Voll ine - Der Sportpodcast

Andri Struzina & Oscar Sarmiento
  • 5.0 (22)
  • Sport
  • Wöchentlich

Voll ine ist ein Podcast bei dem zwei Freunde über die Welt des Sports diskutieren und debattieren. Einmal aus der Profi- und das andere Mal aus der Fansicht. Instagram: @volline_podcast Intromusik von Tim Bond & Profilbild von Xavier Esclusa Trias . Hosted on Acast. See acast.com/privacy for more information.

  1. vor 2 Tagen

    #219 - Turnhalle-Nostalgie, KI-Coaches, Pogi und die schnellsti Frau vo Europa

    In dä 219. Folge tauched de Oscar und de Andri zerscht i d Chindheit ab: Weli Turnspiel us dä Schuelziit müesst mer als Erwachsene dringend wieder mal uspacke? Vo Burgävolk übers Brennball bis zum ewige Striit, öbs jetzt «Völkerball» heisst oder nöd. De Andri verzellt vo sim Traum, als schnellschte Mensch überhaupt dur de Gotthard-Sicherheitsstollä vo Göschenä uf Airolo z «säcklä» – 17 Kilometer schnuergrad. Und de Oscar het en strengä Sporttag hinder sich: mitem Velo vo Zug uf Züri (mit es paar Strava-PRs), denn bi 36 Grad Tennis mit em Chef. Passend dezue rekapituliäred si de Bsuäch am Zug Open, stuned über s Tempo vom Häusler live – und rechned vor, wie wenig e Tennisprofi uf de füfte Turnier-Stufe eigentlich verdient. Denn wirds spannend: De Oscar stellt sin KI-Personal-Coach «Claudio» vor, wo sini Whoop- und Strava-Datä uslisst, ihm s-Training zämestellt, jede Tag es Check-in macht und de Trainingsplan dynamisch aapasst. Sportlich gseh dreiht sich denn alles um d Tour de France 2026: Pogačar holt sin fünfte Gesamtsieg und zieht mit de Legende gliich, verschenkt derbii sogar Etappe a de Del Toro. Gross3 Jubel gits bi de VOLL INE FAMILY: Geraldine di Tizio-Frey rennt über d 100 m mit 10.96 persönlichi Bestziit (windlegal) und isch damit schnellschti Europäerin vom Jahr und drittschnellschti Schwiizerin überhaupt. Und Angelica Moser holt de Schwiizermeischtertitel im Hochsprung mit 4,70 m – trotz Fuessverletzig im Vorfäld. Beidi mit Blick uf d'EM Mitti Auguscht z^Birmingham, wo d Jungs uf Medaillä hoffäd. Zum Schluss no de grossi Ärger – Infantinos Plan, d Fussball-WM z privatisierä – plus en Uusblick uf d Ruder-WM mitem Paddy «Ballon» Brunner. Abonniert de Podcast uf Apple Podcasts und Spotify, lönd 5 Sternä da und folgäd üs uf Instagram. Bliibäd gsund, machäd viel Sport und trinkäd gnueg Wasser bi dänä Temperaturä! Hosted on Acast. See acast.com/privacy for more information.

  2. 23. Juli

    #218 - Mier sind W(eh)Müetig

    De WM-Final isch gschpillt, de Titel isch verteilt. Mir mached, was mir am beschte chönd: gföhrlichs Halbwüsse zum ganze Spektakel. De Osci fiiret sini Spanier bis am halbi drü z'Nacht mit dä Familie, ganz kitschig. Er verzellt euch, werum d'Gerächtigkeit im Fuessball gwunne het und werum es fascht no schöner isch, dass Argentinie nöd gwunne het. Mir näme d'Mauer-Taktik vo dä Argentinier usenand, rede über Enzo Fernández sini rot Charte wo längscht überfällig gsi wär, und werum de Messi immer no de Bescht isch, aber sini Truppe... na ja. Denn: s'Ganze Glanz&Gloria als absoluti Reizüberfluetig. Speed, Tom Cruise, Post Malone, BTS, Justin Bieber, d'Muppets und natürlich de Shakira-Ohrwurm wo mir zerscht ghasst und denn gliebt händ. Dezue: de Trump, d'USA als Gaschtgäber und öb 48 Team eigentli e gueti Idee gsi sind. Spoiler: jaa. Ändli chürämer de Wältmeister vom Tippspiel. Gratulation, Philippe Ständeros! Und zum Abschluss no e Portion Tour de France: de Mauro Schmid holt als Schwiizer en Etappesieg, erscht dä zweit sit 6 Jahr, de Vingegaard lit am Bode und de Kampf um Platz zwei wird richtig spannend. E chaotischi Folge, danke Internet 🙃, aber voll ine wie immer. Hosted on Acast. See acast.com/privacy for more information.

  3. 16. Juli

    #217 - WM-Special Nummer 5: Das VAR's

    D'Nati isch dusse, aber wie! 120 Minute gäge de Weltmeischter, s'Ndoye Goal, und denn de Moment, wo alles kippt: Gelb-Rot für Embolo. Mir diskutiered, öb das es ehrevolles Usscheide gsi isch oder die verpasst Jahrhundert-Chance. Wiiter gahts mit em Halbfinal Spanie–Frankriich: D'Spanier lönd em Mbappé kei einzige Schuss ufs Tor zue. Und denn no de Kracher England–Argentinie: Kane und Bellingham gäge de 39-jährig Messi bi sim letschte grosse Tanz. Mir leged üs fescht, wer in Final chunnt. Bi de Tour de France fahrt de Pogačar allne devo (scho wieder), de Merlier sprintet doppelt, und z'Nevers passiert s'Unglaublichste vo de Wuche: De Wærenskjold gwünnt d'schnellst Tour-Etappe aller Ziite, ei Tag nachdem er als Letschte is Ziel cho isch. Und zum Abschluss Wimbledon: De Sinner lat em Zverev zum zähte Mal in Serie kei Chance, und im Damen-Final vergiit d'Nosková sächs (!) Matchbäll, bevor si sich als jüngsti Siegerin sit 2011 doch no krönt. Darum, wie immer, VOLL INE lose! Hosted on Acast. See acast.com/privacy for more information.

