Lëtzebuerger Journal

•

Channel • 10 Shows

Society & Culture

Society & Culture

Twice monthly
Business

Business

Updated 8 Sept
Society & Culture

Society & Culture

Updated 13 Aug
Society & Culture

Society & Culture

Updated 16 Apr
Documentary

Documentary

Updated 18/12/2025
Society & Culture

Society & Culture

Monthly
Sport

Sport

Updated weekly

4 days ago

#45 E Virstellungsgespréich beim Grand-Duc feat. Isabelle Faber

D'Isabelle Faber ass Directrice fir Ressources humaines, Kommunikatioun an Nohaltegkeet bei der Post. An dëser Episod vun Déi gutt Mod schwätze mir iwwert säi Parcours – vun enger Kandheet zu Schëtter iwwer d'Côte d'Azur, en ofgebrachent Medezinstudium an eng Karriär, déi hatt vum Radio iwwer en Job an engem vun de Big Four bis an de Cabinet vum Grand-Duc gefouert huet. D'Isabelle erzielt, firwat hatt sech selwer bei der Post als déi "timbréiert Madamm" bezeechent, wéi et war, als jonk Mamm ouni Congé parental ze schaffen a firwat eng Rees an de Bhutan säi Liewe verännert huet. Mir schwätzen iwwer Quotefraen, Sororitéit a firwat et heiansdo gutt ass, als éischt Jo ze soen an duerno eréischt ze iwwerleeën.
8 Sept

S02E05 - Den Eurominister

De Moie vum 1. Januar 2002 ass op de Banken a bei de Bankomater zu Lëtzebuerg gutt eng lass. Den Euro ass endlech um Marché. Eis Spueresich fänkt an enger Keess am Auchan un, an zwar beim Hélène Meurisse. D'Caissière ass am Kontakt mat enger Clientèle, déi lo net méi mat belschen, franséischen a lëtzebuergesche Frangen – oder souguer mat der Deutsche Mark – probéiert ze bezuelen, mee mat enger ganz neier Wärung. Wéi de Commerce sech op de Wiessel op den Euro virbereet huet, dat zielt d'Sabrina Sagramalo, deemools Coordinatrice vum Reseau vun den Euro-Infozenteren. De Luc Frieden, dee vun de Medien zu dem Zäitpunkt dacks als den "Eurominister" betitelt gouf, zielt wéi hien d'Preparatiounen als Minister fir Justiz, Budget a Bezéiunge mam Parlament an der Regierung Juncker-Poos erlieft huet. A wat fir Suergen d'Informatiker op de Banken an der Nuecht op den 1. Januar geplot hunn, dat verréit de Kik Schneider (deemols op der BGL). Mee wéi koum et iwwerhaapt zum Euro? Op d'Ursprongsiddi, déi vum Pierre Werner als ee vun de Pappe vum Euro ausgaangen ass, geet d'Dr. Elena Danescu an, Fuerscherin um Luxembourg Center for Contemporary and Digital History. Maach däi Journal-Abo: https://journal.lu/products 10% Rabatt um Joresabo mam Code #flux10 D'Chambre de Commerce: https://cc.lu/
4 Aug

#44 Wann s de vergëss, wat s de kanns feat. Céline Zimmer

D'Céline Zimmer ass Architektin, Fuerscherin an Entrepreneurin. An dëser Episod vun Déi gutt Mod schwätze mir iwwert säi Parcours – vu sengem Papp, deen hatt als Kand an e Corbusier-Klouschter matgeholl huet, iwwer e Studium zu Tréier an Hamburg bis bei en Doktorat iwwer d'Wunnengskris, deen hatt bal net gemaach hätt. D'Céline erzielt, firwat véier Stonne Fokuszäit schonn e gudden Dag sinn, wéi et ass, als jonk Fra mat neien Iddie géint Maueren ze lafen a firwat Entrepreneursgeescht och e Privileeg ass. Mir schwätzen iwwer Wunnkooperativen, iwwer d'Fro, ob ee muss wëssen, ob ee Kanner wëll an iwwer dee klenge Fësch, dee mat enger falscher Floss tëschent Haie schwëmmt.
25 Aug

