Kai sorguot?

Latgalīšu kulturys ziņu portals

Raidīroksta "Kai sorguot?" mierkis ir aktualizēt i styprynuot vysapgiunūšys vaļsts aizsardzeibys izpratni, radeit platformu diskusejom par akutom temom, kas īprīšk nav pīteikūši apsprīstys. Sarunuos pīsadola eksperti, kulturys darbinīki, muokslinīki, žurnalisti, aktivisti nu Latgolys i cyti. Raidejuma golvonuos temys ir saisteitys ar cīšū kulturys i aizsardzeibys nūzaris saikni, ceiņu pret dezinformaceju, kai ari iztureibu i gataveibu krizem. Raidīroksts taiseits ar Latvejis Republikys Aizsardzeibys ministrejis finansialū atbolstu.

Episodes

  1. Kai sorguot? | Latgaliskais kā drošības resurss | Ep. 5

    29/10/2025

    Kai sorguot? | Latgaliskais kā drošības resurss | Ep. 5

    Vaļsts ir tik drūsa, cik pīdareigi jiutās tuos cylvāki – ar sovu volūdu, identitati i kūpeigū stuostu. Pīktajā raidejuma “Kai sorguot?” epizodē sarunā par latgaliskū identitati i tuos nūzeimi vaļsts drūseibā pīsadola Saeimys deputats Jurs Viļums ("Apvienotais saraksts"), Saeimys deputate Leila Rasima ("Progresīvie") i latgalīšu kulturys kusteibys “Volūda” projektu vadeituoja Edeite Laime. Sarunā izskaņ, ka latgalīšu volūda i identitate ir drūseibys resurss i sevkuram individam, i Latgolys regionam, i Latvejis sabīdreibai kūpumā. (00:00) Īvods (00:26) Gostu dasaceišona (01:09) Vaļsts attīksme pret latgaliskū (10:32) Latgaliskuo lūma vaļsts aizsardzeibā i drūseibā (21:47) Latgaliskais medejūs i tuo kvalitate (28:40) Kai par vaļsts drūseibu vysulobuok komunicēt ar Latgolys dzeivuotuojim? (34:50) Kūpsavylkums i nūbeigums Raidīroksts “Kai sorguot?” taiseits ar Latvejis Republikys Aizsardzeibys ministrejis finansialū atbolstu. Projektu realizej latgalīšu kulturys ziņu portals lakuga.lv, raidīroksta informativais atbaļsteituojs – Latvejis Sabīdryskuo medeja portals lsm.lv.

    37 min
  2. Kai sorguot? | Kultūra kā propagandas ierocis | Ep. 4

    21/10/2025

    Kai sorguot? | Kultūra kā propagandas ierocis | Ep. 4

    Kultura var vīnuot, veiduot pīdareibys sajiutu i styprynuot, tok var ari tikt ļaunpruoteigai izmontuota, kab škaltu sabīdreibu. Īnaidnīkam myusu kulturys konteksts ir augsne, kur audzēt manipulacejis i ītekmi. Par tū, kai kultura palīk par propagandys īrūci, raidejuma “Kai sorguot?” 4. epizodē diskutēja propagandys i Krīvejis ītekmis Latvejā pietnīks Mārtiņš Hiršs, Reigys Tehniskuos universitatis Rēzeknis akademejis vodūšuo pietneica Sandra Sprudzāne i žurnaliste, Latvejis Radejis Latgolys studejis vadeituoja Renāte Lazdiņa. Sarunā tyka apsprīsts, kai Krīvejis propagandys mehanismi īsajauc cylvāku kasdīnā – caur simbolim, medejim, svātkim i pat, kai redzīs, navaineigom kulturalom izklaidem. (00:00) Īvods (00:41) Gostu dasaceišona  (01:12) Deļkuo propaganda dorbojās? (02:58) Voi i kai kulturys elementus izmontoj propagandys metodēs Latvejā i Latgolā? (04:18) Medeju lītuošonys parodumi Latgolā (08:16) Medeji kai kulturys starpnīki (11:01) Voi konkretys kulturys patiereņš nūsoka attīksmi pret vaļsti? (16:26) Kulturys i sporta sasaiste ar politiku (21:02) Krīvejis propagandys kanalu kluotasameiba Latvejā (26:20) Kai veicynuot medejprateibu Latgolys dzeivuotuoju vydā? (36:31) Kūpsavylkums i nūbeigums Raidīroksts “Kai sorguot?” taiseits ar Latvejis Republikys Aizsardzeibys ministrejis finansialū atbolstu. Projektu realizej latgalīšu kulturys ziņu portals lakuga.lv, raidīroksta informativais atbaļsteituojs – Latvejis Sabīdryskuo medeja portals lsm.lv.

