Instituto Galego de Promoción Económica (Igape)

Igape

O Instituto Galego de Promoción Económica (Igape) é a axencia, adscrita á Vicepresidencia segunda e Consellería de Economía, Empresa e Innovación, para o desenvolvemento económico de Galicia. A misión do Igape é a de apoiar todas as actividades que contribúan a mellorar o sistema produtivo galego, facilitando os procesos de creación, consolidación e crecemento empresarial.

  1. 03/07/2022

    Como adapto o meu negocio aos novos tempos? O Igape pon á túa disposición persoas expertas para lograr o cambio que necesitas

    INTRO CASTRO COMPOSITES INTRO MC INTERMODUL INTRO TEUVENTO Escoitan aos responsables de empresas galegas que impulsaron a súa competitividade coa axuda do programa Re-acciona. Son Castro Composites, MC Intermodul e Teuvento. A través deste novo episodido do podcast, explicamos como poden conseguir estes logros para os seus negocios. Benvidos e benvidas a este espazo que lles ofrece o Instituto Galego de Promoción Económica (Igape). Conseguir un control pormenorizado dos materiais que temos no noso almacén. Isto é algo que se pode lograr con ferramentas informáticas e deste xeito, mellorar os nosos procesos de xestión. É o que conseguiron en Castro Composites, unha empresa que suministra materiais a diferentes sectores, como o eólico, o náutico; ou o sector químico e da automoción. Como o fixeron? Foi da man do servizo Apoio na adopción de solucións de xestión empresarial en mobilidade, e que forma parte do programa Re-acciona. Escoitan a Alejandro Castro de la Iglesia, de Castro Composites. CASTRO COMPOSITES ALEJANDRO E é que os desafíos para o noso tecido empresarial son cada vez maiores. Tanto é así, que en ocasións cómpre botar man dun asesoramento especializado para afrontar, por exemplo, o día dos departamentos comerciais. Esta é a necesidade que tiña a empresa MC Intermodul, adicada á fabricación de biombos divisorios de oficinas. Para iso, solicitaron o servizo Análise do potencial competitivo do programa Re-acciona. EVA TRILLO Son palabras de Eva Trillo, MC Intermodul. Unha empresa que agora ten un maior control sobre a actividade que realiza. Ese maior control tamén nos permite impulsar a profesionalización dos negocios. Neste sentido, unha planificación da nosa tesourería consigue enlazar todos os procesos e orientalos na mesma dirección. Deseguido escoitan a Alberto Vázquez de Teuvento, empresa que solicitou o servizo Mellora da xestión financeira de Re-acciona. ALBERTO EXPLICA Teuvento, empresa adicada á construcción eficiente,  deseñou un cadro de mando completo e, ademais, mellorou a súa aplicación informática de xestión. Os logos que están conseguindo as empresas co apoio de Re-acciona van máis alá. En Adrián Salgado Óptica y Audición avanzaron no desenvolvemento do seu propio departamento de I +d. Así no-lo explica Adrián Salgado. ADRIÁN SALGADO Este é un pequeno percorrido polos logros obtiveron catro empresas  que solicitaron os servizos de Re-acciona. Queren logralo tamén para os seus negocios? Pois están a tempo de facelo porque acaba de abrir unha nova convocatoria do programa. O prazo para solicitar estes servizos está aberto ata o vindeiro 8 de abril. Recordarlles que a oferta de Re-acciona está agrupada en 4 grandes eixos: innovación, dixitalización, profesionalización, e estratexia. Teñen todos os detalles na nosa web reacciona.ipgae.esTamén podemos resolver as súas dúbidas a través do 981 93 93 93. Ou no enderezo electrónico info.reacciona@igape.es. Convidámolos tamén a que visiten a nosa canle de YouTube Igape Competitividade. Para coñecer as experiencias doutras empresas con Re-acciona. Moitas grazas pola súa escoita.

    10 min

  2. 02/08/2022

    Emprender negocios no rural ou mellorar a competitividade da miña empresa, que apoios me ofrece o Igape?

    O Instituto Galego de Promoción Económica (Igape) ten abertas as convocatorias dos programas Galicia Rural Emprende e Re-acciona. Neste episodio achegamos as claves de cada un deles e ademais facemos un repaso por outras cuestións de actualidade, como por exemplo, as axudas para a mellora dos parques empresariais ou a posta en marcha dos novos espazos coworking.