S02E04 - Géi dohinner, wou de Kabes wiisst

Et ass 1962. Um Kierchbierg ginn e puer Bauere mat hiren Trakteren op d'Barrikaden. De Staat huet decidéiert, de Fonds Kierchbierg kéint Terrainen opkafen, fir dass do de neien Centre Européen gebaut ka ginn. An dat op de Felder, déi iwwer Generatiounen d'Existenz vun hire Famillje geséchert hunn. Eis Spueresich fänkt beim Fays Djoher, Associé gérant vum Shamrock Luxembourg, un. Wa Feierowend ass, kommen d'Employé*eë vun de Banken an EU-Institutiounen ëmmer gäre bis laanscht. D'Bevëlkerung vu Lëtzebuerg huet an de 60er mat méi Skepsis wéi Enthusiasmus op d'Urbaniséierung vum Kierchbierg gekuckt. Et war riets vu "Baurenausrottung", enger sozialer "Enklave" déi näischt mat der Stater Kultur ze dinn hätt, an "Eurokraten". De Kierchbierg gouf net an engem Dag gebaut, an et war net d'Zil, een integréierte Quartier aus deem Plateau ze maachen. D'Felder hu missen expropriéiert ginn, fir Spekulatioun op den Terrainen ze verhënneren, sou de Marc Widong (Fonds Kirchberg). Net nëmmen EU-Institutiounen, mee och Banken hunn sech um Kierchbierg néiergelooss. De Boulevard Royal war drop an drun, aus de Néiten ze platzen - dat wëssen de Kik Schneider deemols (BGL BNP Paribas) an de Fernand Grulms (deemols ABBL). D'Chambre de Commerce: https://cc.lu/
13/01/2025

#22 An der Ëffentlechkeet stoen (feat. Anne Calteux)

Alles Guddes am neie Joer! D’Melody deelt mat eis, firwat hatt bis elo nach ni e positiivt Verhältnis zu Geld hat a wéi et dat dëst Joer ännere wëll. An der Ëffentlechkeet stoen – déi eng zéien hir Energie doraus, fir anerer ass et éischter e Mëttel zum Zweck. Doriwwer hu mir mam Anne Calteux geschwat, eis Invitée an dëser Episod. Wat ass de Rôle vun der Vertriederin vun der Europäescher Kommissioun zu Lëtzebuerg? A wéi huet d’Anne seng Zäit als ë.a. Cheffe de Cabinet am Gesondheetsministère, besonnesch wärend der Covid-Pandemie, erlieft? Hat gëtt eis en Abléck a säi fréieren an haitegen Alldag. Mir schwätzen iwwert d’Sujet’en: Sech musse méi beweise wéi den Aarbechtskolleeg a wéi ee léiert schwiereg Situatioune besser ze geréieren an auszehalen. Vergiess net, eis deng Froe, Erfarungen an Umierkungen per Message oder Sproochnoriicht via Direct Message op Instagram https://www.instagram.com/letzjournal/ oder per E-Mail op lynn.warken@journal.lu a melody.hansen@journal.lu ze schécken. Du wëlls eis Equipe ënnerstëtzen? Da maach en Abo beim Lëtzebuerger Journal: https://journal.lu/de/products
Trailer

flux - Trailer

Ab dem 25. November 2025.
16/09/2024

#15 Belaaschtbarkeet

De Summer ass fort a mir si rëm do: Déi gutt Mod start an déi zweet Staffel. An der éischter Episod kucke mir op déi méi roueg lescht Méint zréck. D’Lynn erzielt vu sengem „erwuessene Summer“, d’Melody huet e Festival opgeriicht, erkläert wat “mat den Hänn schaffen” fir en Impakt op säi Wuelbefannen hat a mir ginn Insights an de Paralympics-Podcast fir deen de Lëtzebuerger Journal ee Joer laang d’Athlet*inne begleet huet an zum Schluss den Tom Habscheid déi éischt Medail säit 40 Joer mat Heem bruecht huet. Ausserdeem geet et em Belaaschtbarkeet am Aarbechtsalldag. Wéi een Afloss huet eist Privatliewen dorop, wéi wichteg ass eng raimlech Trennung vun Aarbecht a Fräizäit – a kann ee léieren, besser duerzehalen? Stéchwuert Resilienz. Zum Schluss brauche mer dech: An der zweeter Staffel wäerte mir ëmmer erëm eng gutt Mod am Podcast op Besuch hunn. Du bass eng oder du kenns eng? Schéck eis deng Proposen op melody.hansen@journal.lu, ob lynn.warken@journal.lu oder iwwer Privatmessage ob Instagram. Mir freeën eis op dech. Hei geet et bei de Paralympics-Podcast "D'Hoffnungsdréier": https://open.spotify.com/show/4teknHsHmKNsdAxsbfvYtH?si=T_YCXoz0SlyEwWjAau7bOA
22/08/2023

