傾埋cine

傾埋cine

0.0 (0)
Film Reviews

我地係四個鍾意睇戲嘅女仔，用廣東話同大家分享各自對電影嘅睇法，希望大家套電影出晒credit都唔好走住，一齊同我哋傾埋先！多謝大家支持！

Sep 26

【傾埋cine】第一屆傾唔埋大內鬥之中秋特備節目：溏心風暴之家好月圓 Master 大賽

Hey! I'd love to hear your thoughts, send me a voice note. 🌕中秋節快樂！祝大家家好月圓，團團圓圓！🥮 講起中秋節經典，點可以唔提一套電視劇，#溏心風暴之家好月圓，呢套電視劇圍繞Jo鮑、荷媽、鐵人紅三人複雜嘅三角關係，同埋六粒黐頭芒成員：「家、好、月、圓、慶、中」，秋（後融入）關於親情、愛情嘅故事，「唔使驚，XX喺大廳！」等金句到今日仲不時俾人拎返出嚟講。今集由阿婆做主持，阿流、阿樂、咖喱就係嚟一場真正嘅Master大賽，睇下邊個最熟呢套經典港劇！😏最後仲會同大家一齊傾下點解呢套電視劇可以常睇常新？如果今日先第一次播出，又會唔會再次掀起熱潮？ #傾埋cine #四個女仔 #中秋特備企劃 #家好月圓慶中秋 #溏心風暴之家好圓
Sep 25

【傾埋Cine】漫畫 VS 動畫 VS 是枝裕和真人電影版！《Look Back 驀然回首》從四格漫畫走出來嘅青春遺憾，係咪要驀然回首先至懂得珍惜？

Hey! I'd love to hear your thoughts, send me a voice note. 今集我哋就同大家傾下是枝裕和執導嘅《Look Back 驀然回首》！由藤本樹創作嘅同名漫畫到動畫，再到今次嘅真人電影，令人十分期待！故事講述傲嬌天才藤野步（出口夏希飾演）同深居簡出嘅京本（蒔田彩珠飾演），因為畫四格漫畫而命運交織嘅青春故事。相比起漫畫嘅簡潔俐落同動畫版嘅情緒爆發，是枝裕和是枝裕和用細膩嘅鏡頭，拍出另一種生活質感！我哋會同大家比較下三個媒介呈現出嚟嘅細節，睇下真人電影版嘅改編係咪令整個故事更加完整？藤野傲嬌得嚟又有點自卑，京本由純粹追隨到勇敢走出房間，二人嘅友情令人深受觸動，想知我哋又點睇呢對互為光影、影響彼此一生嘅靈魂伴侶？快啲同我哋傾埋Cine啦！原作漫画 vs アニメ vs 是枝裕和実写映画！『ルックバック』——四コマ漫画から始まった青春の切なさ。振り向いて初めて気づく、大切なものとは？今回の「傾埋Cine」では、是枝裕和監督が手掛ける映画『ルックバック』を語り尽くします！藤本タツキ先生による原作漫画からアニメ映画、そして今回の実写映画化と、期待が高まる話題作です。物語は、ちょっとプライドが高くて天才肌の藤野歩（出口夏希）と、引きこもりの京本（蒔田彩珠）が、四コマ漫画を通じて運命的に出会う青春ストーリー。原作漫画のシンプルでテンポの良い魅力や、アニメ版のエモーショナルな感情の爆発と比べ、是枝監督は繊細な映像美で独特な生活のリアルを描き出しています。番組では、これら3つのメディアそれぞれの表現やディテールの違いを徹底比較！実写映画化によって物語はより深みを増したのか？強がりだけど実はコンプレックスを抱える藤野と、憧れから一歩踏み出し部屋を出た京本。二人の絆には胸を打たれるものがあります。お互いを照らし出し、人生に影響を与え合った「光と影」のような二人の魂のパートナーシップを、私たちはどう見たのか？ぜひ最後までご視聴ください！ #lookback #驀然回首 #是枝裕和 #電影 #四個女仔 #傾埋cine #影評 #廣東話
Sep 25

