(General News) မိူင်းၼၢႆးပဵၼ်တီႈၵိုၵ်းပိုၼ်း လီၶူၼ်ႉၶိုၼ်း ႁႂ်ႈၶဝ်ႈပဵၼ်ၶူဝ်းပူၺ်ႈလုမ်ႈၾႃႉ

မိူင်းၼၢႆးပဵၼ်တီႈၵိုၵ်းပိုၼ်း လီၶူၼ်ႉၶိုၼ်း ႁႂ်ႈၶဝ်ႈပဵၼ်ၶူဝ်းပူၺ်ႈလုမ်ႈၾႃႉ

ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း

တႃႇၸိူဝ်ႉၸၢတ်ႈဝၢၼ်ႈမိူင်းၸဝ်ႈၵဝ်ႇ တေပၵ်းသဝ်းၵႂႃႇလႆႈၶၢဝ်းႁိုင် ၵိုၵ်းလုမ်ႈၾႃႉၵႂႃႇၼၼ်ႉ ၵူႈၸိုင်ႈမိူင်းလႄႈၵူႈၶိူဝ်းၵူၼ်း ၸင်ႇဢွၼ်ၵၼ်ဝႆႉၼမ်ႉၼၵ်းႁႃလၢႆးတၢင်းႁၵ်ႉသႃၽႂ်မၼ်း ။

ဢိင်ၼိူဝ် ဝၢၼ်ႈမိူင်းမီးပိူင်ၽွင်းငမ်းလီဢမ်ႇလီၼၼ်ႉသေ လၢႆးႁၵ်ႉသႃၸိူဝ်ႉၸၢတ်ႈဝၢၼ်ႈမိူင်းၽႂ်မၼ်းၵေႃႈပိူင်ႈၵၼ် ။ ပိူင်ၽွင်းငမ်းမိူင်းႁူမ်ႈတုမ်မၢၼ်ႈတႄႉ ယႃႇဝႃႈတေသႂ်ႇၸႂ်ၼိူဝ်ၶူဝ်းၶွင်ၵဝ်ႇၵႄႇၸၢဝ်းၶိူဝ်းလႃႈ ဢၼ်မီးၵိုၵ်းမိူင်းယူႇၼၼ်ႉ ယင်းဢမ်ႇမေႃဝႆႉၼမ်ႉၼၵ်းႁၵ်ႉသႃ ။

မိူၼ်ၼင်ႇ မိူင်းၼၢႆး ၸိုင်ႈတႆးပွတ်းၸၢၼ်းၼႆႉ ပဵၼ်ဝဵင်းဢၼ်မီးၶူဝ်းၶွင်ၵိုၵ်းပိုၼ်းတင်းၼမ်တင်းလၢႆ ။ ဢမ်ႇမီးပၵ်းပိူင်လီလီ ဢၼ်တေမႃးႁူမ်ႈငမ်းတူၺ်းထိုင်လုမ်းလႃးပၼ်လႆႈ ။ ၼင်ႇႁိုဝ် ၵူၼ်းၵူႈသႅၼ်းထၢၼ်ႈ တေႁူႉၸၵ်း လႄႈ တေမေႃဝႆႉၼမ်ႉၼၵ်း ႁၼ်ၵႃႈၶၼ်မိူင်းၵဝ်ႇၵႄႇမိူင်းၼၢႆးၼၼ်ႉ ယူႇတီႈ သင်ႇၶတႆးလုၵ်ႈႁဵၼ်းၸၼ်ႉၸွမ်မိူင်းၵွၵ်ႇ ၸိုင်ႈထႆး ၸင်ႇဢွၼ်ၼမ်းၸတ်းပၢင်တၢၼ်ႈၶႆႈလွင်ႈမိူင်းၼၢႆးၼိူဝ်သိုဝ်ႇဢွၼ်ႊလၢႆႊ ။

ၼႂ်းပၢင်တၢၼ်ႈၶႆႈၼၼ်ႉ ဝႆႉဢၼ်လႂ်ပဵၼ်ပိူင်ယႂ်ႇသေဢုပ်ႇၶႆႈၵႂႃႇၼႆၼၼ်ႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။

#Shannews

#podcast

#မိူင်းၼၢႆး