ဒီနေ့အတွက်စကား

Padamyar FM
  • 0.0 (0)
  • Self-Improvement
  • Updated Daily

နေ့စဉ်ဘဝအတွက် စိတ်ခွန်အားပေးမည့် စကားလုံးများနှင့် အတွေးအမြင်များ။

  1. 17h ago

    Build Your Strong Mental Fortification.

    ခံတပ်ဆိုတာ အင်္ဂလိပ်လို Fortification, ခိုင်ခံ့စွာတည်ဆောက်ထားခြင်း၊အားဖြည့်စေခြင်း စသော နေရာများ ကိုဆိုလိုတယ်။ စစ်ဘက်ဆိုင်ရာအရ ‘ရန်သူကိုခုခံရန်အုတ်၊ကျောက်၊သစ်စသည်တို့ဖြင့်အခိုင်အခံ့လုပ်ထားသောစစ်စခန်း’ဟု၍ခေါ်ဆိုကြပါတယ်။ ခံတပ်ခိုင်ခံစွာတည်ဆောက်ထားမှုအပြင် ခံတပ်အတွင်းနေသော စစ်သည်များအနေဖြင့်လည်း ရဲစွမ်းသတ္တိရှိမှု၊ စည်းလုံး ညီညွတ်မှုတွေရှိမှ ရန်သူ့ကိုတော်လှန်နိုင်မှာဖြစ်တယ်။ထို့နည်းတူ မိမိတို့ရဲ့ ဘ၀မှာလည်း ပြင်ပဒဏ်တွေကို အန်တုနိုင်ဖို့မိမိတို့ရဲ့ ‘စိတ်ခံတပ်’ ကိုတည်ဆောက်ထားနိုင်ဖို့ အလွန်အရေးကြီးပါတယ်။  ကိုယ့်ရဲ့စိတ်ခံစားချက်၊ကိုယ်ရဲ့ထင်မြင်ယူဆချက်၊ နှလုံးသွင်းမှု၊ ရွေးချယ်မှု၊ ပြုမူပြောဆိုမှု၊ ခံယူမှု၊ စသောအရာတွေကို ကိုယ်တိုင် နိုင်နှင်းစွာရှိနေဖို့လိုပါတယ်။ ကိုယ့်ကိုယ်ကိုယ် လျှော့တိလျှော့ရဲ ဖြစ်နေတယ်ဆိုရင်အပြင်က သွေးထိုးလှုံ့ဆော်မှု၊ ဖြားယောင်း  သွေးဆောင်မှု၊ ရန်ထောင်မှု၊ စသောအရာတွေကိုကျော်လွှားနိုင်ဖို့နှင့် ဓမ္မဓိဌာန်ကျကျ အကဲဖြတ်ဆုံးဖြတ်နိုင်စွမ်းအားနည်း နေမှာဖြစ်ပါတယ်။ဒီတော့စိတ်ခံတပ်ကိုဘယ်လို တည်ဆောက်ကြမလဲ?

  2. 1d ago

    We All Need to Respect Self-Value.

    တန်ဖိုး − အလွယ်ပြောရရင် ကိုယ့်အတွက်အရေးကြီးတဲ့အရာ၊ တန်ဖိုးထားဦးစားပေးတဲ့အရာပဲ ဖြစ်ပါတယ်။ ကိုယ် ဘယ်လို ပြုမူမှာလဲ၊ဘယ်လို ဆုံးဖြတ်ချက်တွေ လုပ် ဆောင်မှာလဲ၊ ဘယ်လို ရွေးချယ်မှုတွေလုပ်မှာလဲစတာတွေကို ပုံပေါ်လာအောင် လမ်းညွှန်ပုံဖော်ပေးတဲ့ စံတွေ၊ ယုံကြည်မှုတွေလို့လည်းဆိုနိုင်ပါသေးတယ်။ ဒီတန်ဖိုးတွေ ဘယ်လိုပုံပေါ်လာလဲ? တန်ဖိုးတွေ ဆိုတာ ကိုယ့်ရဲ့ဘဝအတွေ့အကြုံ၊ ဖြတ် သန်းလာမှုပုံစံ၊ ယဉ်ကျေးမှု ဓလေ့ ထုံးတမ်းဆိုင်ရာ၊ နောက် ပတ်ဝန်းကျင်ဆိုင်ရာ အဖြစ်အပျက်တွေကြောင့် ကိုယ့်အပေါ် သက်ရောက်လာမှုတွေ (သို့)ကိုယ့်ရဲ့ သုံးသပ်ယုံကြည်မှုတွေ စသဖြင့် ဒီအပေါ် မူတည်ထားတဲ့ စံနှုန်းတွေလို့ဆိုနိုင်ပါတယ်။ ဘဝရဲ့ အတွေ့အကြုံအပေါ်မူတည်ရင်း ရှုမြင်လက်ခံမှုနဲ့တန်ဖိုးထားမှုတွေ ကွာခြား သွားတယ်။ခြားနားမှုရှိတဲ့ ဘဝ “background” အသီးသီးနဲ့ မတူညီစွာ ဖြတ်သန်းခဲ့ရတဲ့ လူတွေအတွက် တစ်ယောက်နဲ့ တစ်ယောက် ရဲ့တန်ဖိုးတွေဟာ တူတော့ မတူညီနိုင်ဘူးပေါ့။ တချို့အတွက် တန်ဖိုးဆိုတာ ရိုးသားမှု၊တချို့က ကြင်နာမှု၊ ဒါမှမဟုတ် ကိုယ်ချင်း စာမှု၊ ဖြောင့်မတ်မှု ၊ စည်းစိမ်ချမ်းသာ၊ဂုဏ် စသဖြင့် အမျိုးမျိုး ဖြစ်နိုင်တယ်။

