Preek Opnames

Simondium Familiekerk
  • 5.0 (1)
  • CHRISTIANITY
  • UPDATED WEEKLY

Vind hier opnames van ons mees onlangse preke.

  1. Reis deur Efesiërs - Deel 6 (08 Maart 2026)

    3 DAYS AGO

    Reis deur Efesiërs - Deel 6 (08 Maart 2026)

    PREDIKER: Nadia Muller TEKS: Efesiërs 1:15–23 (fokus op v.15–19) TEMA: Om vir mekaar te bid Een van die mooiste dinge wat Paulus in sy briewe doen, is om vir mense te sê: Ek bid vir julle – en hy sê selfs waarvoor hy bid. Dit laat ’n belangrike vraag: Hoe bid ons vir mekaar? Bid ons net dat mekaar se probleme sal verdwyn, of bid ons – soos Paulus – dat God ons oë sal oopmaak om Hom te sien? Die grootste geskenk wat ons vir mekaar kan gee, is nie om mekaar se probleme op te los nie, maar om vir mekaar te bid dat ons God beter sal leer ken. Om God te sien, is om Hom beter te ken. En om Hom beter te ken, is om te begin leef as ’n “working model of God’s new creation.”

    27 min
  2. Reis deur Efesiërs - Deel 5 (01 Maart 2026)

    1 MAR

    Reis deur Efesiërs - Deel 5 (01 Maart 2026)

    PREDIKER: DJ Muller TEKS: Efesiërs 1:3–14 Wat as jy van môre af anders na jou eie lewe kyk? Wat as jy ontdek dat jy nie toevallig hier is nie – nie maar net nóg ’n naam op ’n lidmaatlys nie – maar deel van ’n groter, goddelike ontwerp wat reeds voor die grondlegging van die wêreld begin het? Wat as die Vader se wil, die Seun se werk en die Gees se teenwoordigheid nie bloot abstrakte teologie is nie, maar die asem van jou alledaagse bestaan? En wat as die kerk nie ’n plek is om vir die wêreld weg te kruip nie, maar ’n kruispunt waar hemel en aarde mekaar raak?

    40 min
  3. Reis deur Efesiërs - Deel 4 (22 Februarie 2026)

    22 FEB

    Reis deur Efesiërs - Deel 4 (22 Februarie 2026)

    PREDIKER: Nadia Muller TEKS: Efesiërs 1:3–14 Wat as jy nie net wag vir eendag se aankoms in die hemel nie, maar reeds nou leef uit ’n oorwinning wat klaar behaal is? In Efesiërs 1:3–14 ontdek ons iets wat jou kop dalk effens laat kantel: jy is reeds geseën met elke geestelike seën. Hoe lyk dit wanneer gewone mense – in ’n gebroke wêreld vol pyn en chaos – begin leef as tekens van God se nuwe skepping?

    30 min
  4. Reis deur Efesiërs - Deel 3 (15 Februarie 2026)

    15 FEB

    Reis deur Efesiërs - Deel 3 (15 Februarie 2026)

    PREDIKER: Nadia Muller TEKS: Efesiërs 1:3–14 TEMA: Uitroep van Lof! Die lied waarna Nadia verwys: https://www.youtube.com/watch?v=8T2zPTpEiT8 AI-prentjies van mense doen tans oral die rondte – karikature van regte mense, maar tog nie heeltemal nie. Minder plooie en grys hare, sagter, vriendeliker en meer opwindend. Dis mos wat almal wil sien? Intussen is daar donker kolle en spinnerakke in ons hartskamers. Ons vergelyk onsself met sogenaamde perfekte prente van ander en begin al hoe minder van onsself hou. Tot ons Efesiërs lees en besef: God het ons gemaak, en ons identiteit lê in Hom. Die rede tot lof is juis dat Hy ons gemaak, ons gekies en ons liefgekry het – nie net ons sosiale media-statusse nie, maar die oorspronklike ons. Die lied waarna Nadia verwys:

    22 min
  5. Reis deur Efesiërs - Deel 2 (08 Februarie 2026)

