وش كنّا نقول؟

بودكاست أسبوعي غير مفيد. يجلس فيه عبادي وأسامة بازيد جلسة حبيّة، يسولفون فيها عن أحداث الأسبوع الماضي من وجهة نظرهم الشخصية وخيالهم الواسع. ما بتطلع منه بمعلومة لكن بيوسع صدرك!

  1. 3h ago

    تتجرأ تصير أول واحد يشتّي؟

    متى تعلن دخول الشتاء رسميًا؟ هل تنتظر أحد يسبقك ويطلّع فروته عشان ما تكون أنت أول واحد؟ نقدر نقول أن حلقة هالأسبوع مليانة عُمق ووجهات نظر؛ لعلّ مكينة «إكسبلوم» الجديدة من محمصة الرياض خلّتهم حكماء. سولفوا عن الثياب الشتوية مع تحرّيات عبادي الزعاق عن موسم الشتاء هالعام، بعدها حوّلوا على الغموض في العلاقات، وتناقشوا في فلم «ذا دراما» (The Drama) وكيف ممكن كشف الماضي يؤثر سلبًا. حلّوا في فقرة «خدمة العملاء» مشكلة وحدة في الثانوي خايفة من المستقبل، ومشكلة واحد خويه يستفزّه، وواحد مبتلى بزملاء عمل نظافتهم الشخصية مشّ حالك.  وختموها بموضوع هوس الجمال عند الرجال، من البوتكس و«التكساس» إلى علكة الفك وروتين العناية الصباحي والليلي. أسامة وعبادي عندهم مشاكل كثيرة في المجتمع لازم يحلّونها، لو أنت عندك مشكلة بعد.. أرسلها برسالة صوتية لفقرة «خدمة العملاء» من هنا: https://surveys.thmanyah.com/r/Gx8yRO الروابط: حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

    تتجرأ تصير أول واحد يشتّي؟
  2. Nov 11

    أخرج العملاق الذي بداخلك مع عبدالعزيز الهديان

    لو صاحبك انشقّ عن مجموعة التمرين وراح مع مجموعة ثانية، تسامحه ولّا تعتبرها خيانة؟ استضفنا صديقنا عبدالعزيز الهديان، ضحية الانشقاق في مجموعة تمرين الكورة، عشان نسمع القصة من وجهة نظره بعد ما شبه انهارت علاقته بأسامة. بدأوا الحلقة بتفاصيل انشقاق أسامة عن مجموعة التمرين اللي كان فيها عبدالعزيز، ثم قالوا قصة بداية علاقتهم وكيف تعرّفوا على بعض في ليلة «كلوز مايك». سولفوا عن المكمّلات مثل المغنيسيوم والأشوقندا، وأثرها على المواقف اللي تعصّبك، مثل مواجهتك للناس اللي ما يحترمون وقتك. ثم حوّلوا على فلسفة العداوات: كيف تكسب عداوة جديدة، وكيف تكون عدو مُحب، وليش لازم ترحّب بالعداوات. عندك مشكلة تبي الشباب يحلّونها؟ سجّل رسالة صوتية وأرسلها لفقرة «خدمة العملاء» من هنا: https://surveys.thmanyah.com/r/Gx8yRO الروابط: حساب عبدالعزيز الهديان على إنستقرام - @alhudianحساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

    أخرج العملاق الذي بداخلك مع عبدالعزيز الهديان
  3. Nov 4

    تسافر بالطيارة ولّا تمسك خط بالسيارة؟

    نقدر نقول إنها حلقة مليانة عشوائيات وحِكم؟ وفيها عنصر مهم مفقود.. إذا لقيتوه رجّعوه للبودكاست. بدأ عبادي وأسامة الحلقة بفلسفة «من كل بحر قطرة»، وأن الواحد لازم يكتسب شوي من كل مجال، ثم سولفوا عن مدة صلاحية الميمز، وكيف يعيش الميم أو الرياكشن ويتداوله الناس لين يطلع له بديل ياخذ مكانه. بعدها حوّلوا على وسائل النقل وأهمية السيارة والقطار والسفينة والطيارة في العالم، وتجادلوا أيّها أفضل للسفر، ومن هنا جابوا طاري محطات الطريق وسفرات الخطوط. وتكلموا عن تغيّب عبادي عن مسرحية حسن البلام، وجلس يبرّر ربع ساعة كاملة. أمّا فقرة «خدمة العملاء» فأخذت إجازة هالحلقة، بس مشاكلكم ما تاخذ إجازة.. أرسلوها لنا برسالة صوتية على الرابط وازهلوها: https://surveys.thmanyah.com/r/Gx8yRO الروابط: حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

