Әдеп Podcast

Ақсәуле Әлжан, Жолдас Өрісбай
  • 5.0 (1)
  • News Commentary

Журналистикадағы этикалық дилеммаларды талқылайтын орын. Журналистер Ақсәуле Әлжан мен Жолдас Өрісбайдың бірлескен жобасы

Episodes

  1. May 12

    Қазақстанда жаңа құрылған саяси партияға 4 журналист мүше болды. Бұл этикаға сай ма? | Әдеп Podcast

    Қазақстандағы журналистік этика мәселелерін талқылайтын Әдеп подкасының кезекті саны журналистердің саяси активизммен айналысуы, атап айтқанда, саяси партияға мүше болуының дилеммасына арналды. Журналистер Ақсәуле Әлжан мен Жолдас Өрісбай арнайы қонақ, белгілі журналист Асылхан Мамашұлымен бірге Қазақстандағы журналистердің бейтараптығы, саяси үгіт-насихатқа араласуы, партияға кіруі төңірегінде талқы жүргізді. SPJ, NYT, WSJ, BBC, Washington Post сынды алып редакциялардың этикалық стандарттары не дейді және Қазақстан үшін бұл мәселе неліктен бөлекше? Подкаста осы және өзге де сұрақтарға жауап іздеуге тырысты.

    37 min

  2. Apr 30

    Қайғыны эксплуатациялау мен сенсация қуу. Ulysmedia кейсі медиа этикасы туралы не дейді?

    12 сәуір күні Астанадағы тұрғын үйлердің бірінде өрт шығып, үш бала қаза тапты. Бұл туралы түрлі медиа әртүрлі ракурспен хабар таратты. Ұлысмедиа басылымы мерт болған балалардың жеке деректерін жариялап, балалардың бірі «ерекше бала» болғанына фокус қойып, әкесінің қайғысын да эксплуатациялаған. Журналистер Ақсәуле Әлжан мен Жолдас Өрісбай Әдеп подкасының кезекті санында қайғылы оқиғаға қатысты хабар таратуда туындайтын этикалық дилемалларды талқылады.

    30 min

  3. Apr 13

    Журналист неге кейіпкердің жасына шүйлікпеуі керек? | Әдеп Podcast

    Кейіпкердің жасы туралы сұрақ қою қашан кәсіби қажеттілік, ал қашан қауіпті стереотип? Журналистер Ақсәуле Әлжан мен Жолдас Өрісбай осы сұрақ төңірегінде этика талқысын жүргізеді. Бұған бірнеше апта бұрын 4vlastinfo.kz басылымының бас редакторы Мадина Жатқанбаеваның мәжіліс депутаты Бақтықожа Ізмұхаметовтен жасын сұраған видеосі түрткі болды. Қазақ журналистикасының кәсіби қауымдастығы мұны эйджизм, яғни жасына қарай кемсіту деп бағалап, сынап жатты.

    35 min

  4. Apr 5

    Екі адамға айыппұл салдырған сұхбат. Негізгі сауалдар қойылды ма? I Әдеп подкаст

    Журналист Жанар Байсеміздің өзін сопылық бағытын ұстанушы ретінде таныстыратын Құрбанәлі Ахметтен алған сұхбаты кейінгі аптада қазақ қоғамында қызу талқыланып жатыр. Бірі мұндай «спикерге мінбер беру жөнсіз» десе, тағы бірі «әйел құқығын таптайтын сөзге журналист қарсы пікір білдіре алмады» деді. Көп өтпей билік спикерге де, журналиске де айыппұл салған. Мұны да «сөз бостандығын шектеу, ішкі цензураға итермелеу» дегендер болды. Журналистер Ақсәуле Әлжан мен Жолдас Өрісбай сұхбаттың контексіне үңіліп, оны журналистік этика тұрғысына талдап көрді.

    29 min
  5. Сабина Алтынбекова vs Орда: Сарыжағал баспасөз логикасы – жеке өмірді тауарға айналдыру

    Feb 24

    Сабина Алтынбекова vs Орда: Сарыжағал баспасөз логикасы – жеке өмірді тауарға айналдыру

    Әдеп подкасының кезекті эпизоды orda.kz басылымының танымал воллейболшы Сабина Алтынбековаға қатысты этикаға сай емес шешіміне арналады. Редакция кейінгі бір жылда танымал спортшының отбасы статусын жаңалық элементі не контексіне қатысы болмаса да, тақырыпқа «ажырасқан» деп жазып шығарып келген. Әдеттегідей журналистер Ақсәуле Әлжан мен Жолдас Өрісбай бұл кейстің астарына үңіліп, қай этика принциптеріне қайшы екенін талқылады.

