Fiasko Fest

Radio 100,7

Mir maache Plaz fir d'Scheiteren. Eng Bün fir Verléierinnen a Verléierer. Eng Anti-Haltung zu éiweger Leeschtung ...

  1. 4 dni temu

    S03E41 Heiansdo deet et wéi: Ben Bauler

    Net onbedéngt méi wëllen, awer trotzdeem méi wëllen. Iergendwéi sou. De Ben Bauler, deen nieft de Bünen an den Theateren zu Lëtzebuerg e bekannt Gesiicht ass, ass net deen, dee Karriär maache muss, awer wat soll dat schonn heeschen? Matt ënnert anerem der Fro vum Éiergäiz gëtt sech am Luc Spada sengem Fiasko Fest ausernee gesat. Obwuel mir jo awer alleguerte wëssen, dass sech um Enn näischt plange léisst. Och d’Situatiounen am Verkéier natierlech net. Do kennen dann och mol d’Handschelle klicken. A bis dohi gëllt et ze verdrängen, ze vergiessen, auszehalen?

  2. 28 cze

    S03E40 Heiansdo deet et wéi: Julie Costa

    Komesch, dat ass e Wuert, dat den Haaptzoustand vun der Julie Costa beschreift. Also wuel verstanen, net de Luc Spada, Moderator vu Fiasko Fest, géif seng Invitée esou bezeechnen, mee d’Chargée de communication an d’Creatrice vu "Luxemburg does it best" sech selwer. Gedriwwe vum Virwëlz an enger ënnerlecher Onrou erzielt si iwwer hiert Bedürfnis déi net latzeg Säite vu Lëtzebuerg ze weisen an deenen net ëmmer esou schéine Momenter als Jugendlech am Lycée, wou si eent vun deenen, Dir kennt Iech et sécher schonn denken, Komesche war.

  3. 21 cze

    S03E40 Heiansdo deet et wéi: Liz Braz

    D’Liz Braz ass Politikerin an no de Walen, wou et kloer gouf, datt si an d’Chamber kéim, konnt si et net wierklech gleewen. Net vu Freed, mee méi esou wéi wa si dat net verdéngt hätt. Si war dach just jonk an naiv an hat keng Erfarung. Dat ka jo dann net wierklech wouer sinn, oder? Et geet awer natierlech net just ëm Politik bei Fiasko Fest, dem Luc Spada sengem Podcast iwwer Scheiteren, mee eeben och ëm déi Momenter, déi ee gäre vergiesse géif, wéi zum Beispill en Uruff vum 22. August 2019. An da wier do nach deen ee Stalker, mat de ville Fotoe vun der jonker Politikerin a senger Garage.

  4. 14 cze

    S03E39 Heiansdo deet et wéi: Edwin Aldin

    Dat huet deemools scho wéigedoen. Och nach haut behaapt den Edwin Aldin, datt dat mat där enger Band do, déi hien zesumme mat engem Kolleeg gegrënnt huet, wierklech ee vu sengen einsaamste Momenter war. Wann op eemol alles ewechbrécht: d’Identitéit, d’Karriär an och d’Bezéiungen zu senge Kolleegen. Et war definitiv en Héichpunkt am Katalog vum Museker a Produzent senge perséinleche Scheitermomenter. Fiasko Fest mam Luc Spada iwwer e Mënsch, eng Séil, déi villes kann, awer näischt richteg?

  5. 7 cze

    S03E38 Heiansdo deet et wéi: Frédérique Colling

    D’Schauspillerin a Comedian Frédérique Colling huet net onbedéngt d’Gefill, datt si ëmmer dee beschten Timing huet. Vill Entscheedungen hätten och méi fréi getraff kënne ginn. Da misst een och net schwaach falen, wann eng Fra ee kësst. Mee wéi mir dacks an der Sendung Fiasko Fest vum Luc Spada léieren: Esou einfach ass et eben oft net. Och net op der Spillplaz, wuertwiertlech. Wou Leit einfach net verstoe kënnen, wéi dat dann ass, wann do ee Kand ass an zwou Fraen. Hei brauch et Gedold, mat sech, mat deenen aneren an am Liewen allgemeng.

  6. 31 maj

    S03E37 Heiansdo deet et wéi: Laurent Agostino (Live)

    Den éischte Fiasko Fest Live am TNL ass mam Laurent Agostino. Dem Luc Spada säin Invité schwätzt ganz offen doriwwer, wéi et ass behënnert ze sinn a wat dat genau heescht. Hie fënnt et richteg vill iwwert sech a seng Behënnerung ze schwätze fir och deene Persounen ze hëllefen, déi sech do méi schwéier dinn. Souwuel matt dem Fakt selwer behënnert ze sinn, wéi och domadder, wéi een d’Wierder richteg benotzt. En déift Gespréich iwwer Liewen, Doud an déi Momenter, wou en ufänke muss, déi Situatioun unzehuelen, déi engem gebuede gëtt. Ganz an der Iddi vun: Entweder du gëss eens domat oder net. Kloer ass, dës Emissioun vu Fiasko Fest ass online an der Mediathéik an iwwerall do, wou dir gäre Podcasts lauschtert, als ongeschnidde Live Versioun ze lauschteren.

  7. 24 maj

    S03E36 Heiansdo deet et wéi: Laurent Prim

    Fiasko Fest mam Laurent Prim ass warscheinlech eng vun den emotionaalste Sendunge fir de Luc Spada, zanterdeem hien iwwert all déi Momenter, déi net sou gutt lafen, um Radio 100,7 schwätzt . Et ass schwéier eppes ze beschreiwen, wat ee vergiesse well, obwuel et geschitt ass. Et muss een also leiere matt eppes ëmgoen, wat een net well, dass et geschitt ass. Mee och wann een et vergiess huet, heescht dat eben net, dass et ni geschitt ass. Den Ëmgang domadder, ouni sech elo engem Label zouuerdnen ze loossen, dat ass dat, ëm wat et geet. D’Muecht iwwert sech zeréck gewannen. An villäicht ass dat och genau de Grond, wisou et des Sendung gëtt.

  8. 17 maj

    S03E35 Heiansdo deet et wéi: Simone Asselborn-Bintz

    Ween ass d’Simone Asselborn Bintz? Virun allem eng Fra vun hirem Mann, Mamm vu Kanner. Oder: Virun allem eng Partnerin. Dat ass wichteg ze wëssen. Esou fänkt d’Sendung un. An sou geet et weider: Heiansdo wier si och gären e Mann. Dofir gëtt et och e Grond. De gitt dir dann exklusiv bei Fiasko Fest mam Luc Spada gewuer. Mee och: D’Sendung fänkt lëschteg un, mä wéi et sech fir Loser gehéiert, ass net ëmmer alles sou einfach: et muss ee Shitstormen aushalen, méi al ginn an ëmmer dru bleiwen.

Wyświetl wszystko (107)

O programie

Mir maache Plaz fir d'Scheiteren. Eng Bün fir Verléierinnen a Verléierer. Eng Anti-Haltung zu éiweger Leeschtung ...

Informacje

  • Kanał
    Radio 100,7
  • Twórca
    radio 100,7
  • Lata aktywności
    2024 - 2026
  • Odcinki
    107
  • Klasyfikacja
    Dla wszystkich
  • Prawa autorskie
    © Média de Service public 100,7
  • Witryna programu
    Fiasko Fest

Więcej od: Radio 100,7

Możesz również polubić