دعايات

عبدالكريم بن ابراهيم الصعب KARIM SAAB

0.0 (0)
BUSINESS
UPDATED DAILY

دعايه

11/18/2022

اليوم الثاني من مغامرة فرنسا بريطانيا بالدراجة 2022 باللهجة العامية الجزءالثاني

اليوم الثاني من مغامرة فرنسا بريطانيا بالدراجة 2022 باللهجة العامية الجزء الثاني بسم الله الرحمن الرحيم. هذا الجزء الثاني من مغامرة فرنسا بريطانيا عشرين اثنين وعشرين. وقفنا المرة اللي فاتت عند اه والله ما ادري ايش عندنا بس ما هو ببعيد ما ندري في بالي. ماني بكتب والله اطلع اللي في الخاطر تطلع الالقاء احسن. طبعا كل كلامي راح اقول الكلمة هذي اللي ركبتها على السيكل. دخلت في المناطق المشهورة حقت الناس وقالت والله اني ارحم اقول الله يا رب ترحم ضعفنا وظعفهم يا الله يا رب انه هاللي يشترون في الاماكن الغالية اللي ما له سنة يا انه غسيل يا انه الامر فيه شبهة لان مكان فيه دعسوس باقي اربعة متر تلقى الشقة بثلاثة مليون اربعة مليون يورو على ايش ما تدري يقول لك في وسط باريس وسط باريس وسط مكان قبيح جدا جدا جدا لا شوارع لا ازع لا ناس صاحية. لا امن. ثانيا بنية تحتية مهترئة. طبعا كل الكلام اللي انا اقوله يقدر الواحد يخش على قنواتي ويتفرج على الشوارع اني اصورهن مكسرة. السفلت مكسر. الا الرصيف محيوس. الوصخ مكبكب. شي فظيع فظيع فظيع لكن الناس سبحان الله العظيم وعين الرضا عن كل عيب كليلة ولكن عين السخط تبدو المساوئ. الوكاد اني طلعت من احد الشوارع الى الكفر عندي ماش ما عجبني. وادخل مع ملف يوم ناظرت الى الديكاتلون ديكثلون ذا محل تسبير حق سياكل وحق آآ ادوات رحلات ثم نظرت الى المنفاخ اللي نبيه مربوط عند الباب ومحطوط للمارة ورابطينه بسلسلة الظاهر لو يسرق السوق بكبره السلسلة سلمت المهم واجي وانفخ والله سيكلي انا ودي ادخل داخل ابا اشتري له غرض لكن كل قاعد يمرون على الشارع معظمهم وجيه مشبوهة وطبعا في اوروبا ما شاء الله تبارك الله اكبر بلد لسرقة السياكل لم ارى في حياتي الا هناك اعوذ بالله يليها كندا يليها امريكا هذولي اعوذ بالله ما يشوف ما يمدي السيكل يمغط ظهره الا والله يعرج به وانت ما هو بيمك. ابد ما عندك وانا اجي اقف واقف واذا في شجرة ثلاثة رابطين سياكلهم عليها. واحتريهم بس متى يطلعون? واحد منهم عشان الذ سيكلي في الشجرة واربطها. ماني بربط السيكل لا لا لا اربط الكفر الخلفي. والكفر الامامي والجرم. واربطن كل ابوهم بشجرة واقفله بمفتاح. وعيني عليه. دخلت الاغرظ اللي نبيه ما لقيته. يوم طلعت وانا اجلس. يوم ناظرت يوم جلست جنبي وحدة مربعانية خمسينية خمسينية مربعانية المهم قالت لي انت وينه جاي منه? قلت والله انا ذيك الديرة وما ادري طبعا دريت اني سعودي نوينا وين الروز رايز حقكم? وين المدري? حلال ما حنا على باب الله ابي الستر منها. اثرها مسيكينة شركة طيران وزلقت على باب الطيارة المهم جاها انفلاق غظروفي في ظهرها وهم يوقفونها عن الطيران ولها الان ثلاث سنين هي واياهم تطالب بحقوقها الى حالتها ملابسها باين عليها ماخذ لها كتاب مدري كتابين وتقعد تقرا المشكلة اني شحيت بسيكلي خفت منها. قلت الله يستر هذا مع انها ظعيفة جودية لكن ما ادري ما ارتحت الا الجويد ذولي مرة. المهم اقعد اناظرها واقعد اويج وابيت لين قضيت لزومي نفخت كفراتي ولا اتوكل على الله. واطلع مع شارع ثاني انا ابي راك امام والقاري والله دعسوس قاعد تبحث في القوقل ماب قلت له يا الربع ابي راك امامي راك امامي راك اللي هو حديد ركب قدامي ركب عليها البانيرس والله واطيح بذاك الرجال قال غرظك عندي قلت بيظ الله وجهك قال لا مهيب على كيفك انت ناظر الساعة كم? ثنتين قلت ايه قال هذا وقت القايلة كنت اقولها صادز? قال لا تحاتيني بالساعة ثلاث. يا الحبيب انا بطلع من باريس ودي قال اقول مع السلامة. ويصك القراج حق ذا. واقعد عند الباب. ما صدقت اني القى المقاس اللي انا ابيه. يوم جت الثلاثة وهو يفتح الباب. قال والله معليش انت خابر هذي وقتك قايله

