بريف مفتوح

Kholoud Kamal

0.0 (0)
Design
Updated Weekly

بودكاست عن التصميم، الشغل، والحياة اللي بين السطور الحلقات قصيرة، قريبة، وحقيقية. لو إنت مصمم، مبدع، أو بتحاول تفهم شغلك ومكانك أكتر، أهلاً بيك في "بريف مفتوح"

2d ago

بعد ١٥ سنة في التصميم، ألّفت أول كتاب ليا | تأثير العلامة (الحلقة ١٦)

الحلقة دي مختلفة ومميزة جدًا بالنسبة لي؛ لأنها عن حلم قديم أخيرًا قدرت أحققه: إني أكتب أول كتاب ليا. أنا خلود كمال، Art Director، وبقالي أكتر من ١٣ سنة في مجال التصميم. وطول رحلتي مع الدراسة والشغل، كنت دايمًا بحاول أفهم الـBranding بشكل أعمق، لكن أغلب المصادر اللي كنت بقابلها كانت إما أجنبية ومعقدة، أو مترجمة بلغة صعبة وبعيدة عن واقعنا. ومن هنا بدأت فكرة كتاب «تأثير العلامة».". الكتاب مناسب للمصممين، ورواد الأعمال، وأصحاب المشروعات الصغيرة، وكل شخص عايز يفهم إزاي العلامات التجارية بتتبني وبتسيب تأثير حقيقي في أذهان الناس. وهتكلم كمان بموضوعية عن مستوى الكتاب، ومين هيستفيد منه أكتر، وإيه حدوده بالنسبة للشخص اللي عنده خبرة متقدمة في مجال الـBranding. كتاب «تأثير العلامة» بالنسبة لي مش نهاية الرحلة، لكنه بداية لحاجة أكبر، وبداية لنقاش أتمنى يكون مفيدًا ومهمًا للمحتوى العربي في مجال التصميم وبناء العلامات التجارية. شراء كتاب «تأثير العلامة»: https://nmopub.com/product/كيف-تبتكر-علامة-تجارية-فارقة/
Jul 24

إنت فعلًا مش كفاية؟ ولا دي متلازمة المحتال؟ (الحلقة ١٥)

هل عمرك أخدت فرصة كويسة، أو اشتغلت على مشروع ناجح، أو سمعت كلام حلو عن شغلك، وبعدها حسيت إنك ما تستحقش كل ده؟ وإن الناس شايفاك أشطر من حقيقتك، وإن في أي لحظة ممكن يكتشفوا إنك مش بالكفاءة اللي متخيلينها؟ الإحساس ده ممكن يكون جزءًا من متلازمة المحتال – Imposter Syndrome، لكنه مش هو نفسه التواضع، ومش معناه إن أي شخص واثق من نفسه يبقى مغرور. في الحلقة دي بنتكلم عن الفرق بين 3 حالات المصممين بيلخبطوا بينهم طول الوقت: -الـImposter Syndrome -الغرور -الاستحقاق الصحي هنتكلم كمان عن تأثير المقارنة والسوشيال ميديا ومعضلة الكمال على المصمم، وليه أحيانًا المصمم الشاطر بيشك في نفسه أكتر من المصمم اللي لسه عنده حاجات كتير يتعلمها. الحلقة مستندة إلى أفكار من علم النفس وكتب عن الإبداع والتطور، منها: The Impostor Phenomenon — Pauline Clance & Suzanne Imes Mindset — Carol Dweck The Creative Act — Rick Rubin Steal Like an Artist — Austin Kleon قول لي في التعليقات بصراحة: هل غالبًا بتقلل من نفسك؟؟ ولا أحيانًا ثقتك بتخليك تقاوم النقد؟ ومتنساش تشترك في القناة وتفعل الجرس عشان توصلك الحلقات الجديدة عن التصميم، الإبداع، والحياة المهنية للكريتيفز
Apr 29

القوة الناعمة وهوّيات الدول (الحلقة ١٤)