    7 min

  3. 01/17/2022

    ABERTA a convocatoria do programa Re-acciona: o camiño para impulsar a dixitalización, a innovación, a profesionalización e a estratexia dos negocios galegos

    É momento de bos propósitos. Estamos a piques de rematar un ano complicado, pero da man de axuda externa, o teu negocio pode saír reforzado. Ese é o principal obxectivo da axuda que che ofrecen o Igape, Gain e Amtega a través da cuarta convocatoria do programa Re-acciona, que está aberta ata o 28 de xaneiro de 2022. Este programa conta co cofinanciamento da Unión Europea a través do Fondo Europeo de Desenvolvemento Rexional (FEDER). A dixitalización, a innovación, a profesionalización ou a estratexia, cal é a túa necesidade? Podes elixir entre 15 servizos diferentes que lle axudarán ao teu negocio a seguir adiante. Concretamente, esa oferta de servizos agrúpase en 4 grandes eixos de competitividade: -Desenvolvemento estratéxico, no que se inclúen varios servizos para que as empresas teñan á súa disposición varias asistencias para analizar a súa posición inicial e definir os pasos de mellora que deben de seguir. -Profesionalización. Neste caso, as pemes descubrirán como optimizar a súa estrutura financeira ou a cadea de produción. Por outra parte, as empresas disporán de servizos para acometer relanzamentos comerciais ou para implementar novos modelos de xestión. -Dixitalización, que permitirá definir unha estratexia dixital, traballar o marketing de contidos ou a ciberseguridade. -Innovación, que axudará ás pemes a implantar novas metodoloxías de deseño estratéxico; o que se traducirá no desenvolvemento de novos procesos de negocio. Os detalles, en reacciona.igape.es. As dúbidas, atendémolas no 981 93 93 93.

    9 min

  4. 12/01/2021

    Que axudas pode pedir a miña empresa antes de rematar o 2021?

    Os detalles das axudas do Igape están dispoñibles en:  www.igape.es Debes dirixirte ao apartado BASE XERAL DE AXUDAS, á esquerda da túa pantalla. Neste episodio tamén repasamos outras cuestións de actualidade, entre elas, os apoios da Xunta a comerciantes e obradoiros artesanais para que poidan modernizar os seus negocios.

    6 min

  5. 06/30/2021

    Como melloro a miña estratexia comercial?

    Xerar novas oportunidades comerciais para o noso negocio. Ese é un dos obxectivos que de seguro tes no teu día a día. Neste novo episodio repasamos algunhas claves para impactar no mercado. Benvidos e benvidas ao podcast do Igape Responde. Cando falamos de estratexia comercial, un dos aspectos fundamentais para ter éxito é coñecer moi ben aos nosos potenciais clientes. Entendelos, saber cales son as súas problemáticas e as súas necesidades. Raquel Maquieira é unha das persoas expertas do Igape Responde. CORTE ESTRATEXIA Outro elemento importante a ter en conta no noso proceso de vendas, é saber adaptar a nosa mensaxe a cada unha das persoas de contacto. CORTE DIFERENZA DIRECTORES No medio da estratexia comercial, lograr a satisfacción dun cliente é fundamental. Con todo, o seguinte paso vai ser o da fidelización. Hai marcas que souberon poñer en marcha unha unha estratexia maxistral neste sentido. É o caso de Apple, por exemplo. Como conseguiu que os seus clientes sexa sempre fieis? Pois ofrecendo un valor diferencial. Así no-lo explica Raquel Maquieira. CORTE FIDELIDADE A nosa páxina web é outro dos puntos clave da estratexia comercial. Pero moito ollo, non chega só con termos un escaparate na internet. Debemos ofrecer información moi clara da nosa actividade e tamén é moi recomendable contar cunha sección na que se recollan cales son os nosos clientes. CLAVES WEB O mailing é outro dos puntos sobre os que debe pivotar a nosa estratexia comercial. Cada vez que fagamos un envío, debemos dar resposta á problemática do noso pontencial cliente. EXEMPLO MAILING Por outra parte, para unha boa estratexia comercial é fundamental que os departamentos falen entre eles. Parece unha obviedade pero non sempre sucede. Se queres ampliar información sobre como mellorar a túa estratexia comercial, convidámoste a accer á canle de YouTube Igape Responde. Ahí está publicado o webinario Como xero leads a través do teléfono, do correo e de Linkedin? No que ofrecemos máis claves para o éxito da túa estratexia comercial. Ata aquí o novo episodio do podcast do Igape Responde.  Moitas gracias por escoitarnos.

