បទយកការណ៍

RFI ខេមរភាសា / RFI Khmer
  • 0,0 (0)
  • NIEUWS
  • MAANDELIJKS BIJGEWERKT

គឺជា​ការ​ចាប់អារម្មណ៍ និង​ការ​ក្រឡេកមើល ទៅលើ​បញ្ហា​នយោបាយ សង្គម ឬ​សេដ្ឋកិច្ច នៃ​ប្រទេស​កម្ពុជា​បច្ចុប្បន្ន។ កម្មវិធីនេះ រៀបចំ​ដោយ​អ្នកឆ្លើយឆ្លងព័ត៌មាន​របស់​យើង នៅ​ភ្នំពេញ ហើយ​នឹង​ត្រូវ​ចាក់ផ្សាយ ជារៀងរាល់​ថ្ងៃ ពី​ថ្ងៃចន្ទ​ដល់​ថ្ងៃ​អាទិត្យ។

  1. 13 UUR GELEDEN

    ព្រឹត្តិការណ៍ផ្សារបារាំងនាំមកនូវបរិយាកាសរីករាយ និងទំនាក់ទំនងកាន់តែជិតស្និទ្ធ

    ក្រោយពីបានជោគជ័យកាលពីឆ្នាំ២០២៤ ព្រឹត្តិការណ៍«ផ្សារបារាំង»ដែលមានការតាំងពិព័រណ៍ និងលក់ផលិតផល សេវាកម្ម ព្រមទាំងម្ហូបអាហារបែបបារាំងត្រូវបានរៀបចំធ្វើឡើងសាជាថ្មី ដោយសភាពាណិជ្ជកម្ម និងឧស្សាហកម្មបារាំងកម្ពុជា នៅក្នុងបរិវេណស្ថានទូតបារាំង នាទីក្រុងភ្នំពេញ កាលពីថ្ងៃសៅរ៍ ទី២២ ខែវិច្ឆិកា ឆ្នាំ២០២៥។ ព្រឹត្តិការណ៍ប្រចាំឆ្នាំនេះ មិនត្រឹមតែបានទាក់ទាញសាធារណជនកាន់តែច្រើននិងសប្បាយជាងមុនប៉ុណ្ណោះទេ ប៉ុន្តែវាក៏រក្សាបាននូវទំនាក់ទំនងកាន់តែជិតស្និទ្ធរវាងកម្ពុជា-បារាំង ជាពិសេស នៅក្នុងអំឡុងពេលដែលប្រទេសកម្ពុជាកំពុងត្រៀមខ្លួននៅក្នុងការធ្វើជាម្ចាស់ផ្ទះ នៃកិច្ចប្រជុំកំពូលប្រទេសនិយាយភាសាបារាំងហៅថាហ្វ្រង់កូហ្វូនី។

    9 min

  2. 1 DAG GELEDEN

    គ្រាប់កាហ្វេខេត្តមណ្ឌលគិរីទទួលបានការគាំទ្រ តែមិនទាន់អាចផ្គត់ផ្គង់តម្រូវការទីផ្សារ

    គ្រាប់កាហ្វេខេត្តមណ្ឌលគិរីមានទីផ្សារល្អ និងទទួលបានការគាំទ្រពីប្រជាពលរដ្ឋខ្មែរភាគច្រើន។ តែការផ្គត់ផ្គង់នៅមិនទាន់អាចឆ្លើយតបតាមតម្រូវការទីផ្សារនៅឡើយទេ។ ក្នុងន័យនេះ ម្ចាស់ចំការកាហ្វេមួយកន្លែងក្នុងខេត្តមណ្ឌលគិរីបានមើលឃើញពីឱកាសនៃការពង្រីកការដាំដុះថែមទៀត។ តែម្ចាស់ចំការកាហ្វេដដែលរូបនេះមិនភ្លេចលើកឡើងពីការលំបាកខ្លះ ពិសេសបច្ចេកទេសនៃការដាំដើមកាហ្វេដែលមានភាពស្មុគស្មាញខ្លាំង។

    11 min

  3. 3 DGN GELEDEN

    មហោស្រពរូបថតភ្នំពេញជាឱកាសសម្រាប់អ្នកចង់ចាប់យកអាជីពជាអ្នកថតរូប

    មហោស្រពរូបថតភ្នំពេញលើកទី១៦ ក្នុងឆ្នាំ២០២៥ បានរៀបចំឡើងជាមួយនឹងទស្សនីយភាពថ្មីនៃការដាក់តាំងស្នាដៃរូបថត និងភាពយន្តឯកសាររបស់ក្រុមអ្នកជំនាញផ្នែកថតរូបទាំងជាតិ និងអន្តរជាតិ។ ក្នុងរយៈពេលមួយខែនៃការដាក់តាំងបង្ហាញនេះ មហាស្រពរូបថតភ្នំពេញក្លាយជាវេទិកាដែលអនុញ្ញាតឲ្យអ្នកចង់ចាប់អាជីពថតរូប និងអ្នកស្រលាញ់រូបថតអាចជួបក្រុមអ្នកជំនាញដើម្បីសិក្សាស្វែងយល់ពីការថតរូប។

