Sólvit & Uni

Sólvit Nolsø og Uni Holm Johannesen

Sólvit Nolsø og Uni Holm Johannesen royna eftir førimuni at greina politiskt virksemi og politiskar hendingar í Føroyum. Vit hava báðir politiska fortíðir, men royna eisini at tveita hugsjónarligu kapparnar av okkum, tá vit klóka okkum.

  1. 30 Jul

    Hví nevndi løgmaður ikki uttanríkismál?

    Løgmaður megnaði í ólavsøkurøðuni at seta tvey týdningarmikil mál á dagsskránna: Bústaðarmál og rúsevnamál. Tó vóru tað nøkur stór mál eisini, ið ikki vóru nevnd. Fyrst og fremst uttanríkismál. Hesa ferð eru tað Sólvit og Hallur av Rana, sum greina politisku støðuna.

    Hví nevndi løgmaður ikki uttanríkismál?

  2. 21 Jul

    Jacob hevur myndað teir fyrstu 100 dagarnar

    Í hesum 15. parti hyggja vit aftur á fyrstu 100 dagarnar hjá samgonguni. Eisini hyggja vit fram og gita eitt sindur um fyrsta ólavsøkuboðskapin hjá løgmanni. Tað er eingin ivi í, at Jacob Vestergaard stendur sterkastur í samlaðu politisku myndini. Hann hevur fleiri ferðir sett dagsskránna og elvt til kjak, sum altíð hevur verið hansara máti at arbeiða upp á. Sumt av tí, ið hann hevur sagt og gjørt, hevur verið eitt sindur kontroversielt, og spurningurin er, hvussu leingi tað kann halda fram, uttan at tað skapar trupulleikar í samgonguni. Í síni ólavsøkufrágreiðing eigur løgmaður at boða greitt frá, hvør politiska dagsskráin hjá samgonguni er. Hann má leggja fram hvørji felagsmálini hjá samgonguni eru, og hvat tey hava sett sær at loysa saman. Eisini eigur løgmaður at traðka meira í karakter, so tað gerst greiðari, at tað er hann, ið myndar samgonguna og setir dagsskránna.

    Jacob hevur myndað teir fyrstu 100 dagarnar

  3. 27 May

    Aksel vil hála borgarligu samgonguna til vinstru

    Javnaðarflokkurin hevur verið ákærdur fyri at sleppa sínum aðalmálum sum tann lítli flokkurin í eini borgarligari samgongu. Í hesum nýggjasta parti av poddinum tosa vit við Aksel V. Johannesen, formann í Javnaðarflokkinum, um hví flokkurin er farin í samgongu við tveimum borgarligum flokkum. Vit tosa um fiskivinnunýskipanina, um nýskipanir og um støðuna í Javnaðarflokkinum, har partar av baklandinum alment hava víst sína misnøgd.

    Aksel vil hála borgarligu samgonguna til vinstru

  4. 19 May

    Tagnaðu røddirnar um loysing, karmarnir hjá fiskivinnuni liggja trygt í politisku skipanini og vantandi virðingin fyri fólkaræðisligum mannagongdum

    Í dag viðgera vit frágreiðingina hjá Javnaðarflokkinum á Fólkatingi, gildistíðina á veiðiloyvum og hoyringin, sum ikki var hildin, tí landsstýrismaðurin í fiskivinnumálum kendi seg nóg væl upplýstan. Tað er eyðsýnt, at í føroyska fólkinum er eingin bráðfeingis hugur at broyta ríkisfelagsskapin, tí eingin tosar um mest ítøkiliga uppskotið, sum higartil er lagt fram um ein broyttan ríkisfelagsskap. Nú veiðiloyvini fara at galda í 10 ár rullandi, er niðurstøðan helst tann, at projektið frá 2015-19 er endaliga liðugt. At gildistíðin ikki var send út til hoyringar, tí landsstýrið helst seg vera nóg væl kunnað, avdúkar eina vantandi virðing fyri løgtinginum og fólkinum annars. Tað eru nakrar av niðurstøðunum, vit koma fram til í dag.

    Tagnaðu røddirnar um loysing, karmarnir hjá fiskivinnuni liggja trygt í politisku skipanini og vantandi virðingin fyri fólkaræðisligum mannagongdum

  5. 14 May

    Sjálvræði í felagsskapi: Kunnu vit vera ein statur, men eisini varðveita felagsskapin við Danmark?

    Sjúrður Skaale hevur latið úr hondum eina frágreiðing um hvussu hann (Javnaðarflokkurin á Fólkatingi) heldur vit kunnu loysa spennitroyggjuna í felagsskapinum. Í stuttum er loysnin, at vit fara úr ríkisfelagsskapinum, men inn aftur beinaveg. Vit varðveita uttanríkispolitikk og ríkisborgaraskap eftir á føroyskum hondum, og kunnu tá kalla okkum ein stat. Restin av máløkjunum fella aftur til danska umsiting, og skulu rekast sambært einum langtíðar sáttmála. Loysnin kallast ein øvugt delegatión. Eg spyrji Sjúrð um frágreiðingina. Vit tosa um politisku møguleikarnar og snávingarsteinarnar, sum liggja á leiðini. Vit tosa eisini um politisku støðuna í Danmark samanborið við støðuna fyri 25 árum síðani, tá fullveldissamráðingarnar vóru. Vit koma eisini inn á um tað fer at hava avleiðingar fyri okkara uttanríkispolitikk, um vit sjálvi umsita hann. Um tað framvegis er onnur lond, sum tá kunnu ávirka hann.