    8 min

  6. 06/23/2021

    Que é o máis destacado da Lei do Teletraballo?

    Un novo xeito de traballar, que supuxo esa apertura ao exterior do noso fogar convertido a marchas forzadas en oficina. É un dos cambios que trouxo o consigo a pandemia. Tanto é así, que dende outubro de 2020 contamos cunha Lei do Teletraballo, ou o Real Decreto Lei 28/2020. Un texto lexistativo que establece que o 30% da nosa xornada debe ser na modalidade do traballo a distancia. Benvidos e benvidas a un novo podcast do Igape Responde. Como debe ser o teletraballo neste tempo excepcional? Ten que ser opcional. Ademais a empresa está obrigada a compensar os gastos ou debe aportarnos os medios, os equipos e as ferramentas de traballo que precisemos. Polo que respecta ao horario, é algo que debe acordarse no convenio. Por outra parte, é necesario levar un control do tempo traballado, garantindo sempre o dereito á intimidade e á protección de datos. Outro dos aspectos máis importantes do teletraballo é a necesidade de establecer un espazo exclusivo na nosa casa. Así o explica Sandra Negreira, unha das persoas expertas do Igape Responde. CORTE Tamén é recomendable que aínda que esteamos na nosa casa, nos vistamos como se fosemos ir á oficina e que sexamos consistentes coas horas de traballo Con todo o teletraballo vén da man de certos riscos. Entre eles, o aillamento laboral. A tendencia a traballar en exceso e tamén a fatiga informática. CORTE Por todo isto é importante adicar tempo á desconexión, que malia que sempre foi necesaria, en momentos excepcionais coma este, cobra máis forza que nunca para coidar a nosa saúde. Logo de máis dun ano do primeiro confinamento, que queren os traballadores? Os últimos estudios amosan que os empregados queren ter a liberdade de definir as súas propias preferencias, xa sexa volvendo á oficina , traballando a distancia ou implantando un sistema de traballo híbido. Se queres coñecer máis detalles sobre como debe ser o teletraballo en tempos da covid-19 convidámoste a que visites a nosa canle de YouTube. Nese espazo están publicados todos semirarios virtuais que celebramos ao longo destes últimos meses. Un deles é precisamente o webiarno do ámbito de persoas no que detallamos a xestión da xornada laboral. Ata aquí un novo episodio do podcast Igape Responde. Moitas grazas por escoitarnos.

    8 min

  7. 06/10/2021

    Ciberseguridade: claves para protexer o meu negocio na era dixital

    As empresas adoitan pensar na ciberseguridade como se fose un gasto. Pero a realidade é que debe formar parte do negocio, e sen ciberseguriade, de pouco nos serve ter un e-commerce. Por que? Pois porque se sufrimos un ataque, ademais de expoñer a información dos meus clientes, tamén imos sufrir directamente na nosa empresa as consencuencias. Hai que ter en conta que dun tempo a esta parte, os ataques están máis profesionalizados. É dicir, hai organizacións que se adican a delinquir neste ámbito. Por iso, é moi importante adoptar que o tecido empresarial adopte decisións nese sentido. Especialmente, no contexto actual, no que o teletraballo forma parte do día a día Esta situación fai que se multipliquen os riscos. Así no-lo explica Juan Lemos, que forma parte do Igape Responde. Ciberseguridade teletraballo Ben é certo que é imposible falar de cibeseguridade ao cento por cento. Pero con pouco investimento, si é posible acadar un nivel de ciberseguridade bastante elevado. A ciberseguridade implica tempo, gasto e tamén cambios de hábitos. Polo tanto, para evitar posibles ataques, a grandes rasgos, que aspectos debo ter en conta na miña empresa? Ciberseguridade aspectos en conta Outras boas prácticas que aconsellamos ter en conta son evitar o uso do noso enderezo electrónico do noso traballo para darnos de alta en determinadas páxinas web e descnofiar sempre cada vez que alguén nos solicite algunha información da nosa empresa a través dun e-mail. Tamén é importante empregar contrasinais robustas. En que se traduce? Pois como mínimo, esa clave de acceso debe ter 10 caracteres. Incluso botar man de frases que poidamos lembrar. De novo, Juan Lemos, do Igape Responde. Ciberseguridade contrasinal Son algunhas das claves básicas de ciberseguridade que queríamos achegarte para que teñas en conta na túa empresa. Pero lembra que a través do programa de asesoramento gratuíto do Igape Responde podes solicitar apoio neste asunto. Só tes que pedilo no apartado SOLICITAR da nosa web, responde.igape.es. Ademais o programa Re-acciona, cofinanciado pola Unión Europea, inclúe un servizo centrado na ciberseguridade. Axiña informaremos do lanzamento da próxima convocatoria do programa. Se queres estar ao día convidámoste a que botes un ollo á web reacciona.igape.es. E ata aquí este novo episodio do podcast do Igape Responde. Moitas grazas pola escoita.