    39 min
  3. Kai sorguot? | Mākslinieku loma valsts aizsardzībā | Ep. 3

    15/10/2025

    Kai sorguot? | Mākslinieku loma valsts aizsardzībā | Ep. 3

    Muoksla ir sabīdreibys brunis ari mīra laikā. Tei paleidz apsazynuot stypruos i vuojuos vītys, aizdūt naārtus vaicuojumus, dūmuot kritiski i styprynuot ījiuteibu. Taišni itei spieja just i dūmuot leidza ir vīns nu vaļsts nūtureibys pamatu. Raidejuma “Kai sorguot?” trešajā epizodē Latgolys rodūši i piļsūniski aktivi cylvāki – dzejneica Ligija Purinaša, Daugovpiļs teatra aktrise Kristīne Veinšteina i storpdisciplinars muokslinīks Kristaps Ancāns – diskutej par itim vaicuojumim. Jūs pīredze atkluoj – kultura na tik spiej atspīgeļuot realitati, tok ari tū puormeit – padorūt sabīdreibu stypruoku i atbiļdeiguoku. (00:00) Īvods (00:36) Gostu dasaceišona  (01:14) Cik nūzeimeigs ir muokslinīka dorbs vaļsts aizsardzeibā? (05:16) Rakstnīka miseja i vaļsts aizsardzeiba (07:49) Cik atvārti mes asam? Volūdys i kulturys vaicuojums (19:45) MUD LAB pīnasums vaļsts aizsardzeibai caur laikmeteigū muokslu (24:07) Aktera lūma sabīdreibys i vaļsts drūseibys styprynuošonā (27:24) Cenzura i skots iz Latgolu nu molys (31:00) Augstuokuos izgleiteibys nūzeime regionā (34:23) Kai puorsamejuse muokslinīka lūma (41:05) Kūpsavylkums i nūbeigums Raidīroksts “Kai sorguot?” taiseits ar Latvejis Republikys Aizsardzeibys ministrejis finansialū atbolstu. Projektu realizej latgalīšu kulturys ziņu portals lakuga.lv, raidīroksta informativais atbaļsteituojs – Latvejis Sabīdryskuo medeja portals lsm.lv.

    43 min
  4. Kai sorguot? | ⁠Kultūras mantojuma aizsardzība Latgalē | Ep. 2

    07/10/2025

    Kai sorguot? | ⁠Kultūras mantojuma aizsardzība Latgalē | Ep. 2

    Nu muzeju plauktu da civiluos aizsardzeibys planu – kulturys montuojums vys skaidruok teik pīzeits par vaļsts drūseibys vaicuojumu. “Kruojums ir muzeja sirds,” soka Latgolys Kulturviesturis muzeja (LKM) vadeituoja Anastasija Strauta. Tok, kai itū sirdi pasorguot, ka pleist iudiņa vods, izaceļ guņs voi draud kars? Atbiļdis iz itim vaicuojumim mekliejom raidejuma "Kai sorguot?" ūtrajā epizodē, kur pi vīna sarunu golda sasatyka LKM vadeituoja Anastasija Strauta i golvonuo kruojuma globuotuoja Renāte Vancāne, Kulturys ministrejis civiluos aizsardzeibys vadeituojs Vitālijs Rakstiņš, kai ari Nacionaluos kulturys montuojuma puorvaļdis puorstuove Gita Jankovska. (00:00) Īvods (00:29) Gostu dasaceišona   (01:09)  Parkū vajadzeigs plāns kulturys montuojuma aizsardzeibai i gluobšonai krizis situacejuos, i kai nūteik tuo praktiskuo īvīsšona   (05:19) Attīceibys storp montuojuma aizsardzeibys nūzaris pusi i militaruos nūzaris pusi  (08:31) Latgolys Kulturviesturis muzeja gataveiba krizis situacejom (12:21) Kruojuma digitalizaceja kai drūseibys veicynuotuojs – Latgolys Kulturviesturis muzeja prakse (15:05) Kū varim vuiceitīs nu Ukrainys (19:20) Breivpruoteigūs īsaiste (24:41) Pošvaļdeibu lūma krizis laikā (29:09) Kai sasagataveit i reikuotīs militara ībrukuma gadīnī (37:06) Kūpsavylkums i nūbeigums Raidīroksts “Kai sorguot?” taiseits ar Latvejis Republikys Aizsardzeibys ministrejis finansialū atbolstu. Projektu realizej latgalīšu kulturys ziņu portals lakuga.lv, raidīroksta informativais atbaļsteituojs – Latvejis Sabīdryskuo medeja portals lsm.lv.