12 min
11/18/2022

اليوم الثاني من مغامرة فرنسا بريطانيا بالدراجة 2022 باللهجة العامية الجزء الأول

مغامرة فرنسا بريطانيا بالدراجة 2022 باللهجة العامية الجزء الأول بسم الله الرحمن الرحيم. اليوم نحتشي عن اليوم الثاني في مغامرة فرنسا. بريطانيا عشرين اثنين وعشرين. رقدت البارح وعينت من الله خير. يوم قبل اذان الفجر وشوي ويامرني الله واقوم. واخذ لي ربي لي سبحانه وتعالى ونويت مع الدريشة فوق ابا اناظر انا طمعن بالبراد الى الحين احسب ان ورانا براد ولا والله ما هو من براد بس قلت ان شاء الله يمكن الغرفة مكتومة ولاش? كل هذا ودي ابعد آآ شبح الحر لاني كاني بديت استوعب الحقيقة انه في حاجة غلط كانت تحصل في اوروبا. احتريت صليت قعدت جبت وردي قلت لي بس تطلع الشمس شوي لان لو تطلع بالظلام هم اصلا احيانا تبدو مني. يا بالك اني بجيبها الحين مشغل الكشاف حق الجوال. والله وانا اطلع وقبل ذلك اه شبيت على قهوتي واخذت الفناجين على ما قال كافي نصينه درب كافي وانا انزل باصنصير يا الله ابتدي من نعمة ما هو باسانسير مدري وشو دعسوس اه يقال انه اصنصير ضيق ضيق ضيق مكتوب عليه ممنوع اكثر من ثلاثة. انا الحين ما اقدر انفث يميني ويسار تقول لي ثلاثة. قعدت اناظر في الصورة اللي صراحة ما لقيت اني صورته. الظاهر انه ما كان في مجال حتى اطلع الجوال واصور. المهم رحت وناظرته. الا والله يشفيك الحليو. واموره طيبة. وانا افك السلسلة لين ارابطها فيه وتأكد من نفخ الكفرات الى كلش مظبوط. وانا اطلع مرة ثانية عاد لغرفتي انا كنت احتري بس تطلع الشمس شوي. عشان قبل ما امشي اني اتوظا واصلي الظحى واتوكل على الله. واروح انظف في الغرفة معلم ماني ملجم بظفتها اش كت ودي احط انطباع على المسلمين من اجل? وزينت نظفت المطبخ والكيسان اللي انا استخدمته للكوفي. والفوطة اللي انا تروشت بها حطيتها على جنب. وانا اطلع المهم قبلها قعدت ادف لي في غرفة احسبها غرفتي اول ما اد يوم فتحت على واحد اثره يتروش وفكني الله مدري هو رجال ولا مرة وناظرت دخلته هو كله عفش انه ولد ابوي الا ولده وتديور وانا صك على عمري وتسني شفته فتح الباب يناظر من ذا اللي دخل ولا يدري السيب مليان غرف والله وانا انزل واخذ سيكلي واطلع اثرها راحت السكرة وجات الحبال خضر وحمر وصفر ومدري ويش وانا بعد ركبت الاماميات وانا ناظر وقلت خلني امشي على الرصيف شوي شوي انا الحين ابطلع لوسط باريس بس عشان قبل ما اطلع منها قلت ابروح البرج ايفل ابصور عنده وبصور في معالم والدنيا ذي قبل اطلع من باريس واسحب باتجاه مدري هو غرب ولا شرق ولا باتجاه آآ ديبو للحدود الفرنسية البحر المانش مع