Craffu360

Golwg 360

Croeso i Craffu360, podlediad gwleidyddol Cymraeg newydd fydd yn holi rhai o ffigyrau mwyaf dylanwadol Cymru. Bydd Craffu360 yn holi gwleidyddion y gorffennol, y presennol, a’r dyfodol, er mwyn clywed mwy am eu credoau a'u polisïau. Byddwn ni hefyd yn sgwrsio â ffigyrau diwylliannol ledled y wlad er mwyn dysgu mwy am gyd-destun y Gymru sydd ohoni heddiw.

  1. 25 MARS

    Gair y Gohebwyr - Diwedd y Chweched Senedd, ond be fydd nesaf?

    Gohebwyr Golwg360, Efan Owen ac Rhys Owen, sydd yn eistedd lawr i drafod wythnos olaf y Chweched Senedd, ac yn cymryd golwg ar yr hyn ddigwyddodd yn sesiwn Cwestiynau i’r Prif Weinidog. Bydd y ddau hefyd yn trafod canllawiau arolwg barn YouGov ITV Cymru Wales, a beth all hyn olygu o ran yr ymgyrch sydd i ddod.

    31 min

  2. 19 MARS

    Pam mae lefelau ymwybyddiaeth o wleidyddiaeth Cymru mor isel?

    Yn y bennod hon rydym yn gofyn pam mae ymwybyddiaeth o wleidyddiaeth yng Nghymru mor isel? Mae astudiaeth ddiweddar yn dangos lefelau pryderus o ymgysylltu gyda gwleidyddiaeth a sut mae Cymru’n cael ei lywodraethu. A’i dibyniaeth ar gyfryngau Prydeinig sydd tu ôl i hyn? Mae ein gohebwyr, Efan Owen a Rhys Owen, yn trafod y canfyddiadau ymhellach gyda’r myfyriwr PhD sydd y tu ôl i’r astudiaeth yn Ysgol Newyddiaduraeth Prifysgol Caerdydd, Llion Carbis.

    44 min

  3. 12 MARS

    Jane Dodds a’r Democratiaid Rhyddfrydol: Gwrthwynebu annibyniaeth ond eisiau mwy o ddatganoli

    Yn ymuno a Craffu360 yw Arweinydd y Democratiaid Rhyddfrydol yng Nghymru, Jane Dodds. Yn pwysleisio ariannu gwasanaethau cyhoeddus, yn enwedig gofal cymdeithasol, rydym yn gofyn a’i dim ond grŵp gwthio yn hytrach na phlaid wleidyddol maen nhw yng Nghymru? Hefyd mae’r mater o annibyniaeth, rhywbeth mae Jane Dodds yn rhybuddio bydd yn bosib mewn refferendwm erbyn 2034 os mae Plaid Cymru yn ennill y ddau etholiad nesaf. Mae’r Democratiaid Rhyddfrydol wedi bod yn bendant y byddan nhw ddim yn cefnogi unrhyw glymblaid sydd yn rhoi ceiniog i mewn i gomisiwn ar annibyniaeth, rhywbeth mae Plaid Cymru eisiau gwneud; ond a yw hynny’n peryglu iddyn nhw fod yn amherthnasol yn y Senedd nesaf?

    30 min

  4. 5 MARS

    Gair y Gohebwyr: Lansiad maniffesto Reform, ysbion Tsiena a Llafur, a Gove yn hoffi Plaid Cymru

    Yn ymuno ac Efan Owen a Rhys Owen ar Gair y Gohebwyr yr wythnos yma, mae aelod o Academi Newyddiaduraeth Golwg360, Ben Withers.  O dan sylw mae lansiad maniffesto Reform, gyda’n Gohebydd Gwleidyddol Rhys Owen yn rhoi blas ar yr hyn oedd yn digwydd yng Nghasnewydd. Hefyd mae’r mater o ddiffyg ffydd yn ein gwleidyddiaeth, beth mae arést o dri pherson sydd yn hanesyddol wedi bod yn rhan o Lafur o fod yn ysbiwyr i Tsiena yn gwneud i’’n gwleidyddiaeth. Ac yn olaf fyddan ni’n trafod cariad annhebygol y Spectator a Michael Gove o Blaid Cymru.

    51 min

  5. 4 MARS

    Maniffesto'r Ceidwadwyr Cymreig: Cysgod Reform ac addewidion radical? Gyda Sam Kurtz

    Wedi lansiad maniffesto'r Ceidwadwyr Cymreig, yn y bennod hon o Craffu360, mae ein Gohebydd Gwleidyddol, Rhys Owen, yn eistedd lawr gyda’u Llefarydd ar yr economi ynni, ac amaeth, Sam Kurtz.  O dan sylw mae penderfyniad ei ffrind James Evans i ymuno Reform, perthnasedd y blaid yng Nghymru, ac wrth gwrs mwy o fanylion ar addewidion eithaf radical y maniffesto.