    26 min

  6. 12/14/2025

    Шенеунікпен қарым-қатынас, мүдделер қақтығысы, блогер мен журналистің айырмашылығы – Б.Көпбаев кейсі

    11 желтоқсанда Шымкент қаласының әкімі Астанаға келіп, есеп беріп, журналистермен брифингке қатысты. Жиынға қатысқан «журналист» Бақытжан Көпбаев сұрақ жауап кезінде алдымен әкімді мақтап, кейін «cізді бізге әкім қылып сайлаған Аллаға және президентке рақмет» деді. Ал жиыннан кейін әкімге қосымша сұрақ қойғысы келген журналистерге Көпбаев кедергі келтіріп, әкімнің қорғаушысы, «өкілі» секілді сөйлеуге тырысты. Журналистер Ақсәуле Әлжан мен Жолдас Өрісбай Әдеп подкастың кезекті санын осыған арнап, Көпбаевтың қай журналистік стандартты бұзғанын талқылады. Одан бөлек, журналист пен блогердің айырмашылығы мен қазақ қоғамындағы мүдделер қайшылығының элементтерін, сонымен бірге дәстүрлі қазақ қоғамындағы қарым-қатынастардың қазақ журналистикасына кері әсерін де талдады.0:00 – Анонс 0:18 – «Журналистің» Шымкент әкіміне комплименті1:41 – «Сізді бізге әкім қылып сайлаған Аллаға және президентке рақмет»3:27 – Бақытжан Көпбаев кім?4:50 – Журналист пен блогер айырмашылығы, шенеунікпен қарым-қатынас, мүдделер қақтығысы, журналистика тілі6:25 – Журналистика мен активизмді ажырата білу маңызы туралы7:18 – Көпбаев журналист пе?8:15 – «Журналистика мен блогерлік арасы жақындап келеді»10:00 – «Журналист хабар таратуға, ал блогер пікір білдіруге бейім»11:02 – Өңірлердегі «жаңа журналистер»11:34 – Қазақстандағы «Баке» феномені12:38 – Мүдделер қақтығысы деген не?14:02 – Неліктен журналистерге шенеуніктермен дос болуға болмайды?15:52 – «Мүдделер қайшылығы туындағанда редакция ашықтық танытуы керек»17:50 – Қазақ қоғамындағы иерархияның журналистикаға әсері туралы24:04 – Кореядағы иерархияның әуе апаттарына әкелуі туралы25:46 – Жасырын мүдде де журналистің беделіне нұқсан келтіреді29:00 – Әкімнің бастығы кім?30:06 – «Карманные журналисты»35:23 – Америкалық NPR редакциясының ашықтық таныту моделі туралы36:37 – Блогерлер бағынатын этика стандарттары жоқ38:12 – «Блогерлер дәстүрлі медиа көрмегенін көтере алады»40:28 – Блогерлер өз жұмысын тексеретін фактчекерлерге жүгінсе абзал еді

    44 min

  7. 11/23/2025

    Еркін пікір ме, өшпенді риторика ма? Журналист Қанат Тілеухан қай жерде «тоқта» деуі керек еді?

    Журналист Қанат Тілеухан өз Youtube арнасында ақын Бақыт Беделханмен "Қазақ отбасын психологтар құртып жатыр" деген тақырыпта сұхбатын жариялады. Сұхбатта қазақ қоғамындағы «әйелдің орны» талқыланады. Ақын әйелді «шынжырдан босатылған итке» теңеп, дегуманизация, өшпенділік риторикасын арқау етеді. Журналист хейтті тоқтатуға талпынбайды. Журналистер Ақсәуле Әлжан мен Жолдас Өрісбай сұхбатты кәсіби журналистік этика тұрғысынан талдап, оның элементтері қай жерде бұзылғанын анықтауға тырысты.Әдеп подкаст - қазақ журналистикасындағы этикалық дилеммалар талқыланатын алаң. Жазылып, комментарий қалдырып, осы видеоны әлеуметтік желілерде таратуға көмектессеңіздер, Қазақстанда жоғарғы стандарттағы журналистиканың өркендеуіне үлес қосасыздар.0:00 – Анонс0:40 – Не болды?1:37 – Журналист Қанат Тілеуханның сұрағы2:46 – Қоғамда әйелдерге қарсы өшпенділік риторикасын нормализациялау4:14 – Журналист «шындықты іздеу», «зиян келтірмеу» және «бейтарап болу» принциптерін бұзды5:40 – Қара PR ма?7:34 – «Қазақстан конституциясында ер адамдарға артық құқық берілмеген»8:21 – «Шынжырдан босатылған ит» метафорасы туралы12:10 – «Ақын әйелдерді дегуманизациялауға тырысты»14:14 – Виктимблейминг элементтері, «Салтанат» заңы туралы16:45 – «Бесінші колонна» теориясы туралы19:30 – Қанат Тілеухан нені дұрыс істеді?21:00 – Журналистің сұхбат жүргізу стандарты қандай болуы керек?22:10 – Пара беруді нормализациялау әрекеті туралы23:17 – Сұхбатты тарату жоспары кликбейтке негізделген24:12 – «Әйел қауымынан қорқып отырмыз :)»25:00 – Whataboutism манипуляция элементі28:08 – Қанат Тілеухан келтірген ең басты зиян30:34 – Руандадағы «геноцид радиосы»32:01 – Opinion Laundering (сөз бостанлығын қалқан етіп, хейт риториканы жеке пікір ретінде тарата беру) теориясы33:40 – «Құтырған әйел» тақырыбы қайдан шықты?!35:30 – «Журналистика студенттері үнемі талқылайтын кейске айналады»38:00 – Сөз соңы

