39 episodes

Podkasti Libertas jep hapësirë ku mund të flitet lirshëm. Nga diskutimet për tema me ndikim në shoqëri, deri te rrëfimet frymëzuese nga personalitetet e ndryshme dhe bisedat për shëndetin mendor.

Libertas RFE/RL

    • News

Podkasti Libertas jep hapësirë ku mund të flitet lirshëm. Nga diskutimet për tema me ndikim në shoqëri, deri te rrëfimet frymëzuese nga personalitetet e ndryshme dhe bisedat për shëndetin mendor.

    Angazhimi i vullnetarëve për parandalimin e vetëvrasjeve

    Angazhimi i vullnetarëve për parandalimin e vetëvrasjeve

    Në këtë episod të podkastit Libertas flasim me koordinatoren e qendrës për parandalimin e vetëvrasjeve "Linja e Jetës", dhe me njërin nga 47 vullnetarët e saj. Përderisa Yllza Nikqi flet për mënyrën e funksionimit dhe sfidat, Art Lleshi ndan edhe përvoja personale të një periudhe të rënduar emocionale që ka kaluar, si dhe rrëfen për angazhimin e tij për t’i ndihmuar të tjerët që mund të jenë duke u përballur me momente të vështira. (Realizimi: Rrahman Osmani; Post-produksioni: Mahir Elshani; Producent ekzekutiv: Shkelqim Hysenaj)

    • 29 min
    Çfarë është ADHD dhe si ta trajtojmë atë?

    Çfarë është ADHD dhe si ta trajtojmë atë?

    Në këtë episod të podkastit Libertas flasim rreth çrregullimit të mungesës së vëmendjes dhe të hiperaktivitetit, që ndryshe njihet si ADHD. Psikologu klinik, Visar Sadiku, flet për tipat dhe nëntipat e këtij çrregullimi neurologjik, për efektin që ka ai në të gjitha moshat, dhe për mënyrat e duhura për t’i menaxhuar simptomat. Psikologu Sadiku flet për dallimet që ky çrregullim ka te fëmijët dhe të rriturit, duke ofruar këshilla rreth aktiviteteve që ndihmojnë në uljen e intensitetit të simptomave. (Realizimi: Rrahman Osmani; Post-produksioni: Mahir Elshani; Producent ekzekutiv: Shkelqim Hysenaj)

    • 38 min
    Dritëhijet mbi narcizmin

    Dritëhijet mbi narcizmin

    Kësaj radhe në podkastin Libertas, me psikologen klinike, Jeta Deva, diskutojmë për çrregullimin narcistik të personalitetit. Në këtë episod mund të informoheni më shumë lidhur me shenjat dalluese, parandalimin dhe mënyrat e trajtimit për të menaxhuar një çrregullim të tillë. Sipas Devës, ndër karakteristikat më të theksuara te personat me çrregullim narcistik është mungesa e ndjeshmërisë ndaj personave të tjerë dhe mungesa e vetëbesimit. Në këtë kontekst, ajo shton se në mënyrë që të mbahen raporte të shëndosha, është shumë i rëndësishëm caktimi i kufijve të qartë nga ana e familjarëve, shoqërisë apo atyre që kanë raporte tjera me individë me çrregullim narcistik. (Realizimi: Rrahman Osmani; Post-produksioni: Mahir Elshani; Producent ekzekutiv: Shkelqim Hysenaj)

    • 27 min
    "Nuk është turp të kërkosh ndihmë"

    "Nuk është turp të kërkosh ndihmë"

    Në këtë episod të podkastit Libertas, Albert Selimi rrëfen luftën e tij me ankthin dhe tejkalimin e tij. Në një bisedë intime, ai flet për përvoja të rënda emocionale gjatë rritjes, përfshirë bullizimin nga fëmijët e tjerë. “Vizita e parë ka qenë e gjitha me lot, nuk dija nga t’ia nisja”, thotë Alberti teksa kujton momentin kur vendosi të trajtohej te psikiatri. Sot, kur e ka kaluar këtë sfidë dhe është fokusuar në realizimin e ëndrrës, botimin e një libri për fëmijë, ai u jep kurajë atyre që po përballen me situatë të njëjtë të mos heqin dorë nga trajtimi, teksa i quan “luftëtarë”. (Realizimi: Rrahman Osmani; Post-produksioni: Mahir Elshani; Producent ekzekutiv: Shkelqim Hysenaj)

    • 39 min
    Trauma pas vdekjes së djalit dhe rruga drejt shërimit

    Trauma pas vdekjes së djalit dhe rruga drejt shërimit

    Miliona njerëz në botë përballen me stresin post-traumatik, që është një gjendje që zakonisht shfaqet te njerëzit që përjetojnë ose kanë qenë dëshmitarë të një ngjarjeje traumatike. Në këtë episod të podkastit Libertas ku trajtojmë rëndësinë e shëndetit mendor, Vesa Haxhikadriu, rrëfen momentet kur gjendja e saj mentale u keqësua si pasojë e vdekjes së djalit të saj, Yllit. Ndërsa psikologu klinik, Visar Sadiku, flet për simptomat, pasojat dhe trajtimin e stresit post-traumatik. (Realizimi: Rrahman Osmani; Post-produksioni: Mahir Elshani; Producent ekzekutiv: Shkelqim Hysenaj)

    • 36 min
    Nga errësira në dritë: Mënyrat për tejkalimin e depresionit

    Nga errësira në dritë: Mënyrat për tejkalimin e depresionit

    Depresioni, çrregullim nga i cili vuajnë qindra miliona njerëz në botë, përcillet me shenja të dallueshme në sjellje, mungesë ndërveprimi me të tjerët dhe me shkëputje nga aktivitetet. Përtej paragjykimeve, depresioni trajtohet dhe ka një përqindje të lartë të suksesit në trajtim. Në episodin e dytë të sezonit të ri të podkastit Libertas, ku trajtojmë shëndetin mendor, flasim me psikologun Visar Sadiku lidhur me simptomat, karakteristikat e depresionit dhe metodat e trajtimit. (Realizimi: Rrahman Osmani; Post-produksioni: Mahir Elshani; Producent ekzekutiv: Shkelqim Hysenaj)

    • 41 min

Top Podcasts In News

Serial
Serial Productions & The New York Times
The Daily
The New York Times
Up First
NPR
The Tucker Carlson Podcast
Tucker Carlson Network
The Ben Shapiro Show
The Daily Wire
Pod Save America
Crooked Media