  3. 2d ago

    𝗪𝗵𝗲𝗻 𝗼𝗻𝗲 𝗱𝗼𝗼𝗿 𝗰𝗹𝗼𝘀𝗲𝘀, 𝗮𝗻𝗼𝘁𝗵𝗲𝗿 𝗱𝗼𝗼𝗿 𝗼𝗽𝗲𝗻𝘀.

    ငြင်းဆိုခံရခြင်း ဆိုတာ ဘဝမှာ မလွှဲသာမရှောင်သာကြုံတွေ့ရတတ်တဲ့ ဘဝအစိတ်အပိုင်းတစ်ခုဆိုလည်း မမှားပါဘူး။ ကိုယ် ချစ်တဲ့ သူ (သို့)သံယောဇဉ်ရှိသူရဲ့ ငြင်းဆိုမှုကို ခံရတယ်။ ကိုယ်လျှောက်တဲ့ အလုပ်မှာ ကိုယ့်ကိုငြင်းပယ်ခံရတယ်။ ကိုယ် တီထွင် ဖန်တီးထားတဲ့တန်ဖိုးထားတဲ့အရာတွေအပေါ် ငြင်းဆိုခံရတယ်။ အလုပ်မှာ ကိုယ်တင်သွင်းတဲ့အဆိုကိုငြင်းပယ်ခံရတယ်။ အနီးရှိသူတွေထံက ကိုယ့်တောင်းဆိုမှုတွေအပေါ် ငြင်းပယ်ခံရတယ် စသဖြင့်အမျိုးမျိုးပေါ့။   ဒီလိုငြင်းဆိုခံရမှုတွေဟာ တချို့တွေအတွက် စိတ်ပျက်အားလျော့စရာဖြစ်စေတယ်။ ယုံကြည်မှု ပျောက်ရှစေတယ်။နာကျင် ခံစားစေတယ်ပေါ့။ ဘယ်သူမှတော့ ကိုယ့်ကို ငြင်းဆိုနေမှုကို လိုချင်ကြမှာမဟုတ်ပါဘူး။ ဒါတွေဟာ Self-Doubt ကိုယ့်ကို ကိုယ်သံသယဖြစ်စေဖို့၊ inner fear စိတ်တွင်းအကြောက်တရားတွေရရှိလာဖို့ လှုံ့ဆော်နိုင်တဲ့ triggerတွေ လို့လည်းပြောနိုင် ပါတယ်။

  4. 3d ago

    Self-Inflicted Injuries are worse.

