Juxtu-juxtu

GUAU | EITB Audio
  • 0.0 (0)
  • Society & Culture
  • Updated Semiweekly

"Juxtu-juxtu" gazteei zuzendutako podcasta da, egunerokoan lagungarri izan daitezkeen aholku praktikoak eta baliabide erabilgarriak eskaintzeko sortua. Janire Atxurraren eskutik, dirua aurrezteko, aukerak aprobetxatzeko eta eguneroko erronkei errazago aurre egiteko trikimailuak ezagutuko dituzte entzuleek. Umorea, gertutasuna eta Janireren bizipen bitxiak bidelagun, gazteen kezka eta egoera arruntak izango ditu hizpide saioak, informazio erabilgarria modu arin, fresko eta entretenigarrian eskainiz.On Timek ekoitzi du EITB Mediarentzat.

Episodes

  1. Jul 29

    Gaztea zara eta uda da

    “Verano Joven” programari esker, udan merke-merke bidaiatzeko aukera izaten dute 18-30 urte bitarteko gazteek. Janireren lagun batek, esaterako, 10 euroren truke egin du joan-etorria Madrilera autobusez, eta Donostiatik Bilbora 2 euro ordainduta. Treneko bidaiak ere sartzen dira programa honetan, eta uztailetik irailera da baliagarria.

    Gaztea zara eta uda da

  2. Jul 16

    Irakurri

    Zaletasun ederra da irakurtzea, berez. Baina diruz juxtu gabiltzanean, irakurketak beste mundu batzuetara bidaiatzeko aukera ematen du, abenturak bizi, gauza berriak ikasi … eta batez ere merke!Online zerbitzua eskaintzen du e-liburutegiak. Era berean, debalde da liburutegi publikoen sarea, eta liburu-trukea egiteko lekuak ere badaude. Beraz, Juxtu-juxtu zabiltzala esatea ez da aitzakia irakurtzeko.Irakurri eta gozatuko duzu!

    Irakurri

  3. Jul 13

    Kuadrillan botea jartzea

    Kuadrilletan, lagunartean, zein bikoteen artean, batzuetan gorabeherak sortzen dira ordaintzerako orduan. Poteorako, asteburu pasa joandakoan zein afari baterako botea jartzerakoan arazoak sortu ohi dira: batzuek alkohola edaten dute, besteek ura nahiago. Komeriak izaten dira ordaintzeko unean, eta batzuetan izaten da botea jartzerakoan “galdu” egiten denik ere.Horrelako haserreak edo gaizki ulertuak ekiditeko badira hainbat aplikazio, adibidez: Tricount.

    Kuadrillan botea jartzea

  4. Jul 9

    Gurasoen etxetik irteteko laguntzak

    Gurasoen etxetik irtetea ez da erraza gazte askorentzat; merkatuan dauden etxebizitzak garesti, eta soldatak askotan ez dira maila horretara iristen. Hori dela eta, gazteen emantzipazioa errazteko badira hainbat laguntza. Horien artean berri samarra Eusko Jaurlaritzaren “Emantzipa” izeneko programa: Euskadiko gazteek etxetik alde egiteko laguntza eskaintzen duena.“Emantzipa” zer den azaldu du Janirek, eta bere bizipenak ere tartekatu ditu, 17 urterekin irten baitzen gurasoen etxetik.

    Gurasoen etxetik irteteko laguntzak

  5. Jul 6

    Lan bila sarean

    Aurreko batean curriculuma egiten ikasi genuen Janirerekin, baina egitea ez da nahikoa, lana ez baita zerutik jaisten.Janirek esperientzia handia du sarean lanak topatzen eta gaur bere gustuko plataformak aipatu dizkigu: Infojobs, Linkedin eta azken boladan gustatu zaion Indeed.CVa igo, formularioak bete, bakoitzaren baldintzak ongi ipini… eta lana topa daitekeela erakutsi digu Janire aholkulariak. Hori guztia “Juxtu-juxtu” bideopodcastean.

    Lan bila sarean

  6. Jul 2

    Garraio txartelak

    Garraio txartelekin sekulako drama izaten du Janirek. Sarri galdu egiten ditu, eta 3 euro ordaindu behar izaten ditu berria eskatzerako orduan. Horregatik, telefonoan noiz jarriko ote dituzten zain d**o.Nolanahi ere, EAEn dauzkagun hirurak errepasatu ditu: Barik, Mugi eta Bat. Batzuen eta besteen arteko abantailak xehetu ditu, non eta noiz erabil daitezkeen azalduz.Garraio txartelekin aurreztu… juxtu-juxtu!