  4. 9. Juli

    #216 - WM-Special Nummer 4: Bringed eus de Messi

    D'Schwiz spielt ihri besti WM allerziite und Voll Ine isch wieder mal z'vorderst ufem Bandwagon und dass, obwohl beidi nedemal s'ganze Spiel gege Kolumbie gseh hend... Trotzdem simmer heiss wiene Moooooore uf das Spiel gege de argentinisch Zauberzwerg und us irgendeme Grund träumemer scho vo dem WM-Final. Vor dem gihts aber no Bretter wie Frankrich-Marrokko, Spanie-Belgie und Norwege-England wommer natürli au no analysieret! Dezwüsche gihts wie immer wieder mal chli Abschweifer und Gossip rund ums Glanz & Gloria bi de Spielerfraue, Trump sini Ihflussnahm und Infantino sini Skandäl. Darum, wie immer, VOLL INE lose! Hosted on Acast. See acast.com/privacy for more information.

  5. 2. Juli

    #215 - WM-Special Nummer 3

    "HALLO MAJOR TOM, KÖNNEN SIE MICH HÖREN?" Das Brett wirds ah dere WM definitiv nümme z'höre geh! Dütschland verabschieded sich sang- und klanglos us de WM und zumindist ein Teil vo Voll Ine gnüsst die Hatewatch richtig. Nebst de Dütsche verwütschts under Anderem au no d'Holländer, am Osci sini Japaner und am Andri sini Ecuatorianer. Generell chammer sege: d'WM lauft langsam heiss! Guets Stichwort! D'Liechtathletik-Damene laufed au zu Höchstform uf und bewised, dass mit ihne bi de EM z'rechne isch und es bitz Ruedere ufem Rotsee wird die Folg au no besproche! Darum, wie immer, VOLL INE lose! Hosted on Acast. See acast.com/privacy for more information.

  6. 25. Juni

    #214 - WM-Special Nummer 2

    Wuche 2 vo de WM und Voll Ine isch voll im Manzambi Fieber! Usserdem analysieremer no de Rest vo de Spiel. Egal ob Dark Ponies Belgie oder Pferd Holland. Jedes Land bechummt sin Spotlight. Nebst Fuessball gihts aber au no Ruedere und Drama bim EVZ. Darum, wie immer, VOLL INE lose! Hosted on Acast. See acast.com/privacy for more information.

  7. 18. Juni

    #213 - WM-Special Nummer 1

    Die 213ti Folg vu VOLL INE isch eigentlich en Recap vude erste WM Wuche. Perfekt für so lüüt wie de Andri wo ned am morge am 6ii ufstönd zums WM Bedürfnis befriedige. Zum Glück hemmer üse Experte Onkel Osci wo alli Infos, Zämefassige und fun facts no im chopf hed! Nebst de einzelne Matches wo ufgarbeitet werdet gits auno en Iblick die persönliche Sphärene vude beide Hosts, zum Bispiel wieso de Andri mitm Voll Ine Number One Nici Huber unterwegs gsi isch und de Osci weiss, das de Patrick Fischer noni ganz mitm Verband abschlosse hed…zum Schluss wird auno Velofahre, Formel 1, Liechtathletik und Hockey zumne guete Abschluss agschnitte. Blibed dra und gönd VOLL INE! Hosted on Acast. See acast.com/privacy for more information.

  8. 11. Juni

    #212 - VOLL INE mit... Lea Meier

    Mitem hüttige Gast wird Voll Ine scho fascht zum offizielle Podcast vu Swiss Ski. Wemmer d Lea Meier kennelernt merkt mer schnell, sie ghört eigentlich scho lang zude Voll Ine Family. Sympathisch, Sportlich und ufgstellt sind numme es paar Charaktereigeschaft wo sich i dere Folg ganz klar zeiged. D Lea isch Biathletin und hed im letzte Winter ihri Position ide Weltspitze und ade OLYMPISCHE Spiel chönne etabliere. Nebst ihrne Leistige ufem Schnee verzellt üs d Lea aber no viel meh...wieso Atmig generell unterschätzt wird und woher dasses chunt, dass Biathlon eini vude meistverfolgte Wintersportarte isch aber ide Schwiiz no chli Startschwierigkeite hed. Das alles und no viel meh bi VOOOOOLL INE! _______ De Voll Ine WM Tippgruppe bihtrete und geili Prise gwünne! Hosted on Acast. See acast.com/privacy for more information.

    #212 - VOLL INE mit... Lea Meier
Alle anzeigen (245)

Trailer

5
von 5
22 Bewertungen

Info

Voll ine ist ein Podcast bei dem zwei Freunde über die Welt des Sports diskutieren und debattieren. Einmal aus der Profi- und das andere Mal aus der Fansicht. Instagram: @volline_podcast Intromusik von Tim Bond & Profilbild von Xavier Esclusa Trias . Hosted on Acast. See acast.com/privacy for more information.

Informationen

  • Erstellt von
    Andri Struzina & Oscar Sarmiento
  • Jahre aktiv
    2021 - 2026
  • Folgen
    245
  • Bewertung
    Anstößig
  • Copyright
    © Andri Struzina & Oscar Sarmiento
  • Sendungswebsite
    Voll ine - Der Sportpodcast

Das gefällt dir vielleicht auch