【傾埋Cine】Chi仔人性大考驗｜哲學難題大解密！

Hey! I'd love to hear your thoughts, send me a voice note. 今集我地傾下全城熱話嘅日本超人氣現象級動畫《劇場版Chiikawa：人魚島的秘密》，講述 Chiikawa 同夥伴們受邀去到夢幻嘅人魚島，原本以為係一趟有得食有得玩嘅開心旅行，點知背後竟然隱藏住「永生與代價」嘅殘酷秘密！呢套電影究竟適唔適合小朋友睇？劇情中嘅邏輯問題係咪碌過就算？看似輕鬆嘅劇情，竟然帶出經典嘅有軌電車難題，引申到義務論同效益主義嘅哲學討論。我哋又點睇佢地嘅友情同選擇？你哋睇咗未？有咩諗法可以同我哋一齊傾埋cine㗎！ #chiikawa #劇場版chiikawa #人魚島的秘密 #四個女仔 #廣東話 #影評 #傾埋cine
Sep 24

【傾埋Cine】好耐冇喺戲院同大家大聲笑！外星人命案、Cut台劫持、一日兩場婚禮！三套電影邊套最荒誕？

Hey! I'd love to hear your thoughts, send me a voice note. 今集我地以電影速報形式同大家分享最近睇嘅三套戲，分別係凌文龍、楊偲泳、陳湛文、林子傑等主演嘅《UFO離奇命案》，電影講述香港曾經有小學生被外星人捉走，現時空有網紅為求流量令當年事件更加錯綜複雜，甚至演變成一宗「命案」。同埋另一套同屬黑色幽默電影嘅《一個部門的誕生》，由白只、戴玉麒、廖子妤等主演，故事取材真實事件，講述有市民為求「Cut 台」而脅持人質，終演變成另一單「命案」。呢兩套戲劇情輕鬆、荒誕，我地都好耐冇試過喺戲院睇笑片，同全隔離個觀眾一齊大聲笑嘅感受啦！而最後一套就係台灣劇情片《雙囍》，主演包括劉冠廷、余香凝等，故事講述一對新人為咗應付新郎父母，被迫要一日內秘密舉辦兩場截然不同嘅婚禮，在手忙腳亂中揭示咗男主角自小面對父母離異嘅童年創傷，輕鬆又沉重。睇過嘅歡迎一齊同我哋傾埋cine啦！ #UFO離奇命案 #一個部門的誕生 #雙囍 #傾埋cine #港產片 #電影
Sep 24

【傾埋Cine】一齊來傾下鬼才導演路蘭新戲《奧德賽》（The Odyssey）

Hey! I'd love to hear your thoughts, send me a voice note. 由奧斯卡最佳導演基斯杜化路蘭（Christopher Nolan）執導嘅史詩式鉅製《奧德賽》（The Odyssey）近日上映，改編自荷馬筆下嘅同名古希臘史詩，電影由麥‧迪文飾演奧德修斯，集結湯‧賀蘭、安妮‧夏菲維、羅拔‧柏迪臣、千蒂亞等共同演出。劇情描述奧德修斯在特洛伊戰爭後，踏上漫長艱辛嘅返鄉旅程，佢必須穿越危機四伏嘅大海、陌生而黑暗嘅國度，並面對眾神、怪物、海妖同女巫設下的重重阻礙，只為返到妻子同兒子身邊。全片除咗首次挑戰以純IMAX菲林攝影機拍攝，更堅持實景拍攝。對於電影嘅選角、原著與改編嘅異同，我哋四個主持點睇導演每一個選擇？呢套電影製作成本高達2.5億美元，我哋又點睇套戲出到嚟嘅視覺效果？大家睇咗未？有咩見解都可以同我哋傾埋cine！ #奧德賽 #theodyssey #路蘭 #傾埋cine #廣東話 #四個女仔 #電影 #電影感想 #movie #film
Sep 24

