Hið yfirnáttúrulega

Ghost Network®
  • 0.0 (0)
  • News

Veröldin er full af leyndardómum – og við ætlum að kafa djúpt ofan í hið yfirnáttúrulega. Hið yfirnáttúrulega er hlaðvarp þar sem við ræðum um dulræna hluti á léttu nótunum, með opnum hug en jafnframt gagnrýnum augum. Í þáttunum skoðum við það sem á sér ekki jarðneskar skýringar – dulræn fyrirbæri eins og næmni og drauga yfir í hinar ýmsu samsæriskenningar og undarlega krafta sem mannshugurinn skilur ekki til fulls. Þáttastjórnendur eru vinkonurnar Dagný og Selma sem hafa ávallt haft mikinn áhuga á dulrænum málefnum.

  1. 1d ago

    129. Er allt morandi í Reptilians í hvíta húsinu?

    Í þætti dagsins beinum við sjónum okkar að einni valdamestu byggingu heims, Hvíta húsinu í Washington, en þar á bæ er ekki allt sem sýnist þessa dagana. Undanfarið hafa nefnilega sögusagnir byrjað að grassera, enda ekki annað hægt þegar maður sér myndir og myndefni frá fólkinu þar. Hvað er eiginlega í gangi með starfsfólkið þarna inni? Margir lýsa því yfir að yfirbragð og hreyfingar sumra starfsmanna séu svo óhugnanlega stirðar, frosnar og ómanneskjulegar að það líkist varla fólki af þessum heimi. Erum við að horfa á leynilega eðlukynslóð, hina alræmdu Reptilians? Er þetta háþróuð vélmennatækni, klón eða hreinlega geimverur í dulargervi? Í þessum þætti köfum við ofan í þessi mál og reynum að skilja hvernig svona rosalegar útlits og hegðunarbreytingar geti átt sér stað án þess að eitthvað yfirnáttúrulegt eða mögulega eitthvað dark geti verið að eiga sér stað. Vertu hluti af yfirnáttúrulega samfélaginu okkar og komdu í áskrift: www.patreon.com/hidyfirnatturulega

  2. Nov 2

    128. Eru speglar portal? Getur mögulega verið eitthvað yfirnáttúrulegt við spegla?

    Hvað ef speglar eru ekki bara gler og silfur, heldur hlið yfir í annan heim! Hafið þið einhverntíman pælt í því hvaðan speglarnir koma? Afhverju voru þeir fundnir upp og hverjir komu með speglana til okkar? Allt frá gamalli tíð hefur fólk haft mikla dulspeki í kringum spegla m.a. nornir og seiðfólk notuðu þá gjarnan sem spádómstól til að kalla fram sýnir úr öðrum víddum, á meðan gamlar þjóðsögur segja að þeir geti fangað sjálfa mannssálina. Sumir eru hreinlega hræddir við spegla og segja að þeir geti opnað portal ef þú stillir þeim upp á vissan hátt. Þessi ótti situr enn djúpt í mörgum í dag. Þið þekkið ábyggilega fólk sem neitar að hafa spegla inni í svefnherbergi, eða fólk sem hreinlega breiðir yfir alla spegla á heimilinu á nóttunni svo neistinn úr augunum eða dularfullar verur handan við glerið fari ekki að fylgjast með þeim í myrkrinu. Svo er það gamla hefðin að hylja spegla þegar einhver deyr, svo sálin festist ekki í glerinu á leið sinni yfir um. En hvað gerist ef spegillinn breytist í opið portal? Hvaða verur gætu beðið hinum megin og geta þær raunverulega komist yfir í okkar raunveruleika? Hvað haldið þið? Búið ykkur undir spennandi en léttan þátt og fáið yfirnáttúrulega gæsahúð með okkur! Hlustaðu á allan þáttinn inn á www.patreon.com/hidyfirnatturulega og komdu í áskrift! Í áskrift færðu yfirnáttúrulega þætti í hverri viku!