    38 min

  8. 09/14/2025

    Кирктің өлімі, қазақ қоғамындағы стереотипті ойлар, зиянсыз журналистика | Әдеп Podcast

    Жаңалық таратушы журналист қоғамға зиян келтіруі мүмкін бе? АҚШ президенті Дональд Трамп танымал консерватив инфлюенсер Чарли Кирктің өліміне солшыл медиа кінәлі деп, айыптай сөйледі. Тоқаевтың «дәукес әйелдер» туралы айтқан мәлімдемесі қандай реакция тудырды? Журналистер Ақсәуле Әлжан мен Жолдас Өрісбай хейт-қылмысқа ұласатын риториканы болдырмаудың, қоғамда стереотипті ойды орнықтыратын нарративтерге қарсы тұрудың маңызын талқылады. Олар, сондай-ақ, социологиялық зерттеулерге сүйенбейтін айыптаулар мен жалпылама пікірлерге сын көзбен қарап, қоғамды жаңсақ түсініктерден қорғау туралы да айтты.

    44 min
  9. Редакция саясатын тәуелсіз жүргізу үшін қазақ журналистикасы қайтпек керек?

    08/03/2025

    Редакция саясатын тәуелсіз жүргізу үшін қазақ журналистикасы қайтпек керек?

    Қоғамға қызмет ететін журналистиканың басты шарты – редакциялық тәуелсіздік. Бүгінде оған саяси кедергілер де, қаржыландыру мәселелері де қиындық тудырып отыр. Журналистер Ақсәуле Әлжан мен Жолдас Өрісбай журналистиканы қаржыландырудың балама тәсілдерін, редакция тәуелсіздігін сақтаудың тетіктерін және кәсіби принциптерден айнымай жұмыс істеудің маңызын талқылады.Қазақ медиасын кім қаржыландыруы керек? Тәуелсіз журналистика үшін қазақ азаматы қалтасынан тиын шығаруға дайын ба? АҚШтағы мейнстрим медиада шын мәнінде де "солшыл bias, яғни біржақтылық" бар ма? ЛГБТ пропагандасы мен ЛГБТ құқығын сақтаудың аражігін қалай ажыратқан дұрыс? Подкасқа жаңа атау ұсынған тыңдарманымызға "Журналистика элементтері" кітабы (The Elements of Journalism by Bill Kovach and Tom Rosenstiel) сыйлыққа беріледі. Ұсыныстарыңызда кез келген платформаның пікір бағанына қалдырсаңыз болады.

    58 min

  10. 07/19/2025

    Әлия Әшім мен Абай жанжалы. Журналистік этика бұзылды ма?

    Әлия Әшімнің Абай туралы жариялаған видеосы қоғамда қызу пікірталас туғызды. "Red Line" подкасының алғашқы эпизодында Ақсәуле Әлжан мен Жолдас Өрісбай бұл оқиғаны журналистік этика аясында талқылап, "қызыл сызық" қай жерде өтеді деген сауалға жауап іздеді.

    42 min
  • 10 Episodes

About

Журналистикадағы этикалық дилеммаларды талқылайтын орын. Журналистер Ақсәуле Әлжан мен Жолдас Өрісбайдың бірлескен жобасы

Information

  • Creator
    Ақсәуле Әлжан, Жолдас Өрісбай
  • Years Active
    2025 - 2026
  • Episodes
    10
  • Rating
    Clean
  • Copyright
    © Ақсәуле Әлжан, Жолдас Өрісбай
  • Show Website
    Әдеп Podcast