    38 min
  5. Kai sorguot? | ⁠Kultūra ir vajadzīga drošībai un otrādi | Ep. 1

    01/10/2025

    Kai sorguot? | ⁠Kultūra ir vajadzīga drošībai un otrādi | Ep. 1

    Kultura nav tik tradicejis i tūs izkūpšona – tei ir vaļsts drūseibys nūzeimeiga sastuovdaļa. Itei atziņa vejuos cauri sarunai, kurā pīsadaleja Latvejis kulturys ministre Agnese Lāce, Daugovpiļs kulturys instituta “New East” vadeituojs Jorens Dobkevičs, kai ari Namaterialuos kulturys montuojuma centra “Upīte” direktors Andris Slišāns. Jī pastreipuoja, ka kultura reizē ir identitatis kūduls, kūpīnu styprynuotuojs i ari spāks, kas paleidz sabīdreibai saglobuot nūtureibu, diskutejūt i izklausūt. Portala lakuga.lv jaunuo raidejuma “Kai sorguot?” pyrmajā epizodē raidejuma vadeituoja Anželika Litvinoviča sasarunuoja ar diskusejis gostim par kulturys vītu vaļsts aizsardzeibā. (00:00) Īvods (00:39) Gostu dasaceišona (01:16) Kultura ir daļa nu drūseibys (05:28) Kai puorsamejuse vaļsts attīksme pret kulturys nūzari nu 2022. gods 24. februara? (10:46) Kultura i laikmeteiguo muoksla ir lobuokais veids, kai veicynuot sarunys i vīnuotu sabīdreibu (17:52) Kai drūseibu uztver pīrūbežā i “Upītis” kulturtelpa kai drūsuo vīta (23:10) Kulturys pasuokumi kai propagandys instrumenti (30:18) Biblioteka kai vītejuos kūpīnys styprynuošonys i nūtureibys veiduošonys vīta (35:17) Kūpsavylkums i nūbeigums Raidīroksts “Kai sorguot?” taiseits ar Latvejis Republikys Aizsardzeibys ministrejis finansialū atbolstu. Projektu realizej latgalīšu kulturys ziņu portals lakuga.lv, raidīroksta informativais atbaļsteituojs – Latvejis Sabīdryskuo medeja portals lsm.lv. info@lakuga.lv | Instagram.com/voluuda | facebook.com/lakuga.lv | x.com/lakuga

    36 min
  • 5 Episodes

About

Raidīroksta "Kai sorguot?" mierkis ir aktualizēt i styprynuot vysapgiunūšys vaļsts aizsardzeibys izpratni, radeit platformu diskusejom par akutom temom, kas īprīšk nav pīteikūši apsprīstys. Sarunuos pīsadola eksperti, kulturys darbinīki, muokslinīki, žurnalisti, aktivisti nu Latgolys i cyti. Raidejuma golvonuos temys ir saisteitys ar cīšū kulturys i aizsardzeibys nūzaris saikni, ceiņu pret dezinformaceju, kai ari iztureibu i gataveibu krizem. Raidīroksts taiseits ar Latvejis Republikys Aizsardzeibys ministrejis finansialū atbolstu.

Information

  • Creator
    Latgalīšu kulturys ziņu portals
  • Years Active
    2K
  • Episodes
    5
  • Rating
    Clean
  • Copyright
    © Latgalīšu kulturys ziņu portals
  • Show Website
    Kai sorguot?