བསྐྱར་ཞིབ། - ཨ་རིའི་རླུང་འཕྲིན་ཁང་‪།‬ ཨ་རིའི་&ང་ (VOA Tibetan)

ཨི་རན་གྱིས་ཁ་ལོ་བ་མེད་པའི་འཕུར་གྲུ་དང་འཕུར་མདེལ་༣༠༠་ལྷག་འཕངས་ནས་ཨི་སི་རལ་ལ་གཏོར་རྒོལ་བྱས་མོད། འོན་ཀྱང་འཕུར་མདེལ་དང་ཁ་ལོ་བ་མེད་པའི་འཕུར་གྲུ་དེ་རྣམས་ཨི་སི་རལ་གྱི་ས་ཐོག་ཏུ་མ་བསླེབས་སྔོན་ནས་བར་སྣང་དུ་གཏོར་ཏེ་འགོག་ཐུབ་ཡོད་ཅིང་། ཨ་རིའི་སྣེ་ཁྲིད་འོག་ཨི་རན་གྱི་རྒོལ་རྡུང་དེ་ཇི་ལྟར་བཀག་ཡོད་མེད་ཐད་ངོ་སྤྲོད།

དེང་སྐབས་ཉི་ཧོང་གི་སྲིད་བློན་ཨ་རིར་རྒྱལ་དོན་འཚམས་འདྲིར་ཕེབས་ཏེ་ཕྱོགས་གཉིས་ཀྱི་བདེ་འཇགས་དང་ཚོང་ལས་སོགས་ཀྱི་འབྲེལ་བ་སྔར་ལས་དམ་ཟབ་ཏུ་གཏང་རྒྱུའི་གྲོས་མཐུན་བཞག་ཡོད་ཅིང་། དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་དེའི་གླེང་སློང་ཁག་ཅིག་ཞུ་རྒྱུ་ཡིན།།

འདས་པའི་ཉིན་བཞིའི་རིང་ཨ་རིའི་ནོར་སྲིད་དྲུང་ཆེ་ལྕམ་ཡེ་ལཱན་རྒྱ་ནག་ལ་འཚམས་འདྲིར་ཕེབས་ཏེ་ཕྱོགས་གཉིས་ཀྱི་ཚོང་འབྲེལ་དང་དཔལ་འབྱོར་དཀའ་རྙོག་ཁག་ལ་རྒྱ་ནག་གཞུང་གི་མཐོ་རིམ་དཔོན་རིགས་ཚོར་གྲོས་མོལ་གནང་ཡོད་ཅིང་། དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་དེའི་སྐོར་གླེང་སློང་ཁག་ཅིག་ཞུ་རྒྱུ་ཡིན།།

རྒྱ་ནག་གིས་ཐེ་ཝན་ལ་དྲག་པོའི་འཇིགས་སྐུལ་སྣ་ཚོགས་ཤིག་བྱེད་བཞིན་པའི་སྐབས་འདིར་ཐེ་ཝན་གྱི་སྲིད་འཛིན་ཟུར་པ་མ་དབྱིན་ཇུག་རྒྱ་ནག་ལ་ཉིན་༡༡་གི་འཚམས་འདྲིར་བསླེབས་ཏེ་ཁྱབ་བསྒྲགས་ཤུགས་ཆེན་བྱེད་བཞིན་ཡོད་ཅིང། དེ་རིང་ང་ཚོའི་ལེ་ཚན་ལ་མ་དབྱིན་ཇུག་རྒྱ་ནག་ཏུ་འཚམས་འདྲིར་བསྐྱོད་དགོས་དོན་སོགས་གླེང་སློང་ཁག་ཅིག་ཞུ་རྒྱུ་ཡིན།།

འདས་པའི་ལོ་མང་རིང་རྒྱ་ནག་གི་དཔལ་འབྱོར་མྱུར་སྟོབས་ཀྱིས་འཕེལ་རྒྱས་སོང་། དེང་སྐབས་རྒྱ་ནག་གི་དཔལ་འབྱོར་ཉམས་ནས་དཀའ་ངལ་ཆེན་པོ་ཞིག་འཕྲད་བཞིན་ཡོད་ཅིང་། དེ་ནི་ཡུན་རིང་གི་དཀའ་ངལ་ཞིག་ཡིན་ནམ། ཡང་ན་གནས་སྐབས་ཀྱི་དཀའ་ངལ་ཞིག་ཡིན་མིན་ཐད་ལྟ་ཚུལ་མ་འདྲ་བ་གཉིས་ཡོད་པ་རེད།

ཨུ་རུ་སུའི་སྲིད་འཛིན་འོས་བསྡུ་བྱས་ནས་ཕུ་ཊིན་ལ་སླར་ཡང་འོས་ཤོག་མང་ཆེ་བ་ཐོབ་ཡོད་ཅིང་། འོས་བསྡུ་དེ་ནི་འཁྲབ་སྟོན་བྱས་པ་ཞིག་ཡིན་རུང་དེའི་རྒྱབ་ལྗོངས་ཀྱི་གནས་ཚུལ་མང་པོ་ཞིག་གིས་དེང་སྐབས་ར་ཤི་ཡའི་གནས་སྟངས་མཚོན་ཐུབ་ཀྱི་ཡོད་པ་རེད། དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་དེའི་སྐོར་གླེང་སློང་ཁག་ཅིག་ཞུ་རྒྱུ་ཡིན།