Die Wêreld aan jou Voete

Anina.vk
  • 5.0 (3)
  • Places & Travel
  • Updated weekly

'n Splinternuwe podcast vir Suid-Afrikaners deur Suid-Afrikaners — sodat enigeen kan saam reis van die huis. Uit die hartjie van Amsterdam, bring Anina Visser-Klerck elke week vir julle 'n vars uitkyk op 'n bestemming wat onlangs deur 'n Suid-Afrikaner verken is.

  1. 6 days ago

    Ysland | Verken die eiland van vuur en ys

    Vuur en ys. Gletsers en vulkane. Swart strande, stomende warmwaterbronne en watervalle om elke hoek en draai. Min plekke op aarde voel so wild en ongerep soos Ysland. In vandag se episode vat ons die pad saam met Marieke Teessen, wat Ysland se beroemde Ringpad met ’n kampeerwa aangepak het. Sy deel haar volledige gids tot dié epiese roetereis – van waar om te stop en wat jy beslis nie moet misloop nie, tot die mooiste staproetes, F-paaie, hawedorpies en natuurlike warmwaterbronne. Hier is ‘n blitsgids met al die plekke waaroor ons gesels. Marieke se hoogtepunte Fagradalsfjall se lawavelde op Reykjanes Reykjadalur se geotermiese warmwaterbron-staproete Kerið-krater Watervalle: Þjórsárdalur, Seljalandsfoss, Skógafoss, Fossárdalur, Dettifoss, Goðafoss, Gullfoss & Þórufoss Sólheimasandur se vliegtuigwrak Sólheimajökull-gletser Dyrhólaey & Reynisfjara se swart strand Fjaðrárgljúfur-kloof Skaftafell en die Vatnajökull-gletser Jökulsárlón Glacier Lagoon & Diamond Beach Vestrahorn-berg Stórurð-staproete Stuðlagil-kloof Hverir se geotermiese landskap Þingvellir Nasionale Park en die staproete tussen die tektoniese plate Blue Lagoon Avontuurlustige bestemmings wat net bereikbaar is via F-paaie (4x4) Háifoss-waterval Landmannalaugar-staproete Hveravellir-warmwaterbron Kerlingarfjöll-staproete Mooi hawedorpies langs die pad Vík – vir swart strande, Black Crust Pizza en Vikings Djúpivogur Seyðisfjörður Borgarfjörður Eystri Húsavík Dankie dat julle saam luister. As julle die podcast geniet volg ons gerus op Spotify en Apple Podcasts vir sporadiese episodes en reiswenke 🔗

  2. 14 Aug

    Roadtrip deur die VSA | Noord-Kalifornië, Yosemite & San-Francisco

    Vandag vat ons julle saam op die volgende deel van ons roadtrip langs die weskus van Amerika – en hierdie keer ry ons deur die ongelooflike Noord-Kalifornië. As daar één plek is wat hierdie deel van die reis vir ons onvergeetlik gemaak het, is dit sonder twyfel Yosemite National Park. Dis een van daardie plekke wat jy al honderd keer op foto's gesien het, maar niks berei jou heeltemal voor vir hoe indrukwekkend dit eintlik is nie. Ons gaan lekker baie tyd in Yosemite spandeer en gesels oor die beste uitsigte vanaf Glacier Point; die enorme granietkranse van El Capitan; die staproetes rondom Yosemite Falls; en die ikoniese Half Dome. Maar Noord-Kalifornië is natuurlik baie meer as net Yosemite. Ons roadtrip vat ons ook na die strate van San Francisco en die wingerde van Sonoma. Ons vertel wat vir ons die moeite werd was, wat ons volgende keer anders sou doen, en deel ’n paar wenke om jou te help as jy self ’n reis deur hierdie deel van Kalifornië beplan. Hoop julle reis lekker saam van die Golden Gate tot Napa, tot diep in die Yosemite-vallei in. As julle dit geniet, volg gerus 'Die Wêreld aan jou Voete' op Spotify of Apple.

  3. 23 Jan

    Roadtrip deur die VSA | Oregon, Portland & Crater Lake

    Welkom by episode twee van ons vierdelige ­reeks langs Amerika se Weskus – van Seattle tot Los Angeles. Oor net twee weke reis ons deur drie deelstate, vier stede en vyf nasionale parke, en in hierdie episode rol ons verder suid in Oregon: The Beaver State. Oregon is anders. Dit is kreatief, eienaardig en trots daarop om nie in ’n boksie te pas nie. Ons begin in Portland, ’n stad met die leuse ‘Keep it weird’. Van koffiekultuur en koskarretjies tot straatkuns en onafhanklike denke. Dis ook hier waar Nike ontstaan het en die bekende Powell boekwinkel pronk. Maar Oregon se magie lê ook buite die stad. Ons verruil asfalt vir natuur en pak Crater Lake aan, waar ’n ysige duik in kristalhelder water op ons wag by die Cleetwood Cove Trail. Daarna vat ons koers na die Rogue Valley, een van Oregon se versteekte juwele, waar wynplase, oop landskappe en rustige paaie die perfekte balans bied ná ’n dag vol avontuur. Hierdie episode is rou, vars en vol verrassings. Skakel in en ontdek hoekom Oregon jou dalk heeltemal gaan verbaas.