    42 min

  6. 27 FÉVR.

    Cynhadledd Plaid Cymru: Barod i lywodraethu? Gyda Mabon ap Gwynfor

    Yn y bennod hon o Craffu360, mae ein Gohebydd Gwleidyddol, Rhys Owen, yn eistedd lawr gyda Llefarydd Iechyd a Gofal Cymdeithasol Plaid Cymru, Mabon ap Gwynfor i drafod y neges sy’n siapio’r ymgyrch - yn enwedig y ffocws ar Reform UK - a geiriau cryf Rhun ap Iorwerth am y dewis rhwng “cynnydd neu bydredd”.  Oes perygl bod gormod o sylw ar Reform? A beth mae profiad etholiad 2024 a llywodraeth Keir Starmer wedi’i ddysgu i’r Blaid? Rydyn ni hefyd yn edrych ar heriau ymgyrchu ar lawr gwlad, yn enwedig mewn sedd enfawr fel Gwynedd Maldwyn, a’r gofyn sut mae sicrhau bod cynrychiolaeth hygyrch wedi’r etholiad. Gyda iechyd a gofal cymdeithasol yn ganolog i’r drafodaeth, cawn flas ar beth allai fod i ddod o ran polisïau newydd, a sut byddai Plaid yn delio â’r pwysau ariannol sy’n wynebu Llywodraeth Cymru. Ac wrth gwrs, gyda’r polau piniwn paentio darlun cymysg, rydyn ni’n trafod y posibilrwydd o gydweithio neu glymblaid, a pha araith wleidyddol sydd wir wedi aros yn y cof.

    30 min

  7. 26 FÉVR.

    Gair y Gohebwyr: Goblygiadau cyfansoddiadol yr hawl i farw, Gorton a Denton, a Chynhadledd Plaid Cymru

    Ar Gair y Gohebwyr heddiw, mae ein gohebwyr Efan Owen a Rhys Owen yn trafod wythnos brysur yn Senedd a thu hwnt.  Dan sylw mae’r tensiynau cyfansoddiadol yn sgil y bleidlais ar roi pwerau i Weinidogion Cymru dros hawl i farw - a’r hyn mae hynny’n ei ddatgelu am y setliad datganoli presennol. Hefyd, rydym yn edrych ar y mater bach o is-etholiad yn Gorton a Denton, a pha arwyddion sydd ynddo o’r hyn all ddod yng Nghymru. Ac i gloi, byddwn yn trafod cynhadledd Plaid Cymru wrth i aelodau baratoi ar gyfer penwythnos o gyhoeddiadau, gyda’r gobaith o sicrhau’r allwedd i Barc Cathays ym mis Mai.

    25 min

  8. 19 FÉVR.

    Gair y Gohebwyr: Trenau, cydweithio ar y chwith, a dyfodol y Teulu Frenhinol

    Ar Gair y Gohebwyr heddiw, er bod y Senedd ar wyliau, mae ein gohebwyr Efan Owen a Rhys Owen yn eistedd lawr i drafod wythnos brysur ym myd gwleidyddiaeth.  Ar yr agenda mae’r weledigaeth newydd gan Drafnidiaeth Cymru, Heddiw, Yfory, Gyda'n Gilydd - ond ai cefnogaeth go iawn ynteu ymdrech ymgyrchol gan Keir Starmer sydd y tu ôl iddi? Byddwn hefyd yn trafod y posibilrwydd o gydweithio ar y chwith i atal Reform UK, ac a oes gobaith i Beth Winter fel ymgeisydd annibynnol ym Mhontypridd Cynon Merthyr. Ac i gloi, trafodaeth ar oblygiadau’r canllawiau arestio ar gyfer Andrew Mountbatten-Windsor a dyfodol y Teulu Brenhinol Prydain.

    24 min
Tout afficher (20)

À propos

Croeso i Craffu360, podlediad gwleidyddol Cymraeg newydd fydd yn holi rhai o ffigyrau mwyaf dylanwadol Cymru. Bydd Craffu360 yn holi gwleidyddion y gorffennol, y presennol, a’r dyfodol, er mwyn clywed mwy am eu credoau a'u polisïau. Byddwn ni hefyd yn sgwrsio â ffigyrau diwylliannol ledled y wlad er mwyn dysgu mwy am gyd-destun y Gymru sydd ohoni heddiw.

Informations

  • Création
    Golwg 360
  • Années d’activité
    2024 - 2026
  • Épisodes
    20
  • Classification
    Tous publics
  • Copyright
    © Golwg 360
  • Site web de l’émission
    Craffu360

Vous aimeriez peut‑être aussi