    10 min

  4. 4 DGN GELEDEN

    សាលារៀនតាមព្រំដែនបើកទ្វារឡើងវិញជាមួយការណែនាំពីគ្រោះថ្នាក់សំណល់ជាតិផ្ទុះ

    វិទ្យាល័យស្រអែមជាសាលារៀនមួយក្នុងចំណោមសាលារៀនជាង ៦០០ផ្សេងទៀតដែលស្ថិតនៅក្នុងតំបន់ក្តៅនៃបន្ទាត់ព្រំដែនខ្មែរ ថៃក្នុងភូមិស្រអែមខាងត្បូង ឃុំកន្ទួត ស្រុកជាំក្សាន្ត ខេត្តព្រះវិហារ។ វិទ្យាល័យស្រអែមត្រូវបានបិទទ្វារតាំងពីថ្ងៃផ្ទុះសង្គ្រាមជាមួយថៃក្នុងថ្ងៃទី២៤ ខែកក្កដា ឆ្នាំ២០២៥។ សម្រាប់បវេសនកាលឆ្នាំថ្មី ២០២៥-២០២៦ វិទ្យាល័យស្រអែមបានបើកទ្វារឡើងវិញជាមួយនឹងការណែនាំដល់សិស្សានុសិស្សអំពីគ្រោះថ្នាក់នៃសំណល់ជាតិផ្ទុះ និងគ្រោះថ្នាក់ផ្សេងៗនៃសង្គ្រាមដែលអាចកើតមានជាថ្មីម្តងទៀត។

    11 min

  5. 6 DGN GELEDEN

    ជ្រលងដំរីខេត្តមណ្ឌលគិរី ក្លាយជាកន្លែងទេសចរណ៍ដ៏ទាក់ទាញ

    កម្ពុជាមានដំរីស្រុកប្រមាណជាង ៧០ ក្បាល និងមានដំរីព្រៃចន្លោះពី ៦០០ ទៅ ៨០០ ក្បាលដែលកំពុងរស់នៅក្នុងព្រៃធម្មជាតិនៃភូមិភាគឦសាន តំបន់ជួរភ្នំក្រវាញ និងតំបន់ព្រៃឡង់។ ដើម្បីជួយសង្គ្រោះ និងអនុញ្ញាតឲ្យដំរីស្រុកអាចរស់នៅបែបធម្មជាតិក្នុងព្រៃសហគមន៍បាន ជ្រលងដំរី​មួយត្រូវបានបង្កើតឡើងក្នុងឆ្នាំ២០០៦ ដោយមានដាក់ដំរីស្រុកចំនួន ៧ក្បាល។ បច្ចុប្បន្ន ជ្រលងដំរីមួយនេះកំពុងក្លាយជាទីកន្លែងទេសចរណ៍ដ៏ទាក់ទាញ ហើយបានចូលរួមការពារធនធានធម្មជាតិ និងវប្បធម៌របស់ជនជាតិដើមភាគតិច៕

    9 min

  6. 16 NOV

    ពលរដ្ឋតំបន់រុនតាឯកស្នើឲ្យអាជ្ញាធរខេត្តរៀបចំតំបន់នេះឡើងវិញ ដើម្បីមានដង្ហើមសេដ្ឋកិច្ច

    ពលរដ្ឋរស់នៅតំបន់រុនតាឯកលើកឡើងពីការលំបាកដោយសារតែទីនោះពុំមានដង្ហើមសេដ្ឋកិច្ច។ ភាពស្ងាត់ជ្រងំ និងផ្ទះទុកចោលមិនមានមនុស្សនៅ គឺជាបញ្ហាពិបាកក្នុងការប្រកបរបរចិញ្ចឹមជីវភាពប្រចាំថ្ងៃរបស់ពួកគេ។ អ្វីដែលពួកគេចង់បាន គឺការរៀបចំតំបន់រុនតាឯកឲ្យមានដង្ហើមសេដ្ឋកិច្ច ដូចជាការសាងសង់រោងចក្រ ជាដើម។ ចំណែក អាជ្ញាធរខេត្តសៀមរាបបានបញ្ជាក់ថាកំពុងគិតគូរដោះស្រាយបញ្ហានេះជូនពលរដ្ឋនៅតំបន់រុនតាឯកហើយ។

