Арцём Брухан. Пятае кола: Лукашэнка збірае УНС, каб заявіць пра пачатак адлігі?

Лукашэнка вярнуў з нябыту Усебеларускі народны сход. А было ўражанне, што нават ён забыўся пра існаванне гэтага “пятага кола ў возе” і патрэбы ў ім не мае. Ёсць меркаванне, што вярнуць прыкметы жыцця гэтаму органу вырашана для таго, каб Лукашэнка меў магчымасць перад “шырокімі народнымі масамі” заявіць пра змены ва ўнутранай палітыцы. І змены гэтыя нібыта будуць у бок палітычнай адлігі, што “ястрабам” з карных структур наўрад ці спадабаецца. Што на сёння ўяўляе з сябе Усебеларускі народны сход і якія функцыі выконвае? Ці варта разлічваць на змены ў бок змяншэння ўзроўню рэпрэсій і ці патрэбны Лукашэнку УНС, каб пра гэтыя змены паведаміць? Ці можна казаць, што дэмсілы пачалі працэс самазнішчэння і як на дыяспару ўвогуле і дэмсілы ў прыватнасці ўплывае пацяпленне адносін паміж Мінскам і Вашынгтонам? На гэтыя ды іншыя пытанні ў эфіры Еўрарадыё адказвае спікер Каардынацыйнай рады Арцём Брухан