    Sjálvræði í felagsskapi: Kunnu vit vera ein statur, men eisini varðveita felagsskapin við Danmark?

  6. 11 May

    Ósemjan um gyltu veiðiloyvini, eingin lætti til oljufýringar og gamli Miðflokkurin í nýggjum hami

    Hóast samgongan sigur nakað annað, letur tað eisini gera at geva teimum, ið hita húsini við olju ein skjótan lætta. Tað undrar okkum eisini eitt sindur, at málið um løgtingsheitini so lætt fer ígjøgnum løgtingið, tá tað seinast bleiv eitt prinsipielt kjak um kyns- og samleikapolitikk. Vit tosa eisini eitt sindur um røður, ið vóru hildnar 1.mai, men drúgvasta viðmerkingin hesa ferð, er um longdina á veiðiloyvunum. Málið er ógvuliga grundleggjandi og stór virðir eru upp á spæl. Tað ger tað ógvuliga problematiskt, at semja ikki fæst um fortreytirnar í málinum. Vit enda við at landsfundinum hjá Miðflokkinum og fyrstu formansrøðuni hjá Steffani Klein Poulsen. Hann sigur seg ikki vilja víkja frá kósini, ið flokkurin hevur havt, men tað kann gerast honum ein trupulleiki, tí flokkurin sær út til at missa atkvøður.

    Ósemjan um gyltu veiðiloyvini, eingin lætti til oljufýringar og gamli Miðflokkurin í nýggjum hami

  7. 29 Apr

    Ósosiali sosialpolitikkurin hjá Aksel, leitanin hjá Framsókn eftir liberalismu, og røða hjá bretskum hernaðarráðharra, sum viðkemur okkum.

    Í dag viðgera vit millum annað kúvendinginahjá Fólkaflokkinum í málinum um heitini hjá løgtingsfólkum. Fyri trimum árumsíðan kundu teir (Mercedis undantikin) ikki atkvøða fyri broytingini, tíalmenna heitið løgtingsfólk var ein uppgerð við kynsheitini maður og kvinna.Tað er eftir øllum at døma ikki ein trupulleiki longur. Verður hugsjónin skúgvatil viks afturfyri vald? Vit tosa eisini um løgnu innanhýsis kappingina millum politiskar flokkar, sum eingin annar leggur nakað í og um framtíðina hjá Framsókn, nú flokkurin fyllir 15 ár, og fer at endurskoða sína politisku skrá. Vit venda eisini sosialhjálpini hjá samgonguni, sum skuldi vera startskotið og sólskinssøgan at byrja við, men sum longu nú avdúkar misnøgd í samgonguni. Valdi samgongan skeivt? So spyrja vit at enda hví røður hjá bretska sendimannium í OSCE og bretska ráðharranum í hernaðarmálum eru viðkomandi fyri okkum og kanska serliga fyri Bárð á Steig Nielsen.

    Ósosiali sosialpolitikkurin hjá Aksel, leitanin hjá Framsókn eftir liberalismu, og røða hjá bretskum hernaðarráðharra, sum viðkemur okkum.

  8. 22 Apr

    Nýtt Samband er nýggi uttanríkispolitikkurin, javnstøðan úr landsstýrinum og í løgtingið og hvør skal definera Javnaðarflokkin?

    Bárður á Steig Nielsen staðfestir í grein í Altinget, at hann fer ikki at søkja sær eydnuna uttanfyri ríkisfelagsskapin. Harvið er tjóðarsemjan av álvara burtur, og Sambandsflokkurin er sloppin at definera næstan allan uttanríkispolitikk hjá samgonguni. Vit tosa um javnstøðuna í løgtinginum, har løgmaður flutti trupulleikan til. Trupulleikin er tó framvegis tann sami: At landsstýrið ikki virðir sín egna javnstøðupolitikk. Vit enda við at gera eitt rend á landsfund hjá Javnaðarflokkinum, har Aksel vísti á vandan tá onnur definera teg og tín politikk. Tað er ein vandi, sum framvegis lúrir hjá Javnaðarflokkinum í eini borgarligari samgongu.

    Nýtt Samband er nýggi uttanríkispolitikkurin, javnstøðan úr landsstýrinum og í løgtingið og hvør skal definera Javnaðarflokkin?
See All (16)

About

Sólvit Nolsø og Uni Holm Johannesen royna eftir førimuni at greina politiskt virksemi og politiskar hendingar í Føroyum. Vit hava báðir politiska fortíðir, men royna eisini at tveita hugsjónarligu kapparnar av okkum, tá vit klóka okkum.

Information

  • Creator
    Sólvit Nolsø og Uni Holm Johannesen
  • Years Active
    2026
  • Episodes
    16
  • Provider

You Might Also Like