بريطانيا. وانا اطلع يوم هبرت وانا امشي على الرصيف الرصيف طيب. يا الله يشيلني انا وسيكل يا الله بعد. وكل من شافني من بعيد وشاف السيكل وهو يترك الرصيف وينقز الرصيف الثاني. مرة رجال مرة مرة عود مرة وانا والله اقف وش تنكرتك مو معقولة كل احترام لي وانا والله اصور شوي صراحة يوم قعدت اناظره الى فعلا السيكل حق واحد ما يخالف الله مولي قلت ان شاء الله ابطلع لوسط باريس وان شاء الله ارك الاماميات اللي انكسرت في اليابان وبتزين الامور ان شاء الله. والله وانا امشي واصل وسط باريس الى الدعثة والعالم والبشر وما ادري من بعد واذا ناظرتهم الى مالي والله فيهم حاجة. قلت مير خلني امشي واصور في المحلات اللي انا وصلتها بس اذا تصوير واضحك. حبال مربطة وسماعاتي مربطة. وامشي في الشوارع واظحك عليهم. شوارعسيس. والله ان سوق بعضهن سوق سمحان انه اوسع منه اللي بالشارع. ومشكلته اقول اه وتلقى الشارع ثلاث ادوار اربع ادوار الشقق. واسعارها ولا تسمع الا صوت حقت المواتر والله صوت الشاص لا ركب ولا صفيرة هذا اللي صاحيين ادفع ملايين بذا المحل الخايس مير لو اني جالس على بحر ولا على محل صاد بيطلع ازين اللي حصل على الله والله المهم جالس تلف في وسط باريس يمين يسار لين قلت خلاص احذي بس يأذن الظهر ابى اروح المسجد تسبير شفته مكتوب عليه القراند ماسك ديباغيث يوم رحت له والله وانا استنكرت المسجد ما شغل اللي محطوط فيه مو بشغل متبرعين. شغل ناس ملهين بالدراهم شغل اه رأي الحكومة. متعوب عليه يوم دخلت بسيكلي والله يدفع البلا يوم تناقزوا على الرجاجيل. مدري وش يقول? قلت اقول ابد وانا. قلت يا اخوي بدخل اصلي بس قال ممنوع اه اخوي الله يرحم لك الوالدين البيل وماغاديش يدخل الداخل قلت فين نخبعو غالي? قال لبقا برا قلت انت خبل? ناظر البرا كل اللي عند الباب شحاذين وهاملس قال والله ممنوع غريبة في العادة لا رحت للمساجد المحتسبين ذولي يرحبون بي هذا شغل حكومة ما هو بمعجبني. المهم طلعت برا وانا اربطه والله بسلسال. وادخل داخل. واتوظأ. المسجد ما سكرته صراحة. مع انه يوم دخلت له مليون من هالمسلمين من الشرق والغرب كذا. الله يكثر عباد الصالحين

10 min
11/16/2022

اليوم الأول من مغامرة فرنسا بريطانيا 2022 باللهجة العامية

اليوم الأول من مغامرة فرنسا بريطانيا 2022 باللهجة العامية

13 min
10/09/2022

دعايات شقق مشاريع الصعب

دعايات شقق مشاريع الصعب

1 min

4 Episodes

دعايه

Creator

عبدالكريم بن ابراهيم الصعب KARIM SAAB
Years Active

2K
Episodes

4
Rating

Clean
Copyright

© عبدالكريم بن ابراهيم الصعب KARIM SAAB
Show Website

دعايات