    8 FEB

    Reis deur Efesiërs - Deel 2 (08 Februarie 2026)

    PREDIKER: Nadia Muller TEKS: Efesiërs 1:1–2 en 6:21–24 TEMA: Die kerk se roeping Nota: Net voor die preek is Isabella Pollard gedoop. Nadia verwys een of twee keer ook na die doop in die preek. Wanneer daar in die kerk oor roeping gepraat word, dink baie van ons dadelik aan individuele roeping: waarvoor is ek geroep, en hoekom is ek op aarde? Paulus probeer egter juis in Efesiërs wys dat daar ’n baie dieper en belangriker roeping is – die universele roeping van die kerk. Hierdie roeping behoort ook die vertrekpunt van ons persoonlike roeping te wees. In die Bybel word ons name nêrens met ’n spesifieke opdrag verbind nie. Wat Paulus wel duidelik maak, is dat die genade, vrede en liefde wat ons by God in Christus ontvang het, ook geleef moet word. Dít is ons roeping. Nie in die eerste plek om sendeling, dokter, prokureur of huisvrou te wees nie; nie besigheidsmens of boer, kunstenaar of rekenmeester nie – maar om heiliges te wees, gelowiges in Christus. Dit beteken om God se vrede, genade en liefde sigbaar te maak in die wêreld.

    24 min
  6. Reis deur Efesiërs - Deel 1 (01 Februarie 2026)

    1 FEB

    Reis deur Efesiërs - Deel 1 (01 Februarie 2026)

    PREDIKER: Nadia Muller TEKS: Efesiërs Vir die volgende ruk gaan ons saam uit die boek Efesiërs preek en nadink. Hierdie Sondag se erediens is ’n inleidende diens waarin ons kyk na die struktuur van Efesiërs, asook die skrywer en eerste lesers van die brief. Ons staan ook stil by belangrike temas soos: •⁠ ⁠Wie God vir Paulus is in Efesiërs •⁠ ⁠Wat ons leer oor verlossing, eenheid en heiligheid •⁠ ⁠Efesiërs se antwoord op die vraag: Wie is die kerk, en hoekom is ons hier? Efesiërs is ’n boek waaruit baie van ons een of twee bekende verse kan aanhaal, maar die krag van Efesiërs lê juis in die geheel. (Ons sal deurlopend verwys na die boek van Tom Wright, The Vision of Ephesians: The Task of the Church and the Glory of God.)

    28 min

  7. 25 JAN

    Kinderdiens - 25 Januarie 2026

    Prediker: Nadia Muller Teks: Markus 3:13-19 Tema: Het Jesus ’n bynaam vir jóú? Net soos met Jesus se dissipels, roep Hy elkeen van ons ook op die naam. Hy ken ons en wil ons gebruik. Hy nooi ons om saam met Hom aan tafel te sit – aan die nagmaalstafel – en werklik tuis te voel. Hoe voel dit om só geroep te word? En dink ’n bietjie hieroor: wanneer Jesus byname aan sy dissipels gegee het, was dit nooit om hulle af te kraak nie, maar om iets van hul menswees en roeping te openbaar. Wat dink jy sou Sy bynaam vir jóú gewees het?

    24 min

  8. 18 JAN

    Erediens - 18 Januarie 2026

    Prediker: DJ Muller Teks: Verskeie Tema: Waardes vir die kerk én die lewe Eenvoud, egtheid, inklusiwiteit en diensbaarheid is ons gemeente se waardes. Dit vind duidelik neerslag in hoe ons gemeente-dinge doen, maar wat as hierdie waardes ook in jou lewe by die huis en werk as rigtinggewers dien? Het Jesus ook hierdie waardes modelleer tydens Sy lewe op aarde?

    42 min
See All (136)

About

Vind hier opnames van ons mees onlangse preke.

Information

  • Creator
    Simondium Familiekerk
  • Years Active
    2022 - 2026
  • Episodes
    136
  • Rating
    Clean
  • Copyright
    © Simondium Familiekerk
  • Show Website
    Preek Opnames