Klaketa

EITB Radio Televisión Pública Vasca

0.0 (0)
SOCIETY & CULTURE
UPDATED WEEKLY

Gaizka Izagirre zinema eta telesail kritikariak gidatutako podcasta da "Klaketa". Euskal ikus-entzunezkoak ditu ardatz, eta atal bakoitzean film edota telesail bat da hizpidea. Bertan lan egindako protagonista bat gonbidatzen dugu, izan aktore, zuzendari, makilatzaile, produktore, gidoilari...Elkarrizketatua sakonago ezagutzeko aukera duzu, bere ibilbidea, eta aukeratutako filmaren bitxikeriak edota anekdotak.

MAR 17

9. Film klasiko zaharberrituak, Ion Lopez Euskadiko Filmategiko kontserbazio zuzendaria

Tabakalerako egoitzan errotuta dagoen Euskadiko Filmategian gordetzen dira Euskal zinemagintzako emari ugari. Zinta zaharretatik hasi eta egungoetaraino. 2026ko Zinemaldian, film horietako batzuk zaharberritu eta berriro eskaini dituzte. Lan zehatz horretaz, eta Euskal Herriko zinema ondareari orokorrean eskaintzen dion zerbitzuaz aritu da Gaizka Izagirre Ion Lopez, Filmategiko kontserbazio zuzendariarekin “Klaketa” podcastaren atal honetan.

29 min
MAR 10

8. "Itoiz, udako sesioak", Larraitz Zuazo zuzendaria

“Itoiz. Udako sesioak” film dokumentala ez da ohiko biopic-a. Zuri Goikoetxeak, Ainhoa Andrakak eta Larraitz Zuazok idatzi eta zuzendutako lan horretan, sormena eta zirrara gailentzen dira beste ezeren gainetik. Jakina, 1978an sortu eta 80ko hamarkadan zehar Euskal musikaren parametroak aldatu zituen Ondarroako talde mitikoa du hizpide nagusia. Itoizen grabazio ezezagun batzuk topatzen dira ezustean eta Juan Carlos Perezi zinta haiek sortzen dizkioten gogoetarekin batera harilkatzen da dokumentala. Larraitz Zuazo zuzendariarekin lanaren nondik norakoak xehetuko ditu Gaizka Izagirrek “Klaketa” podcastaren atal honetan.

26 min
MAR 3

7. "Maspalomas", Graciela Doniz intimitate koordinatzailea

Moriartitarren “Maspalomas” filmak hautsak harrotu ditu euskal zinemagintzan. Besteak beste, luzaro beste erregistro batean ikusi dugun Jose Ramon Soroiz protagonistak, Aktore Onenaren saria jaso bait du Donostiako Zinemaldiaren 2025eko edizioan. Aktoreak berak nabarmendu zuen “intimitate koordinatzaileak” lana gorpuzteko eman zion laguntza. Ofizio berria da, baina beharrezkoa, eta egoera askotan baliatu beharrekoa, akzio zuzendariak edo argiztapen zuzendariak dauden bezala. Graciela Doniz, arlo horretan lanean ari da Estatuan esparru horretan lan egiten duen Intimacy enpresa bakarrean. Intimitate koordinatzaileen zereginak xehetu dizkio “Klaketa” podcastaren atal honetan Gaizka Izagirreri.

28 min
FEB 24

6. "Jone batzuetan", Ainhoa Artetxe aktorea

“Jone, batzuetan” Sara Fantovak zuzendutako filmari buruzko solasaldi interesgarria izan du Gaizka Izagirrek Ainhoa Artetxe aktorearekin “Klaketa” podcastaren atal honetan. Izan ere, Ainhoa aktorea ez ezik, Sara Fantovaren laguna ere bada eta parte aktiboa izan du filma egiteko beharrezkoa izan den zazpi urteko prozesu luzean. Filma ekoizteko, ekitaldi benetakoetan murgiltzeko aukera eta beharra izan dute eta horrek egiteko beste modu bat eskatu die, bide interesgarria eta, sarritan, Euskal Herrian ohikoa izaten dena.