إحنا متعودين إن البراندينج بيكون لشركات ومنتجات بس الحقيقة إن الدول كمان بقت بتبني “هوية” لنفسها. في الحلقة دي من بريف مفتوح، بنتكلم عن: * يعني إيه Nation Branding؟ * ليه الدول بقت تهتم بصورتها الذهنية؟ * الفرق بين هوية حقيقية، وتلميع صورة * مفهوم القوة الناعمة (Soft Power) وتأثيره * أمثلة من الواقع زي السعودية، مصر، وسوريا الحلقة دي هتخليك تشوف التصميم من زاوية أوسع بكتير كأداة بتأثر في صورة دول كاملة. ⸻ 🔗 الروابط المذكورة في الحلقة: ١- لقاء مع وسيم قدورة عن تصميم هوية سوريا: https://www.youtube.com/watch?v=Za7Gz9AVx6c ٢- الهوية السورية (ريل): https://www.instagram.com/reel/DNiy8SrI_yJ/?igsh=cnRjZmJwaDNudmhx ٣-لينك شراء كتاب “تأثير العلامة”: https://nmopub.com/product/كيف-تبتكر-علامة-تجارية-فارقة/
Apr 15

ليه أول فكرة عندك دايمًا هي الأضعف ؟ | والحل مش اللي في بالك (الحلقة ١٣)

في الحلقة دي من بودكاست بريف مفتوح، بنتكلم عن ليه أول فكرة غالبًا بتكون الأضعف وإزاي دماغنا بيخلّينا نقف عندها من غير ما نحس. هتفهم: • إزاي عقلك بيختار “أسهل فكرة” مش “أفضل فكرة” • ليه بتقع في فخ Design Fixation من غير ما تاخد بالك • وإزاي تطلع من الدايرة دي وتوصل لأفكار أقوى بكتير الحل إنك تعدّي من أول فكرة. لو الحلقة دي فرقت معاك، ابعتْها لحد محتاج يسمعها وقولي في الكومنتس: كام فكرة بتقف عندها قبل ما تكمّل؟ ⸻ مصادر الحلقة: • Thinking, Fast and Slow – Daniel Kahneman • Art and Illusion – E.H. Gombrich • Steal Like an Artist – Austin Kleon
Apr 8

هل لازم تدرس فن عشان تنجح كمصمم جرافيك؟ (الحلقة ١٢)

هل فعلًا دراسة الفن والتصميم في الكلية بتفرق في مستقبل مصمم الجرافيك؟ ولا ممكن تنجح من غيرها تمامًا؟ في الحلقة دي من بودكاست “بريف مفتوح”، بتكلم بصراحة عن واحد من أكتر المواضيع الجدلية في المجال: • هل الكلية بتبنيك فعلًا كمصمم؟ • إيه الفرق بين خريج فنون جميلة ومصمم Self-taught؟ • ليه بنرجع ندرس “تاريخ فن” و“نقد” وإحنا عايزين نشتغل إعلانات؟ • وإزاي الحاجات دي بتأثر على طريقة تفكيرك حتى لو مش واخد بالك؟ هشاركك تجربتي الشخصية، وأمثلة حقيقية من السوق، وكمان هنربط ده بدراسات عن الإبداع والتفكير البصري. لو أنت طالب، أو لسه بتفكر تدخل المجال، أو حتى شغال وحاسس إن في حاجة ناقصة، فالحلقة دي ممكن تغيّر نظرتك تمامًا. ⸻ مصادر الحلقة: • كتاب: The Design of Everyday Things – Don Norman • كتاب: Interaction of Color – Josef Albers • كتاب: Art and Illusion – E.H. Gombrich • دراسة: Creative Cognition Theory – Finke, Ward & Smith • دراسة: Dual Coding Theory – Allan Paivio
Apr 1

إزاي تتعامل مع الـ Feedback | الوصفة السحرية (حلقة ١١)