    10 min

  7. 15 NOV

    អាវុធគីមីនិងផ្សែងពុលថៃនៅតែជាក្តីបារម្ភរបស់ពលរដ្ឋជាយដែន

    នៅក្នុងរយៈពេលប្រាំថ្ងៃនៃការកើតមានចម្បាំងរាំងជលនៅតាមព្រំដែន កម្ពុជា-ថៃ យោធាថៃបានប្រើប្រាស់អាវុធយុទ្ធភណ្ឌជាច្រើនប្រភេទ រួមទាំងអាវុធធុនធ្ងន់ គ្រាប់បែកចង្កោម យន្តហោះប្រតិកម្ម ដ្រូនអត្តឃាត ព្រមទាំងផ្សែងពុលមានបង្កប់សារធាតុគីមីជាច្រើនទៀត ដែលបង្កទាំងផលប៉ះពាល់ផ្ទាល់ភ្លាមៗ និងយូរអង្វែង។ ជាអ្នករស់នៅតាមខ្សែបន្ទាត់ព្រំដែន ពលរដ្ឋអ្នកជាយដែនដែលជាជនរងគ្រោះផ្ទាល់នៅទីនោះ នៅតែមិនអស់ចិត្តនិងនៅតែបារម្ភចំពោះគ្រោះថ្នាក់នៃសារធាតុគីមី និងផ្សែងបំពុលរបស់ថៃ ដែលអាចបង្កទៅលើសុខភាពមនុស្ស និងបរិស្ថាន ជាពិសេសលើប្រភពទឹក ដែលពួកគេប្រើប្រាស់ប្រចាំថ្ងៃ ។

    10 min

  8. 14 NOV

    អ្នកភូមិធម្មជាតិក្បែរប្រាសាទព្រះវិហារនៅតែបារម្ភពីសុវត្ថិភាព ក្រោយវិលចូលលំនៅដ្ឋានវិញ

    ស្ថិតនៅក្នុងទីតាំងមួយ ក្នុងភូមិធម្មជាតិ ក្នុងឃុំស្រអែម ស្រុកជាំក្សាន្ត ចំងាយជាង ១០គីឡូម៉ែត្រ ពីព្រំដែនខ្មែរ-ថៃ នៅក្បែរប្រាសាទព្រះវិហារ និងសមរភូមិភ្នំទ្រព្យ ប្រជាជនជនភៀសសឹកប្រមាណជាង ៨០% បានវិលត្រឡប់ចូលលំនៅដ្ឋានរបស់ខ្លួនវិញនៅដើមខែវិច្ឆិកា ឆ្នាំ២០២៥នេះ។ ការវិលត្រឡប់ចូលលំនៅដ្ឋានរបស់ជនភៀសសឹកនេះ គឺនៅក្រោយការចុះហត្ថលេខាកិច្ចព្រមព្រៀងសន្តិភាពរវាងកម្ពុជា-ថៃ ដែលបានធ្វើឡើងកាលពីថ្ងៃទី២៦ ខែតុលា ឆ្នំា២០២៥។ ប៉ុន្តែស្ថានភាពព្រំដែនហាក់មានសភាពរំជើបរំជួល និងតានតឹងឡើងវិញ ដោយសារតែភាគីថៃផ្អាកអនុវត្តកិច្ចព្រមព្រៀងសន្តិភាព។ ទោះជាយ៉ាងណាក៏ដោយ រហូតមកដល់ថ្ងៃសុក្រ ទី១៤ វិច្ឆិកានេះ ប្រជាជនអ្នកភូមិធម្មជាតិ នៅតែបន្តរស់នៅក្នុងភូមិ និងត្រូវបង្ខំចិត្តប្រកបមុខរបររកស៊ីឡើងវិញ ដើម្បីដោះស្រាយជីវភាព ទោះបីជាមានការព្រួយបារម្ភពីសុវត្ថិភាពផ្ទាល់ខ្លួន។

    9 min
Bekijk alles (76)

Info

គឺជា​ការ​ចាប់អារម្មណ៍ និង​ការ​ក្រឡេកមើល ទៅលើ​បញ្ហា​នយោបាយ សង្គម ឬ​សេដ្ឋកិច្ច នៃ​ប្រទេស​កម្ពុជា​បច្ចុប្បន្ន។ កម្មវិធីនេះ រៀបចំ​ដោយ​អ្នកឆ្លើយឆ្លងព័ត៌មាន​របស់​យើង នៅ​ភ្នំពេញ ហើយ​នឹង​ត្រូវ​ចាក់ផ្សាយ ជារៀងរាល់​ថ្ងៃ ពី​ថ្ងៃចន្ទ​ដល់​ថ្ងៃ​អាទិត្យ។

Informatie

Meer van RFI ខេមរភាសា / RFI Khmer

Suggesties voor jou