    အခြားသူတွေပေးတဲ့ ဒဏ်ရာတွေထက် ကိုယ့်ကိုကိုယ်ပေးထားတဲ့ ဒဏ်ရာတွေဟာ ပိုနက်ပြီး ၊ ပိုနာကျင်ရတတ်ပါတယ်။ အခြားသူဆီက ရခဲ့တဲ့ အနာဟာ ၊အခြားလူတစ်ယောက်ကြောင့် ပျောက်ကင်းပါတယ် ။ ကိုယ်တိုင်က ပေးထားရင်တော့ ကိုယ် တိုင်ပြန်ကုသရမယ်။မချစ်သင့်သူကို ချစ်မိလို့ ရတဲ့ ဒဏ်ရာဟာ ကိုယ်တိုင်ဖန်တီးတာပဲ။ နာကျင်မှန်းသိရက်ရုန်းမထွက်နိုင် တာဟာလည်း ကိုယ်တိုင်ပေးတဲ့ ဒဏ်ရာပဲ။ ကိုယ့်ကိုကိုယ် အားမလိုအားမရဖြစ်လို့ ၊ မကျေနပ်နိုင်လို့လည်း ဒဏ်ရာတွေ ရတတ်တယ် ၊ မလိုသူတွေပြောစကားနဲ့ပြိုလဲမိတာလဲ ကိုယ့်ရဲ့ ပျော့ညံ့မှုကြောင့် ရတဲ့ဒဏ်ရာပဲဖြစ်ပါတယ်။ အတွေးလွန်တာ လည်းကိုယ်တိုင်ဖန်းတီးတဲ့ ဒဏ်ရာတစ်ခု ဖြစ်တယ်။ ဆိုတော့ ကိုယ့်ကိုကိုယ် ပေးမှန်းမသိပေးနေမိတဲ့ ဒဏ်ရာတွေ ဘယ် လောက် တောင် များနေခဲ့သလဲ ပြန်ဆန်းဆစ်ကြည့်ပါ ။                                                                                  ကိုယ်သဘောကျမိတဲ့ လူတစ်ယောက် ကိုယ့်ကိုပြန်မချစ်နိုင်တာဟာကိုယ့်အပြစ်မဟုတ်ဘူး ။ ဒါဟာ သူ့စိတ်နဲ့ သူကိုယ် သူ ရွေးချယ်ချင်တာ ရွေးမှာပဲ ။ဒါကို ငါသာ ဒီ့ထက်ပိုလှရင် ၊ ဒီ့ထက် ခန္နာကိုယ်မိုက်ရင် ၊ အရပ်ရှည်ရင် ၊ဟာသတွေပြောတတ်ပြီး ငါဟာတော်နေခဲ့ရင် သူကငါ့ကိုပြန်ချစ်မှာဆိုတဲ့ စိတ်မျိုးနဲ့ကိုယ့်ကိုကိုယ် အပြစ်မတင်ပါနဲ့ ။ ကိုယ်ဟာ ကိုယ့်ပုံစံလေးအတိုင်း လှနေပါတယ်။ ကိုယ်ဟာတစ်စုံတစ်ယောက်ရဲ့ ပြီးပြည့်စုံတဲ့ typeဖြစ်နေမှာပါ။ ဒီပုံစံမျိုးနဲ့ ဒဏ်ရာပေးထားမိရင် ချက်ချင်းပဲ ကုသလိုက်ပါ ။

  5. 4d ago

    Mutual Respect is Everything.

    Mutual respect ဆိုတာ ဘယ်လို ဆက်ဆံရေးမျိုးမဆို လိုတာဖြစ်လို့သမီးရည်းစားတွေကြားမှာလည်း အချင်းချင်း အပြန် အလှန်လေးစားမှုဆိုတာ ရှိသင့်ပါတယ်။မတူကွဲပြားမှုတွေကို လက်ခံပေးခြင်းက Mutual Respect ရှိတာပါ။လူတိုင်းက တစ်ယောက်နဲ့တစ်ယောက် မတူကြပါဘူး၊ သီချင်းတစ်ပုဒ်ကို ကိုယ်က ကြိုက်ပေမယ့်သူ့အကြိုက်ဟုတ်ချင်မှ ဟုတ်မှာဖြစ် သလို သူကြိုက်တဲ့ဇာတ်ကားကိုကိုယ်ကြိုက်ဖို့ဆိုတာကလည်း မလွယ်ပါဘူး။ ဒါက ဥပမာပါ၊ ဘဝမှာ ဒီထက်ပိုပြီး အမြင်မတူ စရာကိစ္စတွေလည်း ဒုနဲ့ဒေးပါ။                                                                                                                                    Mutual respect ရှိတယ်ဆိုတာ ဒီလို အမြင်မတူတာတွေ၊မတူကွဲပြားမှုတွေကို လက်သင့်ခံပေးတာလည်းပါပါတယ်၊ အဲ့ဒီလို မှမဟုတ်ဘဲငါကြိုက်တာကမှအကောင်း၊ ငါ့အမြင်ကမှအမှန်၊ တစ်ဖက်လူကိုငါလုပ်သလိုလုပ်ရမယ်၊ငါကြိုက်တာတွေပဲလိုက်ကြိုက် ရမယ်၊ မကြိုက်ရင် မချစ်လို့ဆိုပြီးတစ်ကိုယ်ကောင်းဆန်နေရင်တော့ ဒီဆက်ဆံရေးက ရေရှည်တည်တံ့သွားဖို့ မလွယ်ပါဘူး။

  6. 5d ago

    Believe that you can have success and happiness at the same time.