في الحلقة دي من “بريف مفتوح”، بنتكلم عن واحدة من أكتر الحاجات اللي بتوجع أي مصمم: الرفض والـ feedback. ليه شغلك ممكن يتقال عليه “مش مناسب”؟ ليه العميل يرفض حاجة أنت شايفها حلوة جدًا؟ وهل المشكلة فعلًا في التصميم ولا في حاجة تانية؟ في الحلقة دي هتفهم: • ليه الشغل الحلو ممكن يترفض • الفرق بين الذوق الشخصي والتفكير الاستراتيجي • إزاي تقرأ الـ feedback صح • وإيه الأخطاء اللي أغلب المصممين بيقعوا فيها من غير ما ياخدوا بالهم هنتكلم كمان عن الجانب النفسي للرفض، وإزاي تتعامل معاه من غير ما يأثر على ثقتك بنفسك أو شغلك. ⸻ مصادر الحلقة: • Thinking, Fast and Slow – Daniel Kahneman • The Design of Everyday Things – Don Norman • Gestalt Principles of Perception • Nielsen Norman Group – UX Research ⸻ 🎯 لو الحلقة عجبتك: اشترك في القناة وفعل الجرس واكتبلي في الكومنت: إيه أكتر feedback وصلك ووجعك؟ ⸻تابعني على انستاجرام instagram.com/adventure_with_kholoud
Mar 27

مصمم عادي vs مصمم خطير | الفرق اللي محدش هيقول لك عليه (حلقة ١٠)

في الحلقة دي بنتكلم عن الفرق الحقيقي بين المصمم العادي… والمصمم الخطير. هل الفرق في الموهبة؟ ولا في البرامج؟ ولا في عدد سنين الخبرة؟ الحقيقة إن الفرق الأساسي بيكون في طريقة التفكير. هنتكلم عن: • ليه بعض المصممين بيقفوا مكانهم سنين • الفرق بين إنك تنفذ… وإنك تفهم • إزاي التفكير بيأثر على شغلك وفرصك في السوق • إيه اللي يخلي عميل يختار مصمم عن التاني لو أنت جرافيك ديزاينر أو بتفكر تدخل المجال، الحلقة دي هتغير نظرتك للتصميم بشكل كبير. 📌 المصادر المذكورة في الحلقة: • Don Norman – The Design of Everyday Things • Ellen Lupton – Thinking with Type • Alina Wheeler – Designing Brand Identity • Nielsen Norman Group – UX Definition
Mar 17

ليه المصممين الشاطرين مش لاقيين شغل؟ (الحلقة ٩)

في الحلقة دي من البودكاست بنتكلم عن سؤال بيشغل كتير من الجرافيك ديزاينرز: ليه فيه مصممين شاطرين جدًا، ومع ذلك مش بيلاقوا شغل؟ هل المشكلة في السوق؟ ولا في العلاقات؟ ولا ممكن تكون المشكلة في طريقة التفكير نفسها؟ هنتكلم عن الفرق بين إنك تعمل تصميم حلو، وإنك تكون مصمم قادر يحل مشاكل حقيقية. وهنتكلم كمان عن: • الفرق بين الفن والتصميم • ليه المهارة التقنية مش كفاية • ليه بعض المصممين بيتطوروا بسرعة والبعض الآخر يفضل ثابت سنين • إزاي طريقة التفكير بتفرق في شغل المصمم لو أنت جرافيك ديزاينر، أو بتفكر تدخل المجال الحلقة دي هتساعدك تفهم مكانك في السوق بشكل أوضح. لو عجبك المحتوى اشترك في القناة عشان توصلك الحلقات الجديدة.

بودكاست عن التصميم، الشغل، والحياة اللي بين السطور الحلقات قصيرة، قريبة، وحقيقية. لو إنت مصمم، مبدع، أو بتحاول تفهم شغلك ومكانك أكتر، أهلاً بيك في "بريف مفتوح"

Creator

Kholoud Kamal
Years Active

2026
Episodes

17
Rating

Explicit
Copyright

© Kholoud Kamal
Show Website

بريف مفتوح