Untyped

Abdelrahman Awad

نصف ساعه اسبوعيا من الهبد في مجال الفرونت ايند والجافاسكربت بالعربي

  1. 21.12.2025

    Repacking the Web

    في الحلقة دي هنشوف ليه منظومة الـ bundling بتتعاد كتابتها بالكامل دلوقتي. الأدوات الجديدة زي Rspack وRolldown وOxc وTurbopack مش مجرد “بدائل أسرع”، دي إعادة التفكير في طريقة البناء من الأساس. هنمشي على التغييرات الجوهرية: الاعتماد على Rust و parallelism، تقليل cost الـ plugins، ومعالجة مشاكل بقالها سنين في Webpack والجيل القديم. الفكرة هنا إن الانتقال للأدوات دي مش رفاهية ولا مجرد تحسين أداء… ده الاتجاه الطبيعي لقدام، خصوصًا مع تعقيد المشاريع الكبيرة وضغط السايز والسرعة. لو عايز تشوف ليه المستقبل مش هيستنى الأدوات القديمة، وإزاي الجيل الجديد بيبني أساس مختلف للويب، يبقى الحلقة دي هتفتحلك الصورة كاملة. لينكات مفيدة: RolldownesbuildViteRspackTurbopackOxcRolldown REPL

    45 мин.

  2. 08.12.2025

    Peeranormal Activity

    في الحلقة دي هنتكلم عن الجانب “المرعب” شوية في الـ Package Managers 👻 ليه أحيانًا تلاقي نسخة تانية من React مستخبية، أو dependecy في مكان غريب؟ حنخش في رحلة تاريخية حوالين الـ Package Managers، ايه المشاكل الي بيحلوها، هنفهم يعني إيه peer dependencies، وإزاي الـ hoisting بيغيّر شكل الـ node_modules من غير ما تاخد بالك، وليه npm و Yarn ساعات بيسيبوا الدنيا تفلت وايه الي بيخلي pnpm مختلف. الحلقة كلها عن إيه اللي بيحصل “ورا الكواليس” لما تعمل install، وليه الاختيارات دي بتأثر على استقرار مشروعك من غير ما تحس. لينكات مفيدة: bowerpnpm Documentationnpm DocumentationYarn Classic (v1) DocsYarn Berry (v2+) DocsBehind The Scenes of Bun Install

    48 мин.

  3. 23.11.2025

    The Compatibility Hunger Games

    الاعتقاد الشائع هو إن الجافاسكربت “بيشتغل في أي حتّة”، السيرفر والمتصفح، بس الحقيقة دلوقتي إنك لو شغّلت نفس السطر في مكانين مختلفين… في احتمال كويس إنه يبوظ في واحد منهم. في الحلقة دي، هنتكلم عن ليه بقى عندنا بيئات تشغيل كتير، وكل واحدة ليها مزاجها واولوياتها، وليه حاجات بسيطة زي fetch أو الـ File System ممكن تشتغل تمام هنا وتنهار هناك. وهنفهم إزاي شغل السيرفر بقى بيتقسم ما بين اللي بيقوم في جزء من الثانية واللي بيصحى يشرب قهوته الأول. لينكات مفيدة: Deno Web APIsBunDeno.jsonBehind the scenes of Bun install | BunEdge Runtime | VercelHow Workers Work | CloudflareCloudflare Compatability FlagsWinterTC

    47 мин.

  4. 14.09.2025

    npm install backdoor

    في الحلقة دي بنتكلم عن الهجمات اللي بقت بتحصل في الـ supply chain خصوصًا على مكتبات الـ npm. إزاي كود بسيط بيستخدمه ملايين المطورين ممكن يتقلب لفخ يسرّب بيانات أو يفتح باب لهجوم وانت مش واخد بالك. هنفتكر شوية من أشهر الوقائع اللي هزت الـEcosystem مؤخراً ونشوف الدروس المستفادة. كمان هنتكلم عمليًا: إيه دورك كمؤلف مكتبة علشان تحمي المشروع بتاعك وإيه اللي تقدر تعمله كمستهلك يخلي استخدامك آمن قدر الإمكان. لينكات مفيدة: Nx Postmortemnpmjs Docs: Trusted PublishersAnatomy of a Billion-Download NPM Supply-Chain AttackOops, No Victims: The Largest Supply Chain Attack Stole 5 CentsPrimeTime Video

    54 мин.

  5. 31.08.2025

    Merge and Emerge

    عايز تبدأ تساهم في الـ open source ومش عارف منين؟ في الحلقة دي هنتكلم إزاي تعمل أول خطوة، وتدخل المجتمع، وتخلي الكود بتاعك يبان للناس كلها. من أول fork لحد أول pull request، هتتعلم إزاي ممكن الشغل ابو بلاش دا يفتح لنفسك أبواب جديدة في الكارير وازاي دا مرتبط بدوافعك انك بتعمله عن حب مش عن مقابل. لينكات مفيدة: The Developer Road to Open Source World بالعربيThe Developer Road to Open Source Part 2

    36 мин.

  6. 24.08.2025

    Climbing the Pyramid Scheme

    في سوق الـ Tech في مصر، كل الناس بقت "Senior" حتى لو لسه مكمّلينش سنة! العناوين بقت أكبر من الخبرة، والمرتبات ساعات تبقى أوهام زي السراب. في الحلقة دي هنتكلم عن الـ pyramid scheme بتاع الـ titles، ليه التعويضات مش ماشية مع المسميات، وإزاي السلم الوظيفي ساعات بيقفلك الطريق بدل ما يفتحلك. سواء ماشي في سكة الـ IC أو داخل على Management، هتلاقي إن مش كل هرم بيوصل للقمة.

    55 мин.

  7. 17.08.2025

    Deployed and Forgotten

    زمان كنا بنعمل ديبولويمِنت للفرونت إند بكم أمر بسيط على Nginx أو سيرفر عادي وخلاص. دلوقتي مع كل الادوات والـ platforms الجديدة بقينا بنعتمد على أوتوميشن زيادة ونسينا الأساسيات. النسيان ده مش بس بيخلينا نفقد السيطرة، ده كمان بيكلفنا فلوس أكتر من اللازم. في الحلقة دي هنتكلم عن إزاي نرجع نفكر في الـ Deployment كمهارة أساسية، إزاي نستخدمها كـ cost optimization حقيقي للبزنس، وإزاي نقدر ندخل لوجيك ذكي بين الـ stacks. الحلقة دي هي حلقة عن النوستالجيا، التوفير، وفن Deployment اللي محتاجين نفتكره من جديد.

    39 мин.

  8. 31.07.2025

    A Whirlwind Migration

    في الحلقة دي حتكلم عن TailwindCSS v4 وايه الجديد فيه ويفرقه عن الاصدارات الي فاتت. حغطي ازاي تحدث ليه وافضل الطرق لذلك وايه الي تاخد بالك منه في العملية دي. كمان بشارك معاكم ايه الي عجبني فيه وايه الي ضايقني منه ونصايحي لازاي تستعمله في المستقبل. لينكات مفيدة: Tailwind v4Lighting CSSWindiCSSUnoCSSUpgrade Guide`@apply` issue with scoped CSS

    35 мин.
См. все (82)

Трейлер

Об этом подкасте

نصف ساعه اسبوعيا من الهبد في مجال الفرونت ايند والجافاسكربت بالعربي

Информация

  • Автор
    Abdelrahman Awad
  • Годы выхода
    2023 - 2025
  • Выпуски
    82
  • Ограничения
    Без ненормативной лексики
  • Авторские права
    © Abdelrahman Awad
  • Сайт подкаста
    Untyped