N'ayuri

El Comercio

0.0 (0)
SOCIETY & CULTURE

N'ayuri

N’ayuri ye una serie d’entrevistes en formatu podcast que se faen n’asturianu. Pablo Antón Marín Estrada, escritor y un de los másimos esponentes del movimientu asturianista, ye el presentador, gran conocedor de la llingua y la cultura asturiana, plantea les entrevistes como una conversación natural y relaxada, onde los entrevistaos faen un repasu pola so obra y la so apuesta pola llingua asturiana

07/23/2024

"El 25 de Mayu, una Xunta Soberana contra’l tiranu d’Europa"

Faustino Blanco ye historiador, profesor d’institutu y anguaño empobina la Dirección Xeneral de Consumu del Principáu. Defendió la primer tesina n’asturianu de la Facultá de Xeografía y Hestoria, y ye autor, ente otros estudios, del ensayu: ‘La revolución de mayu de 1808 o l’aniciu de la historia contemporánea d’Asturies’. D’esos fechos, lo que significaron o del papel nellos de muyeres como Marica Andayón y Xuaca Bobela fálanos posao en ‘N’Ayuri’

41 min
07/23/2024

"De l'Arcadia feliz a la colomina. Industrialización y modernidá n’Asturies"

José Luis Carmona ye profesor d’Historia Moderna y Contemporánea na UNED d’Asturies. Autor de diversos trabayos sobre la realidá social y política de la primer mitá del s.XX na nuestra tierra, ente ellos dellos n ‘Historia de Gijón’ publicada abenayá por EL COMERCIO, fue militante activu de Conceyu Bable y también presidente de Cruz Roja en Xixón. En ‘N’ayuri’ fálanos posao de la complexa entrada d’Asturies na modernidá

43 min
07/23/2024

"El botín de Roma. Campamentos militares y mines d’oro nel occidente d’Asturies"

Doctor en Historia pola Universidá d’Uviéu y arqueólogu, Andrés Menéndez Blanco forma parte del Grupu d’Investigación Llabor y autor de diversos trabayos académicos alrodiu la presencia militar romana nel noroeste ibéricu. En ‘N’Ayuri’, fálanos posao d’ún de los motivos cimeros que llevó al Imperiu d’Augusto a la conquista encerrizada de la tierra de los Ástures y los sos pueblos vecinos

42 min
07/17/2024

"Asturies antes de ser Asturies. De les cueves a los castros"

Pilar Sánchez Vicente, escritora d’esitoses y prestoses noveles, ye también historiadora y documentalista. Autora d’una pionera ‘Historia breve d’Asturies’ (reeditada na nuestra llingua),el so interés poles buelgues del pasáu ta bien presente na so obra de ficción talo amuesen títulos como ‘La diosa contra Roma’ o el más recién: ‘Madrebona’. D’esa llarga nueche nel territoriu que güei llamamos Asturies y que discurre nel tiempu d’entrambos relatos fálanos posao en ‘N’ayuri’

37 min
07/10/2024

"Ente la escuridá y les lluces: Isabel de Noreña y Xosefa Xovellanos”

Llicenciada n’Historia y Máster n’Arqueoloxía y Patrimoniu, Arantza Margolles tien restaltao sobremanera pol so llabor como divulgadora y comunicadora. Nesi desempeñu empobinó la sección ‘Viejo Gijón’ en EL COMERCIO y conduxo el programa ‘Historias y misterios’, producíu por El Comercio Audiovisual y emitíu na Tpa. Anguaño dirixe el periódicu ‘A quemarropa’ de la Selmana Negra. En ‘N’ayuri’ fálanos posao y con rigor amenu de dos asturianes claves na nuestra historia, separaes nel tiempu y xuníes por un asemeyáu olvidu qu’agora paga la pena reparar

35 min
07/03/2024

"Arqueoloxía agraria: el discursu acallantáu de la tierra"

Caderalga d’Historia Medieval na Universidá d’Uviéu, Margarita Fernández Mier ye autora de numberosos trabayos académicos na so especialidá y tien dedicao una bona parte del so trabayu investigador nel grupu LLABOR, qu’empobina, al estudiu de l’arqueoloxía rural o agraria, un terrén sobremanera bayurosu pa entender la realidá d’Asturies nel pasáu y con bien de proyección nel presente. En ‘N’ayuri’ fálanos posao d’esi discursu históricu que guarda’l paisaxe de la nuestra tierra y desvela munches claves de lo que fuimos y somos

43 min
06/27/2024

"El primer autor na nuestra llingua, dalgo más qu’una isla nel barrocu asturianu"

Xulio Viejo, ye doctor en Filoloxía Románica y profesor titular na Universidá d’Uviéu. Autor de novels claves como ‘Los araxales de la vida’ o la más recién ‘Onde’l casos se texe y se destexe’, ye un de los investigadores más brillantes de la so xeneración con obres como ‘La formación histórica de la llingua asturiana’ o ‘Llingua y cultura lliteraria na Edá media astur-lleonesa”. Foi tamién el primer editor académicu d’Antón de Marirreguera, l’autor qu’estrena la nuesa lliteratura escrita. De la so figura, envuelta n’escuridá y de la so obra, inxertada nel barrocu asturianu, fálanos posao y claro en ‘N’ayuri’, aportando lluz nueva

38 min
06/18/2024

"Onde les piedres falen. El relatu históricu que nos cuenta la coleición del Muséu Arqueolóxicu d’Asturies"

María Antonia Pedregal ye directora del Muséu Arqueolóxicu d’Asturies. Llicenciada en Xeografía ya Historia pola Universidá d’Uviéu, ye autora de dellos trabayos alrodiu la edá media asturiana, la especialidá na que tien desenvuelto bona parte de la so actividá investigadora. Traductora al asturianu de ‘El Llibru de les Maraviyes’ de Marco Polo o de ‘La palabra final. Diariu d’un suicidiu’ de Roberta Tatafiori (Premiu Florina Alías), foi tamién directora de Normalización Llingüística del Principáu. En ‘N’ayuri’ fálanos posao y ameno del relatu históricu que nos cuenten les pieces más significatives qu’abelluga la coleición del Muséu del que ye responsable.

41 min

N’ayuri ye una serie d’entrevistes en formatu podcast que se faen n’asturianu. Pablo Antón Marín Estrada, escritor y un de los másimos esponentes del movimientu asturianista, ye el presentador, gran conocedor de la llingua y la cultura asturiana, plantea les entrevistes como una conversación natural y relaxada, onde los entrevistaos faen un repasu pola so obra y la so apuesta pola llingua asturiana

Creator

El Comercio
Years Active

2023 - 2024
Episodes

20
Rating

Clean
Show Website

N'ayuri