Die Tweede Trump

Seepunt Media
  • 0.0 (0)
  • News Commentary
  • Every two weeks

Die Tweede Trump is 'n potgooi wat dieper delf in hoe Donald Trump se tweede termyn die wêreld kan verander. Aangebied deur Suzaan Steyn.

Episodes

  1. 14 Apr

    Epi 9: Trump se oorlog met Iran

    In hierdie episode van Die Tweede Trump vat ons die jongste verwikkelinge in Iran se oorlog saam — van missiele en magspel tot die wêreld se oliepryse wat soos ’n WhatsApp-groep op ’n Vrydagmiddag ontplof. Ons kyk na hoe die konflik begin het, hoekom almal nou skielik baie bekommerd is oor die Straat van Hormuz, en hoekom jou petrolrekening waarskynlik ook ’n sê het in hierdie oorlog. En natuurlik: wat doen Donald Trump nou eintlik — strategie, ego, of net ’n baie groot reality show met regte gevolge? Dis geopolitiek, maar met ’n knipoog. Want as die wêreld brand, moet jy ten minste weet hoekom… en ’n bietjie lag om nie te huil nie.

    21 min

  2. 6 Mar

    Epi 8: Gaan Trump hemel toe

    In hierdie episode van Die Tweede Trump delf Suzaan Steyn en Appel du Plessis in ’n vreemde maar fassinerende tema: hoe praat Donald Trump oor die hemel? Deur die jare het Trump verskeie kere in onderhoude en toesprake na die hemel, God en die hiernamaals verwys. Partykeer klink dit vroom. Ander kere… minder so. In hierdie episode luister Suzaan en Appel na ’n paar van hierdie oomblikke en vra die groot vraag: Dink Trump self hy gaan hemel toe? Met hul kenmerkende mengsel van politieke ontleding en satire ontleed hulle Trump se opmerkings oor geloof, sy verhouding met evangeliese kiesers, en hoe godsdiens dikwels in Amerikaanse politiek gebruik word.

    24 min
  3. Epi 7: Davos, Elon Musk se terugkeer, Melania se dokumentêr

    29 Jan

    Epi 7: Davos, Elon Musk se terugkeer, Melania se dokumentêr

    In hierdie episode van Die Tweede Trump ontleed Suzaan Steyn en Appel du Plessis die nuutste internasionale politieke skuiwe met hul kenmerkende mengsel van satire, ontleding en ongemaklike vrae. Die gesprek begin by Donald Trump en sy kabinet se besoek aan Davos, waar globale elite, groot kapitaal en politieke teater weer eens in dieselfde vertrek saamgedrom het. Wat beteken Trump se Davos-optrede vir Amerikaanse binnelandse politiek — en vir die wêreldorde wat hy gelyktydig uitdaag en benut? Daarna skuif die fokus na die Amerikaanse midtermynverkiesings: hoekom dit veel meer as net ’n halftyd-toets is, en hoe magsverskuiwings in Washington Trump se tweede termyn kan versterk of verswak. Die episode sluit af met ’n verrassende Suid-Afrikaanse draai: hoekom Suid-Afrika onverwags die vertoning van Melania Trump se dokumentêre rolprent in plaaslike teaters gestop het. Sensuur, diplomatieke senuwees, of bloot politieke verleentheid? Suzaan en Appel ontleed wat hierdie besluit sê oor Suid-Afrika se posisie in ’n Trump-gedomineerde wêreld. Die Tweede Trump is ’n Afrikaanse politieke podcast vir luisteraars wat verder wil dink as opskrifte — oor mag, ideologie, beeldbou en die maniere waarop politiek al hoe meer soos vermaak begin lyk. Sleutel oomblikke: 00:00 Inleiding 02:08 Donald Trump en Davos 04:47 Die toekoms van Groenland 08:35 Kanada staan op teen Trump 10:42 Trump se kabinet val Kalifornië se goewerneur aan 14:37 Wat is volgende vir Venezuela 17:05 Amerikaanse politiek en midtermynverkiesings 20:57 Trump is moeg vir verkiesings 22:54 Melania Trump se dokumentêr

    31 min

  4. 29/04/2025

    Epi 6: Trump, Harvard en die eerste 100 dae

    In hierdie episode van Die Tweede Trump delf ons in Donald Trump se eerste 100 dae as president van die VSA – van omstrede uitvoerende bevele tot kabinetsdramas. Ons ondersoek ook die opspraakwekkende hofsaak tussen Harvard Universiteit en die Trump-administrasie oor toelatingsbeleid en burgerregte. Wat sê hierdie botsing oor die toekoms van Amerikaanse demokrasie en akademiese vryheid? Luister nou vir skerp analise en konteks wat jy nie op die nuus gaan kry nie.

