Аліса Рыжычэнка. Ці здолее Беларусь заліць расійскі рынак сваім бензінам і выжыць

Попыт на беларускі бензін на расійскім рынку здзівіў сваім ростам і парадаваў прапагандыстаў. Дарэчы, як вырас (але чамусьці гэтым нікога не парадаваў) і кошт так званага “спажывецкага кошыка”, нягледзячы на рэгуліроўку цэн на тавары і “ручное кіраванне” інфляцыяй. Затое ў рэжыма наладжваюцца шчыльныя сувязі з Аманам і хутка яны ў Беларусі пабудуюць чарговы нерэнтабельны цэлюлозна-картонны камбінат. Праўда, хто на ім будзе працаваць, не вядома, бо гастарбайтэры з Пакістана чамусці ехаць ужо хутка год як не спяшаюцца. Са свайго боку дэмсілы не спяць у шапку: прадстаўніца па эканоміцы і фінансах Аб’яднанага пераходнага кабінета (АПК) Аліса Рыжычэнка заклікала партнёраў падтрымаць “дарожную карту еўрапейскай інтэграцыі Беларусі” і “распрацоўку эканамічных рэформ”. Ці здолее Беларусь заліць расійскі рынак сваім бензінам і дзякуючы чаму расце імпарт беларускіх ІТ-паслуг? Чаму ні замарозка цэн на прадукты, ні рэгуляцыя інфляцыі не дапамагаюць спыніць падаражанне “спажывецкага кошыка”? Чым цікавая Беларусь для Амана і чаму беларусы больш прадаюць долары, чым набываюць? Гэтыя ды іншыя эканамічныя тэмы абмяркоўваем у жывым эфіры Еўрарадыё з эксперткай у сферы дзяржаўнага кіравання і міжнароднага развіцця, магістаркай эканомікі, прадстаўніцай па эканоміцы і фінансах Аб’яднанага пераходнага кабінета Алісай Рыжычэнка.