Lore Hostoak

EITB Radio Televisión Pública Vasca

Ekain Perezek musika egileak eta sortzaileak hostokatzen ditu podcast honetan. Berauen sorkuntza prozesuak, moduak eta musika gustuak hobeto ezagutu ahal izango dituzu atalez atal.

  1. 114. Mateo Zikuta, “Haize berriak txertatzearen izenean denak ez du balio”

    ١٣ مايو

    114. Mateo Zikuta, “Haize berriak txertatzearen izenean denak ez du balio”

    Igitaia eta mailuaren indarraz eginiko rap musikaren erritmo, melodia eta mezuetan barrena murgilduko gara Martin Ziarrustaren (Gasteiz,1999) testuingurua ezagutzeko asmoz.Ziakhus moduan eman zen ezagutzera eta Dürum Solo Karne edo Ekida bezalako proiektu nahiz ekimenetan parta hartu ostean, Mateo Zikuta izenpean aurkeztu zaigu El Garto beatmakerr-aren laguntzaz aurkeztutako “Ketura Operazioa” LP edo lan luzearekin. Lan hau konfirmazio moduko bat da, izen, mezu eta soinu sendoagoz geratzeko datorrela baieztatzen duen lana.Ekain Perezek gidatutako Lore Hostoak podcastaren atal honetan Mateo Zikutaren soinu nahiz ideien iruditegia ezagutuko dugu.Mateo Zikuta & El Garto – Iltzeak eta belarrak (Ketura Operazioa // 2026)Mateo Zikuta & El Garto – Misilen Zai (Ketura Operazioa // 2026)Pikutara - Gudarien Eguna (88-91 maketa // 1991)2zio - Epaile Jauna (Pausuz pausu // 2013)Arrano Pertxa eta Lengu Iluna – Basque Life Thug Life (Jaungoikoa, dirua eta erritmo zaharra // 2018)Rodeo – Norabidea (EHko TPGNSozialistaren abestia// 2021)MATEO ZIKUTA, Caliè - Aresti bars (Bigarrenez Aresti etorkizunaren aurrean // 2025)Mateo Zikuta & El Garto – Flow Torreta (feat. Calié) (Ketura Operazioa // 2026)Enbor – Ekaitzak (Enbor // 1979)Mateo Zikuta & El Garto – Putreak Inguruan (Ketura Operazioa // 2026)Chill Mafia – Bedeinkatua (2021)Erre Q R - Omenaldi feat. Buru Arin (Bidezidorrak // 2025)Mateo Zikuta & El Garto – Furgonetan (Ketura Operazioa // 2026)

    ١ س ٤٠ د
  2. 110. Gotzon Barandiaran: “Labirintoan sartzea gustatzen zait, zein hitzek igurtzi, besarkatu, jipoitu elkar”

    ١٤ يناير

    110. Gotzon Barandiaran: “Labirintoan sartzea gustatzen zait, zein hitzek igurtzi, besarkatu, jipoitu elkar”

    Zer dira ba hitza eta doinua, poesia eta musika, galbahe emozional edo identitario ez badira. Zer gara gu, guk iragazi ez badugu izan nahi dugun hori? Edo niak iragazten ez badu izan nahi ez dudana? Hitzen esan nahien labirinto horretan murgildu da Gotzon Barandiaran (Larrabetzu,1974) idazle, poeta, musikari edo kultur ekintzaile gisa bere arrastoa utzi duena. Izan ere, zer utzi, zer eman, zer hartu erabakiz idatzi du “Galbahea” poema liburua, hitzak kantu eta kantuak hitz izateko bidegurutze lauso horretan Galbahe taldea sortu eta 11 kantuz osaturiko diskoarekin borobilduz. Ez da lehen aldia gisa horretako abentura batean ikusi duguna, gehienok Katamalo proiektu zoragarriaren baitan oroituko baituzue.Atzerako begirada hori baliatuz, Barandiaranen galbahean geratutako petalo musikalak bildu eta entzungo ditugu Ekain Perezek gidatutako "Lore Hostoak" podcastaren atal honetan.Playlista:• Galbahe - Txoritxu txilibitaria / Belatzarekin (Galbahea – 2025)• Galbahe - Bakean Elkarbizitzerik (Galbahea – 2025)• Ruper Ordorika – Lagun Erratuena (Kantuok jartzen ditut // 2003)• Gorka Urbizu – Janela Bat (Hasiera Bat // 2024)• Xabier Zeberio – Pause (Pause // 2023)• Anari – Txikizio Hau Dena (2025)• Katamalo – Ez Dezala Mikrofonoak Agindu (Poema) (Bihotz Bakartien Kluba // 2007)• Galbahe - Aylan (Galbahea – 2025)• Bide Ertzean – Zenbat Aldiz (77 // 2013)• Tapia eta Leturia – Wafa (Hain Zuzen // 2002)• Maurizia, Leon eta Basilio – Jotea (Alboka Eta Trikitixa // 1998)• Anonyme Popular - Jaio Orduko (2022)• Galbahe - Wafa (Galbahea – 2025)

