Benetan zabiz?

EITB Radio Televisión Pública Vasca

"Benetan zabiz?" Aitziber Grados eta Malen Altunak aurkezten duten podcasta da. Umoretik abiatutako entretenimendurako podcast gaztea da. Gaien aldetik mugarik ez dago. Istorio pertsonaletik abiatuta, gonbidatuaren sekretu ilunenak argitara ateratzen dituzte bi kazetari gazteek. Arrosaliren laguntza dute ez egokia den hori gonbidatuari galdetzeko.Oihane Alonsori dagokio produkzioa eta beste guztia.

  1. 27. Karmele Jaio, harrizko bihotzak

    HACE 4 D

    27. Karmele Jaio, harrizko bihotzak

    Karmele Jaio idazlearen azkeneko lanak, “Harrizko bihotza” liburuak, taupaden hiztegi zabala eskaintzen du. Gasteiztarraren arabera bere liburu pertsonalena da, haurtzarotik abiatutako pasarteak dira, alegia. Taupadatik taupadara kontakizunak inguruko istorioetan eta bizi esperientzietan oinarritu ditu, eta A letratik Z-ra mundu osoko irakurleek pasarte horietan haien burua ere topatu dute. Idazketa, unibertsala da beraz? Maitasunaz hainbeste hausnartu eta gero, amodio arazoei aurre egiteko gai da bere egunerokotasunean? Psikologotzat du jendeak? Zergatik sortzen ditu hainbeste buru-hauste maitatzeak? Harrizko eta izotzezko bihotzak ditugu? Galdera horiek eta gehiagoren erantzunak, “Benetan zabiz?” podcastaren atal honetan!Galdu egingo duzula?

    1 h 3 min
  2. 26. Nafarroa 1512, historia egiten

    17 ABR

    26. Nafarroa 1512, historia egiten

    Nafarrak dira atal honetako gonbidatuak, Ulon eta Gaizka, Nafarroa 1512 taldeko gitarrajolea eta abeslaria! “Benetan zabiz? podcastari eskainitako elkarrizketa honekin historia egiten ari dira, ez baitizkiete horretarako eskaintza asko egiten. Benetan-zabiztarrek ordea, sakon ezagutu nahi izan dituzte: taldeari eskaintzen dizkieten tik-tokak, egiak eta gezurrak, tren bat galdu zutelako Berlinera iristeko hartu behar izan zuten autoa izan dira lerroburuak, besteak beste.Nolakoa da Euskal Herrian punk-rock estiloaren panorama musikala gaur egun? Ze kolaborazio arraro egin nahi lukete? Rap egitera animatu ote dira? Zer egiten dute haien aisialdian? Nolakoak dira taldeaz harago? Nork konposatzen ditu abestiak?Ez galdu atala!

    1 h 1 min
  3. 25. Maddalen Arzalluz, “ongietorria” ez zarenean

    10 ABR

    25. Maddalen Arzalluz, “ongietorria” ez zarenean

    2010ean ezagutu zuten atal honetako gonbidatua Aitziber eta Malenek biral egin ziren “Amari bertsoak” bertso-sortari esker. Maddalen Arzallus, bertsolari, itzultzaile eta telebista aurkezlea da! Uneren batean Doraemonen doinuarekin bertsoa kantatu izanaz damutu zen, baina aitortu du txikitatik izan dela lehiakorra. Arzallusek badaki, aurpegiak salatu egiten duela. Xilaban parte hartzea erabaki zuenean, bertso-eskola batzuetan ez zutela berak parte hartzea onartu azaldu du.Nola sentitzen du Ipar Euskal Herriko euskararen egoera? Hendaia arnasgunea zen orain mende bat, baina zer gertatu da azken urteetan? Nor izan liteke erruduna? Euskararen kontrako makinaria delako hori, nor edo zer da? Nola hasi zen Asterix eta Obelixen komikiak itzultzen? Zerbaitetaz damutzen da?“Biba Zuek” saioari buruz ere hitz egin dute atalean zehar eta Xabier Sukia lankideari mezu bat bidali nahi izan dio Maddalenek.“Benetan zabiz?” galdu egingo duzula?

    1 h 3 min
  4. 24. Egoitz Txurruka, lehenengo hitzorduen “trivial"a 

    27 MAR

    24. Egoitz Txurruka, lehenengo hitzorduen “trivial"a 

    Egoitz Txurruka da “Benetan zabiz?” podcastaren atal honetako gonbidatua.Espainiako Telebista Publikoko “Trivial Pursuit” saio berriko aurkezlea da eta beste saio baterako, “La Familia de la Tele” saiorako ere deia jaso zuela aitortu du atalean zehar. Nola egin du ordea ETB eta TVE telebista kateetarako aurkezle lanak aldi berean egiteko? Zergatik esaten du batzuetan Bilbotarra dela, bera Mallabitarra denean? Zergatik sinatu zuen La 1 katerako lan-kontratua Kolonbiako oihanean zegoela?Maria Blanco kolaboratzaileak, bere aldetik, Goya Sarien pareko zinema ekitaldietan influencerren presentziak harrotu duen polemika mahai gainean jarri nahi izan du, eta bide batez, lan-intrusismoa. Atalaren bigarren zatian, izan dituzten zita surrealistenak gogoratu dituzte. Nolako hitzorduak dituzte gustuko? Alba Carrillorekin liatu al da Txurru? Ez hori bakarrik, Txurruk Madrilen bi pertsona oso ezagunekin izandako zita eta harremanak ere azaldu dizkigu!