【傾埋Cine】《情感的價值》親情留低嘅傷口，真係可以靠一部戲和解？

Hey! I'd love to hear your thoughts, send me a voice note. 《世上最爛的人》導演新作《情感的價值》（英譯：Sentimental Value）榮獲康城影展評審團大獎以及第98屆奧斯卡最佳國際電影獎，講述舞台劇演員羅娜（溫娜特飾）同妹妹安妮絲（英嘉飾），喺母親離世後，被迫直面當年拋家棄子嘅電影名導父親古斯塔夫（史戴倫飾）。父親帶著復出之作重新闖入兩姊妹嘅生活，企圖用最後嘅作品去修復大半生嘅缺席，卻同時掀開咗呢個家庭無法癒合嘅裂痕同傷疤。我哋四個主持都被電影入面嘅手足之情深深感動，但對於父親呢個角色又有唔同嘅睇法，究竟原生家庭嘅創傷係咪真係會影響我哋嘅一生？我哋又點睇呢段充滿拉扯嘅父女關係同各自做過嘅選擇？情感嘅價值又代表啲咩？大家快啲同我哋傾埋cine！ #情感的價值 #原生家庭 #創傷 #手足之情 #最佳國際電影 #電影 #film #movie #電影感想 #四個女仔 #廣東話 #傾埋cine
Sep 24

【傾埋Cine】婚前玩出火《 The Drama 戲劇性婚禮》：係咪真愛一個人就要包容佢嘅一切？

Hey! I'd love to hear your thoughts, send me a voice note. 黑色幽默喜劇《The Drama》（港譯：戲劇性婚禮）講述一對即將步入教堂嘅完美情侶查理（羅拔柏迪臣飾）同艾瑪（辛蒂雅飾），竟然喺婚禮前夕因為一個無傷大雅嘅小遊戲，意外揭發咗彼此心底最黑暗嘅秘密！令呢場婚禮籌備瞬間變成互相猜疑、充滿荒誕嘅心理遊戲⋯我哋四個主持喺呢個充滿戲劇性同情感張力嘅故事入面搵到共鳴？我哋點睇同伴侶或者好友分享內心嘅陰暗想法？我哋又會點定義真愛？係咪真愛就係萬能，做乜都得呢？究竟喺親密關係裡，突然發現伴侶不為人知嘅陰暗面時，我哋又會做出咩選擇？大家快啲同我哋傾埋cine！ #戲劇性婚禮 #thedrama #電影 #film #movie #真愛 #婚禮 #電影感想 #四個女仔 #廣東話 #傾埋cine
Sep 23

【傾埋Cine】第44屆香港電影金像獎最佳影片《再見UFO》：UFO唔單只係UFO，時代背景下仲有另一重意思？

Hey! I'd love to hear your thoughts, send me a voice note. 【傾埋cine】終於要傾第一套港產片：《再見UFO》！！！電影講述喺80年代嘅華富邨，有三個由細玩到大嘅屋邨少年，童年時竟然一齊見證過UFO飛過！隨住時間過去，佢哋長大成人，面對住現實生活嘅無奈同香港嘅變遷，嗰份純真同夢想好似越行越遠⋯⋯我地四個主持雖然同八十後距離有啲遙遠，但都無阻我哋熱愛嗰時嘅香港情懷。UFO對於三個少年而言，代表啲咩？同一時代下生存嘅我哋，經歷嘅嘢或許同三個少年大同小異，呢個亦係令觀眾為之動容嘅部分，想聽下我哋點理解呢套港產片，快啲同我哋傾埋cine！ #港產片 #再見UFO #香港電影金像奬 #最佳電影 # UFO #電影 #電影感想 #四個女仔 #廣東話＃傾埋cine
Sep 23

