Wi snackt platt

NDR

Bi "Wi snackt Platt" dreiht sik allens üm Plattdüütsch un dat, wat los is in'e plattdüütsch Welt. Wat dat plattdüütsche Reportagen ut Hamborg un Norddüütschland sünd, Interviews op Platt oder Geschichten ut den Olldag - düsse Podcast is för jedeen wat, de Plattdüütsch geern hett oder dat lehren will. In „Wi snackt Platt“ dreht sich alles um Plattdeutsch und das, was die plattdeutsche Welt bewegt. Ob plattdeutsche Reportagen aus Hamburg und Norddeutschland, spannende Interviews oder Geschichten aus dem Alltag – hier kommt jeder auf seine Kosten, der Plattdeutsch liebt oder es lernen möchte.

Folgen

  1. Wi snackt Platt: Gebrüder Wolf, Minnerheiten-Utstellen un Champagner

    VOR 4 STD.

    Wi snackt Platt: Gebrüder Wolf, Minnerheiten-Utstellen un Champagner

    Bi "Wi snackt Platt" geiht dat dütmal üm de ne'e Utstellen "Wat heet hier Minnerheit?", de dat vunaf den 11. März in’t Altnaer Museum to beleven gifft. Denn vertellt wi Jo ok noch mehr över de Premieer vun dat Stück "Jungs vun de Waterkant - Die Gebrüder Wolf" in't Ohnsorg-Theater, dat geiht üm dat Plattdüütssch Hörspeel "Dat Füerschipp" vun Siegfried Lenz – un wi sünd ok noch bi Tanks Theater in Noordersteed to Besöök: dor steiht an'n Dunnersdag, den 12. März, de Premieer vun dat Stück "Champagner to'n Fröhstück" an.

    30 Min.
  2. Wi snackt Platt: "Dat Speel mit uns Spraak"

    VOR 5 TAGEN

    Wi snackt Platt: "Dat Speel mit uns Spraak"

    Bi "Wi snackt Platt" speelt wi dütmal 'n beten wat mit uns plattdüütsche Spraak. Un woans kunn dat beter gahn as op en Poetry Slam. Wi vertellt, wat dat egens is en Poetry Slam un höört ok mal rin in den een oder annern Text vun en Poeten.De Leder in uns Sennen:Timsen un sien Lüüd - Hüüt is min DaagGerrit Hoss - Dat olle KlavierLui & Fiete - Rollin' HomeWiebke Colmorgen & Hardy Kayser - KlookschieterIna Müller - Veel to oltModeratschoon: Jürgen Fitschen

    30 Min.
  3. Wi snackt Platt: Tüdelband, Malte Schöning un Spezjal-Füerwehrlüüd

    1. MÄRZ

    Wi snackt Platt: Tüdelband, Malte Schöning un Spezjal-Füerwehrlüüd

    Bi "Wi snackt Platt" geiht dat dütmal üm de Hamborger "Tüdelband", de verleden Wekenenn en Album-Release-Kunzert in'e utverköffte Fischhall in Harborg speelt hett. "Foffteihn" heet dat ne'e Album. Wi weern dorbi as Mire Buthmann un Malte Müller jümehr ne'e Musik dat eerste Mal vör Publikum vörstellt hebbt. Denn geiht dat ok noch üm den jungen Hamborger Ledermaker Malte Schöning un sien ne'en plattdüütschen Popsong AIDA - un wi vertellt Jo mehr över de Spezjal-Füerwehrlüüd vun'e Technik un Ümweltschuulwach F32, de ok bi de Exploschonen un den groten Brand verleden August in'n Hamborger Haven mit in'n Insatz weern.

    30 Min.
  4. Wi snackt Platt: Helmut Debus, Lennon von Seht un Kattensetels

    22. FEB.

    Wi snackt Platt: Helmut Debus, Lennon von Seht un Kattensetels

    Bi "Wi snackt Platt" geiht dat dütmal üm twee plattdüütsche Ledermaker, de in'e tokamen Week bi uns in Hamborg to beleven sünd: an'n 26. Februor, avends Klock 6, speelt de 30johrige Lennon von Seht en Kunzert in'n Lichtwarksaal vun'e Carl-Toepfer-Stiften. Un an'n Freedag, den 27. Februor, avends Klock 8, steiht en vun de gröttsten Platt-Poeten, de wi hebbt, op'e Bühn vun'e KunstKaat in Volksdörp: Helmut Debus. Wi hebbt mit Lennon vun Seht över sienen Optritt un siene Musik snackt - un wi maakt en lütte musikalsche Reis dör dat Leven vun Helmut Debus. 50 Johr is dat nu her, dat sien eerstet Album "Wo ik herkam" rutkamen is. Dorto geiht dat ok noch üm uns plattdüütsche Geschichten-Akschoon „Vertell doch mal“, üm Kuddelmuddel – un en plattdüütsche Geschicht hebbt wi ok noch för Jo.