#1 Verantwortungsgefill

Am éischten Episod stelle mir eis vir an erzielen, wat hannert dem Titel "Déi gutt Mod" stécht. Et dréint sech ganz vill iwwert d’Verantwortungsgefill a wéi wichteg et ass, Responsabilitéit ofzeginn. Wat passéiert mat engem selwer, mee och mat de Mataarbechter*innen, wann ee sech fir alles verantwortlech fillt an näischt delegéiert? Mir diskutéieren iwwer Sätz wéi "Wanns du et mëss, da weess ech datt, et klappt" oder "Hei komm, ech maachen et séier selwer, dann ass et gemaach". Vergiess net, eis deng Froe, Erfarungen an Umierkungen per Message oder Sproochnoriicht via Direct Message op Instagram https://www.instagram.com/letzjournal/oder per E-Mail op lynn.warken@journal.lu a melody.hansen@journal.lu ze schécken. Du wëlls eis Equipe ënnerstëtzen? Da maach en Abo beim Lëtzebuerger Journal: https://journal.lu/de/products
8 Jul

Christophe Prosperi

D'Jill begéint de Christophe Prosperi op der Terrass vum Vis-à-vis an der Stad. Déi éischt Emojis loossen hatt nach un e "Finance Bro" denken, mee séier gëtt kloer, datt hannert de Messeren an de Kach-Emojis eng Geschicht vu Leidenschaft, Ausdauer an Entrepreneursgeescht stécht. Hien erzielt vu sengem Wee an d'Gastronomie, vu senger Kandheet an der Kichen, vu sengem eegene Restaurant am Mëllerdall an dovun, wéi hien sech den Dram vun der Selbstännegkeet erfëllt huet. Dobäi geet et ëm déi haart an ëm déi schéi Säite vum Beruff, d'Verännerungen an der Gastronomie, de Culinary World Cup, sozial Medien an d'Aarbecht hannert de Kulissen, déi d'Gäscht meeschtens ni matkréien. Handwierk, Courage, Famill an Erfolleg stinn am Mëttelpunkt vun dëser Episod, an de Christophe Prosperi erkläert, firwat Zäit an der Kichen heiansdo déi wichtegst Zutat ass. Du wëlls méi iwwer Reklamme wëssen? Schreif eis op podcast@journal.lu
21 May

Khalid Oke

Nodeems d'Jill fir d'éischt mol um Fändel scheitert, trëfft hatt de Khalid, besser bekannt als Oke, am Konrad zu Bouneweg. Ganz onbekannt ass hien him awer net: Déi zwee kennen sech schonn duerch Musek, Podcasts an Instagram. De Khalid schwätzt iwwer säi Wee als Museker, säi Liewen tëscht Lëtzebuerg an Nigeria an d'Gefill, zwou Heemechten ze hunn. Dobäi geet et ëm grouss Bünen, perséinlech Wendepunkten, Famill, Rassismus, Therapie a seng Relatioun zur Musek. Fir hien ass Musek nämlech vill méi ewéi nëmmen Entertainment: Si ass eng Manéier, Geschichten ze erzielen, Kulturen ze verbannen an Themen unzeschwätzen, déi him wichteg sinn. E Gespréich iwwer Wuerzelen, Identitéit, Alter-egoen, grouss Dreem an doriwwer, firwat een heiansdo aus der Rei danze muss, fir säin eegene Wee ze fannen. Du wëlls méi iwwer Reklamme wëssen? Schreif eis op podcast@journal.lu

A digital magazine from Luxembourg promoting critical thinking and democratic debate.