吹銷 - 吹住水傾營銷

Marcus & Anson
  • 0.0 (0)
  • Marketing
  • Biweekly

《吹銷》可能係全港最有營養嘅營銷節目 吹銷一刻值千金！每週四錄音，唔知幾時出到街⋯⋯ Marcus Bro @marcus.marketing.Blog Anson Bro @sleepy.anson 合作邀約：broblowmarketing@gmail.com 營銷丨廣告丨自媒體丨廣東話Podcast

  1. Oct 23

    CeraVe 反廣告俾人鬧爆，仲算唔算成功？創作人鍾梓淳親自回應｜吹銷 EP17 專訪上集

    【吹銷】今集我哋邀請到 CeraVe「啱又使乜Sell」背後嘅文案人，Durian／針言創辦人，鍾梓🔥 一個都市人每日見到上萬個廣告，鍾梓形容係上萬個乒乓波打埋嚟，大部分擦身而過，你連理都懶得理。佢想做嘅，係令你肯拎起塊拍打返轉頭。 CeraVe 個 brief 好簡單：延續外國嗰種玩味 brand tone，話俾 Gen Z 知呢枝淺藍色 SA Cleanser 洗得面又沖得涼。佢哋提咗兩個方向，鍾梓自己押注「初級成年人救晒體面」，點知客戶揀咗同事起頭嗰個「啱洗使乜Sell」。旺角站嗰句「旺角有兩個字」，原本係講旺角有兩個 E 出口，審批話唔好講地理環境，改完反而成為成個 campaign 最紅嗰句。 下半段直接讀網民留言：嘩眾取寵、冇 logo、改圖抽水。鍾梓將「嘩眾取寵」拆開嚟講，嘩眾唔易，取寵先係最難。佢分得好清楚批評同挑剔嘅分別，作為行內人，佢只抱住一句：「可以不愛，但不要傷害」。 上集講到呢度，下集再續。 ▬▬▬ 章節 ▬▬▬ 00:00 精華片段 02:01 開場介紹 03:12 「中二病」嘅榴槤思維 04:33 鍾梓對 Marketing 嘅定義 05:23 廣告與 Marketing 嘅分別 06:30 Campaign 分享前言 08:43 當初需要解決嘅問題係咩呢？ 10:38 點解會諗到「啱又使乜Sell」？ 12:34 點樣 Sell 到呢條「反廣告」Idea 18:52 冇客戶就冇今日嘅「啱又使乜Sell」 20:31 廣告的各種任務 21:38 一系列廣告活動串連成個 Campaign 23:16 廣告「嘩眾取寵」其實有咩問題？ 25:10 點睇 Attention Beats Marketing？ 26:28 負面聲音對同事／客戶嘅影響 28:33 Haters 不止是「Hate」 30:17 Marketing 沒有絕對的對與錯 31:34 做創作預咗要被人傷害？ 33:22 香港人唔太接受到「Anti-Ad」？ 36:29 CeraVe 模糊受眾對廣告嘅定義界線 38:38 想重新做好嘅／唔做嘅 Execution 39:49 做廣告需要彈性離地與貼地 43:05 收尾 ▬▬▬▬▬▬▬▬▬▬ // 片內及封面圖片來源 // 旺角站廣告相：Threads @adweekjournals 東隧口廣告相：Asiaray Instagram Patagonia「Don't Buy This Jacket」：《紐約時報》2011 年廣告 滙豐 × 梁朝偉：滙豐香港 YouTube // 嘉賓 Guest // 鍾梓淳｜Durian Ltd.／針言創辦人 Instagram: https://www.instagram.com/durian.hk/ // 主持 Host // Marcus: https://www.instagram.com/marcus.marketing.blog/ Anson: https://www.instagram.com/sleepy.anson/ 留言話我哋知有咩想問鍾梓？我哋下集再吹過！ ▬▬▬▬▬▬▬▬▬▬ 記得訂閱《吹銷》，每星期為你送上最新嘅數碼營銷insights同社交媒體營銷趨勢。呢個係香港人自己嘅廣東話吹水空間！ #吹銷 #鍾梓淳 #Durian #CeraVe #啱又使乜Sell #反廣告 #antiad #文案 #copywriter #廣告創意 #香港廣告 #嘩眾取寵 #GenZ #OOH #社交媒體行銷 #數位行銷 #香港podcast #香港marketing #marketingpodcast #廣東話podcast