    تسافر بالطيارة ولّا تمسك خط بالسيارة؟
  4. Oct 28

    طقوس موسم الوسم مع أبو حمدان

    تطلع الفجر بجاكيت، وترجع الظهر تدوّر على المكيف، وتجي العصر تشتهي شويهي؟ أنت رسميًا في موسم الوسم. سولفنا مع ضيفنا أبو حمدان عن طقوس وجداول موسم الوسم، من نسانيس الفجر لحرّ الظهر واعتدال الجو في الليل، وأعلنوا رسميًا دخول وقت الشاهي بالحليب وسخانة المويه والكشتات، ثم سولفوا عن قصة أبو حمدان لمّا نشب بسيارته في مواقف المعيقلية وقت «شتاء الديرة»، وكيف فزع له عبادي وطلّعه منها. أما الخبر الأهم، فهو عودة العلاقات بين عبادي وإيلون ماسك بعد القطعة الطويلة، وتسريبات خطيرة سرّية عن سيارة تسلا «رودستر» (Roadster) اللي تطير، بعدها تكلموا عن الصداقات في عمر كبير: من وين تجيب طاقة تتعرف على ناس جدد؟ وأيش شروطك في الصديق الجديد؟ أسامة يشترط قلاية هوائية، وعبادي يبيه يعرف في الكورة، وأبو حمدان يبيه ينام معه في السينما، وختموها بحل مشاكلكم. أمّا فقرة «خدمة العملاء» فأخذت إجازة هالحلقة، بس مشاكلكم ما تاخذ إجازة.. أرسلوها لنا برسالة صوتية على الرابط وازهلوها: https://surveys.thmanyah.com/r/Gx8yRO الروابط: حساب عبادي حجّاي على إنستقرام - @ihajayحساب أبو حمدان على إنستقرام - @abu7amdanحساب أسامة اليحيى «أبو سارة» على إنستقرام - @osama97yحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

    طقوس موسم الوسم مع أبو حمدان
  5. Oct 21

    هل اسمك يحدد شكلك؟

    لو سمعت اسم «خالد»، غالبًا جت في بالك صورة معيّنة وحكمت على شخصيته حكم مبدئي.. مب عنصرية لكن هذي اللي يسمّونها «الصورة النمطية». بدأت الحلقة بتتويج «حلتيته» جديد: أسامة بازيد، وحاول عبادي يبعد التهمة عنه وسلّط الضوء -فوق ما هو مسلّط- على حبّة في جبهته، والحبوب عمومًا اللي تطلع قبل المناسبة بيوم. سولفوا عن أول وظائفهم: عبادي في قسم الأجبان بسوبرماركت، وأسامة في مقهى «د. كيف»، وعلّمنا من تجربته وين تروح المأكولات الزايدة آخر اليوم. فتحوا بعدها نقاش إذا عادي تذوق منتج وتمشي بدون ما تشتري؟ وهل نفخ الكفرات ببلاش والتمشيطة عند الحلاق تدخل في نفس الحكم؟  ختموا الحلقة بآرائهم في فلم «ديقر» (Digger) وفلم «هارت أوف ذا بيست» (Heart of the Beast)، وتمثيلية لمشاكلكم من فقرة «خدمة العملاء ». أمّا فقرة «خدمة العملاء» فأخذت إجازة هالحلقة، بس مشاكلكم ما تاخذ إجازة.. أرسلوها لنا برسالة صوتية على الرابط وازهلوها: https://surveys.thmanyah.com/r/Gx8yRO الروابط: حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

