwa waqqaf il-Partit Demokratiku Kristjan u sar l-ewwel Prim Ministru tar-Repubblika Taljana. Huwa mexxa l-pajjiż sal-1953. Flimkien ma’ Konrad Adenauer u Robert Schuman, huwa kellu rwol ewlieni fil-promozzjoni tal-integrazzjoni Ewropea.
10/07/2025

Il-Parlament Ewropew, il-waqgħa tal-Ħajt ta' Berlin u r-riunifikazzjoni tal-Ġermanja

Matul il-lejl ta' bejn id-9 u l-10 ta' Novembru 1989, mingħajr ebda tip ta' twissija, waqa' l-Ħajt ta' Berlin fl-istess ħin li kkrolla l-gvern komunista tar-Repubblika Demokratika Ġermaniża. Il-Gwerra Bierda kienet qed tersaq lejn tmiemha u kien se jseħħ avveniment ta' importanza kbira għall-istorja tal-Ewropa. Xahar wara, il-ftuħ uffiċjali tal-Bieb ta' Brandenburg stabbilixxa b'mod definittiv il-libertà ta' moviment bejn iż-żewġ Ġermanji. Fit-3 ta' Ottubru 1990, inkisbet l-unifikazzjoni tal-Ġermanja u b'hekk inbidel il-futur tal-integrazzjoni Ewropea.
05/08/2025

Konrad Adenauer, simbolu tal-għaqda u l-paċi

Konrad Adenauer, l-ewwel Kanċillier tar-Repubblika Federali tal-Ġermanja, kellu rwol ċentrali fil-bini mill-ġdid tal-pajjiż wara t-Tieni Gwerra Dinjija u fil-promozzjoni tal-għaqda Ewropea. Huwa ta prijorità lir-rikonċiljazzjoni ma’ Franza u appoġġja l-integrazzjoni Ewropea permezz ta’ inizjattivi bħall-Komunità Ewropea tal-Faħam u l-Azzar. Minkejja kwistjonijiet bħal dik tal-Ħajt ta’ Berlin, huwa baqa’ jaħdem favur il-paċi u l-għaqda fl-Ewropa
04/08/2025

Simone Veil, omm fundatriċi tal-Unjoni Ewropea

Simone Veil, waħda min-nisa li kkontribwixxew għat-twaqqif tal-Unjoni Ewropea u l-ewwel President ta’ Parlament Ewropew elett direttament, kellha rwol ewlieni fil-promozzjoni tal-għaqda Ewropea u l-avvanz tad-drittijiet tal-bniedem. Hija ħadmet favur id-drittijiet tan-nisa, kienet figura ewlenija fil-ġlieda biex l-abort isir legali fi Franza, u wittiet it-triq għan-nisa fit-tmexxija. Bħala superstiti tal-Olokawst, kienet taf kemm kien importanti li l-Ewropa tingħaqad. Il-legat ta’ Veil ikompli jispira, billi huwa eżempju ħaj tal-motto tal-Unjoni Ewropea ta’ “għaqda fid-diversità” permezz tal-impenn tagħha għall-ġustizzja u d-drittijiet tal-bniedem.
03/06/2025

Il-Jum Internazzjonali tan-Nisa

Il-Jum Internazzjonali tan-Nisa jaf il-bidu tiegħu lill-ewwel movimenti tal-ħaddiema li tfaċċaw fl-ewwel deċennju tas-seklu 20. Kien u għadu jum li jfakkar il-ġlieda għall-ugwaljanza bejn il-ġeneri u jiċċelebra l-progress li sar f’dan ir-rigward. Il-Parlament Ewropew huwa wieħed mill-aktar difensuri li semmgħu leħinhom favur l-ugwaljanza bejn il-ġeneri fl-Unjoni Ewropea. Huwa għadda riżoluzzjonijiet u liġijiet ewlenin biex jipproteġi d-drittijiet tan-nisa, jippromwovi l-opportunitajiet indaqs u jiġġieled id-diskriminazzjoni.
10/31/2024

It-Trattat ta’ Maastricht u kif evolva

It-Trattat ta’ Maastricht, uffiċjalment magħruf bħala t-Trattat dwar l-Unjoni Ewropea, ġie ffirmat fis-7 ta’ Frar 1992, f’Maastricht, fin-Netherlands, mit-12-il Membru tal-Komunitajiet Ewropej ta’ dak iż-żmien. Daħal fis-seħħ fl-1 ta’ Novembru 1993, wara li ġie rratifikat mill-Membri kollha. It-Trattat ta’ Maastricht stabbilixxa formalment l-Unjoni Ewropea, u ttrasforma l-Komunità Ekonomika Ewropea f’unjoni aktar koeżiva u komprensiva. Introduċa wkoll iċ-ċittadinanza tal-Unjoni Ewropea.
07/11/2024

Niftakru fi Srebrenica

Fil-11 ta’ Lulju 1995, il-forzi Serbi Bożnijaċi, immexxija mill-Ġeneral Ratko Mladić, ħadu taħt idejhom il-belt ta’ Srebrenica fil-Lvant tal-Bożnija, li kienet ġiet iddikjarata Żona Sikura tan-Nazzjonijiet Uniti. Fil-jiem ta’ wara, aktar minn 8,000 Musulman, l-aktar irġiel u subien, ġew sistematikament maqtula u midfuna f’oqbra tal-massa. Eluf ta’ nisa, tfal u anzjani ġew deportati bil-forza. Bejn 20,000 u 50,000 mara u tifla sofrew vjolenza sesswali. In-Nazzjonijiet Uniti ddeskrivew il-ġenoċidju fi Srebrenica bħala l-agħar reat fuq art Ewropea mit-Tieni Gwerra Dinjija ’l hawn.

Esplora l-iskeda ta’ żmien tal-Unjoni Ewropea Skopri l-mumenti kruċjali, il-figuri influwenti u l-istadji ewlenin li stabbilew il-pedamenti tal-Unjoni Ewropea. Dan il-podcast jiżvela l-istejjer tal-irġiel u n-nisa li l-kuraġġ u l-viżjoni tagħhom wittew it-triq għall-UE kif nafuha llum. Tista’ tisma’ aktar podcasts fuq Europarl Radio, ir-radju online tal-Parlament Ewropew.

Creator

Parlament Ewropew
Years Active

2024 - 2025
Episodes

14
Rating

Clean
Copyright

© Copyright European Parliament Maltese
Show Website

Storja u Fatti