Suurchrut ond Praline

Lisa, Nadine ond Delia

0.0 (0)
COMEDY
UPDATED BIWEEKLY

Gschichte usem Läbe und vöu Seich garantiert.

FEB 10

#78 Nordliechter am Arsch 🫎

Ide hötige Födlifoug dräiht sech alles om Frostbüle, Schlettehönd ond Lappiwursti. D'Lisa ond d'Delia send froh, dass d'Nadine gnueg Material debi het, aber ou die zwöi hend nochli öpips döffe brechte. Jetzt entlömmer üch (ond üs) ad Fasnacht ond freued üs uf die nöchst Folg - vellecht sogar met Gäst!

1h 1m
JAN 20

#77 Es viertel Johrhundert 👾

Mer lönd 25 Johr Popkultur, Sportereignis, Weltgschicht, ond technischi Fortschritt lo revue passiere. Läck, wie schnell mer doch weder vergisst. Es viertel Johrhundert verzellt sech natürlech ned so gschwend, drom bechömed ehr höt grad die doppleti Dröhnig. Deför mönder nochli Gedold ha, üsi nöchst Folg chonnt de noch de Fasnacht. Vell Spass bim Lose ond uf die nöchste 25!

1h 56m
12/22/2025

#76 Wiehnachtsbrüch ond volli Büch

Wie sechs ghört chond vo eus gägs Johresändi en wiehnachtsinspirierti Folg - för üch, met üch! 🫱🏻‍🫲🏿 Ehr hend eus verzellt, was euchi schlimmste Wiehnachtsgschänk gse send ond wie ehr euch musikalisch sowie kulinarisch ihstemmed. Wältwiit werd s'Fäst vo de Liebi anderst gfiired ond wenn esches öberall ergendwie chli ähnlech. Nämli met vell Ässe, Musig ond de Härzensmönsche! 🤍

1h 7m
11/24/2025

#75 Mama's best 👩‍🍼❤️

I dere Folg hend mer zwöi Ehregästinne dörfe begrüesse. Nämlech de Delia und de Nadine ehri Mamis. Sie hend üs verzöut us ehrere Erfahrig us Mamis und was sie alles met üs dürläbt hend. Moderiert vo de Lisa chömed ehr e Iblick i zwöi Muetter-Tochter Gspann öber. Mer wönsched üch vöu Vergnüege!🫶🏼

1h 16m
10/27/2025

#74 Secheri Häfe & roti Fahne 🚩

Ahoi allersiits! Mer brechted höt vo üsne eigete Relation-Ships ond gönd red ond green Flags ufe Grond. Secher ned ganz unbekannti Gwässer ond glich schwemme mer doch alli mängisch chli was s'Thema Liebi ahgod. Also schnapp der de Rettigsreng ond chom zo üs is Wasser, es esch super schön do! 🛟

1h 34m
09/29/2025

#73 Läbchueche-Nuggets

Mer nähmed höt ned nor amene neue Ort uf, mer hend ou vöu neus z'brechte. Näb Momänt vode Dankbarkeit ond chline Alltagshörde hemmer ou einigi wechtigi Ahköndigonge: zom Bispel heisse mer euse Meme-Master weder härzlich willkomme zrogg in Action! Osserdem wärdid ehr üs in Zuekonft neu no einisch im Monet ghöre - deför recherchierter ond besser ufbout. 💡 Mer freued üs!

59 min
09/15/2025

#72 Ech bette nech 💁🏽‍♀️

Es esch weder Mäntig-Obe…das heisst üchi drüü Chaotinne vom Dienst träffed sech einisch meh zum zäme öber die zwöi vergangene Woche plaudere. Höt gohds um fätzigi Fäscht, meditativi Mandalas und neu entfachti Nostalgie! E wöudi Kombi wo för Gspröchstoff sorgt. Losed ine i üsi neu Folg 🫱🏼‍🫲🏽

1h 5m
09/01/2025

#71 Huusverboot 🏠🚤

Und zägg da semmer weder: aso ämu so haub. Nach ere chliine Pouse ufeme Huusboot und z’Amsti esch ou d‘Delia weder a Board. Natürlech hed sie vöu z‘verzöue öber ehri Karriere as Co-Kapitöse 🫱🏼‍🫲🏽 Ou d‘Lisa ond d‘Nadine hend wie emmer zueverlässig s‘Leid und d‘Fröid klagt und äbesoo hend mer no üchi WG No-Gos diskutiert. Drom losed ine!🥳

59 min

Gschichte usem Läbe und vöu Seich garantiert.

Creator

Lisa, Nadine ond Delia
Years Active

2022 - 2026
Episodes

78
Rating

Explicit
Copyright

© 2026 Suurchrut ond Praline
Show Website

Suurchrut ond Praline