Na volta da folla

Manuel Gago

Manuel Gago desenvolve neste podcast as exploracións na historia e cultura de Galicia que publica habitualmente noutras redes sociais. Unha porta aberta á volta de folla da historia, antropoloxía e cultura galegas.

Episodes

  1. O achado da copa de Berlanga con Jesús García Sánchez

    Apr 23

    O achado da copa de Berlanga con Jesús García Sánchez

    Acaba de publicarse na prestixiosa revista Britannia o achado dunha peza excepcional en Berlanga de Duero (Soria): a bautizada como copa de Berlanga. Trátase dun vaso da escasa serie do muro de Hadriano, unha especie de souvenir dos militares destacados nos límites entre o Imperio Británico e Caledonia. Para Jesús García, un dos arqueólogos responsables do seu estudo, o vaso foi traído por un antigo membro da Cohors I Celtiberorum, unha das unidades que participaron na construción da formidable defensa británica e moi pouco despois fundaron o forte romano da Ciadella (Sobrado dos Monxes).

    30 min
  2. Xurxo Ayán: unha arqueoloxía do arqueólogo (Parte I)

    Apr 5

    Xurxo Ayán: unha arqueoloxía do arqueólogo (Parte I)

    Xurxo Ayán é un dos máis coñecidos arqueólogos de Galicia. Irreverente, brillante, rebelde e visionario, nesta entrevista fago arqueoloxía del mesmo, percorrendo os momentos clave da súa vocación. Unha conversa informal cun gran amigo na que coñeceremos as claves íntimas dunha visión do pasado, de Galicia e da ciencia. Fotografía de Xurxo: Sergio Enríquez Nistal

    40 min
  3. O val do Salas e fronteira con Portugal

    12/20/2025

    O val do Salas e fronteira con Portugal

    No século XII o reino de Galicia viviu a escisión da súa parte portuguesa, e alí se formou unha das fronteiras máis antigas de Europa. Pero neses primeiros séculos, a fronteira era calquera cousa menos unha marca estable, e os conflitos entre os dous territorios deixaron traza arqueolóxica. Falamos co arqueólogo Juan Manuel Galiña sobre como no ourensán Val do Salas fican numerosas trazas documentais e arqueolóxicas da tensión e da xestión do territorio entre Galicia, o rei de Castela e Portugal naqueles primeiros tempos. Na ilustración, recreación do castelo da Piconha e Randín a partir do Livro das Fortalezas (século XVI).

    38 min
  4. A nova literatura portuguesa con Miguel Gouveia

    07/31/2025

    A nova literatura portuguesa con Miguel Gouveia

    O editor, libreiro e narrador oral Miguel Gouveia ofrécenos pistas para descubrir o panorama da nova literatura portuguesa: desde editoras, librarías interesantes do norte e de Lisboa, podcasts especializados ata autoras e autores. Unha conversa que mantivemos no marco do Festival Atlántica de Narración Oral 2025.

    31 min
  5. As lexións da fin do mundo

    06/26/2025

    As lexións da fin do mundo

    Entre 2023 e 2024 un equipo das universidades de Salamanca e Santiago de Compostela, xunto coa empresa Tempos Arqueólogos, desenvolvimos un proxecto de investigación ao redor dos campamentos romanos máis occidentais localizados no continente europeo: os da provincia da Coruña. Entre as iniciativas de difusión coas que acompañamos os proxectos arqueolóxicos atópase este podcast dun único episodio: 'As lexións da fin do mundo', que recupero agora tamén nesta canle para explicar os nosos obxectivos e os achados que atopamos. Neste episodio falamos os arqueólogos José Manuel Costa e Francisco Alonso Toucido, eu mesmo (Manuel Gago), baixo a produción de Jorge Lamas. O proxecto 'Roma no Finis Terrae' foi subvencionado pola Deputación da Coruña.

    37 min
  6. O cineísta andarengo, con Manolo González

    06/08/2025

    O cineísta andarengo, con Manolo González

    No novo episodio de Na volta da folla, abordamos a vida do que debe ser un dos primeiros sendeiristas de Galicia, Alfonso Piñón. Camiñante da comarca de Ferrol e de toda Galicia nas décadas de 1920 e 1930, Piñón asinaba co seudónimo Bernardino de Lamas populares columnas de xornal nas que narraba as súas aventuras polos montes. E non só iso: deixounos un legado de tres horas de cine (absolutamente engaiolante) filmados ao longo desas andainas, un caso único e moi importante para coñecer a Galicia dos anos 20 e 30. Con Manolo González, autor de 'O cineísta andarengo. A propósito de Bernardino de Lamas' (Embora Edicións), conversamos ao redor da vida de Alfonso Piñón, o ambiente cultural do Ferrol da Galicia dos anos 20 e 30 e da singular psicoloxía e ideoloxía de Alfonso Piñón.

    27 min

  7. 04/29/2025

    O mar que escribe no santuario da Virxe da Barca

    O santuario da Virxe da Barca garda rechamantes prácticas ao redor das pedras sagradas, pero algunhas desapareceron na memoria. Entre elas, aquela pola que o mar escribía nas pedras para ti. Exploramos de a cabalo entre a documentación histórica e a bioloxía mariña este curioso fenómeno hoxe esquecido.

    25 min
  8. Cando Merlín era galego

    04/11/2025

    Cando Merlín era galego

    Merlín é unha das personaxes medievais de ficción máis intrigantes, e a súa ampla sona e os moitos escritores fixeron que a súa historia fora cambiando cos séculos. Neste episodio coñeceremos a curiosa historia de cando Merlín era galego (spoiler, de Lugo).

    12 min
  • 8 Episodes

About

Manuel Gago desenvolve neste podcast as exploracións na historia e cultura de Galicia que publica habitualmente noutras redes sociais. Unha porta aberta á volta de folla da historia, antropoloxía e cultura galegas.

Information

  • Creator
    Manuel Gago
  • Years Active
    2025 - 2026
  • Episodes
    8
  • Rating
    Clean
  • Copyright
    © Manuel Gago
  • Show Website
    Na volta da folla