    အောင်မြင် ခြင်းနဲ့ ပျော်ရွှင်ခြင်းတို့ကို ဘဝမှာတစ်ပြိုင်နက်တည်း ပိုင်ဆိုင် နိုင်တယ်ဆိုရင် ယုံမှာလား။ တကယ်တော့ ထိုအရာ နှစ်ခုကိုတစ်ပြိုင်နက်တည်း ပိုင်ဆိုင်နိုင်ပါတယ်။ ကျန်းမာခြင်းသည် လာဘ်တစ်ပါးဆိုတာကိုသတိရပါ။ ရုပ်ပိုင်းဆိုင်ရာ ကျန်း မာရေးနဲ့ စိတ်ပိုင်းဆိုင်ရာ ကျန်းမာရေး တို့ကိုလျစ်လျူရှုလိုက်မယ်ဆိုရင်တော့ နောက်ဆက်တွဲ ဆိုးကျိုးတွေ အများကြီးကိုခံစားရနိုင်ပါတယ်။ ကိုယ်ရော စိတ်ပါ ကျန်းမာနေမယ်ဆိုရင်တော့ ကြံစည်သမျှအရာအားလုံးကို အောင်မြင်စွာ လုပ်ဆောင် နိုင်မှာပဲ ဖြစ်ပါတယ်။                                                                                                                                                ချစ်ရသူတွေနဲ့ အတူတူ ပျော်ရွှင်စရာကောင်းတဲ့ အချိန်မျိုးကုန်ဆုံးဖူးပါသလား။ ဒါဆိုရင်တော့ နားဆင်သူလောက် ပျော်ရွှင် ရမယ့် သူ ကမ္ဘာပေါ်မှာရှိမှာ မဟုတ်ပါဘူး။ သူငယ်ချင်း မိတ်ဆွေ အပေါင်းအသင်းများ၊ မိသားစုများနဲ့တန်ဖိုးရှိတဲ့ အချိန် ကုန်ဆုံးခြင်း အားဖြင့် အချိန်တစ်ခုရောက်မှ နောင်တရရတဲ့အဖြစ်မျိုးကနေ ကင်းဝေးရမှာပဲ ဖြစ်ပါတယ်။

  7. 6d ago

    Learn to see your own worth in every face of criticism.

    တစ်ဦးတစ်ယောက် (သို့) လူအများဆီကနေ ကိုယ့်အပေါ်ဦးတည်တိုက်ခိုက်လာတဲ့ ဝေဖန်ကဲ့ရဲ့ မှု၊ အပြစ်တင်မှုတွေ ကြုံတွေ့ ဖူး ကြလား လို့မေးကြည့်ချင်ပါတယ်။ ဝေဖန်အပြစ်တင်မှုဆိုကတည်းက ကိုယ့်ရဲ့တိုးတက်နိုင်ရေး၊ပြုပြင်နိုင်ရေးကိုအကြောင်းပြုပြီး ကောင်းမွန်သောရည်ရွယ်ချက်နဲ့အကြုံပြုချက်ပေးတာမျိုး၊ ဆွေး နွေး ညှိနှိုင်းမှုလုပ် ဆောင်တာမျိုး မဟုတ်ပဲအပြုသဘော မဖြစ် စေတဲ့ စကားလုံးတွေ၊ အထင်အမြင် တွေနဲ့ စွပ်စွဲပြောဆိုခြင်း ကို ဆိုလိုပါတယ်။                                                                                                                                                   ဒီလို ပြစ်တင်ဝေဖန်မှု၊ ကဲ့ရဲ့မှုတွေကို နယ်ပယ်တော်တော်များများမှာကြုံတွေ့ဖူးကြလိမ့်မယ် ထင်တယ်။ ကိုယ့်ရဲ့ 𝗽𝗲𝗿𝘀𝗼𝗻𝗮𝗹 𝗹𝗶𝗳𝗲 မှာလည်းဖြစ်နိုင်သလို𝗽𝗿𝗼𝗳𝗲𝘀𝘀𝗶𝗼𝗻𝗮𝗹 𝗹𝗶𝗳𝗲မှာလည်းဖြစ်နိုင်ပါတယ်။ ဒီလို အပြုသဘောဘက်လည်းမရောက်၊ ကိုယ့်ကို အကူအညီ လည်းမဖြစ်တဲ့တစ်ဖက်လူရဲ့ထင်မြင်ယူဆမှုတွေကြောင့်ပဲ𝗘𝗺𝗼𝘁𝗶𝗼𝗻𝗮𝗹 𝗿𝗲𝘀𝗽𝗼𝗻𝘀𝗲 တွေဖြစ်တဲ့ဝမ်းနည်းအားငယ်မှုတွေ၊ ရှက်စိတ် တွေ၊ ဒေါသတွေ၊ မပျော်ရွှင်မှု၊မကျေနပ်မှုတွေနဲ့အတူ တစ်ဖက်မှာလည်း ကိုယ့်ကိုကိုယ်ယုံကြည်စိတ်တွေ၊ချစ်ခင်တန်ဖိုးထားစိတ် တွေအပေါ်အနည်းအများသက်ရောက်မှုတွေရှိသွားပါတယ်။

