Sanhuu Ugnu Podcast

Sanhuu Ugnu

Санхүүгийн мэргэжилтнүүд тоо бодохгүй, толгойгоо ажиллуулахгүйгээр хэдэн хормыг зүгээр ярьж өнгөрүүлэх орон зай.

  1. Өнгөрсөн онд өөрийнхөө санхүүг олсоон | Sanhuu Ugnu Podcast

    Feb 3

    Өнгөрсөн онд өөрийнхөө санхүүг олсоон | Sanhuu Ugnu Podcast

    Санхүү өгнө подкастын ээлжит зочноор KPMG Audit-н Supervising Senior Гансүхийн Төрбат оролцож, өөрийн ажил амьдралдаа баримталдаг зарчим, ажлын туршлага, санхүүгээ хэрхэн зохицуулдаг талаарх ярилцлагыг та бүхэндээ хүргэж байна.

    1h 2m
  2. Монголдоо тултлаа туршлага хуримтлуул, боломж ирнэ | Sanhuu Ugnu Podcast

    12/15/2025

    Монголдоо тултлаа туршлага хуримтлуул, боломж ирнэ | Sanhuu Ugnu Podcast

    Энэ он ч шувтрах гээд подкастын 4-р улиралаа эхлүүлэх гэж нилээн юм боллоо.Аргагүй байхаа, энэ удаагийн дугаарт алс холын Австрали улсын PwC Australia-д уул уурхай болон бусад салбарын томоохон байгууллагуудад уур амьсгалын өөрчлөлт, тогтвортой байдалтай холбоотойгоор аудит болон зөвлөх үйлчилгээний хэсэгт Senior Manager, Sustainability Reporting and Assurance ажлыг хариуцаж ажилладаг Ч.Оюунгоо (Око)найзыг урьж оролцууллаа.Түүний хувьд 2011-2024 онд PwC Mongolia-д олон янзын салбарын компаниудад аудит болон нягтлан бодох бүртгэл, санхүүгийн зөвлөх үйлчилгээ үйлчилгээ үзүүлж ажилласан арвин их туршлагатай, тэр дундаа уул уурхайн салбараар мэргэшиж ажилласан.2010, 2011 онуудад Монголд ОУ-ын нягтлан бодох бүртгэлийн сүлжээ фирмүүд орж ирж байсан үе. Яг энэ үед ч мөн адил PwC Mongolia үүсгэн байгуулагдаж байхад анхны гишүүдийн нэг болж энэ фирм-д Associate-с ажлын гараагаа эхлэн хувь хүний болон мэргэжлийн хувьд өсч хөгжсөн 13 жилийн дараа карьерын хувьд томоохон шийдвэр гаргаж PwC Australia-д шилжин ажиллаж буй түүний баялаг түүхийг энэ удаагийн дугаараар онцолж байна.Компанийн санхүүгийн тайлагналын ил тод байдал, тайлагналын чанар, мэргэжилтнүүдийг чадавхижуулахад хэн нөлөө бүхий байдаг вэ гэхээр, товчхондоо Big4 гэгддэг нягтлан бодох бүртгэл, аудитын фирмүүд байдаг. Үйлчлүүлэгчээ ажлын байранд нь educate гэх үү дээ. Мэргэжлийн хувьд түүчээ нь болж, мэргэжлийн ёс зүйн хэмжээг баримтлан, ОУ-ын стандартыг нэвтрүүлэх, хэрэгжүүлэхэд гар бие оролцдог хариуцлагатай, үнэ цэнэтэй ажил мэргэжил гэж боддог оо. Олон сонирхолтой яриа, өнцөг, үзэл санааг энэ дугаараас олж мэдээрэй. Cheers.

