熒光塔 Fluorescence

笑好

0.0 (0)
Spirituality

一個探討靈性資訊，分享個人經驗與心得嘅頻道；訪問一啲行緊自己條路嘅靈魂，睇吓佢哋點樣一路走來；願每個靈魂都可以搵到屬於自己嘅道路，並有勇氣活出屬於自己嘅人生！

Jun 29

【致破碎的你】《其實每個人都喺拖住破碎嘅內心繼續行》

【致破碎的你】《其實每個人都喺拖住破碎嘅內心繼續行》
Jun 9

《每個相遇都是靈魂的約定》

原來，每個相遇，都係靈魂嘅約定。我哋嚟地球之前，已經同唔同嘅靈魂傾好咗，今世我哋要喺大家嘅生命入面扮演啲咩角色，要喺大家身上學到啲咩課題。原來，喺地球遇返自己嘅靈魂伴侶，甚至喺雙生火焰，嗰感覺喺咁有趣同奇妙。原來，一切都係約定好咗。
Mar 16

訪問「自由靈魂Pak Ling」- 踏上無盡旅途的自由人

環遊世界係好多人嘅夢想，但又有幾多人真係會去實現？Pakling 係一個自由嘅靈魂，總喺係旅途之中，但佢睇世界嘅方法有啲唔同，佢會以踩單車，甚至乎係用徒步嘅方式嚟看世界。其他人睇佢好似好正，好似成日都喺係旅途之中，但其實背後都放棄咗好多穩定同安穩嘅生活。世界上無一種生活方式係絕對正確，或者係絕對錯誤，每種生活方式都只係自己選擇去體驗，而背後失去嘅都有所不同，只要自己接受到就係對自己嚟講正確嘅選擇！願每個靈魂都可以搵到自己滿意嘅生活方式去體驗人生💚
Mar 1

《人無夢想同條咸魚有咩分別？》人係咪一定要有夢想架呢？無夢想又得唔得呢？點樣先搵到自己條路？

人係咪一定要有夢想架呢？無夢想又得唔得呢？點樣先搵到自己條路？有啲人可能只係追求一啲好微細嘅事就已經好足夠，有啲人可能連自己想要啲咩都未知，未搞清楚，唔緊要，我相信每個想尋找自己嘅人，都一定要先經歷過迷失，先會搵到自己。我都係其中一個。容許自己迷失，容許自己跌碰，容許自己嘗試，容許自己經歷。尋找嘅過程可能需要時間，甚至乎好似好無關痛癢，但相信我，所有嘅經歷都會喺滋潤你嘅養份，無一刻係浪費，無一刻係白過。
Feb 15

訪問「唱作人Claudia Koh」- 堅定不移之追夢者

由一開始就知道自己想行咩路，係幸運嘅；但要一路堅持落去唔放棄，係需要一份信念，係對自己嘅相信，仲要有一份執着。現實中可能會有好多嘢想打擊你，分你心，但當你堅持去行你被call嘅個條路，你嘅收獲一定係最豐盛嘅，你一定係最開心嘅。當你搵到個條自己想行嘅路，勇敢咁踏上去，其他嘅一切都已經阻礙唔到你，佢哋只會令你更堅定、更加確實呢條就係自己想行嘅路。當你追到夢個一下會點呢？你係會開心一下，然後就發現，我追到啦，跟住點呢？原來係要回歸返自己嘅初心，一開始做音樂係想分享，想連結人同人，而唔係追求一啲外在嘅嘢嘅時候，你就唔會迷失係呢個遊戲入面。願每個人都可以搵返自己嘅初心❤️
Jan 10

訪問「演員Sunday」- 勇於跟隨自己的夢想家

每個夢想都係從一粒微細嘅種子開始、灌溉、發芽、再茁壯成長。由初初只係玩Dram So，覺得好好玩好適合自己；到後來讀APA表演再做埋全職舞台劇演員，一切都係從興趣、一切都係由一粒小種子開始。世上無絕對嘅對與錯，一切都要試過先知道適唔適合自己；唔適合嘅嘢，宇宙會自己幫你篩走，只留下適合嘅嘢俾你。 Sunday就係一個好好嘅例子，唔知得唔得，但試咗先，可能得呢！唔試，就一定唔會有你想要嘅結果。唔試，就唔會知道原來宇宙想將最好嘅結果俾你！
12/14/2025

訪問「天使Pimii」- 活在凡間的天使

天使下凡，都要體驗人嘅經歷，都要經歷尋找自己，再活出自己嘅藍圖。尋找自己有好多方法，亦唔一定需要付出幾多金錢上幾多堂，自己一個係房都可以搵得到。原來當搵啱自己嘅道路，所有嘢都會水到渠成，一切都會順理成章，到時就唔會唔行屬於自己嘅路。願每個人都搵到屬於自己嘅路，並有勇氣與力量活出屬於自己嘅人生！
11/18/2025

《致在夢想路途上的你》容許自己有不在狀態的時候，但別忘了要多謝那位很重要的人！

走在夢想的路途上，我們難免會有不在狀態的日子，允許自己會有這些時候，好好擁抱自己；亦別忘了，要好好多謝那位很重要的人！

一個探討靈性資訊，分享個人經驗與心得嘅頻道；訪問一啲行緊自己條路嘅靈魂，睇吓佢哋點樣一路走來；願每個靈魂都可以搵到屬於自己嘅道路，並有勇氣活出屬於自己嘅人生！

Creator

笑好
Years Active

2025 - 2026
Episodes

15
Rating

Clean
Copyright

© 笑好
Show Website

熒光塔 Fluorescence