    CeraVe 反廣告俾人鬧爆，仲算唔算成功？創作人鍾梓淳親自回應｜吹銷 EP17 專訪上集

  2. Sep 19

    吹銷 EP16 專訪下集 丨面試 marketing 唔使背理論，Jansen：「開個 blog 之後塞個 GA 落去」

    【吹銷】今集我哋邀請到最可靠嘅社媒軍師——Jansen🔥台灣 FamilyMart 會幫隔籬間 7-11 慶祝生日，仲要請人食雪糕。Anson 同 Marcus 問，呢類招數香港係咪真係做唔到。Jansen 反問返一句「難唔難學呢，唔難學但真係唔學⋯⋯講到兩地小編點解差咁遠，Jansen 歸咎到人同人之間嘅距離，而台灣做到「成堆小編好似攞住公司個 account 一齊傾偈」。佢又話自己睇中文文案，一眼就分到邊句由英文硬譯過嚟，「我一睇就睇到成句英文出嚟」。下半場轉去講 Marketer 嘅自我修養。「專家一定唔係，自己講自己專家」。「我乜都識」嗰個位最危險，被人拗嗰陣佢寧願「遲多個鐘先答」，或者攤凍兩日。講到請人，佢面試想知你有冇親手試過「你試吓開間網店賣啲嘢」「開個blog」「之後塞個GA落去」。

    吹銷 EP16 專訪下集 丨面試 marketing 唔使背理論，Jansen：「開個 blog 之後塞個 GA 落去」

  3. Aug 23

    流量真係有公式？社媒軍師 Jansen 講點解你抄足格式都爆唔起｜吹銷 EP16 專訪上集｜廣東話 Podcast

    【吹銷】今集我哋邀請到資深廣告與數碼營銷人——Jansen🔥出 post 冇人睇，第一個諗到嘅解釋通常都係「俾人限流」。Anson 同 Marcus 由一杯咖啡問起：同樣係咖啡，七仔嗰杯同坐低慢慢飲嗰杯，點解可以差咁遠。Jansen 話 marketing 講到尾就係改變認知，你點睇一件事，佢喺你心目中就值幾多錢。Jansen 對 shadowban 嘅講法好直接：今日我話係假，聽日你話係真，你同我都證實唔到，除非我哋係 IG 個 engine，拆解到嗰行 code 出嚟。真正嘅代價係，你將流量差歸咎晒俾演算法，日子係好過咗，但進步空間就冇埋。佢引咗朋友一句：「唔好講你，我係咩人，平台要限我流？」Jansen 而家用緊 Codex、Claude、LovArt 同 Gemini 一路試，亦都試過 clone 自己把聲。傾到「脫節」呢種焦慮點解喺公司入面比自己一個人麻煩得多：真正令公司唔敢郁 AI 嘅，唔係唔識用，係資安。部電腦交咗俾 AI，一按錯掣掃晒公司啲 Gmail，返唔到轉頭。上集講到呢度，下集再續。

    流量真係有公式？社媒軍師 Jansen 講點解你抄足格式都爆唔起｜吹銷 EP16 專訪上集｜廣東話 Podcast

  4. Jul 25

    出 Post 冇人睇？其實真係無限流｜Gary Vaynerchuk 教你搶返注意力｜吹書 EP3 自媒體行銷｜吹銷

    有冇試過出 Post 出到冇氣，個個都話俾人限流？呢集吹書拆 Gary Vaynerchuk 呢本《自媒體行銷：短影音時代打造 IP 和流量變現》，佢話根本冇限流呢回事，係你搶錯咗注意力。Gary Vee 成本書一個概念：邊個平台嘅注意力仲平、仲未被搶爆，你就去嗰度落重注，唔好死守一個位。由點定義 Target Audience 傾起。跟住拆 LinkedIn 點解係 B2B 金礦、TikTok 個興趣圖譜又點玩。仲有點解「一條片一魚多吃」貼晒去每個平台其實係災難，同埋 AI 其實係攞嚟解碼受眾，唔係攞嚟偷懶。想知自己啲內容做極都唔起，卡喺邊一步？睇埋成集。

    出 Post 冇人睇？其實真係無限流｜Gary Vaynerchuk 教你搶返注意力｜吹書 EP3 自媒體行銷｜吹銷

  5. Jun 15

    廣告冇人睇，因為你冇故事｜許榮哲《故事課2》行銷拆書｜吹書 EP2

    廣告做到隻雕噉都冇人記得？問題唔係出喺預算，係你冇故事今集吹書，Marcus 同 Anson 拆許榮哲《故事課2：99%有效的故事行銷，創造品牌力》。由盲人乞丐一句文案、薯仔點樣變王家蔬菜，講到 Apple 用 Think Different 同 Get a Mac 狙擊對手嘅完整套路聽完你會知品牌故事點樣改變認知價值，仲學到一個練習講故事嘅方法：反差本書五大重點：1. 故事比平鋪直敘嘅廣告更有力2. 改變認知價值，唔係實際價值3. 掛羊頭賣狗肉：合理地扭曲現實4. 用反差同衝突講故事5. 講聽眾自己嘅故事先最入心