  3. Oct 26

    127. Andlegt trúnó. Chakra dans og margt fleirra

    Í þætti dagsins ræðum við um ferðalag okkar í gegnum orkustöðvarnar 7. Marta Eiríks bauð okkur í 4 tíma orkustöðva/Chakra dans á dögunum. Við mættum upp í Hugarhlýju sem er æðisleg aðstaða sem Svava Bjarnadóttir rekur og fengum þessa frábæru dans upplifun. Við dönsuðum í gegnum orkustöðvarnar 7 og fengum allskyns upplifanir með hverri og einni orkustöð. Í þættinum förum við einnig yfir hvað við höfum upplifað eftir þessa mögnuðu reynslu og segjum frá aðsendri sögu sem okkur fannst alveg hreint mögnuð! Við elskum að heyra frá ykkur elsku nornafjölskyldunni okkar 3 Hægt er að hlusta á þáttinn í fullri lengd á www.patreon.com/hidyfirnatturulega

  4. Oct 19

    126. Draugagangur og næmnin er að aukast.

    Hvað ætli sé í gangi hjá Selmu núna? Það hafa verið skítnir hlutir að gerast hjá henni sem er ekki hægt að útskýra. Ætli hún sé að opnast? Þegar næmnin eykst og fólk fer að heyra hluti sem eiga sér ekki sýnilegar útskýringar og breytist skynjunin gjarnan í svokallaða miðilsheyrn, sem getur birst með tvennum hætti. Annars vegar er um að ræða ytri heyrn, þar sem hljóðin virðast koma beint úr líkamlega umhverfinu, eins og fótatak á hæðinni fyrir ofan, bank í veggi, hvísl í tómu herbergi eða hljóð líkt og hlutir séu færðir til. Hins vegar getur hún birst sem innri heyrn, þar sem raddirnar hljóma inni í höfðinu en koma manni samt algjörlega á óvart. Þetta birtist oft sem skýr orð, eigið nafn kallað í hálfsvefni, eða heilu setningarnar sem koma eins og utanaðkomandi hugsanir með öðrum raddblæ en manns eigin innri rödd. Þessar sveiflur eru taldar eðlilegur hluti af því að vera næmur. Hægt er að þjálfa þessa skynjun og er hluti af þjálfuninni er að byggja upp traust á eigin skynjun. Sniðugt er að halda dagbók og skrifa niður allt sem þú heyrir eða skynjar, jafnvel þótt það sem þú heyrir eða skynjar virðist ekki meika sense. Með tímanum fer fólk að sjá mynstur, og þegar upplýsingar sem heyrðust reynast síðar eiga við rök að styðjast, styrkist hæfileikinn. Komdu í áskrift og vertu hluti af yfirnáttúrulega samfélaginu okkar: www.patreon.com/hidyfirnatturulega

  5. Oct 10

    125. Hin yfirnáttúrulega Geimsýra

    Áskriftarþátturinn kemur út aðeins fyrr en vanalega þar sem við ætlum að vera með samruna Hins yfirnáttúrulega og Geimsýrunnar einu sinni í mánuði! Við og Geimsýran sameinum krafta okkar og ræðum um allt milli himins og jarðar. Gunnar Dan vinur okkar er orðinn góðvinur þáttarins og er hann alger sérfræðingur í Ufo málaflokknum enda búinn að gefa út tvær bækur tengt Ufo. Við snertum á allskonar málefnum í flæði og erum að reyna að komast að því hvernig þessi heimur virkar og allt þetta sem tengist hinu yfirnáttúrulega og óútskýrða. Komdu í áskrift og vertu hluti af yfirnáttúrulega samfélaginu okkar: www.patreon.com/hidyfirnatturulega

  6. Oct 5

    124. Andleg næturvinna

    Á meðan líkami þinn hvílist í djúpum svefni, er ekki víst að sálin sé að hvílast, hún gæti hreinlega verið mætt á næturvaktina í öðrum víddum. Fyrir næmt og andlegt fólk er svefninn nefnilega ekki bara endurheimt, heldur dularfullur vinnustaður þar sem undirmeðvitundin sinnir stórtækum verkefnum og stundum án þess að viðkomandi viti af því að hann sé að vinna í andlegri vinnu á nóttunni. Þessi ósýnilega næturvinna spannar allt frá því að virka sem andleg orkuhreinsun og heilun yfir í að vera leiðbeinandi fyrir týndar sálir sem þurfa hjálp við að finna ljósið. Sumir hafa farið í andlega skóla og gengið inn í risastór dulspekileg bókasöfn og læra nýja visku, á meðan aðrir funda með sálum úr vakandi lífi til að leysa úr karmískum hnútum og gömlum ágreiningi. Ef þú vaknar oft úrvinda þrátt fyrir átta tíma svefn, hrokknar upp með öran hjartslátt milli klukkan tvö og fjögur, eða upplifir drauma sem eru svo raunverulegir að þeir skilja eftir sig líkamleg áhrif, þá ert þú mögulega einn af þessum andlegu næturvörðum sem eru að breyta og heila heiminn á meðan restin af mannkyninu sefur. Komdu í áskrift og vertu hluti af yfirnáttúrulega samfélaginu okkar: www.patreon.com/hidyfirnatturulega