    Garraio txartelak

  7. Jun 29

    Sukaldean antolatu

    Janirek behin baino gehiagotan egin izan ditu jateko erosketak konpultsiboki eta gustatzen zaiona momentuan erosi. Ezinbestekoa da erosketak, sukaldea eta hozkailua behar bezala antolatzea. Zenbat jaki iraungitzen edo kadukatzen zaizkigu eta azkenean zakarretara bota behar!! Sukaldatu ere aste guztirako egitea komeni horrela bi helburu lortzen ditugulako: batetik denbora aurreztu, eta antsietatea ekidin, hozkailuan zer jan badaukagulako. Astea ongi antolatu, osasuntsuago jan eta denbora eta dirua aurreztu…”Juxtu-juxtu”!!

    Sukaldean antolatu

  8. Jun 25

    Erosketak

    Janirek 17 urterekin alde egin zuen etxetik, beraz urteak daramatza erosketak berak egiten. Hori bai, noiz edo noiz, gurasoenean ere egiten ditu!Atal honetan hainbat tip emango dizkigu, erosketa ongi pentsatu eta merkeago egin ahal izateko. Esate baterako: azken prezioari begiratu ordez kiloko prezioa zein den erreparatu, erosketak egitera azken orduan joan, behin baino gehiagotan eskaintzak egiten dituztelako, etabar…Egin erosketak pentsatuz eta aurreztuz… hauxe da ”Juxtu-juxtu”!

    Erosketak

  9. Jun 22

    Ai ene, txartela!

    Janire Atxurra nahiko despistatua da eta Gazte-txartela 23 urterekin atera zuen. Zinemara joateko bakarrik erabiltzen zuen. Baina, orain, penatuta d**o, ikusi baitu askoz ere gauza gehiagotarako balio duela txartel horrek. Adibidez, dentistarenean erabil daiteke.Nola atera eta zein arlotan erabil daitekeen aztertuko du atal honetan.Erabili eta aurreztu, "Juxtu-juxtu" gabiltza eta!!

    Ai ene, txartela!

  10. Jun 18

    Interesak erosketak egiterakoan

    Uneoro eta nonahi publizitatea iristen zaigu zerbait erosteko proposamena eginez. Kamera bat dela, ordenadorea, sakeleko telefonoa, edo arropa hilean %10,12 edo 15eko interesak ordainduz erosi ahal dira. Baina, gutxi iruditu arren, azkenean zenbat ordaintzen dugu? Zer dira eskaintza horietan azaltzen diren TIN, TAE eta horrelakoak?...Erne ibili behar da, zeren, azkenean, hilero gutxiago baina amaieran askoz ere gehiago ordaintzen dugu!“Juxtu-juxtu” podcastean, ez dirurik alferrik xahutu!!

  11. Jun 12

    Janire, lan bila

    Janire lan barik geratu da. Gauzak horrela, bere egoeran zer egin aholkatuko digu: Lanbiden izena eman, hitzordua eskatu, zer paper behar diren eta zer aukera eskaintzen dituen azaldu. Aholku horiek guztiak, betiko anekdota xelebreekin tartekatuz.Janire Atxurrari, "Juxtu-juxtu" aholkularitza sortzea okurritu zaio, bere egoeran dauden gazteei lagundu eta sosak aurrezteko tip-ak emateko.Abian da “Juxtu-juxtu”.

    Janire, lan bila

  12. Jun 8

    "Juxtu-juxtu", Janire Atxurraren aholkularitza zerbitzua

    "Juxtu-juxtu" gazteei aholku praktiko eta erabilgarriak ematera datorren podcasta da. Janire Atxurra aholkulariak hainbat trikimailu emango ditu ahalik eta diru gutxien gastatu, edo eguneroko ekonomian aurrera egin ahal izateko. Umorea galdu barik, eta Janireren esperientzia xelebreak tartean direla, eguneroko bizitzarako gomendioak ematen dituen podcasta.On Timek ekoiztua EITB Mediaren eskariz.

    "Juxtu-juxtu", Janire Atxurraren aholkularitza zerbitzua
  • 12 Episodes

About

"Juxtu-juxtu" gazteei zuzendutako podcasta da, egunerokoan lagungarri izan daitezkeen aholku praktikoak eta baliabide erabilgarriak eskaintzeko sortua. Janire Atxurraren eskutik, dirua aurrezteko, aukerak aprobetxatzeko eta eguneroko erronkei errazago aurre egiteko trikimailuak ezagutuko dituzte entzuleek. Umorea, gertutasuna eta Janireren bizipen bitxiak bidelagun, gazteen kezka eta egoera arruntak izango ditu hizpide saioak, informazio erabilgarria modu arin, fresko eta entretenigarrian eskainiz.On Timek ekoitzi du EITB Mediarentzat.

Information

  • Creator
    GUAU | EITB Audio
  • Years Active
    2026
  • Episodes
    12
  • Rating
    Clean
  • Copyright
    © 2026 EITB Media
  • Show Website
    Juxtu-juxtu