  4. 9 Jan

    Roadtrip deur die VSA | Washington, Seattle & Mount Rainier

    Ons skop 2026 af met ‘n vierdelige reeks langs Amerika se legendariese Weskus, van Seattle tot Los Angeles. Oor net twee weke pak ons drie state, vier stede en vyf nasionale parke aan, en neem jou saam op ’n reis vol asemrowende landskappe, ikoniese stopplekke en eerlike reiswenke. Vir die eerste episode trek ons weg in Washington, ook bekend as The Evergreen State. Ons stap deur die strate van Seattle waar dit alles begin het. Van die heel eerste Starbucks tot die bruisende Pike Place Market, waar vars vis, plaaslike geure en straatkunstenaars die stad se hartklop vorm. Maar Washington is soveel meer as net ’n stad. Ons vat die pad uit verby digte woude, indrukwekkende watervalle en oop landskappe, tot by Mount Rainier Nasionale Park. ’n Plek waar natuur jou klein laat voel en stilte ’n nuwe betekenis kry. Of jy nou self droom van ’n roadtrip, of net wil ontsnap deur stories en klanke – hierdie episode is jou perfekte wegspringpunt. Sit terug, skakel in, en geniet hierdie reeks saam met ons.

  5. 12/09/2025

    Londen | Engeland

    Vandag is 'n groot episode vir 'n groot stad want ons verken Londen saam met Carla Douglas.  Carla is 'n arbeidterapeut en bly en werk al vir die afgelope paar jaar in die Britse hoofstad. Sy maak ons touwys met alles van pub kultuur tot Pimm's, West End tot Wimbledon, die Koninglikes tot die Cockneys.  Maak 'n koppie van jou beste Early Grey, sit terug en geniet nog 'n episode van Die Wêreld aan jou Voete.

  6. 29/08/2025

    Reisstories uit Indië — Deel 2

    Welkom by deel twee van ons tweedelige reeks oor die wonders van Indië! Vandag gesels ons met Lize-Mari Jacobs, wat agt maande lank in Gurugram gewerk het en daarna vir ‘n maand deur die land gereis het. Sy neem ons op 'n onvergeetlike reis deur kleurvolle feeste soos Holi en Diwali, verken ikoniese historiese plekke soos die Taj Mahal en die Golden Tempel, en onthul 'n versteekte juweel in die noordelike berge van Kasjmir. En natuurlik kan ons nie oor Indië praat sonder om ‘n oomblik te gee vir al die kossoorte nie — van tradisionele Thali-maaltye tot geurige Dhal-disse. Maak gereed vir 'n episode vol avontuur, kultuur, en smaaklike herinneringe!

  7. 18/07/2025

    Reisstories uit Indië — Deel 1

    In hierdie twee-deel episode gesels ons met Lize-Mari Jacobs oor haar agt maande lange avontuur in Gurugram, Indië. Voor ons in die reisbesonderhede duik, neem Lize-Mari ons op haar persoonlike reis om die ritme van hierdie kleurvolle land vas te vang.  Sy deel haar ervaring met yoga filosofie in die land waar dit gebore is, en hoe hierdie antieke wysheid haar lewe verander het. Ons bespreek ook die fynere punte van werk en hoe bande met kollegas vir haar uitnodigings na vier troues verseker het! Kultuurskokke soos ‘Delhi Belly’ mag dalk onvermydelik wees, maar Indië sal dit in soveel ander manier op maak aan jou. Sit terug en geniet hierdie episode wat 'n eerlike blik bied op lewe in Indië.

  8. 04/07/2025

    Tbilisi | Georgia

    No, you're not imagining things – we're switching to English today as we expand our horizons just like the travelers we love to feature. Buckle up for Tbilisi, Georgia – the fascinating country nestled between Europe and Asia, not the American state. Today we're discovering a city where centuries-old wine traditions flow as freely as the Mtkvari River. Joining us is digital nomad and writer Erich Rickens, who's taking us from Tbilisi's sulfur baths and colorful balconied neighborhoods to the powder-fresh slopes of Gudauri. Whether you're dreaming of wandering through old town streets or carving turns in the Caucasus Mountains, Erich has stories that will have you booking flights before the episode ends. You can follow more of his adventures through his Substack newsletter Ricko Writes.  So grab your coffee, settle in, and let's discover why Georgia should be at the top of every traveler's list.

See All (31)

Ratings & Reviews

5
out of 5
3 Ratings

About

'n Splinternuwe podcast vir Suid-Afrikaners deur Suid-Afrikaners — sodat enigeen kan saam reis van die huis. Uit die hartjie van Amsterdam, bring Anina Visser-Klerck elke week vir julle 'n vars uitkyk op 'n bestemming wat onlangs deur 'n Suid-Afrikaner verken is.

Information