    19 min

  5. 27/02/2025

    Epi 5: Elon Musk ♥️ Trump

    Hulle eerste gesamentlike onderhoud op Fox News, en Donald Trump en Elon Musk kan mekaar nie genoeg bewonder nie. Hulle bevestig hulle verbintenis tot samewerking, beloof om korrupsie in die regering uit te roei en Amerikaanse belastingbetalers miljoene dollars te spaar: Suzaan en Appel is skepties. Met Trump se rekord, wat is die kans dat dié nuwe liefde twee groot ego’s gaan oorleef? En belangriker, wat gaan Musk se werklike invloed op die Amerikaanse regering wees? Hoor ons hier geluide van staatskaping? Luister na episode 5 van die Tweede Trump en laat weet wat jy dink.

    19 min
  6. Epi 4: Trump en die Afrikaner

    10/02/2025 ·  Bonus

    Epi 4: Trump en die Afrikaner

    In Die Tweede Trump duik Suzaan Steyn diep in die vraag wat al hoe meer Afrikaners fluister: Kan ons asiel in Amerika kry? En as jy kan—hoe presies werk dit? Met die 2024-verkiesing agter die rug, en Donald Trump wat sy tweede termyn beplan, ondersoek ons hoe sy immigrasiebeleid dalk 'n reddingsboei (of 'n dooie end) vir Suid-Afrikaanse aansoekers kan wees. Hoe baie van die skuld vir hierdie situasie moet voor AfriForum se deur gelê word? Het hul retoriek dinge vir Afrikaners makliker of moeiliker gemaak? En wat beteken Trump se voortdurende botsing met Cyril Ramaphosa vir Suid-Afrika se toekoms? Die Tweede Trump is jou gids tot 'n vraag wat al hoe minder teoreties raak: Bly of gly?

    23 min

  7. 05/02/2025 ·  Bonus

    Epi 3: Trump en die H-1B debat

    Die Tweede Trump is 'n podcast aangebied deur Suzaan Steyn. In hierdie episode kyk ons na Trump se immigrasiebeleid, die konflik rondom Musk se publieke uitlatings oor die H-1B visums en sy standpunte oor immigrasie. Luister hoe Suzaan die politieke en ekonomiese ramifikasies van Musk se aksies ontrafel, terwyl sy die groter prentjie van Amerikaanse arbeid en mobiliteit deurdink.

    16 min

  8. 28/01/2025 ·  Bonus

    Epi 2: Trump se tweede inhuldiging

    Ontdek die stories agter Trump se tweede inhuldiging: die simboliek, buitengewone toespraak en wat dit te sê het oor die volgende vier jaar van Amerikaanse politiek. Of jy nou 'n politieke entoesias of 'n nuuskierige luisteraar is, hierdie podcast sal jou nuwe insig bied oor Donald Trump se buitengewone styl. Aangebied deur Suzaan Steyn.

    22 min
  9. Epi 1: Trump, Johann Rupert & gholf

    20/01/2025

    Epi 1: Trump, Johann Rupert & gholf

    'Die Tweede Trump' is 'n potgooi wat dieper delf in wat Donald Trump se tweede termyn as president kan beteken. Donald Trump se eerste termyn was bekend vir sy onkonvensionele styl en politiese ontwrigting. Een groot kenmerk was sy fokus op transaksionaliteit. Malcolm Turnbull, die voormalige eerste minister van Australië, het dit so opgesom: Trump is “uiters transaksioneel.” In die eerste aflewering van 'Die Tweede Trump' vra ons: Hoe sal Trump se transaksionele aard sy tweede termyn vorm?

    21 min
  • 9 Episodes

About

Die Tweede Trump is 'n potgooi wat dieper delf in hoe Donald Trump se tweede termyn die wêreld kan verander. Aangebied deur Suzaan Steyn.

Information

  • Creator
    Seepunt Media
  • Years Active
    2025 - 2026
  • Episodes
    9
  • Rating
    Clean
  • Copyright
    © Seepunt Media
  • Show Website
    Die Tweede Trump