    廣告冇人睇，因為你冇故事｜許榮哲《故事課2》行銷拆書｜吹書 EP2

  6. May 4

    EP.11 越鬧越有流量？拆解 Duolingo 的「情緒勒索」與發癲行銷！為何錯字連篇反而賺大錢？｜吹銷 ｜廣東話 podcast

    你知唔知我哋每日耳濡目染，其實接觸緊超過一萬則廣告 ？面對嚴重的「廣告疲勞」，傳統那套完美、高高在上的公關話術已經 out 啦！🙅‍♂️🙅‍♀️歡迎來到【吹銷 EP.11】！今集 Anson 同 Marcus 同大家深探近年爆紅的行銷奇招——「失控營銷」(Unhinged Marketing) 點解品牌要放棄治療、集體發癲？我哋會拆解多個經典案例：🦉 Duolingo： 靠 23 歲 Gen Z 小編發圍，用「情緒勒索」、死亡行銷威脅用戶，成功霸佔 App Store 教育類榜首 ！💀 Liquid Death： 將礦泉水包裝成重金屬啤酒，甚至將黑粉的負評變成 Heavy Metal 專輯《Greatest Hates》 ！🌭 IKEA & 譚仔： 香港代表！極速光速抽水，以及擁抱不純正「譚仔話」的反精英操作 。除咗食花生，我哋仲會從心理學角度拆解「良性違規理論」(Benign Violation Theory) ，並教你點樣建構一套有策略嘅發癲系統 。當然，玩失控都要顧及小編嘅精神健康，唔小心隨時變公關災難 ！

    EP.11 越鬧越有流量？拆解 Duolingo 的「情緒勒索」與發癲行銷！為何錯字連篇反而賺大錢？｜吹銷 ｜廣東話 podcast

  7. Apr 3

    00後整頓職場？Gen Z 夠率真其實先最易管！老細「期望錯配」｜吹銷｜廣東話 Podcast ft.半宅職薯

    歡迎來到《吹銷》！今集我哋好榮幸邀請到職場人氣 KOL——「半宅職薯」上嚟同我哋大談 Marketing 同職場生存之道！ 到底轉工係咪一定會加薪？ 點解今時今日 Marketing 咁難請人？ 仲有大家最關注嘅 Gen Z 職場態度同「躺平」文化，半宅職薯都會為大家一一拆解！無論你係啱啱畢業嘅職場新鮮人，定係身處夾心層嘅主管，呢集都一定可以俾到你滿滿嘅啟發同「階段性認命」嘅智慧！想知道做專才好定通才好？

    00後整頓職場？Gen Z 夠率真其實先最易管！老細「期望錯配」｜吹銷｜廣東話 Podcast ft.半宅職薯

  8. Feb 22

    明明有料但唔敢開Page？行銷人必睇嘅「冒名頂替症候群」！點解你總係覺得自己唔配？｜吹銷｜廣東話 Podcast

    你身邊有冇啲同行明明好有料，但係死都唔肯開 Page 分享？或者你自己出親 Post、接每一個 Project，都會有種「我呃緊人」、「我根本唔配」嘅自我懷疑？ 歡迎來到【吹銷】！今集 Anson 同 Marcus 同大家深情剖白，探討創作者同行銷人最常面對嘅心理關口——「冒名頂替症候群」(Imposter Syndrome) 。 我哋會拆解心理學家 Valerie Young 提出嘅 5 種冒名頂替者類型（完美主義者、天才型、超人型、專家型、獨行俠型），睇吓你中咗邊幾樣 ！影片後半部仲會分享非常實用嘅克服心法，由數字戒斷、儲起稱讚你嘅 Testimonial，到點樣建立「60分就能夠教40分」嘅成長型心態 。如果你都試過喺內容創作或者職場上感到迷惘、覺得自己唔夠好，呢集絕對可以幫你減少內耗 ！Trust the process，一齊揼石仔啦 ！

    明明有料但唔敢開Page？行銷人必睇嘅「冒名頂替症候群」！點解你總係覺得自己唔配？｜吹銷｜廣東話 Podcast
See All (21)

About

《吹銷》可能係全港最有營養嘅營銷節目 吹銷一刻值千金！每週四錄音，唔知幾時出到街⋯⋯ Marcus Bro @marcus.marketing.Blog Anson Bro @sleepy.anson 合作邀約：broblowmarketing@gmail.com 營銷丨廣告丨自媒體丨廣東話Podcast

Information

You Might Also Like