24 min
FEB 17

5. "Gaua", Izaskun Urkijo arte zuzendaria

“Gaua” filmaren zuzendaria Paul Urkijo izan da, eta aldez aurretik fikziozko beste hainbat pelikula egin ditu. Ondoan beti izan du arreba, Izaskun Urkijo, arkitektura ikasketak egindakoa, eta afizioz zein ofizioz anaiaren eta beste zenbait zinemagileen filmetan arte zuzendari lanak egin dituena. “Gaua” filmean zehar erabilitako hainbat objektu ekarri dizkigu, eta filmaketaren inguruko xehetasun eta sekretutxoak ere kontatu ditu “Klaketa” podcastaren atal honetan.

29 min
FEB 10

4. "Karmele", Jone Lazpiur aktorea

Txomin Letamendi eta Karmele Urreztiren gertakariak biltzen ditu Asier Altunak zuzendutako “Karmele” filmak. Kirmen Uriberen “Elkarrekin esnatzeko ordua da” eleberrian oinarritutako filma da. Jone Laspiurrek gorpuzten du Karmeleren pertsonaia eta harekin mintzatu da Gaizka Izagirre "Klaketa" podcastaren atal honetan. Laspiurrek aktore bezala izan duen gorakadari errepasoa egin diote, bide batez.

26 min
FEB 3

3. “Maspalomas”, Jose Mari Goenaga zuzendaria eta gidoilaria

Oihartzun handia izan du hasieratik, Jose Mari Goenaga eta Aitor Arregi, Moriartitarrek, zuzendu duten “Maspalomas” filmak. Donostiako Zinemaldiaren 2025eko edizioan aurkeztu zenetik marka jarri du euskal zinemagintzan, SSIFFen ez ezik, besteak beste Feroz edo Goya sarietan eta beste hainbat jaialditan jasotako sari eta izendapenengatik. Zuzendaritza, gidoia, eta bereziki, Jose Ramon Soroiz aktore nagusiaren lanari egin zaio gorazarrea.“Maspalomas” filmak Goenagaren gidoia du oinarrian. Konfinamendu psikologiko eta fisikoaz ari da, ezabatutako identitateen inguruko hausnarketa sotil eta, aldi berean, sakonetik. Gaizka Izagirrerekin solastu da filma sortzeko prozesuaz “Klaketa” podcastaren atal honetan.

30 min
JAN 27

2. "Aro berria", Irati Gorostidi zuzendaria

“Tabakalera belaunaldia” izendatu ohi den zinegile multzoan kokatuta d**o Irati Gorostidi zinegile nafarra. Aurrez hainbat lan egin arren, “Aro berria” izan da bere lehen film luzea, eta deigarria da, opera prima izanik oso proposamen ausarta delako.80ko hamarkadan Ultzaman eratu zen Arco-Iris komunitatean oinarrituta d**o “Klaketa” podcastaren bigarren denboraldiko atal honetan aletzen dugun filma. Donostiako Zinemaldiaren 2025eko edizioan Zuzendari Berriak sailean aurkeztutako lanaren inguruko xehetasunak eman dizkio Gorostidik Gaizka Izagirreri.

27 min

Gaizka Izagirre zinema eta telesail kritikariak gidatutako podcasta da "Klaketa". Euskal ikus-entzunezkoak ditu ardatz, eta atal bakoitzean film edota telesail bat da hizpidea. Bertan lan egindako protagonista bat gonbidatzen dugu, izan aktore, zuzendari, makilatzaile, produktore, gidoilari...Elkarrizketatua sakonago ezagutzeko aukera duzu, bere ibilbidea, eta aukeratutako filmaren bitxikeriak edota anekdotak.

Creator

EITB Radio Televisión Pública Vasca
Years Active

2025 - 2026
Episodes

22
Rating

Clean
Copyright

© 2026 EITB Media
Show Website

Klaketa