លោកស្រី ឆាយ ស៊ីវលីន៖ កម្ពុជាងាកទៅពង្រឹងវិស័យទេសចរណ៍ជាមួយឡាវ និងវៀតណាម

ក្រសួងទេសចរណ៍កម្ពុជា និងឡាវបានឯកភាពគ្នាជំរុញការផ្សព្វផ្សាយទីផ្សារទេសចរណ៍រួមគ្នាតាមរយៈយុទ្ធនាការ «ប្រទេសពីរ គោលដៅតែមួយ»។ អ្នកជំនាញផ្នែកទេសចរណ៍មើលឃើញថា កម្ពុជាកំពុងងាករកច្រកយុទ្ធសាស្ត្រផ្សេងទៀតក្រៅពីថៃ ដើម្បីពង្រឹងវិស័យទេសចរណ៍ក្នុងអំឡុងពេលដែលខ្លួនកំពុងមានជម្លោះព្រំដែនជាមួយថៃ។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី១៧ ខែធ្នូ ឆ្នាំ២០២៥នេះ លោកស្រី ឆាយ ស៊ីវលីន ប្រធានសមាគមទេសចរណ៍កម្ពុជាបានថ្លែងថា ការពង្រឹងវិស័យទេសចរណ៍ជាមួយឡាវ និងវៀតណាម គឺជាយុទ្ធសាស្ត្រ​បត់បែនទៅតាមកាលៈទេសៈ ខណៈយុទ្ធនាការផ្សព្វផ្សាយទេសចរណ៍រួមគ្នាជាមួយថៃត្រូវបានផ្អាក៕