    هل اسمك يحدد شكلك؟
  6. Oct 14

    الغالي سعره فيه والرخيص مخيس؟ مع التوأم المهندسين

    كم مرة طلبت شيء ما تحتاجه، بس عشان الهدية المجانية اللي معه؟ استضفنا التوأم المهندسين عبدالله ومحمد الدهامي، المعروفين بـ«ترك المهندسين» من فريق «أو جي» (OG)، واللي لو بدّلوا أماكنهم في نص الحلقة ما انتبهنا. بدأت الحلقة بسالفة مقاطع «يوم جديد ويد جديدة» مع سام 6، والطباعة ثلاثية الأبعاد. ثم حوّلوا على الإعلانات اللي تبيع لك عطر وتعطيك معه بيت أو سيارة أو آيفون مجانًا، وإغراء الأسعار قبل وبعد. وتكلموا عن المكانس الكهربائية بين الغالي والرخيص، والرخيصة منها اللي توصّخ أكثر مما تنظّف. بعدها سولفوا عن طريقة شرب الإسبريسو مع المويه الغازية، ومكينة «إكسبلوم»، وجابوا طاري البطولة العالمية للباريستا. ثم طرحوا تساؤل: هل فيه شيء اسمه شاهي مختص، ولّا هذولي جماعة غاروا من حقين القهوة المختصة؟ ومن الشاهي المختص انتقلوا للماتشا والشاهي المثلّج ومشروبات الطاقة قبل النادي. وأخيرًا حاولوا في فقرة «خدمة العملاء» يحلّون مشاكلكم. إذا عندك مشكلة، عويصة أو بسيطة، أرسلها لـ «خدمة العملاء» وازهلها، عبادي وأسامة بيحلّونها -أو يزيدونها-. https://surveys.thmanyah.com/r/Gx8yRO الروابط: حساب عبدالله الدهامي على إنستقرام - @budygardحساب محمد الدهامي على إنستقرام - @engtwins.24حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

    الغالي سعره فيه والرخيص مخيس؟ مع التوأم المهندسين
  7. Sep 30

    ذكريات الكامري وسيارة «سير» السعودية مع أوس النفيعي

    كل واحد فينا له قصة مع سيارة حوض، أو كرسيدا أبوه، أو كامري العائلة المتوارثة. سولفوا الشباب مع الكوميديان الرهيب أوس النفيعي، عن السيارات القديمة من الكراون فكتوريا لين أول سيارة ساقها كل واحد منهم، ثم حوّلوا على السيارات الغريبة، مثل هيونداي إتش 1 وفان ستروين، ثم تجادلوا عن الجلسة عكس السير في المترو والقطار تدوّخ صدق، ولّا بس كيس؟ تناقشوا عن سيارة «سير» الكهربائية السعودية الجديدة، والمزايا اللي فيها مثل مكتبة الألعاب، ثم جابوا طاري باقي السيارات مثل تسلا وبي واي دي والسيارات الصينية. تكلموا عن الآيفون الجديد واللون البرقندي، وهبّة تزيين الجوالات والسيارات، وترند الفصفصة اللي مدري من وين طلع لنا، وختموها بفقرة خدمة العملاء اللي حلّينا فيها مشاكلكم. حلّينا مشاكلكم في فقرة «خدمة العملاء»، لو عندك مشكلة؟ اكتبها لنا ودواك عندنا. بس السؤال: مين يحلّ لنا مشاكلنا؟  الروابط: حساب أوس النفيعي على إنستقرام - @aws_alnefieحساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

    ذكريات الكامري وسيارة «سير» السعودية مع أوس النفيعي
4.4
out of 5
7 Ratings

About

بودكاست أسبوعي غير مفيد. يجلس فيه عبادي وأسامة بازيد جلسة حبيّة، يسولفون فيها عن أحداث الأسبوع الماضي من وجهة نظرهم الشخصية وخيالهم الواسع. ما بتطلع منه بمعلومة لكن بيوسع صدرك!

More From ثمَانِيَة /thmanyah

You Might Also Like