  7. Oct 1

    123. Starcodes Academy viðtal við Ölmu og Hrabbý

    Þessi þáttur kemur aðeins fyrr út en vanalega en í þessum þætti fengum við yndislegu Ölmu og Hrabbý í viðtal en þær reka saman Starcodes Academy. Við ræðum saman um þeirra vegferð og hvernig þeirra samvinna þróaðist yfir í stofnun Starcode Academy. Þar bjóða þær upp á margvísleg námskeið sem eru afar áhugaverð og í þættinum fara þær lauslega yfir hvaða námskeið eru í boði og hvernig þau eru. Ef þið hafið áhuga á að skoða það sem þær bjóða upp á er heimasíðan þeirra www.starcodesacademy.is Þar er hægt að skoða hvað er í boði og srká sig á námskeiðin þeirra. En þær eru m.a. með engla reiki, starcodes eða ljóskóða, heilun ættarlína og margt fleira.

  8. Sep 28

    122. Chis Bledsoe - brottnuminn af geimverum

    Chris Bledsoe er einn þekktasti og umdeildasti maðurinn í heimi UAP (fljúgandi furðuhluta) og geimverurannsókna, en líf hans breyttist til frambúðar árið 2007 eftir meint brottnám við Cape Fear ána í Norður-Karólínu. Hann hvarf sporlaust í fjórar klukkustundir, og lýsti síðar fundi sínum við lýsandi kúlur, smáar verur með rauð augu og guðdómlega kvenveru sem hann kallar The Lady. Ólíkt dæmigerðum geimverusögum er upplifun hans mjög andleg; hann heldur því fram að verurnar hafi læknað hann af alvarlegum Crohn's sjúkdómi og fært honum boðskap um kærleika og andlega vakningu mannkyns. Sagan hans Chris er alveg mögnuð og hljómar pínu ótrúlega, en enn þann daginn í dag er hann að deila myndböndum af ufo ljósum eða plasma orbs sem hann getur framkallað með huganum einum. Hann framkallar þessi ljós nánast daglega með fjölda vitna sér við hlið. Hægt er að sjá þessi myndbönd á instagraminu hans. Í dag er Bledsoe afar eftirsóttur fyrirlesari á alþjóðlegum vettvangi og hefur gefið út ævisöguna UFO of God. Hann ver tíma sínum í að miðla reynslu sinni, en frásögn hans hefur vakið mikinn áhuga hjá vísindamönnum NASA, leyniþjónustustofnunum og stjórnmálamönnum sem rannsaka tengsl meðvitundar og óútskýrðra fyrirbæra. Hann heldur því jafnframt fram að hann upplifi enn reglubundnar heimsóknir og búi yfir hæfileika til að lækna aðra. Vertu hluti af yfirnáttúrulega samfélaginu okkar og komdu í áskrift: www.patreon.com/hidyfirnatturulega

See All (129)

About

Veröldin er full af leyndardómum – og við ætlum að kafa djúpt ofan í hið yfirnáttúrulega. Hið yfirnáttúrulega er hlaðvarp þar sem við ræðum um dulræna hluti á léttu nótunum, með opnum hug en jafnframt gagnrýnum augum. Í þáttunum skoðum við það sem á sér ekki jarðneskar skýringar – dulræn fyrirbæri eins og næmni og drauga yfir í hinar ýmsu samsæriskenningar og undarlega krafta sem mannshugurinn skilur ekki til fulls. Þáttastjórnendur eru vinkonurnar Dagný og Selma sem hafa ávallt haft mikinn áhuga á dulrænum málefnum.

Information

  • Creator
    Ghost Network®
  • Years Active
    2025 - 2026
  • Episodes
    129
  • Rating
    Clean
  • Copyright
    © Ghost Network®
  • Show Website
    Hið yfirnáttúrulega

You Might Also Like