    1 h 2 min
  5. 23. Kattalin Barcena, J Martina, “clean look” gehiegi

    20 MAR

    23. Kattalin Barcena, J Martina, “clean look” gehiegi

    J Martina taldeko Kattalin Barcena izan da atal honetako gonbidatua. Larrabetzuko taldeak etenaldia egin du eta forma artistiko berriak ezagutzen dabilela aitortu du Barcenak. Euskal Herriko musika panorama interesgarria zaio, baina elektronika egiten duten artista euskaldunen lana eta garrantzia jarri nahi izan ditu mahai-gainean. Mainstream diren talde asko, ez dira “bustitzen”, eta taldean hartzen diren erabaki gehienak politikoak direla dio. Hainbat espazioetan abesteaz edo ez, purutasun eta otzantasunaren gorakadaz, “clean-look”-az eta “beige” koloreen modaren arrazoiaz, ustekabean harrapatu gaituen Rosaliaren ideologiaz, faxismoak zein eskuin muturrak berenganatu dituen espazioez aritu dira, besteak beste, atalean zehar.“Benetan zabiz?” galdu egingo duzula?

    59 min
  6. 22. Skabidean, talde terapia beharrezkoa da

    13 MAR

    22. Skabidean, talde terapia beharrezkoa da

    Hamalau urte zituztenean Iturramako Institutuan elkar ezagutu zuten eta bertan eman zuten lehenengo kontzertua. Hamabi urte eta gero, ibilbide luzea egin dute elkarrekin eta une politak bizi izan dituzten arren, aldapa gora egin zaie askotan. Talde arazo larri bat izan zuten, eta talde terapia nahiko bortitzarekin konpontzen saiatu ziren. Skabidean taldeko Antonio eta Imanolek “Benetan zabiz?” podcastaren atal honetan aitortu dute ez dela batere erraza musikaria izatetik bakarrik bizimodua ateratzea. Aitziber eta Maleni azaldu diete, behin, ACDC taldearen tributu ofizialaren teloneroak izan zirela.Kolaboratzailearen tartean, nola ez, jolas batera jolastu dira eta abesti bateko lehen akordeak entzunda ze kantu den asmatu behar izan dute. Japonian ere izan dira! Bertako bira promozionatzeko kartel beldurgarria egin diete eta beraiek asmatutako “piparra izatea” kontzeptua ere zehaztu dute.Ze etxetresna izango ote lirateke?

    1 h 3 min
  7. 21. Urteekin, aldatzen garen ahala, damutzen garenaz

    6 MAR

    21. Urteekin, aldatzen garen ahala, damutzen garenaz

    Malen eta Oihaneren urtebetetzeak ospatu dituzte “Benetan zabiz?” podcastaren atal honetan eta aitzakia horrekin hogeita hamar urteen inguruko krisiaz hitz egin dute. Adin horretara gerturatzearekin batera nola sentitzen diren, ama izateko presioa sentitzen duten edota haien gurasoen zahartzeak larritzen dituen.“Nor da ohikoago” jolasera jolastu dira: hiruetatik nor ez litzateke jabetuko hondamendia gertatu dela lo harrapatu duelako? Nor igoko litzateke sagardotegi bateko mahai gainera dantza egitera? Batez ere, nork eskatzen dio Oihaneri podcastean zehar esandako hura mozteko?Atalaren bigarren zatian, noizbait esan edo pentsatu eta gerora esandakoaz damutu diren gauza eta egoerei buruz hitz egin dute Aitziber, Malen eta Oihanek. Feminismoak Leticia erregina kontuan hartu beharko luke? Eutanasiaren alde edo kontra daude?Ez galdu atala!

    1 h 4 min
  8. 20. Iker Iribarren eta Janire Atxurra, “hater” handienak ezagunak dira

    27 FEB

    20. Iker Iribarren eta Janire Atxurra, “hater” handienak ezagunak dira

    Eduki sortzaileak dira Iker eta Janire, nork bere edukia sortzen du, bakarka. Zaletasunak batzen ditu eta lagunak dira. Biek, umoretsu hitz egiten dute kamera aurrean eta aitortu dute haien “hater” handienak ezagutzen dituzten pertsonak direla. ”Euskal” eduki sortzaile etiketarekin ez datoz oso ados. “In” eta “out” dauden gauzen inguruan aritu dira “Benetan zabiz?” podcastaren atal honetan: “Triatloia maite dut” egitasmoaren eskutik, hamabi astetan zehar triatleta bihurtzeko erronka hartu dute! Janirek jarraitzaile asko dituen influentzer batekin sekulako beef-a izan zuen, eta Ikerri zotina sartzen zaio ogia erostera doan bakoitzean, horren inguruko xehetasun guztiak eman dizkigute. Detaileak ere bai, Euskal Herriko eduki sortzaileen bazkarian gertatutakoaren inguruan. Ondo eramaten ote dute elkar?

    1 h 3 min
Ver todo (131)

Valoraciones y reseñas

4,9
de 5
15 valoraciones

Información

"Benetan zabiz?" Aitziber Grados eta Malen Altunak aurkezten duten podcasta da. Umoretik abiatutako entretenimendurako podcast gaztea da. Gaien aldetik mugarik ez dago. Istorio pertsonaletik abiatuta, gonbidatuaren sekretu ilunenak argitara ateratzen dituzte bi kazetari gazteek. Arrosaliren laguntza dute ez egokia den hori gonbidatuari galdetzeko.Oihane Alonsori dagokio produkzioa eta beste guztia.

Ficha técnica

  • Creado por
    EITB Radio Televisión Pública Vasca
  • Años en activo
    2022 - 2026
  • Episodios
    131
  • Clasificación
    Apto
  • Derechos de autor
    © 2026 EITB Media
  • Sitio web del podcast
    Benetan zabiz?

Quizá también te guste