    7 min

  8. 05/31/2021

    Como posicionar a miña web en buscadores?

    Coñecer ben o funcionamento de Google para garantir que a nosa web apareza nos primeiros resultados. De seguro que ese é un dos obxectivos do teu negocio. A través deste episodio do podcast do Igape Responde, ofrecémosche algunhas claves. Benvidos e benvidas. Google encargase de rastrexar as páxinas webs e ordear todos eses espazos en base ao seu contido. O seguinte paso que realiza é a indexación, que consiste en incorporar todo iso a unha base de datos. E se non non logramos estar indexados, nunca imos sair nunha busca. Que debes facer? Pois garantir que todas as URL estean presentes na Google para aparecer nas búsquedas, ter menús con poucos niveis de xerarquía ou cunha web que cargue rápido, entre outros aspectos. É moi importante garantir que en toda a túa páxina web haxa contido que lle deixa claro a Google a que te dedicas. E polo tanto, deixarlle claro porque palabras clave vas ter relevancia no buscador. José Alcañiz forma parte do ámbito de Operacións do Igape Responde e explícanos como facer. ALCAÑIZ CONTIDO En definitiva, temos que garantir que todo o contido da nosa web xira ao redor da nosa actividade. OPTIMIZAR TEXTO Se necesitas asesoramento, sen custe, neste aspecto, ti tamén podes ser un dos negocios que o reciba. O procedemento é moi sinxelo. Só tes que realizar a solicitude na nosa web, responde.igape.es. No apartado SOLICITAR, cubrir ese formulario e en pouco tempo poñémonos en contacto contigo. Mentres ten presente que debes traballar con sinónimos, buscar varias palabras que se refiran á túa actividade. SINONIMOS Máis alá de dispoñer do teu listado de palabras clave, tamén debes localizar aos teus competidores e analizalos para ter unha comparación coa túa web. En calquera caso, o equipo de expertos do Igape Responde pode ofrecerche o asesoramento que necesitas e sen ningún custe. :::::::: A través deste programa posto en marcha pola Xunta, tamén ofrecemos apoio para atallar os erros máis comúns que adoitan cometer as empresas; como por exemplo, o feito de contar cun organigrama que conleva unha estrutura, que nos leva a organizacións lentas e que non haxa crecemento exponencial. Así no-lo explica Javier Rivas, do ámbito de persoas do Igape Responde. JAVIER RIVAS Cal é o erro que estás cometendo no teu negocio e che impide avanzar? Contanos a túa necesidade no apartado de SOLICITAR da web Igape Responde e poñemos en marcha o asesirament’ gratuito. Ata aquí este episodio no noso podcast. Grazas por escoitarnos.

    8 min
See All (14)

About

O Instituto Galego de Promoción Económica (Igape) é a axencia, adscrita á Vicepresidencia segunda e Consellería de Economía, Empresa e Innovación, para o desenvolvemento económico de Galicia. A misión do Igape é a de apoiar todas as actividades que contribúan a mellorar o sistema produtivo galego, facilitando os procesos de creación, consolidación e crecemento empresarial.

Information