【傾埋Cine】日本現象級鉅片《國寶》: 為咗成為Top of the world，你願唔願意同魔鬼做交易？

Hey! I'd love to hear your thoughts, send me a voice note. 2025年日本現象級鉅片《國寶》講述一位出身黑道家庭的青年喜久雄（吉澤亮飾），喺父親慘遭殺害後之後，畀歌舞伎名門收留。因為喜愛上傳統歌舞伎呢種技藝，毅然投身呢個講家族講血統嘅歌舞伎世界，因而同好兄弟俊介（橫濱流星飾）成為競爭對手，又因為追求藝術嘅極致而承受唔少錐心嘅痛苦。我哋四個主持竟然喺喜久雄追逐成為「國寶」呢個充滿掙扎同血淚嘅偉大故事入面搵到共鳴？我哋又點睇喜久雄喺呢個過程入面做過嘅種種選擇？大家快啲同我哋傾埋cine！ #國寶 #電影 #電影感想 #香港 #廣東話 #四個女仔 #傾埋cine #吉澤亮 #橫濱流星 #高畑充希
Sep 23

【傾埋Cine】OSCARS 2026 大家一齊傾下最佳影片有咩心水？

Hey! I'd love to hear your thoughts, send me a voice note. 2026大片雲集，熱門電影有Leonardo Dicaprio同埋Chase Infiniti主演、講述喺極端分化社會之中唔同陣營鬥爭嘅《一戰再戰》、有劇情緊張兼加入恐怖懸疑元素嘅《罪人們》、熱血運動電影《F1》同埋《Marty Supreme》，仲有不得不提已經喺康城影展攞咗評審團大獎嘅細膩鉅作《情感的價值》。正所謂各花入各眼，我哋4個都各有自己心水，唔知同你哋又喺咪英雄所見略同呢？記住留言一齊交流下！ #oscar2026 #最佳電影 #98thacademyawards #leonardodicaprio #sinners #martysupreme #f1 #sentimentalvalue #traindreams #frankenstein #hamnet #bugonia #thesecretagent #onebattleafteranother #一戰再戰 #罪人們 #横衝直闖 #情感的價值 #廣東話 #四個女仔 #傾埋cine
Sep 22

【傾埋Cine】解讀PTA《一戰再戰》（One Battle After Another）——政治、父女情、奧斯卡「老豆」進化史？

Hey! I'd love to hear your thoughts, send me a voice note. 《傾埋Cine》正式開播！呢集我哋傾嘅係Paul Thomas Anderson （PTA）嘅作品《一戰再戰》（One Battle After Another）。呢集節目入面，我哋主要探討呢部作品喺當下嘅政治語境中係咪依然有力？同埋入面嗰啲令人又愛又恨嘅人物同角色關係，我哋四個女仔有啲咩獨到見解？同埋奧斯卡近年對父親角色塑造嘅變化⋯ 呢集就由咖喱、阿婆、阿樂、阿流四個女仔一齊同大家cine～如果對我哋嘅節目有咩建議或者想同我哋一齊討論電影，歡迎留言！多謝～ #電影 #電影感想 #香港 #一戰再戰 #onebattleafteranother #奧斯卡獎2026 #第98屆奧斯卡金像獎 #最佳電影 #PTA #film #Oscar2026 #bestfilm #98thacademyawards #leonardodicaprio #leonardo #里安納度 #廣東話 #四個女仔 #傾埋cine

11 Episodes

我地係四個鍾意睇戲嘅女仔，用廣東話同大家分享各自對電影嘅睇法，希望大家套電影出晒credit都唔好走住，一齊同我哋傾埋先！多謝大家支持！

Creator

傾埋cine
Years Active

2026
Episodes

11
Rating

Clean
Copyright

© 傾埋cine
Show Website

傾埋cine