မြဝတီနယ်စပ်က ကေကေပါ့ခ်ကို စစ်တပ်က စီးနင်းဖျက်ဆီးခဲ့ပေမဲ့ ရွှေကုက္ကိုမြို့သစ်မှာတော့ ဖမ်

- ယူကရိန်းစစ်ပွဲ အဆုံးသတ်ရေး အမေရိကန်ရဲ့ အဆိုပြုချက်မူကြမ်းကို အမြန်ဆုံး လက်ခံဖို့ ယူကရိန်းကို ရုရှား တိုက်တွန်း - မြဝတီမြို့နယ်ထဲက ကျားဖြန့်ငွေလိမ်ဂိုဏ်းတွေ ရှိနေတဲ့ ကေကေပါ့ခ်ကို စစ်တပ်က စီးနင်း ဖျက်ဆီးခဲ့ပေမဲ့ ရွှေကုက္ကိုမြို့သစ်မှာတော့ လူတွေကို လိုက်လံဖမ်းဆီးတာတွေလောက်ပဲ လုပ်ခဲ့တယ်လို့ ဒေသခံတွေကပြော - မန္တလေး ပြည်သူ့ကာကွယ်ရေးတပ်မတော်ရဲ့ ထိပ်ပိုင်းခေါင်းဆောင်နှစ်ဦးကို တပ်ပိုင်ဘဏ္ဍာပစ္စည်းတချို့ တရားမဝင် ထုတ်ယူသွားပြီး တပ်ကိုပြန်မအပ်တာကြောင့် ဖမ်းဆီးထားကြောင်း NUG ထုတ်ပြန် - ရွှေပြည်သာ သပိတ်ကော်မတီဝင် သုံးဦးကို ရွေးကောက်ပွဲများကို နှောင့်ယှက်ဟန့်တား ဖျက်ဆီးခြင်းမှ ကာကွယ်ပေးရေး ဥပဒေပုဒ်မ ၂၃(က) နဲ့ အမှုငါးမှုစီ စွဲပြီး ထောင်ဒဏ်နှစ် ၄၀ ကျော်စီ ချမှတ်လိုက် - နိုင်ဂျီးရီးယားမှာ ကက်သလစ် ခရစ်ယာန်စာသင်ကျောင်းတစ်ခုကနေ ကျောင်းသားတွေနဲ့ ဝန်ထမ်းအများအပြား ပြန်ပေးဆွဲခံရ - ဂျပန်မှာ စီးပွားရေး တိုးမြှင့်ရေး အသုံးစရိတ် အများအပြား သုံးစွဲမယ့် စီမံကိန်း တစ်ခုကို ကက်ဘိနက် အတည်ပြု - အစ္စရေးနဲ့ ဟားမတ်စ်အကြား အပစ်ရပ်သဘောတူချက် စအသက်ဝင်ခဲ့တဲ့ ပြီးခဲ့တဲ့လကတည်းကစလို့ ဂါဇာဒေသမှာ စစ်ပွဲနဲ့ဆက်နွှယ်နေတဲ့ ဖြစ်ရပ်တွေအတွင်း ကလေးငယ်ပေါင်း ၇၀ နီးပါး သေဆုံးခဲ့တယ်လို့ UNICEF ကုလသမဂ္ဂ ကလေးများရန်ပုံငွေအဖွဲ့ပြော - အလှူရှင်နိုင်ငံတွေဆီက အလှူငွေတွေ လျော့ကျလာတဲ့အတွက် ICRC နိုင်ငံတကာကြက်ခြေနီအဖွဲ့က အသုံးစရိတ် ငါးပုံတစ်ပုံ နီးပါး လျှော့ချမယ်လို့ ထုတ်ပြန် - ဘင်္ဂလားဒေ့ရှ်မှာ ပြင်းအား ငါးဒဿမငါး ငလျင်အတွင်း လူ ငါးဦးသေဆုံး