    1h 29m
  3. Алдаа амжилт хоёроо адилхан тэвэр | Sanhuu Ugnu Podcast

    11/11/2025

    Алдаа амжилт хоёроо адилхан тэвэр | Sanhuu Ugnu Podcast

    Сүүлийн тэмээний ачаа хүнд гэгчээр — CEO season-ын хаалтын дугаар! Энэ удаагийн дугаар маань үнэхээр онцгой боллоо. Подкастын түүхэнд анх удаа host миний алдаанаас болж хоёр дахь удаагаа бичигдсэн ч — илүү гүн, илүү амттай, илүү бодолд хөтөлсөн яриа болон “төржээ.” Энэ дугаарын зочин — улс төрийн активист, “Нухацтай сэтгэлгээ” номын зохиогч, Тасралтгүй Боловсрол Судалгааны Институтийн Гүйцэтгэх захирал С.Өнөр. Хүүхэд наснаасаа хуримтлалын дадлыг төлөвшүүлж, мөнгөтэй “найз” болсон түүний түүхээс эхлээд, “мөнгө амьдралд чухал ч, үнэндээ бидэнд нэг их зүйл хэрэггүй” гэх амьдралын философи хүртэл — алдаа, амжилт, сонголт гэх олон өнцөгтэй, урам зоригтой яриа таныг хүлээж байна. 💬 Энэ дугаарыг сонсоод юу мэдэрснээ, ямар санаа төрсөн сэтгэгдлээрээ хуваалцаарай. Cheers!

    1h 31m
  4. Амьдралаа урт хугацаагаар хар, яг марафон шиг | Sanhuu Ugnu Podcast

    10/30/2025

    Амьдралаа урт хугацаагаар хар, яг марафон шиг | Sanhuu Ugnu Podcast

    Гүйдэг Моги нэрээрээ олон хүмүүст танигдсан, мөн олон хүмүүсийн амьдралын чанарт өөрийн амьдралаа өөрчилсөн түүх, гэр бүлийнхээ амьдралын хэв маягаар нөлөөлж байгаа санхүүч Баатарболд ахтай ярилцсан маш гоё сонирхолтой, амьдралтай яриа болсон. Онцолж бичье гэхээр подкастаа бүтнээр нь текст болгочих гээд байна. Тиймээс зүгээр л сонсоод үзээрэй. Enjoy 💫 PS: Хувийн санхүүдээ анхаардаг хэн бүхэн энэ дугаарыг сонсвол зохилтой.

    1h 20m
  5. Хандлага, сахилга бат, хүлээлтээс дав | Sanhuu Ugnu Podcast

    10/10/2025

    Хандлага, сахилга бат, хүлээлтээс дав | Sanhuu Ugnu Podcast

    Өөрийн карьерын хувьд томоос бага руу буюу 10000, 1000, 100 тэгээд 10 хүнтэй байгууллагад ажиллах гэсэн зарчмынхаа дагуу явсаар яг одоо М Секьюритис ҮЦК ХХК-ийн Гүйцэтгэх захирал Х.Мөнхжаргал, MJ найзыгаа энэ удаагийн подкастын дугаараар онцлох боломж бүрдлээ. Зээл, хадгаламж зэрэг санхүүгийн бүтээгдэхүүнээр дамжуулан бүх салбарт хүрч нөлөөлж чаддаг салбар бол санхүү, банкны салбар байдаг. Мөн өдөр тутам өөрчлөгдөж буй мэдээлэлтэй байнгын updated байж чаддаг нь түүний хувьд энэ салбарт олон жил ажиллахад хүргэсэн. Анх зээл авч хадгалж байсан зэргээр хувийн санхүүдээ баримталдаг сонирхолтой түүхээ хуваалцсан.

    1h 10m
  6. Ээжүүд ингэж бизнес хийдэг | Sanhuu Ugnu Podcast

    09/23/2025

    Ээжүүд ингэж бизнес хийдэг | Sanhuu Ugnu Podcast

    Энэ удаагийн дугаартаа нэгэн гайхалтай ээж, Digital Accounting & Tax Advisory (DATA) Татварын Мэргэшсэн Зөвлөх (ТМЗ) үйлчилгээ үзүүлэгч компанийн хамтран үүсгэн байгуулагч, Партнер буюу гүйцэтгэх захирлаар ажилладаг Т.Тунгалагийн ажил, амьдралын түүхээс хуваалцаж байгаадаа баяртай байна. Түүний хувьд нягтлан бодох бүртгэл, ТМЗ-ийн ажилд энэ насаа зориулсан, гарааны бизнесээс эхлээд томоохон групп компаниуд, гадны хөрөнгө оруулалттай компаниуд гэх мэт маш олон салбарын татварын төлөвлөлт, эрсдэл, удирдлагыг хэрэгжүүлэхэд мэргэжлийн үүднээс зөвлөгч багийг бүрдүүлэн, амжилттай удирдаж яваа нэгэн юм. Мөн түүнийг тодорхойлох нэг зүйл бол дөрвөн гайхалтай хүүхдийн ээж. Ээжийн үүднээс, нөгөө талаас нийгэмд үзүүлж буй нөлөөлөгчдийн төлөөлөл болж Гэр бүлийн радио 104.5-ийн Бидний дэргэдэх гайхамшиг тусгай нэвтрүүлэг - Аутизмийн хөтлөгчөөр ажилладаг. Сонирхуулж хэлэхэд DATA ТМЗ ХХК-ийн ажилтнууд ихэвчлэн ээжүүд байдаг, тэд маш чөлөөтэй, халуун дулаан уур амьсгалд ажлаа хийж, ар гэрээ авч явдаг гэдгийг сонсоод гоё санагдсан. За ингээд подкастаа хүлээн авна уу.