    ٢ س ١٢ د
  3. 108. Balerdi Balerdi, Toño Muro: “Giro eskasa zegoen Iruñean, euskarazko gauza gutxi”

    ١٢‏/١١‏/٢٠٢٥

    108. Balerdi Balerdi, Toño Muro: “Giro eskasa zegoen Iruñean, euskarazko gauza gutxi”

    Euskal Power Pop-aren aitajaunetako bat da Toño Muro. Iruñean, 90eko hamarkadan Balerdi Balerdi taldea sortu zuen Sergio Ibarrola “Zara”, Marino Goñi, Patxi Goñi eta Blanka Izkueren alboan. 2012tik aurrera bigarren bizitza edo agerraldi bat ere izan zuen proiektuak, Muro eta “Zara”ren albora lehenik Karlos Ortiz eta honen ondotik Petti eta Anxel Iraola batuz. Merkatuaren ikuspegitik begiratuta, euren aitortza kuantitatiboa baino kualitatiboa izan dela esan genezake. Eta horrela, melodia itsaskorrak testu adimentsu eta ironikoekin uztartzeko gaitasunaz, euskal pop rock-aren kultur talde maitatu eta errespetatuenak bilakatu dira, ondorengo belaunaldientzat ezinbesteko erreferentzia izanik.Ekain Perezek gidatutako “Lore Hostoak” podcastaren atal honetan Toño Muroren unibertso edo kantu lorategian murgilduko gara.Playlista:• Balerdi Balerdi – Non Duzu Zauria (Ez Gara Galdu // 1994)• Balerdi Balerdi – Lore Etxea (Balerdi Balerdi // 1991)• Errobi – Nora Goaz (Errobi // 1975)• Jotakie – Beti Berdin (Zurt!!! // 1986)• Ruper Ordorika – Ene Herrian (Ez Da Posible // 1990)• Lau Behi – Hegan Egin Nahi Dut (Lau Behi / 1995)• Balerdi Balerdi – Letrak Zeruan (Hobe behin gorri ezenez beti hori // 1997)• Balerdi Balerdi – Amaitzear da dantza garaia (Galtzen ikasteko metodoa // 2017)• The Uski’s – Zelan (Barikun // 2007)• Txuma Murugarren & Angel Unzu – Fortuna Bakoak (14 abesti eta hamahiru istorio txiki // 2013)• Hiuzz – Mamuak (Esperoan // 2025)• Balerdi Balerdi – Azken Kanta (Udaberri Alua // 2023)

    ١ س ٢٦ د
  4. 107. Autobus Magikoa, Gotzon Retegi: “Badakit mikrofono batek zenbat eragin dezakeen”

    ١٥‏/١٠‏/٢٠٢٥

    107. Autobus Magikoa, Gotzon Retegi: “Badakit mikrofono batek zenbat eragin dezakeen”

    2015ean Autobus Magikoa sortutakoan, ez zuten pentsatu ere egingo hamar urte beranduago gertatuko zena. Oiartzuarrek “Hatortxu Rock”eko kontzertua iragarritakoan lehertu zen dena eta urte askoan isilpean, ezkutaturik, egon ostean taldearen disko bakarra den 2017ko “Musker” laneko abestiek bizitza eta bide propioa egin zuten pandemia garaiko geldialdiaren ostean. Boskotearen 10. urteurrena ospatzeko itzuleraren azken geltokia, 2015eko lehen kontzertua gauzatu zen leku berean izan zen, Oiartzungo Ugaldetxo auzoko festetan, nolabait hamarkada bat atzerago sortutako zirkulua itxiz. Bertan, Euskal Herri osotik etorritako lau mila pertsona inguru bildu ziren auzo txiki bateko jaietan, reggae, rap, rock eta umore onaren giroan.Ekain Perezek gidatutako “Lore Hostoak” podcastaren atal honetan Gotzon Retegi (Musker) abeslaria hostokatu du.Playlista:• Autobus Magikoa – Alde (Musker // 2017)• Autobus Magikoa (ETBko Telesailaren Openinga)• Julen Lekuona - Itsasoan Urak Handi Dire (Zuzenean / 1968)• Imanol Urbieta - Behin Betiko (Nire ibilbide pedagogikoa // 2009)• Berri Txarrak - Denak ez du balio (Libre // 2003)• Glaukoma Ta Bad Sound – Batak Bestetik (Sua zaintzen // 2015)• Autobus Magikoa – Pozaren Gailurra (Musker // 2017)• Autobus Magikoa – Denbora (Musker // 2017)• Bizardunak - Shane MacGowan’s Basque Paddys (Bizardunak // 2009)• Txiltxoko - Amaren negarra (Txiltxoko Acustic // 2018)• Uzi Cuzy - 1000skrt (2022)• Autobus Magikoa – Zu Zara (Musker // 2017)

    ١ س ٢٦ د

حول

Ekain Perezek musika egileak eta sortzaileak hostokatzen ditu podcast honetan. Berauen sorkuntza prozesuak, moduak eta musika gustuak hobeto ezagutu ahal izango dituzu atalez atal.

قد يعجبك أيضًا