  8. Jul 10

    Let Your Life Be BLESSed.

    အနာဂတ်စီမံခန့်ခွဲမှုလို့ပြောလိုက်ရင်နောက် လာမဲ့၃-၅နှစ်တာကို ယခုကာလကနေထည့်သွင်းစဥ်းစားရတာကို ဆိုလိုပါတယ်။ တစ်နှစ်တာဆိုတဲ့အချိန်ဟာကုန်တာ မြန်ဆန်ပါတယ်။ကိုယ့်အနေနဲ့ လုပ်စရာတွေ၊ သင်စရာတွေ၊ကိုယ့်အတွက်နဲ့ ဘေးကလူတွေအတွက်ပါထည့်သွင်းစဥ်းစားလိုက်တဲ့အခါအလွန်မှအချိန်တွေဟာပိုလျှံနေတယ်လို့မမြင်နိုင်တော့ပါ။ အနာဂတ်လို့အဝေးကြီးတွေးလိုက်ရင်အကြီးကြီးတွေလုပ်နေရမယ်လို့အထင်မမှားသင့်ပါဘူး။ အကြောင်းကကိုယ့်အနေနဲ့တရက်တာကို ဘယ်လိုဖြတ် သန်းနေလဲ? ဆိုတာကနေစတင်တွေးကြည့်ရမှာဖြစ်တယ်။                                                                                                       Build-မိမိကိုယ်ကိုယ်တည်ဆောက်နေရဲ့လား? ဥပမာ ခန္ဓာကိုယ်အရ,ကိုယ်လက်လေ့ကျင့်ခန်းလုပ်နေလား?အခြားသော မိမိ တည်ဆောက်နေရမဲ့အရာတွေ၊ကိုယ်နဲ့ကိုယ်ကြား၊ ကိုယ်နဲ့မိသားစုကြား၊ ကိုယ်နဲ့အပြင်ကလူတွေကြား စတဲ့ ဆက်ဆံရေး၊လူမှု ရေးတွေအပြင် အခြားသော ဘ၀အတွက်လိုအပ်တဲ့ system တွေကိုတည်ဆောက်နေဖို့လိုအပ်ပါတယ်။ Learn-သင်ယူမှုဟာ တိုးတက်မှုရဲ့အခြေခံအုတ်မြစ်ဖြစ်ပါတယ်၊သင်စရာတွေများတဲ့ခေတ်မှာ ဘယ်အရာကိုတစိုက်မတ်မတ်နဲ့ လေ့လာသွားမလဲဆိုတာ ကို စီမံရမှာဖြစ်တယ်၊ကိုယ့်ရဲ့စိတ်၀င်စားမှု နယ်ပယ်နဲ့ကိုက်ညီတဲ့ အရာလား? ခေတ်နဲ့အညီမဖြစ်မနေ လိုက်ပါ သင်ယူရမဲ့အရာ လား?ကိုယ့်အတွက်လိုအပ်ရဲ့လား? စတာတွေကိုဆန်းစစ်ပြီးလေ့လာသွားရမှာဖြစ်ပါတယ်။

See All (304)

About

နေ့စဉ်ဘဝအတွက် စိတ်ခွန်အားပေးမည့် စကားလုံးများနှင့် အတွေးအမြင်များ။

Information