    1h 12m
  7. Тухтай бүсээсээ зоригтой гар | Sanhuu Ugnu Podcast

    09/09/2025

    Тухтай бүсээсээ зоригтой гар | Sanhuu Ugnu Podcast

    За подкастынхаа 3-р улирлыг санхүүчээс CEO хүртэлх замнал, алдаа, амжилт бүхнийг нь хуваалцахаар зорьж байна. Тэгээд энэ улирлыг эрч хүч нь дуусашгүй нэгэн гайхалтай бүсгүйн түүхээр эхэлж байна. Энэ дугаарын зочноор анхны Apprentice Mongolia-ийн шилдэг 10-ийн нэг, Ори Студиос ХХК-ийн Гүйцэтгэх захирал Д. Бат-Оюун, түүний гүйцэтгэх удирдлагад хүрсэн сэтгэлгээ, ажлын арга барил, бүтээлч салбарын нийгэмд үзүүлэх нөлөөлөл, мөн яг одоо та өөрийгөө дараагийн түвшинд ажиллах болсон гэж итгэж байвал, эсвэл нэг газраа гацсан мэт санагдаж байвал, бүр эсвэл танд танаас бусад хүн итгэл үзүүлээд эхэлбэл та зоригтойгоор өөрчлөлт хийгээд үз гэдгийг өөрийн карьерын түүхээрээ танд мэдрүүлсэн тийм амттай яриа болсон гэж найдаж байна. Enjoy 💫

    1h 31m
  8. Ажилдаа шунан дурлаж, hungry бай | Sanhuu Ugnu Podcast

    08/19/2025

    Ажилдаа шунан дурлаж, hungry бай | Sanhuu Ugnu Podcast

    Зуны урт амралтын дараа подкастынхаа 2-р улирлын хаалтын дугаарыг хүргэхэд бэлэн болоод байна. Энэ дугаарын зочноор And Solutions Pte Ltd-ийн Finance Business Partner Э.Аюушмаатай карьерын шилжилт, аливаа зүйлд хувь хүний харах өнцөг ямар чухал нөлөөтэй, ажилдаа хандаж буй хичээл зүтгэлээ хэрхэн харуулах, мөнгөнд хандах сэтгэлзүй, хүн авахаас илүү өгөхийг зорьвол нийгэм, хүрээлэлдээ ямар өөрчлөлт авчирч болох уу гээд маш олон төрлийн сэдвээр ярилцсан амттай, бас манай подкастын түүхэнд хамгийн урт бичсэн онцгой дугаар байлаа.  Хувь хүний хандлага, төлөвшилд ажиллах орчин, удирдлагын арга барил, баг хамт олны сэтгэлгээ гэх зэрэг компанийн соёлыг бүрдүүлдэг олон жижиг зүйлсээр дамжуулан томоор нөлөөлж болдог жишээг өөрийн ажлын туршлагаараа хуваалцсан.  За тэгээд шинэ тутам хөгжиж буй технологийн бизнесийн санхүү гэдэг ямар сонирхолтой, мөн тэрхүү хирээр ямар сорилттой байдаг талаар энэ подкастаас хүлээн авч, сонсоорой.

    1h 59m
See All (17)

About

Санхүүгийн мэргэжилтнүүд тоо бодохгүй, толгойгоо ажиллуулахгүйгээр хэдэн хормыг зүгээр ярьж өнгөрүүлэх орон зай.

Information

  • Creator
    Sanhuu Ugnu
  • Years Active
    2025 - 2026
  • Episodes
    17
  • Rating
    Clean
  • Copyright
    © Sanhuu Ugnu
  • Show Website
    Sanhuu Ugnu Podcast