    30 Min.
  5. Wi snackt Platt: "Gröönkohleten in Japan, Regen in'n Kopp un Waterwesen"

    15. FEB.

    Wi snackt Platt: "Gröönkohleten in Japan, Regen in'n Kopp un Waterwesen"

    Bi "Wi snackt Platt" geiht dat dütmal üm en grotet Grönkohleten in Japan. Eenmal in't Johr draapt sik in Tokio mehr as 100 Lüüd, üm dor op so richtig wat noordüütsche Aart un Wies to slemmen un to fiern. Wi hebbt mit de Sängerin, Entertainerin un Autorin Annie Heger snackt, de dor nu al dat veerte Mal för de richtige noordüütsche Stimmung in Saal soorgt hett. Denn weern wi ok noch bi de Premieer vun dat Theaterstück “Regen in’n Kopp” vun den Hamborger Ledermaker un Kinnerbookautor Ove Thomsen mit dorbi – un dat geiht üm märkenhaft Waterwesen, de in’e Elv in’n Hamborger Hoben leven doot – dorüm dreiht sik nämmich allens bi uns Plattdüütsch Höörspeel "Ölben siene Waterwesen", dat Ji an’n Middewekenavend vunaf fief na negen bi NDR 90,3 höörn köönt. Un ok ne'e plattdüütsche Musik ut Hamborg hebbt wi för Jo! An'n 21. Februor speelt de "Tüdelband" en Album-Release-Kunzert in'e Fischhall in Hamborg-Harborg. Avends, Klock 8 geiht dat los. As Vörgesmack gifft dat bi "Wi snackt Platt" al mal en Leed vun dat ne'e Album "Foffteihn" to hören!Un noch en Veranstaltens-Tipp: Ok an'n Sünnavend, den 21. Februor, avends Klock 6 speelt de Ledermaker Willie Stemwede ut Hamborg-Rahlsteed en Kunzert in't Schulungszentrum vun "Hamburg Wasser" in´n Wellingsbüttler Weg 25a. To hören gifft dat ünner annern Leder vun sien ne'estet Album "Seewievke". Korten gifft dat bi't Torhaus Wellingsbüddel.

    31 Min.
  6. Herma Koehn - Vun "Heimweh nach St. Pauli" bet "Kröten in Not"

    8. FEB.

    Herma Koehn - Vun "Heimweh nach St. Pauli" bet "Kröten in Not"

    In wiet mehr as 120 Rullen und Stücken weer de wunnerbare Schauspelersch Herma Koehn alleen an’t Ohnsorg-Theater to beleven – man se hett ok noch an so vele anner Theaters speelt, weer in’t Fernsehn to sehn un as Hörspeelsprekerin aktiv. Düssen Februor is dat 60 Johr her, dat de Bühnkarieer vun Herma Koehn losgüng: mit een Optritt bi dat Musical "Heimweh nach St. Pauli" in't Hamborger Operettenhuus - an'e Siet vun Freddy Quinn. Bi "Wi snackt Platt" vertellt wi Jo mehr över de grootardige Karrieer vun Herma Koehn.

    5 Min.
  7. Wi snackt Platt: Herma Koehn, Werner Momsen un Kuddelmuddel

    8. FEB.

    Wi snackt Platt: Herma Koehn, Werner Momsen un Kuddelmuddel

    Wat in Hamborg un ümto in de plattdüütsche Welt passeren deit un över wat in Kultur, Politik un Sport op Platt snackt warrt - dat kriegt Ji mit bi "Wi snackt Platt".Herma Koehn - 60 Johr op'e BühnIn wiet mehr as 120 Rullen und Stücken weer de wunnerbare Schauspelersch Herma Koehn alleen an’t Ohnsorg-Theater to beleven – man se hett ok noch an so vele anner Theaters speelt, weer in’t Fernsehn to sehn un as Hörspeelsprekerin aktiv. Düssen Februor is dat 60 Johr her, dat de Bühnkarieer vun Herma Koehn losgüng: mit een Optritt bi dat Musical "Heimweh nach St. Pauli" in't Hamborger Operettenhuus - an'e Siet vun Freddy Quinn. Bi "Wi snackt Platt" vertellt wi Jo mehr över de grootardige Karrieer vun Herma Koehn.Momsen - Tiere - SensationenEen kennt em vun’e Theaterbühn, vun "Hör mal'n beten to", man ok vun’t Fernsehn: Klappmuulpopp Werner Momsen. Tohoop mit sien Achtermann Detlef Wutschik hett he nu en ne’et Book rutbröcht. "Momsen. Tiere. Sensationen" vertellt vun Deerten un jümehr verrückte Egenschoppen: vun Wombats, de mit eckige Köddels jümehr Reveer markeert, vun Sülverfisch, de de Wollmüüs vun'n Bodden opfreten un Grottenolmen, de sik in een Johr blots fief Meters wiet bewegen doot. "Wi snackt Platt"-Reportersch Benita Brunnert hett sik mit Werner Momsen un sien Achtermann Detlef Wutschik drapen un mit jüm över dat ne'e Book snackt.Mehr Plattdüütsch gifft dat op ndr.de/platt

    30 Min.
  • 7 Folgen

Bewertungen und Rezensionen

4,2
von 5
23 Bewertungen

Info

Bi "Wi snackt Platt" dreiht sik allens üm Plattdüütsch un dat, wat los is in'e plattdüütsch Welt. Wat dat plattdüütsche Reportagen ut Hamborg un Norddüütschland sünd, Interviews op Platt oder Geschichten ut den Olldag - düsse Podcast is för jedeen wat, de Plattdüütsch geern hett oder dat lehren will. In „Wi snackt Platt“ dreht sich alles um Plattdeutsch und das, was die plattdeutsche Welt bewegt. Ob plattdeutsche Reportagen aus Hamburg und Norddeutschland, spannende Interviews oder Geschichten aus dem Alltag – hier kommt jeder auf seine Kosten, der Plattdeutsch liebt oder es lernen möchte.

Informationen

  • Erstellt von
    NDR
  • Jahre aktiv
    2017 - 2026
  • Folgen
    7
  • Bewertung
    Unbedenklich
  • Copyright
    © Norddeutscher Rundfunk
  • Sendungswebsite
    Wi snackt platt

Das gefällt dir vielleicht auch